ପ୍ରଥମ ଦୁର୍ଘଟଣାଟି ଘଟିଛି କରଞ୍ଜିଆ ଥାନା ଅନ୍ତର୍ଗତ କାଳିକାପୁର ଜଙ୍ଗଲ ନିକଟରେ। ସେଠାରେ ସ୍କର୍ପିଓ ଓ ବାଇକ୍ ମୁହାଁମୁହିଁ ଧକ୍କା ହୋଇଥିଲା। ସ୍କର୍ପିଓ ଧକ୍କାରେ ବାଇକ୍ରେ ଥିବା ସ୍ୱାମୀସ୍ତ୍ରୀଙ୍କ ମୃତ୍ୟୁ ଘଟିଥିଲା। ମୃତ ଦମ୍ପତି ହେଲେ ଶଙ୍କର ନାୟକ ଓ ତାଙ୍କ ପତ୍ନୀ କବିତା। ସେମାନଙ୍କ ଘର ମୟୂରଭଞ୍ଜ ଜିଲ୍ଲା ଜଶିପୁର ଥାନା ଅନ୍ତର୍ଗତ ପାଣ୍ଠ ଗାଁରେ ବୋଲି ଜଣାପଡ଼ିଛି। ଅନ୍ୟପକ୍ଷରେ ସ୍କର୍ପିଓରେ ଥିବା ଦୁଇ ଜଣ ମହିଳା ଆହତ ହୋଇଛନ୍ତି। ସେମାନଙ୍କୁ କରଞ୍ଜିଆ ମେଡ଼ିକାଲରେ ଭର୍ତ୍ତି କରାଯାଇଛି।

ସେହିପରି ଦ୍ୱିତୀୟ ମର୍ମନ୍ତୁଦ ସଡ଼କ ଦୁର୍ଘଟଣାଟି ଘଟିଛି କାଦଡ଼ିହା ଜଙ୍ଗଲ ନିକଟରେ। କରଞ୍ଜିଆ ଥାନା ଅନ୍ତର୍ଗତ କାଦଡ଼ିହା ଜଙ୍ଗଲ ନିକଟରେ ‘ପ୍ରଶାନ୍ତି’ ନାମକ ଏକ ଘରୋଇ ବସ୍ କାରକୁ ସାମ୍ନାପଟରୁ ଧକ୍କା ଦେଇଥିଲା। ଫଳରେ କାରରେ ଥିବା ତିନି ଜଣଙ୍କ ମଧ୍ୟରୁ ଦୁଇ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଅନ୍ୟଜଣଙ୍କୁ ଗୁରୁତର ଅବସ୍ଥାରେ ପ୍ରଥମେ କରଞ୍ଜିଆ ମେଡ଼ିକାଲରେ ଭର୍ତ୍ତି କରାଯାଇଥିଲା। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କେନ୍ଦୁଝର ଜିଲ୍ଲା ମେଡ଼ିକାଲକୁ ସ୍ଥାନାନ୍ତର କରାଯାଇଛି।

ମୃତକଙ୍କ ସମ୍ପୂର୍ଣ୍ଣ ପରିଚୟ ମିଳି ନଥିଲେ ହେଁ କାରରେ ଥିବା ସମସ୍ତ ଲୋକ ଯାଜପୁର ଜିଲ୍ଲା ଧର୍ମଶାଳା ଅଞ୍ଚଳର ବୋଲି ସୂଚନା ମିଳିଛି। ଘଟଣା ସମ୍ପର୍କରେ କରଞ୍ଜିଆ ଥାନା ପୋଲିସ ଉଭୟ ଦୁର୍ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପୋଲିସ ଦୁଇଟି ପୃଥକ ମାମଲା ରୁଜୁ କରିଛି।

The post ମୟୂରଭଞ୍ଜରେ ସଡ଼କ ଦୁର୍ଘଟଣା: ୪ ମୃତ, ୩ ଗୁରୁତର appeared first on Sanket Tv.

