ମହେନ୍ଦ୍ର ସିଂ ଧୋନି ତାଙ୍କଅଧିନାୟକତ୍ୱ ପଦରୁ ଇସ୍ତଫା ଦେବା ପରେ ଜଦ୍ଦୁଙ୍କ ଅଧିନାୟକତ୍ୱରେ ପଡିଆକୁ ଓହ୍ୱାଇବ ଟିମ୍‌ ସିଏସକେ । ପ୍ରଥମ ଦୁଇଟି ଆଇପିଏଲ୍ ସିଜନରେ ଅଲରାଉଣ୍ଡର ଜାଡେଜା ୪୩୦ ରନ୍ ସଂଗ୍ରହ କରିଥିଲେ । ଏହି ସମୟ ମଧ୍ୟରେ ପ୍ରଥମ ସିଜନରେ ୧୩୧.୦୬ ଷ୍ଟ୍ରାଇକ ରେଟରେ ସେ ୧୩୫ ରନ୍‌ ସ୍କୋର କରିଥିଲେ । ଏହି କାରଣରୁ, ଅଣ୍ଡରଡଗ୍‌ ଭାବରେ ବିବେଚିତ ରାଜସ୍ଥାନ ଦଳ ପ୍ରଥମ ସିଜନରେ ଟାଇଟଲ୍ ଜିତି ସାରିଥିଲା । ଜାଡେଜାଙ୍କ ଏହା ପୂର୍ବରୁ ସବୁଠୁ ଭଲ ବର୍ଷ ଥିଲା ୨୦୦୯ । ଅର୍ଥାତ ଯେତେବେଳେ ସେ ଟିମ୍ ଇଣ୍ଡିଆ ପାଇଁ ଅନ୍ତର୍ଜାତୀୟ ପଦାର୍ପଣ କରିଥିଲେ । ସେତେବେଳେ ଜାଡେଜା ଏହାର ସର୍ବୋତ୍ତମ ଫଳାଫଳ ପାଇଥିଲେ ।

ଶ୍ରୀଲଙ୍କା ବିପକ୍ଷରେ ୨୦୦୯ରେ ଫେବୃୟାରୀ ୮ରେ ଡେବ୍ୟୁ କରିଥିଲେ । ଏହା ପରେ, ଜାଡେଜାଙ୍କ ଜୀବନରେ ୨୦୧୦ ଥିଲା ଅଭିଶପ୍ତ ବର୍ଷ । ଏହି ସମୟରେ ତାଙ୍କୁ ଆଚରଣ ବିଧି ଉଲ୍ଲଂଘନ କରିବା ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ବର୍ଷେ ପାଇଁ ବାସନ୍ଦ କରାଯାଇଥିଲା ।ବାସ୍ତବରେ, ୨୦୦୯ ଆଇପିଏଲ୍ ସିଜନ ପରେ ଜାଡେଜାଙ୍କ ବିରୋଧରେ ଏକ ଅଭିଯୋଗ ଦାଖଲ କରାଯାଇଥିଲା । ରାଜସ୍ଥାନ ଦଳ ସହିତ ଚୁକ୍ତି କରୁଥିବାବେଳେ ସେ ଅନ୍ୟ ଫ୍ରାଞ୍ଚାଇଜ ସହିତ ଉତ୍ତମ ଅର୍ଥ ସହିତ କାରବାର କରିବାକୁ ଚେଷ୍ଟା କରୁଥିବା ଅଭିଯୋଗ ହୋଇଥିଲା ।

