ସ୍ଥାନୀୟ ଜିଲ୍ଲା ପୁଲିସ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏସପି ଶ୍ରୀ କୁମାର ସୂଚନା ଦେଇ କହିଛନ୍ତି ଯେ, ଗତ ଫେବୃଆରୀ ମାସରେ ନିଖିଲ ଇନ୍ଦୁଙ୍କ ସମେତ ୧୫ ଜଣ ମାଓବାଦୀ ଆତ୍ମସମର୍ପଣ କରିଥିଲେ। ଏହାପରେ ସୁରକ୍ଷାକର୍ମୀମାନେ ରାୟଗଡ଼ା-କନ୍ଧମାଳ ସୀମାନ୍ତ ଅଞ୍ଚଳରେ ରହିଥିବା ମୁନିଗୁଡ଼ା ଓ ଆମ୍ବଦଳା ଥାନା ଅନ୍ତର୍ଗତ ପାଜିଗାରେଗା ଗ୍ରାମ ନିକଟସ୍ଥ ଜଙ୍ଗଲ, ଆମ୍ବ୍ରିଖୋଲ ଗ୍ରାମ ଏବଂ ପତ୍ରାଣୀ ଗ୍ରାମର ଜଙ୍ଗଲରେ ଏହି ବିପୁଳ ବିସ୍ଫୋରକ ଓ ସାମଗ୍ରୀ ଜବତ କରିଥିଲେ।

ଡିଭିଏଫ୍‌ ଦ୍ଵାରା ଜବତ ହୋଇଥିବା ବିସ୍ଫୋରକ ଓ ସାମଗ୍ରୀ ମଧ୍ୟରେ ୪୧୫ ଟି ଡିଟୋନେଟର, ୮ ବଣ୍ଡଲ କୋର୍ଡେକ୍ସ, ୩ଟି ବ୍ୟାଗରେ ୨୯ କେଜି ଉଚ୍ଚ ବିସ୍ଫୋରକ ସାମଗ୍ରୀ, ୨ଟି ସିଙ୍ଗଲ ସଟ ଗନ୍, ଗୋଟିଏ ବିଜିଏଲ (BGL) ବନ୍ଧୁକ, ଗୋଟିଏ ଲାପଟପ, ଚାର୍ଜର, ୨ଟି ଇଲେକ୍ଟ୍ରିକ୍ ୱାଇର ବଣ୍ଡଲ, ଲାଲ କପଡ଼ା ଓ ପ୍ଲାଷ୍ଟିକ କଣ୍ଟେନର ରହିଛି।

ରାୟଗଡ଼ା ଜିଲ୍ଲା ମାଓମୁକ୍ତ ହୋଇଛି କି ନାହିଁ ବୋଲି ଗଣମାଧ୍ୟମର ପ୍ରଶ୍ନରେ ଜିଲ୍ଲା ପୁଲିସ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି। ଏସପି ଶ୍ରୀ କୁମାର କହିଛନ୍ତି ଯେ, ରାୟଗଡ଼ା ଜିଲ୍ଲାରେ ମାଓବାଦୀଙ୍କ ଗତିବିଧି ବିଶେଷ ନାହିଁ। ଏନେଇ ଏଡିଜି ନକ୍ସଲଙ୍କୁ ସୂଚନା ଦିଆଯାଇଛି। ଜିଲ୍ଲାରେ ମାତ୍ର ହାତଗଣତି ସଂଖ୍ୟାରେ ନକ୍ସଲ ରହିଥିବା ସେ ଉଲ୍ଲେଖ କରିଛନ୍ତି।

କାଶିପୁର ବ୍ଲକର ସର୍ବେଶ ମାଝି ଓରଫ ମଙ୍ଗୁରଙ୍କ ସ୍ଥିତି ସମ୍ପର୍କରେ ପଚରାଯିବାରୁ, ଏସପି ସ୍ଵାଥୀ ଏସ କୁମାର ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯେ, ବର୍ତ୍ତମାନ ସେ କନ୍ଧମାଳ-ଗଞ୍ଜାମ ସୀମାନ୍ତ ଅଞ୍ଚଳରେ ଗତିବିଧି କରୁଛନ୍ତି।

The post ରାୟଗଡ଼ାରେ ବହୁ ବିସ୍ଫୋରକ ସହ ମାଓ ସାମଗ୍ରୀ ଜବତ appeared first on Sanket Tv.