ନିଖୋଜ ଶିକ୍ଷୟିତ୍ରୀ ଜଣକ ହେଉଛନ୍ତି ଜ୍ୟୋତ୍ସ୍ନାରାଣୀ ସାହୁ (୩୦) । ସେ ଢେଙ୍କିନେଞ୍ଜିଆ ସରକାରୀ ୟୁପି ସ୍କୁଲରେ ସହକାରୀ ଶିକ୍ଷୟିତ୍ରୀ ଭାବେ କାର୍ଯ୍ୟରତ ଥିଲେ । ଜ୍ୟୋତ୍ସ୍ନାରାଣୀଙ୍କ ଘର ପୁରୀ ଜିଲ୍ଲାରେ ବୋଲି ଜଣାପଡ଼ିଛି ।

ସୂଚନା ଅନୁଯାୟୀ, ଗତ ଏପ୍ରିଲ ୧୬ ତାରିଖରୁ ଜ୍ୟୋତ୍ସ୍ନାରାଣୀ, ଜନଗଣନା-୨୦୨୬ କାର୍ଯ୍ୟରେ ନିୟୋଜିତ ଥିଲେ । ଗତ ୧୮ ତାରିଖ (ଶନିବାର) ସକାଳ ପ୍ରାୟ ୭ଟା ସମୟରେ ସେ ସ୍କୁଲକୁ ଯାଇଥିଲେ ଏବଂ ସେଠାରୁ ଜନଗଣନା କାର୍ଯ୍ୟ ପାଇଁ କ୍ଷେତ୍ର ପରିଦର୍ଶନରେ ବାହାରିଥିଲେ । ତେବେ ମଧ୍ୟାହ୍ନ ପ୍ରାୟ ୧୨ଟା ପର୍ଯ୍ୟନ୍ତ ସେ ଘରକୁ ନ ଫେରିବାରୁ ପରିବାର ଲୋକେ ତାଙ୍କୁ ଯୋଗାଯୋଗ କରିବାକୁ ଚେଷ୍ଟା କରିଥିଲେ । ସେପଟେ ତାଙ୍କ ମୋବାଇଲ୍ ସୁଇଚ୍ ଅଫ୍ ଥିବା ଜଣାପଡ଼ିଥିଲା ।

ଜ୍ୟୋତ୍ସ୍ନାରାଣୀ ନିଖୋଜ ଥିବା ଜାଣିବା ପରେ ଶିକ୍ଷୟିତ୍ରୀ ଜଣଙ୍କ ରହୁଥିବା ଭଡ଼ା ଘର ମାଲିକ ସୁରେଶ ଚନ୍ଦ୍ର ସି, ଏନେଇ ବାରିପଦା ସଦର ଥାନାରେ ଅଭିଯୋଗ କରିଛନ୍ତି । ଅଭିଯୋଗରେ ଭଡ଼ା ଘରର ମାଲିକ ଦର୍ଶାଇଛନ୍ତି ଯେ, ସ୍ଥାନୀୟ ଅଞ୍ଚଳରେ ଜନଗଣନା କାର୍ଯ୍ୟ ହେଉଥିବା ନିକଟସ୍ଥ ଗାଁ ଗୁଡ଼ିକରେ ବହୁ ଖୋଜାଖୋଜି ପରେ ମଧ୍ୟ ଜ୍ୟୋତ୍ସ୍ନାରାଣୀଙ୍କର ଏଯାଏଁ କୌଣସି ପତ୍ତା ମିଳିନାହିଁ ।