ରାଜସ୍ଥାନ ଦଳ ତିନି ସିଜିନ ପାଇଁ ୨୦୦୮ରେ ଜାଡେଜାଙ୍କ ସହ ଚୁକ୍ତି କରିଥିଲା । ତେବେ, ଜାଡେଜା କେବଳ ୨୦୦୯ ପର୍ଯ୍ୟନ୍ତ ଦଳ ସହିତ ରହିବାକୁ ଚାହୁଁଥିଲେ । ଏହାରି ପରିସ୍ଥିତିରେ ଜାଡେଜାଙ୍କୁ ଦୋଷୀ ସାବ୍ୟସ୍ତ କରି ତାଙ୍କୁ ଏକ ବର୍ଷ ପାଇଁ ବାସନ୍ଦ କରାଯାଇଥିଲା । ଆଇପିଏଲ ପରିଚାଳନା ପରିଷଦର ଏକ ବିବୃତ୍ତି ଅନୁଯାୟୀ ଜାଡେଜା ମୁମ୍ବାଇ ଇଣ୍ଡିଆନ୍ସ ଫ୍ରାଞ୍ଚାଇଜ ସହିତ ଏକ ଚୁକ୍ତି କରିବାକୁ ଚେଷ୍ଟା କରିଥିଲେ । ତାପରେ ସେ ମୁମ୍ବାଇ ଦଳର ପ୍ରତିନିଧୀଙ୍କ ନିକଟକୁ ଡକ୍ୟୁମେଣ୍ଟ ପଠାଇବାକୁ ମଧ୍ୟ ପ୍ରସ୍ତାବ ଦେଇଥିଲେ ।

ରବିନ୍ଦ୍ର ଜାଡେଜା ଏପର୍ଯ୍ୟନ୍ତ ଆଇପିଏଲରେ ୨୦୦ଟି ମ୍ୟାଚ୍ ଖେଳିଛନ୍ତି ଯେଉଁଥିରେ ସେ ହାରାହାରି ୨୭.୧୧ ହାରରେ ୨୩୮୬ ରନ୍ ସଂଗ୍ରହ କରିଛନ୍ତି । ଏହି ସମୟ ମଧ୍ୟରେ ଜାଡେଜା ଦୁଇଟି ଅର୍ଦ୍ଧଶତକ ମଧ୍ୟ ଲଗାଇଛନ୍ତି । ସେ ତାଙ୍କ ଆଇପିଏଲ କ୍ୟାରିୟରରେ ୧୨୭ ଟି ୱିକେଟ୍‌ ନେଇଛନ୍ତି । ଗୋଟିଏ ମ୍ୟାଚରେ ୧୬ ରନ୍‌ ପାଇଁ ୫ଟି ୱିକେଟ୍ ହାସଲ କରିବା ଯାହା ଜାଡେଜାଙ୍କ ସର୍ବୋତ୍ତମ ପ୍ରଦର୍ଶନ ଅଟେ । ଏଥର ଚେନ୍ନାଇ ଟିମ୍ ଜାଡେଜା ଏବଂ ଧୋନୀଙ୍କ ସମେତ ୪ ଜଣ ଖେଳାଳିଙ୍କୁ ରିଟେନ୍ କରିଛି । ଜାଡେଜାଙ୍କୁ ୧୬ କୋଟି ଟଙ୍କାରେ ରିଟେନ୍ କରିଥିଲେ ଫ୍ରାଞ୍ଚାଇଜ୍ ।

