ହୋଲି ଦିନ ସମସ୍ତେ ଘରେ ରହି ହୋଲି ଖେଳିବା ପାଇଁ ରାଜ୍ଯ ସରକାର ନିର୍ଦେଶ ଦେଇଥିଲେ । ବାହାରେ ବୁଲି ହୋଲି ଖେଳିବା ଉପରେ କଟକଣା ଲଗାଯାଇଥିଲା । ଏହି କଟକଣାର ତଦାରଖ କରୁଥିଲା ପୋଲିସ । ହେଲେ ଯାଜପୁରରେ ନିଜେ ପୋଲିସ ଏହି କଟକଣା ଭାଙ୍ଗିଥିଲା । ଯାଜପୁର ଜିଲ୍ଲା ପାଣିକୋଇଲି ଥାନା ଭିତରେ ପୋଲିସ ୟୁନିଫର୍ମରେ ରଙ୍ଗ ଖେଳ ସହ ଜମିଥିଲା ନାଚଗୀତର ଆସର ।ତାଳ ସହ ତାଳ ମିଶାଇ ଛନ୍ଦରେ ଗୋଡ଼ ଛନ୍ଦି ଚାଲିଛନ୍ତି ପୋଲିସ ବାବୁ, ତାହା ପୁଣି ଥାନା ଭିତରେ । ଭାଇରାଲ୍ ଭିଡିଓରେ ପୋଲିସ କର୍ମଚାରୀମାନେ ସମ୍ପୂର୍ଣ୍ଣ ପୁଲିସ୍ ୟୁନିଫର୍ମରେ ରଙ୍ଗ ବୋଳାବୋଳି ହୋଇ ନୃତ୍ୟ ଗୀତ କରୁଥିବା ଦେଖିବାକୁ ମିଳିଛି। ଭାଇରାଲ୍ ଭିଡିଓରେ ଖୋଦ୍ ଥାନା ଅଧିକାରୀ ଚକ୍ରପତି କଅଁରଙ୍କ ସମେତ ୨ ଜଣ ଏଏସଆଇ, ୨ ଜଣ ଗୃହରକ୍ଷୀ ଓ ଅନ୍ୟ କେତେଜଣ ପୋଲିସ କର୍ମଚାରୀ ଏଥିରେ ସାମିଲ୍ ଅଛନ୍ତି ।

The post ଥାନା ଭିତରେ ନାଗିନ ଡ୍ୟାନ୍ସ କଲେ ରଙ୍ଗିଲା ପୋଲିସ କର୍ମଚାରୀ appeared first on Sanket Tv.