ମାଓ ନେତା ଅନମୋଲ ସଂସ୍ପର୍ଶରେ ଆସି ଗତ ଦୁଇ ବର୍ଷ ପୂର୍ବରୁ ମାଓ ସଂଗଠନରେ ସାମିଲ ହୋଇଥିବା ମଙ୍ଗଡ଼ି ହୋନହଗା ନାମକ ଜଣେ ମହିଳା ମାଓବାଦୀ ରାଉରକେଲା ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ସେ ମାଓ ସଂଗଠନର ଏଲ୍.ଜି.ଏସ୍.ଏମ୍ (ଗରିଲ୍ଲା ସ୍କ୍ୱାଡ୍)ର ଜଣେ ସକ୍ରିୟ ସଦସ୍ୟା ଭାବେ କାର୍ଯ୍ୟ କରୁଥିଲେ। ମଙ୍ଗଡିଙ୍କ ଘର ଝାଡ଼ଖଣ୍ଡ ରାଜ୍ୟର ପଶ୍ଚିମ ସିଂହଭୂମ ଜିଲ୍ଲାର ଛୋଟାନାଗରା ଥାନା ଅନ୍ତର୍ଗତ ହୋଲୋମୁଲି ଗାଁରେ।

ସେ ମାଓବାଦୀଙ୍କ ଦ୍ୱାରା ଅନୁପ୍ରାଣିତ ହୋଇ ସଂଗଠନରେ ସାମିଲ ହୋଇଥିଲେ ଏବଂ ଅନେକ ହିଂସାତ୍ମକ କାର୍ଯ୍ୟକଳାପରେ ଜଡ଼ିତ ଥିଲେ। ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ବିଶେଷ କରି ବାଙ୍କ ପଥର ଖଣି ବିସ୍ଫୋରଣ ଏବଂ ରେଳପଥରେ ଆଇ.ଇ.ଡି ବିସ୍ଫୋରଣ ଭଳି ଘଟଣାରେ ତାଙ୍କର ସଂପୃକ୍ତି ରହିଛି।

ଆଜି ସେ ବିଧିବଦ୍ଧ ଭାବେ ରାଉରକେଲା ପୋଲିସ ସମ୍ମୁଖରେ ଆତ୍ମସମର୍ପଣ କରିଛନ୍ତି। ସରକାରଙ୍କ ନିୟମ ଅନୁଯାୟୀ ତାଙ୍କୁ ୨ ଲକ୍ଷ ୬୫ ହଜାର ଟଙ୍କାର ଆର୍ଥିକ ସହାୟତା ସହ ପୁନର୍ବାସ ଯୋଜନାରେ ଅନ୍ୟାନ୍ୟ ସୁବିଧା ପ୍ରଦାନ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି।

The post ରାଉରକେଲା ପୋଲିସ ନିକଟରେ ଆତ୍ମସମର୍ପଣ କଲେ ମହିଳା ମାଓବାଦୀ appeared first on Sanket Tv.

ସୂଚନା ଅନୁଯାୟୀ, ପେନସନଭୋଗୀଜଣକଙ୍କର ବିଲ୍ ପାସ୍ କରାଇଦେବା ବଦଳରେ ସରୋଜ ସାହୁ ଲାଞ୍ଚ ଦାବି କରୁଥିଲେ। ଏହାପୂର୍ବରୁ ସେ ଉକ୍ତ ପେନସନଭୋଗୀଙ୍କଠାରୁ ୪,୦୦୦ ଟଙ୍କା ନେଇଥିବା ବେଳେ ଆଜି ଅତିରିକ୍ତ ୩,୦୦୦ ଟଙ୍କା ନେଉଥିଲେ। ଭିଜିଲାନ୍ସ ଟିମ୍ ଏହି ଟଙ୍କା ନେବା ବେଳେ ତାଙ୍କୁ ଧରିବାରେ ସଫଳ ହୋଇଥିଲା।

ଟ୍ରାପ୍ ପରେ ଭିଜିଲାନ୍ସ ପକ୍ଷରୁ ସରୋଜ ସାହୁଙ୍କ ଆୟ ବହିର୍ଭୂତ ସମ୍ପତ୍ତି ଯାଞ୍ଚ ଆରମ୍ଭ କରାଯାଇଛି। ଏକକାଳୀନ ଦୁଇଟି ସ୍ଥାନରେ ଚଢ଼ାଉ ଜାରି ରହିଛି। ଖଣ୍ଡପଡ଼ା ସବ୍-ଟ୍ରେଜେରୀର ସିନିଅର ଆସିଷ୍ଟାଣ୍ଟ ସରୋଜ କୁମାର ସାହୁଙ୍କ ବାସଭବନରେ ଭିଜିଲାନ୍ସର ୫ ଜଣିଆ ଟିମ୍ ଖାନତଲାସି କରୁଛି। ଏହି ଘଟଣାରେ ଆଗାମୀ ତଦନ୍ତ ଜାରି ରହିଛି।

The post ୩ ହଜାର ଟଙ୍କା ଲାଞ୍ଚ ନେଇ ଧରା ପଡ଼ିଲେ ସବ୍-ଟ୍ରେଜେରୀ କର୍ମଚାରୀ appeared first on Sanket Tv.