ସେପଟେ ଏହି ଘଟଣାରେ ପୋଲିସ ଜ୍ୟୋତ୍ସ୍ନାରାଣୀଙ୍କୁ ଯଥାଶୀଘ୍ର ଉଦ୍ଧାର କରୁ ବୋଲି ପରିବାର ଲୋକେ ପୋଲିସକୁ ନିବେଦନ କରିଛନ୍ତି । ବାରିପଦା ସଦର ପୋଲିସ ଷ୍ଟେସନ ଡାଏରୀ ଏଣ୍ଟ୍ରି କରି ଖୋଜାଖୋଜି ଜାରି ରଖିଛି । ଯଦି କୌଣସି ବ୍ୟକ୍ତିବିଶେଷ ଜ୍ୟୋତ୍ସ୍ନାରାଣୀଙ୍କ ବିଷୟରେ ସୂଚନା ପାଆନ୍ତି, ତେବେ ପୋଲିସ କିମ୍ବା ପରିବାର ସଦସ୍ୟଙ୍କ ନମ୍ବର (୮୮୪୭୮୯୪୨୩୦)ରେ ଯୋଗାଯୋଗ କରିବାକୁ ଅନୁରୋଧ କରାଯାଇଛି ।

The post ଜନଗଣନା କାର୍ଯ୍ୟ ପାଇଁ ଯାଇଥିବା ଶିକ୍ଷୟିତ୍ରୀ ନିଖୋଜ appeared first on Sanket Tv.

ଅନ୍ୟପଟେ ଗୁରୁତର ଛାତ୍ର ଛାତ୍ରୀଙ୍କୁ ମେଡିକାଲରେରେ ଭେଟି ଚିକିତ୍ସା ସମ୍ପର୍କରେ ପଚାରି ବୁଝିଛନ୍ତି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ଏବଂ ଜିଲ୍ଲା ପରିଷଦ ଅଧ୍ୟକ୍ଷା ଭାରତୀ ହାଁସଦା । ପିଲାମାନଙ୍କର ଉତ୍ତମ ଚିକିତ୍ସା ପାଇଁ ସିଡିଏମ୍ଓଙ୍କ ନେତୃତ୍ବରେ ଏକ ସ୍ୱତନ୍ତ୍ର ମେଡିକାଲ ଟିମ୍ ଗଠନ କରାଯାଇଛି । ଯେଉଁଥିରେ ସ୍ପେଶାଲିଷ୍ଟ ଡାକ୍ତରମାନେ ଅଛନ୍ତି । ଏହି ଘଟଣାରେ ଦାୟିତ୍ୱହୀନତା ପ୍ରଦର୍ଶନ କରିଥିବା ହେଡମାଷ୍ଟରଙ୍କୁ ନିଳମ୍ବିତ କରାଯାଇଛି । ତାଙ୍କ ବିରୋଧରେ ଉଭୟ ବିଭାଗୀୟ ଏବଂ ପୋଲିସ ତଦନ୍ତ ଜାରି ରହିଛି ।

ସୂଚନା ଅନୁଯାୟୀ, ଦୁଇ ଦିନ ତଳେ ଜିଲ୍ଲାର ରାସଗୋବିନ୍ଦପୁର ତହସିଲ ଅନ୍ତର୍ଗତ କାକାବନ୍ଧ ଆଶ୍ରମ ବିଦ୍ୟାଳୟର ହଷ୍ଟେଲରେ ଖାଦ୍ୟ ଖାଇବା ପରେ ପ୍ରାୟ ୧୪୬ ଜଣ ଅନ୍ତେବାସୀ ଝାଡ଼ାବାନ୍ତି ଓ ଜ୍ୱରରେ ଆକ୍ରାନ୍ତ ହୋଇଥିଲେ । ସମସ୍ତେ ପଖାଳ, ଶାଗ, ଆମ୍ବୁଲ ଖଟା ଆଦି ଖାଇଥିଲେ । ପରେ ସେମାନଙ୍କର ଛାତିରେ ଯନ୍ତ୍ରଣା ହେବା ସହ ଝାଡାବାନ୍ତି ହୋଇଥିଲା । ଏହି ଘଟଣାରେ ସମସ୍ତଙ୍କୁ ରାସଗୋବିନ୍ଦପୁର ସିଏଚସିରେ ଭର୍ତ୍ତି କରା ଯାଇଥିଲା । ମାତ୍ର ଗତକାଲି ଗୁରୁତର ହେବାରୁ ୬୦ରୁ ଊର୍ଦ୍ଧ୍ୱ ଛାତ୍ରଛାତ୍ରୀଙ୍କୁ ରାସଗୋବିନ୍ଦପୁର ଡାକ୍ତରଖାନାରୁ ବାରିପଦା ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରା ଯାଇଥିଲା । ଗୁରୁତର ଥିବା ରୂପାଲିଙ୍କୁ ଗତକାଲି ଠାରୁ ICUରେ ରଖାଯାଇଥିଲା । ହେଲେ ଆଜି ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି ।