ଯଦିଓ ଧୋନିଙ୍କୁ ଏହି ସିଜନରେ କେବଳ ୧୨କୋଟିରେ ରଖାଯାଇଥିଲା । ଏଥିରୁ ସ୍ପଷ୍ଟ ଅନୁମାନ କରାଯାଉଥିଲା ଯେ ଜାଡେଜାଙ୍କୁ ଅଧିନାୟକ କରାଯିବାର ଯଥେଷ୍ଟ ସମ୍ଭାବନା ଅଛି । ସେମାନଙ୍କ ବ୍ୟତୀତ ମୋଏନ୍ ଅଲିଙ୍କୁ ୮ କୋଟିରେ ଏବଂ ରିତୁରାଜ ଗାଇକୱାଡଙ୍କୁ ୬ କୋଟିରେ କିଣାଯାଇଥିଲା । ୨୦୧୨ରେ ଜାଡେଜା ଚେନ୍ନାଇ ସହ ସାମିଲ ହୋଇଥିଲେ । ସେ ସିଏସକେର ତୃତୀୟ କ୍ୟାପଟେନ୍ ହେବେ । ମହେନ୍ଦ୍ର ସିଂ ଧୋନୀ ଆଇପିଏଲ୍ ଅର୍ଥାତ ୨୦୦୮ ର ପ୍ରଥମ ସିଜନ୍ ଠାରୁ ଦଳର ନେତୃତ୍ୱ ନେଉଥିଲେ । ୨୧୩ ମ୍ୟାଚରେ ଅଧିନାୟକତ୍ୱ କରୁଥିବାବେଳେ ଧୋନି ଦଳକୁ ୧୩୦ଟି ମ୍ୟାଚରେ ବିଜୟୀ କରାଇଛନ୍ତି । ସୁରେଶ ରାଇନା ମଧ୍ୟ ୬ ଟି ମ୍ୟାଚରେ ଅଧିନାୟକତ୍ୱ କରିଛନ୍ତି । ଯେଉଁଥିରୁ ଦଳର କେବଳ ଦୁଇଟି ମ୍ୟାଚ୍ ଜିତିଛନ୍ତି ।

The post ଅଧିନାୟକ ପଦ ଛାଡ଼ିଲେ ଧୋନୀ, ଜାଡେଜା ଏବେ ସିଏସ୍‌କେର ନୂଆ କେପଟେନ୍ appeared first on Sanket Tv.

ପ୍ରଥମେ ବ୍ୟାଟିଂ କରି ବେଙ୍ଗାଲୁରୁ ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ହରାଇ ୧୩୮ ରନ କରିଥିଲା। ଦଳ ପକ୍ଷରୁ ଅଧିନାୟକ ବିରାଟ କୋହଲି ସର୍ବାଧିକ ୩୯ ରନ କରିଥିଲେ। ଅନ୍ୟମାନଙ୍କ ମଧ୍ୟରେ ଦେବଦତ୍ତ ପାଡିକଲ ୨୧, ମ୍ୟାକ୍ସଓ୍ଵେଲ ୧୫, ଏବି ଡିଭିଲିୟର୍ସ ୧୧, ଶାହାବାଜ ଅହମ୍ମଦ ୧୩ ରନ କରିଥିଲେ। କୋଲକାତା ପକ୍ଷରୁ ସୁନିଲ ନାରିନେ ୨୧ ରନ ଦେଇ ୪ ଓ୍ଵିକେଟ୍ ନେଇଥିଲେ।

ଜବାବରେ ବ୍ୟାଟସମ୍ୟାନଙ୍କ ମିଳିତ ଯୋଗଦାନରେ କୋଲକାତା ୧୯.୪ ଓଭରରେ ୬ ଓ୍ଵିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରି ନେଇଛି। ଦଳ ପକ୍ଷରୁ ସୁନିଲ ନାରିନେ ୨୬ ରନ କରିଥିଲେ। ଶୁଭମାନ ଗିଲ୍ ୨୯, ଭେଙ୍କଟେଶ ଆୟର ୨୬, ନୀତିଶ ରାଣା ୨୩ ରନ କରିଥିଲେ। ସାକିକ ଉଲ ହାସନ ୯ ରନ ଏବଂ ମୋର୍ଗାନ ୫ ରନରେ ଅପରାଜିତ ଥିଲେ। ଆରସିବି ପକ୍ଷରୁ ୟୁଜବେନ୍ଦ୍ର ଚହଲ ୧୬ ରନ ଦେଇ ୨ ଓ୍ଵିକେଟ୍, ମହମ୍ମଦ ସିରାଜ ୧୯ ରନ ଦେଇ ଦୁଇ ଏବଂ ହର୍ଷଳ ପଟେଲ୍ ୨ ଓ୍ଵିକେଟ୍ ନେଇଥିଲେ।