ସୂଚନା ଅନୁଯାୟୀ, ଜଣେ ଜମି ମାଲିକ ଗତ ୧୦ ତାରିଖରେ ରାଜସ୍ୱ ବିଭାଗର ନିର୍ଦ୍ଦେଶାବଳୀ ଅନୁସାରେ ଅନଲାଇନରେ ଏକ ଆବେଦନ କରିଥିଲେ। ଅଭିଯୁକ୍ତ ଆରଆଇ ଶ୍ରୀ ବାନ୍ଦ୍ରା ତାଙ୍କ ପତିତ ଜମିକୁ ହୋମଷ୍ଟେଡ୍ ଜମିରେ ପରିବର୍ତ୍ତନ କରିବା ପାଇଁ ୩୦,୦୦୦ ଟଙ୍କା ଲାଞ୍ଚ ଦାବି କରିଥିଲେ। ଯଦି ତାଙ୍କୁ ଲାଞ୍ଚ ନଦିଆଯାଏ, ତେବେ ସେ ଅନୁକୂଳ ରିପୋର୍ଟ ପ୍ରଦାନ କରିପାରିବେ ନାହିଁ ବୋଲି ଶ୍ରୀ ବାନ୍ଦ୍ରା ଜମି ମାଲିକଙ୍କୁ କହିଥିଲେ।

ଏହି କଥାରେ ବିରକ୍ତ ହୋଇ ଜମି ମାଲିକ ଭିଜିଲାନ୍ସ କର୍ତ୍ତୃପକ୍ଷଙ୍କୁ ସବୁ କଥା ଅବଗତ କରିଥିଲେ। ପୂର୍ବ ଯୋଜନା ଅନୁସାରେ ଆଜି ଭିଜିଲାନ୍ସର ଏକ ଟିମ୍ ଶ୍ରୀ ବାନ୍ଦ୍ରାଙ୍କ କାର୍ଯ୍ୟାଳୟରେ ଜମି ମାଲିକଙ୍କଠାରୁ ୩୦,୦୦୦ ଟଙ୍କା ଲାଞ୍ଚ ନେଉଥିବା ସମୟରେ ଅତର୍କିତ ଚଢ଼ାଉ କରି ତାଙ୍କୁ ଧରିଥିଲା। ଅଭିଯୁକ୍ତଙ୍କ କବଜାରୁ ଲାଞ୍ଚ ଟଙ୍କା ଜବତ କରାଯାଇଛି।

ସେହିପରି, ଅଭିଯୁକ୍ତଙ୍କ ନାଁରେ ସଙ୍ଗୀନ ଅଭିଯୋଗ ରହିଛି। କୁଆଡ଼େ ଲାଞ୍ଚ ବାବଦରେ ଟଙ୍କା ନଦେଲେ ଧମକ ଦେଇଥିଲେ। ଭିଜିଲାନ୍ସ ବିଭାଗ ତାଙ୍କ ବାସଭବନ ସମେତ ଦୁଇଟି ସ୍ଥାନରେ ଏକକାଳୀନ ଯାଞ୍ଚ କରୁଛି।

The post ୩୦ ହଜାର ଟଙ୍କା ଲାଞ୍ଚ ନେଇ ଧରା ପଡ଼ିଲେ ରାଜସ୍ୱ ନିରୀକ୍ଷକ appeared first on Sanket Tv.

ଏହି ଚଢ଼ାଉରେ ଭିଜିଲାନ୍ସର ୩ ଜଣ ଡିଏସପି, ୭ ଜଣ ଇନିସ୍ପେକ୍ଟର ଏବଂ ଅନ୍ୟ କର୍ମଚାରୀ ସାମିଲ ଅଛନ୍ତି। ବ୍ରହ୍ମପୁର ସ୍ୱତନ୍ତ୍ର ଭିଜିଲାନ୍ସ ଜଜଙ୍କ ଅନୁମତି କ୍ରମେ ଏହି ଚଢ଼ାଉ କରାଯାଉଛି। ପଞ୍ଚୁ ବେହେରାଙ୍କ ବ୍ରହ୍ମପୁର ବସନ୍ତବିହାରସ୍ଥିତ ତିନି ମହଲା ଆବାସିକ ଘର, ଭଞ୍ଜନଗର ସରକାରୀ କ୍ୱାଟର, ଅଫିସ୍, ପୋଲସରାରେ ଥିବା ପୈତୃକ ଘର ଏବଂ ବ୍ରହ୍ମପୁର ଭୀମନଗରରେ ଥିବା ସମ୍ପର୍କୀୟଙ୍କ ଘରେ ଭିଜିଲାନ୍ସ ଟିମ୍ ତଦନ୍ତ ଚଳାଇଛି।

ସେହିପରି, ଗତକାଲି ଲାଞ୍ଚ ନେଇ ଭିଜିଲାନ୍ସ ଜାଲରେ ପଡ଼ିଥିଲେ ଶିକ୍ଷା ବିଭାଗର ଜଣେ ଅଡିଟର। ଭୁବନେଶ୍ୱର ଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କ କାର୍ଯ୍ୟାଳୟର ଅଡିଟରଜଣଙ୍କୁ ଓଡ଼ିଶା ଭିଜିଲାନ୍ସ ଗିରଫ କରିଥିଲା। ଜଣେ କର୍ମଚାରୀଙ୍କ MACP ସ୍କିମ୍ ଅଧୀନରେ ବର୍ଦ୍ଧିତ ଦରମା ପାଇବା ପାଇଁ ଆବଶ୍ୟକ ‘ସର୍ଭିସ୍ ଭେରିଫିକେସନ୍’ କରିଦେବାକୁ ସେ ଲାଞ୍ଚ ନେଉଥିବା ବେଳେ ଧରାପଡ଼ିଥିଲେ।