ଛାତ୍ରୀଙ୍କ ମୃତ୍ୟୁ ଘଟଣା ପ୍ରଚାରିତ ହେବା ପରେ ରାସଗୋବିନ୍ଦପୁର ବଜାର ନିକଟରେ ଅଭିଭାବକମାନେ ରାସ୍ତାରୋକ କରିଥିଲେ । ସେଠାରେ ପ୍ରବଳ ଉତ୍ତେଜନା ପ୍ରକାଶ ପାଇଥିଲା । ସେହିପରି ବାରିପଦା ପିଆରଏମ ମେଡିକାଲ କଲେଜ ଆଣ୍ଡ ହସପିଟାଲରେ ମଧ୍ୟ ପ୍ରବଳ ଉତ୍ତେଜନା ପ୍ରକାଶ ପାଇଥିଲା । ନ୍ୟାୟ ଏବଂ କ୍ଷତିପୂରଣ ଦାବିରେ ବିଜେଡି, ଜେଏମଏମ, କଂଗ୍ରେସ, ଭଞ୍ଜ ସେନା ସହିତ ସ୍ଥାନୀୟ ଲୋକେ ପ୍ରତିବାଦ କରିଥିଲେ । ଖବର ପାଇ ମୟୂରଭଞ୍ଜ ଜିଲ୍ଲାପାଳ ହେମକାନ୍ତ ସୋଏ, ଅତିରିକ୍ତ ଜିଲ୍ଲାପାଳ ତଥା ଏଡିଏମ ଇଶ୍ଵର ନାଏକ, ମୟୂରଭଞ୍ଜ ଏସପି ବରୁଣ ଗୁଣ୍ଠୁପାଲି ପ୍ରମୁଖ ବାରିପଦା ମେଡିକାଲରେ ପହଞ୍ଚି ବୁଝାସୁଝା କରିଥିଲେ । ଚିକିତ୍ସାରେ ଅବହେଳା ପାଇଁ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ସହ ମୃତକଙ୍କ ପରିବାରଙ୍କୁ କ୍ଷତି ପୂରଣ ଦାବିରେ ଉତ୍ତେଜନା ଲାଗି ରହିଛି । ହସ୍ପିଟାଲ ପରିସରରେ ବିଭିନ୍ନ ଦଳର ନେତା ଓ କର୍ମୀ ଉପସ୍ଥିତ ରହି ସରକାରଙ୍କ ବିରୁଦ୍ଧରେ ନାରାବାଜି ଦେଇଛନ୍ତି । ଘଟଣା ସ୍ଥଳରେ ପୋଲିସ ମଧ୍ୟ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା ଜାରି ରଖିଛି ।

ସେପଟେ ରାସଗୋବିନ୍ଦପୁର ତହସିଲ ଅନ୍ତର୍ଗତ ଲୁଣଚାଟି ଗ୍ରାମର ଦୁର୍ଗା ବେଶ୍ରାଙ୍କ ୧୨ବର୍ଷର ଝିଅ ରୂପାଲି ବେଶ୍ରାଙ୍କର ପ୍ରାଣହାନି ସମ୍ପର୍କରେ ଜାଣି ଏକ୍ସ ମାଧ୍ୟମରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଗଭୀର ଶୋକ ପ୍ରକାଶ କରିବା ସହ ମୃତକଙ୍କ ପରିବାର ବର୍ଗଙ୍କ ପ୍ରତି ସମବେଦନା ଜଣାଇଛନ୍ତି । ଏଥିସହ ମୃତକଙ୍କ ନିକଟତମ ଆତ୍ମୀୟଙ୍କ ପାଇଁ ମୁଖ୍ୟମନ୍ତ୍ରୀ ରିଲିଫ ପାଣ୍ଠି (CMRF)ରୁ ୩ ଲକ୍ଷର ସହାୟତା ଘୋଷଣା କରିଛନ୍ତି । ସେହିପରି ଜିଲ୍ଲା ପ୍ରସାଶନ ପକ୍ଷରୁ ମଧ୍ଯ ମୃତକଙ୍କ ପରିବାରକୁ ମଧ୍ଯ ଆର୍ଥିକ ରାଶି ପ୍ରଦାନ କରଯାଇଛି ।