ଏଥିସହ ବିରାଟ କୋହଲିଙ୍କ ଆରସିବିର ଅଧିନାୟକ ଭାବେ ଖେଳର ପୂର୍ଣ୍ଣଛେଦ ପଡିଛି। ସେ ଆଉ ଆଇପିଏଲରେ ଅଧିନାୟକ ହେବେ ନାହିଁ ବୋଲି ଘୋଷଣା କରିଥିଲେ ।

The post ଆଇପିଏଲ୍ : ଏଲିମିନେଟରରେ ଆରସିବିକୁ ହରାଇ ବାଜି ମାରିଲା କୋଲକାତା appeared first on Sanket Tv.

ହିନ୍ଦୀ ଭାଷା ପାଇଁ ଚୟନ କରାଯାଇଥିବା ଭାଷ୍ୟକାରଙ୍କ ମଧ୍ୟରେ ଆକାଶ ଚୋପ୍ରା, ଇରଫାନ ପଠାନ, ଗୌତମ ଗମ୍ଭୀର, ପାର୍ଥିବ ପଟେଲ୍, ନିଖିଲ ଚୋପ୍ରା, ତାନ୍ୟା ପୁରୋହିତ, କିରଣ ମୋରେ, ଜତିନ ସପ୍ରୁ ଏବଂ ସୁରେଶ ସୁନ୍ଦରମଙ୍କ ନାମ ସାମିଲ ରହିଛି।

ସେହିପରି ଇଂରାଜୀ ଭାଷା ପାଇଁ ହର୍ଷ ଭୋଗଲେ, ସୁନିଲ ଗାଭାସ୍କର, ଏଲ ଶିବରାମକୃଷ୍ଣ, ମୁରଲୀ କାର୍ତ୍ତିକ, ଦୀପଦାସ ଗୁପ୍ତା, ଅଞ୍ଜୁମ ଚୋପ୍ରା, କେଭିନ ପିଟରସନ, ଇଆନ ବିଶୋପ, ମାଥ୍ୟୁ ହେଡେନ, ଏଲନ ଓ୍ଵିଙ୍କଲିନ୍ସ, ଡେନି ମାରିସନ, ସାଇମନ ଡୁଲ, ପୌମି ମାମ୍ବ୍ୟା ଓ ନିକୋଲସା ନାଇଟ୍‌ଙ୍କୁ ସାମିଲ୍ କରାଯାଇଛି।

ଆଇପିଏଲ୍‌ ୨୦୨୧ର ଦ୍ଵିତୀୟ ପର୍ଯ୍ୟାୟ ସେପ୍ଟେମ୍ବର ୧୯ରୁ ଆରମ୍ଭ ହେଉଛି। ଏଥିରେ ୨୭ ଦିନରେ ମୋଟ୍ ୩୧ଟି ମ୍ୟାଚ୍ ଖେଳାଯିବ। ସମସ୍ତ ମ୍ୟାଚ୍‌ ୟୁଏଇର ତିନୋଟି ଗ୍ରାଉଣ୍ଡରେ ଖେଳାଯିବ। ଏଥିରେ ଦୁବାଇ ସ୍ଥିତ ଦୁବାଇ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମ, ଆବୁଧାବି ସ୍ଥିତ ଶେଖ ଜାୟଦ କ୍ରିକେଟ୍ ଷ୍ଟାଡିୟମ ଏବଂ ସାରଜା ସ୍ଥିତ ସାରାଜ କ୍ରିକେଟ୍ ଷ୍ଟାଡିୟମର ନାମ ସାମିଲ୍ ରହିଛି।

The post ଆଇପିଏଲ ୨୦୨୧ର ଦ୍ଵିତୀୟ ପର୍ଯ୍ୟାୟ ପାଇଁ କମେଣ୍ଟ୍ରି ଟିମ୍ ଘୋଷଣା appeared first on Sanket Tv.