ଗିରଫ ପରେ ଅଡିଟରଙ୍କ ଘରେ ଭିଜିଲାନ୍ସ ଚଢ଼ାଉ କରି ୨୮.୭୦ ଲକ୍ଷ ଟଙ୍କାରୁ ଅଧିକ ନଗଦ ଟଙ୍କା ଠାବ କରିଛି। ଏହି ଟଙ୍କାକୁ ଭିଜିଲାନ୍ସ ଜବତ କରିବା ସହ ଅଡିଟରଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛି।

The post ଅଡିଟରଙ୍କ ଘରେ ଭିଜିଲାନ୍ସ ଚଢାଉ, ଘରୁ ବାହାରିଲା ନଗଦ ୨୮ ଲକ୍ଷ ଟଙ୍କା appeared first on Sanket Tv.

ଗିରଫ ଅଭିଯୁକ୍ତ ହେଲା କଲିକତାର ରାହୁଲ ଜୟସ୍ୱାଲ (୩୬)। ତାଙ୍କ ଠାରୁ ମୋବାଇଲ, ସିମ୍ କାର୍ଡ ଓ ଅନ୍ୟାନ୍ୟ ଡିଜିଟାଲ ଡିଭାଇସ ଆଦି ଜବତ ହୋଇଛି। ଗିରଫ ପରେ ଅଭିଯୁକ୍ତଙ୍କୁ ସ୍ଥାନୀୟ କୋର୍ଟରେ ହାଜର କରାଯାଇଥିଲା। ତେବେ ରାହୁଲଙ୍କୁ ଟ୍ରାଞ୍ଜିଟ୍ ରିମାଣ୍ଡରେ ଓଡ଼ିଶା ଆଣୁଛି କ୍ରାଇମବ୍ରାଞ୍ଚ। କଟକ JMFC-3 କୋର୍ଟରେ ଅଭିଯୁକ୍ତ ରାହୁଲଙ୍କୁ ହାଜର କରାଯିବ ବୋଲି କ୍ରାଇମବ୍ରାଞ୍ଚ ପକ୍ଷରୁ ସୂଚନା ଦିଆଯାଇଛି। ଅଭିଯୁକ୍ତ ରାହୁଲ ଏମବିଏ ଗ୍ରାଜୁଏଟ ହୋଇଥିବା ବେଳେ ଏବେ ନିଜେ ବ୍ୟବସାୟ କରୁଛନ୍ତି।

ଏହି ମାମଲାରେ ଠକେଇର ଶିକାର ହୋଇଥିବା ଅଭିଯୋଗକାରୀ ଜଣକ ଅଧିକ ଲାଭ ପାଇବାକୁ ସାଇବର ଅପରାଧୀଙ୍କ ଜାଲରେ ଫସିଯାଇଥିଲେ। ସାଇବର ଠକ ଗ୍ୟାଙ୍ଗ ୨୦୨୫ ଜୁଲାଇ ୩୧ରେ ତାଙ୍କୁ ହ୍ୱାଟ୍ସଆପ୍ ମାଧ୍ୟମରେ ଯୋଗାଯୋଗ କରିଥିଲେ। ସେମାନଙ୍କ ଦ୍ବାରା ସେୟାର ମାର୍କେଟରେ ଟଙ୍କା ଲଗାଇଲେ ବହୁଗୁଣ ଲାଭ ମିଳିବ ବୋଲି ପ୍ରତିଶ୍ରୁତି ଦିଆଯାଇଥିଲା। ଫଳରେ ଅଭିଯୋଗକାରୀ ଠକଙ୍କ କଥାରେ ପଡ଼ି ଟଙ୍କା ନିବେଶ କରିବାକୁ ରାଜି ହୋଇଯାଇଥିଲେ।

ସାଇବର ଠକଙ୍କ କଥାରେ ପଡ଼ି ଅଭିଯୋଗକାରୀ ୨୦୨୫ ଅଗଷ୍ଟ ୧୨ରୁ ସେପ୍ଟେମ୍ବର ୨ ମଧ୍ୟରେ ୧୨ କୋଟି ୩୩ ଲକ୍ଷ ୫୫ ହଜାର ଟଙ୍କା ନିବେଶ ପାଇଁ ଦେଇ ଦେଇଥିଲେ। ଠକଙ୍କ ନିର୍ଦ୍ଦେଶ ଅନୁଯାୟୀ ବିଭିନ୍ନ ପର୍ଯ୍ୟାୟରେ ୫୨ଟି ଟ୍ରାଞ୍ଜାକ୍ସନରେ ସେ ୯ଟି ଆକାଉଣ୍ଟରେ ଟଙ୍କା ଟ୍ରାନ୍ସଫର୍ କରିଥିଲେ। ଏହାପରେ ଟ୍ରେଡିଂ ଆକାଉଣ୍ଟରୁ ଟଙ୍କା ଉଠାଇବାକୁ ଚାହିଁଥିଲେ। ହେଲେ ରିସ୍କ୍ କଣ୍ଟ୍ରୋଲ୍ ଟିମ୍ ବିଭିନ୍ନ ବାହାନା କରି ଟଙ୍କା ଛାଡ଼ିବାକୁ ମନା କରିଥିଲା। ପରେ ସେ ଠକେଇରେ ପଡ଼ିଥିବା ଜାଣିବାକୁ ପାଇଥିଲେ।

ଠକେଇର ଶିକାର ଅଭିଯୋଗକାରୀ ଜଣକ କ୍ରାଇମବ୍ରାଞ୍ଚର ଦ୍ୱାରସ୍ଥ ହୋଇଥିଲେ। ୨୦୨୫ ସେପ୍ଟେମ୍ବର ୬ରେ ଏନେଇ କ୍ରାଇମବ୍ରାଞ୍ଚ ସାଇବର ଥାନା ମାମଲା (ନଂ.୨୮/୨୦୨୫) ରୁଜୁ କରି ତଦନ୍ତ ଆରମ୍ଭ କରିଥିଲା। ତଦନ୍ତ ବେଳେ ୪ କୋଟି ୧୫ ଲକ୍ଷ ୫୦ ହଜାର ଟଙ୍କା ଅଭିଯୁକ୍ତ ରାହୁଲଙ୍କ ବ୍ୟାଙ୍କ ଆକାଉଣ୍ଟକୁ ଯାଇଥିବା ଜଣାପଡ଼ିଥିଲା। ଏହି ମାମଲାରେ ସମ୍ପୃକ୍ତ ଅନ୍ୟ ଅଭିଯୁକ୍ତମାନଙ୍କୁ ଧରିବାକୁ କ୍ରାଇମବ୍ରାଞ୍ଚ ପ୍ରୟାସ ଜାରି ରଖିଛି।

The post ଟ୍ରେଡିଂ ପ୍ଲାଟଫର୍ମରେ ୧୨.୩୩ କୋଟି ଠକେଇ, ପଶ୍ଚିମବଙ୍ଗରୁ ଅଭିଯୁକ୍ତ ଗିରଫ appeared first on Sanket Tv.

ଓଡ଼ିଶା ଭିଜିଲାନ୍ସ ସୂତ୍ରରୁ ପ୍ରାପ୍ତ ସୂଚନା ଅନୁଯାୟୀ, ଖୋର୍ଦ୍ଧା ଜିଲ୍ଲାର ଏକ ଡିଗ୍ରୀ କଲେଜର ଜଣେ କର୍ମଚାରୀଙ୍କ ସର୍ଭିସ୍ ବୁକ୍ (ସେବା ପୁସ୍ତିକା) ଅନୁଯାୟୀ MACP ଯୋଜନାରେ ଦରମା ନିର୍ଦ୍ଧାରଣ ବିବରଣୀର ସେବା ଯାଞ୍ଚ ଓ ଆବଶ୍ୟକୀୟ ସଂଶୋଧନ ପାଇଁ ଅଡିଟର ଅମ୍ବିକା ପ୍ରସାଦ ରଥ ୪ ହଜାର ଟଙ୍କା ଲାଞ୍ଚ ଦାବି କରିଥିଲେ। ଏନେଇ ଉକ୍ତ କର୍ମଚାରୀ ଭିଜିଲାନ୍ସରେ ଅଭିଯୋଗ କରିବା ପରେ ଗତକାଲି (ମଙ୍ଗଳବାର) ଭିଜିଲାନ୍ସ ଟିମ୍ ଜାଲ ବିଛାଇଥିଲା। ଅଡିଟର ଜଣକ କର୍ମଚାରୀଙ୍କଠାରୁ ଲାଞ୍ଚ ନେଉଥିବା ବେଳେ ଭିଜିଲାନ୍ସ ଟିମ୍ ଚଢ଼ାଉ କରି ତାଙ୍କୁ ଗିରଫ କରିଛି।

ଗିରଫ ପରେ ଭିଜିଲାନ୍ସ ଟିମ୍ ଭୁବନେଶ୍ୱରର ମଧୁସୂଦନ ନଗରରେ ଥିବା ତାଙ୍କ ଆବାସିକ କୋଠା ଏବଂ ତାଙ୍କ ଅଫିସ୍ ରୁମ୍ ତଲାସି କରିଥିଲା। ଏହି ତଲାସି ବେଳେ ତାଙ୍କ ଘରୁ ୨୭ ଲକ୍ଷ ୪୨ ହଜାର ୯ ଶହ ଟଙ୍କା ଏବଂ ଅଫିସ୍ ଟେବୁଲ ଡ୍ରୟରରୁ ୧ ଲକ୍ଷ ୨୮ ହଜାର ଟଙ୍କା ଜବତ ହୋଇଛି। ଫଳରେ ଲାଞ୍ଚ ଟଙ୍କା ସହ ମୋଟ ୨୮ ଲକ୍ଷ ୭୦ ହଜାର ୯ ଶହ ଟଙ୍କା ଜବତ ହୋଇଛି।

ଭିଜିଲାନ୍ସ ପକ୍ଷରୁ ଅଭିଯୁକ୍ତ ଅମ୍ବିକା ପ୍ରସାଦ ରଥଙ୍କୁ କୋର୍ଟ ଚାଲାଣ କରାଯାଇଛି। ଏହି ଘଟଣାରେ ଭୁବନେଶ୍ୱର ଭିଜିଲାନ୍ସ ଥାନାରେ କେସ୍ ନମ୍ବର ୪ (ତାରିଖ – ୨୪.୦୩.୨୦୨୬) ଦୁର୍ନୀତି ନିବାରଣ (ସଂଶୋଧନ) ଆଇନ, ୨୦୧୮ ଅନ୍ତର୍ଗତ ପଞ୍ଜିକୃତ ହୋଇଛି ଏବଂ ତଦନ୍ତ ଜାରି ରହିଛି।

ସୂଚନାଯୋଗ୍ୟ, ଅମ୍ବିକା ପ୍ରସାଦ ରଥ ୨୦୦୦ ମସିହାରେ ଭୁବନେଶ୍ୱର ଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କ କାର୍ଯ୍ୟାଳୟରେ ଅଡିଟର ଭାବରେ ସରକାରୀ ଚାକିରି ଆରମ୍ଭ କରିଥିଲେ। ତାଙ୍କର ପ୍ରାରମ୍ଭିକ ଦରମା ୬ ହଜାର ଟଙ୍କା ଥିଲା। ସେ ଉକ୍ତ କାର୍ଯ୍ୟାଳୟରେ ଅଡିଟର ପଦବୀରେ ୨୫ ବର୍ଷରୁ ଅଧିକ ସମୟ ଧରି କାର୍ଯ୍ୟ କରିଆସୁଛନ୍ତି।

The post ଭିଜିଲାନ୍ସ ଜାଲରେ ଆଞ୍ଚଳିକ ଶିକ୍ଷା ନିର୍ଦ୍ଦେଶକ କାର୍ଯ୍ୟାଳୟର ଅଡିଟର, ୨୮ ଲକ୍ଷ ଟଙ୍କା ଜବତ appeared first on Sanket Tv.

ବହୁଦିନ ଧରି ଶୁକ୍ରୁଙ୍କୁ ଗିରଫ କରିବାକୁ ଓଡ଼ିଶା ପୋଲିସ ପ୍ରୟାସ ଜାରି ରଖିଥିଲା। ତାଙ୍କୁ ଧରାଇଦେବା ପାଇଁ ୫୫ ଲକ୍ଷ ଟଙ୍କାର ପୁରସ୍କାର ରାଶି ମଧ୍ୟ ଘୋଷଣା କରାଯାଇଥିଲା। କନ୍ଧମାଳରେ ଗତ କିଛି ବର୍ଷ ହେବ ମାଓ ନେତା ଶୁକ୍ରୁ ବେଶ୍‌ ସକ୍ରିୟ ଥିଲେ। ଏପରିକି ସେ ‘ଏଇଟ୍‌ଥ କମ୍ପାନୀ’ ନାମରେ ଏକ ନୂଆ ସଂଗଠନ ମଧ୍ୟ ଚଳାଉଥିଲେ। ଶୁକ୍ରୁ ମାଓ ସଙ୍ଗଠନର ଷ୍ଟେଟ କମିଟି ସଦସ୍ୟ ଥିଲେ। ତାଙ୍କୁ ଆତ୍ମସମର୍ପଣ ପାଇଁ ଓଡ଼ିଶା ପୋଲିସ ପକ୍ଷରୁ ଅପିଲ୍‌ କରାଯାଇଥିଲା। ତାଙ୍କ ଆତ୍ମସମର୍ପଣ ପରେ ଓଡ଼ିଶାରେ ମାଓ ସଂଗଠନରେ ଆଉ କୌଣସି ବଡ଼ ନେତା ନଥିବା ଜଣାପଡ଼ିଛି।

ଅପରପକ୍ଷରେ, ମାର୍ଚ୍ଚ ୩୧ ସୁଦ୍ଧା ସବୁ ରାଜ୍ୟକୁ ମାଓବାଦୀମୁକ୍ତ କରିବାକୁ କେନ୍ଦ୍ର ସରକାର ଟାର୍ଗେଟ ଦେଇଛନ୍ତି। ଏହି ଧାର୍ଯ୍ୟ ତାରିଖ ସୁଦ୍ଧା ଓଡ଼ିଶାକୁ ମାଓବାଦୀମୁକ୍ତ କରିବାକୁ ରାଜ୍ୟ ପୋଲିସ ପକ୍ଷରୁ ପ୍ରୟାସ ଜାରି ରହିଛି। ବର୍ତ୍ତମାନ ମାତ୍ର ଏକ ଅଙ୍କ ସଂଖ୍ୟାରେ କିଛି ମାଓବାଦୀ ଥିବାବେଳେ ପୋଲିସ ପକ୍ଷରୁ ଜୋରଦାର କମ୍ବିଂ ଅପରେସନ କରାଯାଉଛି।

ଏହି ପ୍ରସଙ୍ଗରେ ବିଧାନସଭାରେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତିଙ୍କ ପ୍ରଶ୍ନର ଉତ୍ତରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଗତକାଲି (ସୋମବାର) ଗୁରୁତ୍ୱପୂର୍ଣ୍ଣ ସୂଚନା ଦେଇଥିଲେ। ମୁଖ୍ୟମନ୍ତ୍ରୀ କହିଥିଲେ, ‘କେନ୍ଦ୍ର ସରକାରଙ୍କ ସୁରକ୍ଷା ସମ୍ବନ୍ଧୀୟ ଖର୍ଚ୍ଚ (ଏସଆରଇ) ଯୋଜନା ଅନୁଯାୟୀ ବର୍ତ୍ତମାନ ରାଜ୍ୟର କେବଳ କନ୍ଧମାଳ ଜିଲ୍ଲାକୁ ମାଓବାଦୀ ପ୍ରଭାବିତ ଜିଲ୍ଲା ଭାବରେ ବିବେଚନା କରାଯାଉଛି। ମାଲକାନଗିରି, ନବରଙ୍ଗପୁର, ନୂଆପଡ଼ା, ବୌଦ୍ଧ, ବଲାଙ୍ଗୀର, କଳାହାଣ୍ଡି, କୋରାପୁଟ ଏବଂ ରାୟଗଡ଼ା ଜିଲ୍ଲାକୁ ଲିଗାସି ଓ ଥ୍ରଷ୍ଟ ଜିଲ୍ଲା ଭାବରେ ବିବେଚନା କରାଯାଉଛି। କିନ୍ତୁ ବାସ୍ତବରେ କନ୍ଧମାଳ-କଳାହାଣ୍ଡି-ରାୟଗଡ଼ା ଜିଲ୍ଲା ସୀମାନ୍ତବର୍ତ୍ତୀ ଅଳ୍ପ କିଛି ଅଞ୍ଚଳରେ ପ୍ରାୟ ୧୫ ଜଣ ମାଓବାଦୀଙ୍କ ଉପସ୍ଥିତି ବ୍ୟତୀତ ରାଜ୍ୟର ଅନ୍ୟ କୌଣସି ଅଞ୍ଚଳରେ ମାଓବାଦୀଙ୍କର ଉପସ୍ଥିତି ନାହିଁ। ମାର୍ଚ୍ଚ ୩୧ ତାରିଖ ସୁଦ୍ଧା ଓଡ଼ିଶାକୁ ସମ୍ପୂର୍ଣ୍ଣ ଭାବରେ ମାଓବାଦୀମୁକ୍ତ ରାଜ୍ୟ କରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି।’

The post ମାଓ ନେତା ଶୁକ୍ରୁଙ୍କ ସମେତ ୫ ମାଓବାଦୀଙ୍କଙ୍କ ଆତ୍ମସମର୍ପଣ appeared first on Sanket Tv.

ସୂଚନା ଅନୁସାରେ, କୌଣସି କଥାକୁ ନେଇ ଏକ ଗୋଷ୍ଠୀ ମଧ୍ୟରେ ଯୁକ୍ତିତର୍କ ହେବା ପରେ ଏହି ଗୁଳିକାଣ୍ଡ ଘଟିଛି। ଗୁଳିମାଡ଼ କରି ଦୁର୍ବୃତ୍ତମାନେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଗୁରୁତର ଉଭୟଙ୍କୁ ପ୍ରଥମେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ପରେ ଅବସ୍ଥା ଗୁରୁତର ହେବାରୁ ସେମାନଙ୍କୁ ଫକୀର ମୋହନ ମେଡିକାଲ କଲେଜ ଓ ହସ୍ପିଟାଲକୁ ସ୍ଥାନାନ୍ତର କରାଯାଇଛି।

ସହଦେବଖୁଣ୍ଟା ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଘଟଣାକୁ ନେଇ ସିଟି ଡିଏସପି ନିର୍ମଳା ଗୋଛାୟତ ସ୍ପଷ୍ଟୀକରଣ ଦେଇ କହିଛନ୍ତି ଯେ ଏହା କୌଣସି ଗୋଷ୍ଠୀ ସଂଘର୍ଷ କିମ୍ବା ଧାର୍ମିକ ମତାନ୍ତର ଜନିତ ଘଟଣା ନୁହେଁ। ବରଂ ଏକ ଗୋଷ୍ଠୀ ନିଜ ଭିତରେ କଥା କଟାକଟି ହେବା ପରେ ଏହି ଅଘଟଣ ଘଟିଛି।

ଏସଡିପିଓ କହିଛନ୍ତି ଯେ ପ୍ରାଥମିକ ତଦନ୍ତରୁ ଏହା ସ୍ପଷ୍ଟ ହୋଇଛି। ଏହି ଘଟଣାରେ ଏକାଧିକ ବ୍ୟକ୍ତିଙ୍କ ସମ୍ପୃକ୍ତି ରହିଛି ଏବଂ ପୋଲିସ ସେମାନଙ୍କୁ ଚିହ୍ନଟ କରିଛି। ଖୁବ୍ ଶୀଘ୍ର ଅଭିଯୁକ୍ତମାନଙ୍କୁ ଗିରଫ କରାଯିବ ବୋଲି ସେ କହିଛନ୍ତି। ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି।

ଉଲ୍ଲେଖଯୋଗ୍ୟ, କିଛି ଦିନ ଅନ୍ତରାଳରେ ବାଲେଶ୍ଵର ଜିଲ୍ଲାରେ ଏକାଧିକ ବାର ବନ୍ଧୁକ ଫୁଟିବା ଘଟଣା ଘଟି ଆଇନ ଶୃଙ୍ଖଳା ପରିସ୍ଥିତି ଉପରେ ପ୍ରଶ୍ନବାଚୀ ସୃଷ୍ଟି କରିଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଭୟଭୀତ ପରିବେଶ ସୃଷ୍ଟି କରିଛି।

The post ବାଲେଶ୍ଵରରେ ପୁଣି ଗୁଳିକାଣ୍ଡ: ୨ ଯୁବକ ଗୁରୁତର appeared first on Sanket Tv.

ମୃତ ଛାତ୍ରୀ ଜଣକ କରଞ୍ଜିଆ ସରସ୍ୱତୀ ଶିଶୁ ବିଦ୍ୟାମନ୍ଦିରର ୮ମ ଶ୍ରେଣୀରେ ପଢୁଥିଲେ ବୋଲି ସୂଚନା ମିଳିଛି। ଏହି ଘଟଣାରେ କରଞ୍ଜିଆ ପୋଲିସ ତଦନ୍ତ ଆରମ୍ଭ କରିଛି।

ସୂଚନାଯୋଗ୍ୟ ଯେ, ମୟୁରଭଞ୍ଜ ଜିଲ୍ଲା କରଞ୍ଜିଆ ସହର ବଣସାହିରେ ଥିବା ବନ ବିଭାଗ କାଠ ଡିପୋ ପଛପଟେ ଥିବା ଏକ ବାଉଁଶ ବୁଦା ମୂଳରୁ ମିଳିଛି ଅଖାରେ ଭର୍ତ୍ତି ହୋଇଥିବା ନାବାଳିକାଙ୍କ ମୃତଦେହ । ନିଖୋଜ ନାବାଳିକାଙ୍କ ଘର କରଞ୍ଜିଆ ବଣସାହିରେ ହୋଇଥିବା ବେଳେ, ଘର ଠାରୁ ମାତ୍ର ୫୦୦ ମିଟର ଦୂରରେ ପଡିଛି ଅଖାରେ ଭର୍ତ୍ତି ହୋଇଥିବା ନାବାଳିକାଙ୍କ ମୃତଦେହ । ଘଟଣାସ୍ଥଳରେ କରଞ୍ଜିଆ ପୋଲିସ ପହଞ୍ଚି ଛାନଭିନ ଜାରି ରଖିଛି । ପ୍ରାଥମିକ ତଦନ୍ତରୁ ତାଙ୍କୁ କେହି ହତ୍ୟାକରି ଫିଙ୍ଗି ଦେଇଥିବା ସନ୍ଦେହ କରାଯାଉଛି ।

ଶୁକ୍ରବାର ସନ୍ଧ୍ୟାରୁ ନାବାଳିକା ଜଣଙ୍କ ନିଖୋଜ ନେଇ କରଞ୍ଜିଆ ଥାନାରେ ଲିଖିତ ଅଭିଯୋଗ କରିଥିଲେ ନାବାଳିକାଙ୍କ ପରିବାର ଲୋକେ । ତେବେ ବାରିପଦାରୁ ସାଇଣ୍ଟିଫିକ୍ ଟିମ୍ ଆସିବା ପରେ ଅଧିକ ତଦନ୍ତ କରାଯିବ ବୋଲି ପୋଲିସ ସୂଚନା ଦେଇଛି ।

The post ଅଖା ଭିତରୁ ଉଦ୍ଧାର ହେଲା ନିଖୋଜ ଛାତ୍ରୀଙ୍କ ମୃତଦେହ appeared first on Sanket Tv.