ବର୍ତ୍ତମାନ ପର୍ଯ୍ୟନ୍ତ ଜିଲ୍ଲା ମୁଖ୍ୟ ଚିକିତ୍ସାଳୟ (DHH) ରେ ୬୬ ଜଣ ଏବଂ ରାସଗୋବିନ୍ଦପୁର ସିଏଚସି (CHC) ରେ ୪୧ ଜଣ ପିଲା ଚିକିତ୍ସିତ ହେଉଛନ୍ତି । ସେମାନଙ୍କ ମଧ୍ୟରୁ ଅଧିକାଂଶ ପିଲା ଏବେ ସୁସ୍ଥ ହୋଇସାରିଛନ୍ତି । ସେହିପରି ସରକାରଙ୍କ ଏସସି/ଏସଟି (SC/ST) ବିଭାଗ ପକ୍ଷରୁ ୨ ଲକ୍ଷ ଟଙ୍କା, ରେଡ୍‌କ୍ରସ (Red Cross) ମାଧ୍ୟମରେ ୨.୫ ଲକ୍ଷ ଟଙ୍କା ସହାୟତା ଯୋଗାଇ ଦେବାକୁ ବ୍ୟବସ୍ଥା କରାଯାଇଥିବା ଜିଲ୍ଲାପାଳ ହେମକାନ୍ତ ସାଏ ପ୍ରତିକ୍ରିୟାରେ କହିଛନ୍ତି । ଆଜି ବ୍ୟବଚ୍ଛେଦ ପରେ ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି ।

The post ଆଶ୍ରମ ସ୍କୁଲରେ ବିଷାକ୍ତ ଖାଦ୍ୟ ଖାଇ ୫ମ ଶ୍ରେଣୀ ଛାତ୍ରୀଙ୍କ ମୃତ୍ୟୁ, ପ୍ରଧାନ ଶିକ୍ଷକ ନିଲମ୍ବିତ appeared first on Sanket Tv.

ସୂଚନାଯୋଗ୍ୟ, ବିଦ୍ୟାଳୟରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ମୋଟ ୨୯୦ ଜଣ ଛାତ୍ରୀ ହଷ୍ଟେଲରେ ରହି ପାଠ ପଢୁଛନ୍ତି। ଘଟଣା ଦିନ ସକାଳେ ୯ଟା ସମୟରେ ସେମାନଙ୍କୁ ପଖାଳ ଓ ଆଳୁ ଖାଇବାକୁ ଦିଆଯାଇଥିଲା। ମେନ୍ୟୁ ଅନୁଯାୟୀ ସକାଳ ୭ଟାରେ ଉପମା ଦିଆଯିବାର ଥିଲା, କିନ୍ତୁ ଉପମା ଦିଆଯାଇନଥିଲା।

ଖାଇସାରିବାର କିଛି ସମୟ ପରେ ହଷ୍ଟେଲର ଜଣେ ପରେ ଜଣେ ଛାତ୍ରଛାତ୍ରୀ ଅସୁସ୍ଥ ହୋଇପଡ଼ିଥିଲେ। କର୍ତ୍ତୃପକ୍ଷ ପ୍ରଥମେ କାହାକୁ ମେଡିକାଲରେ ନନେଇ ନିଜେ ପ୍ରାଥମିକ ଚିକିତ୍ସା କରିଥିଲେ। ଅବସ୍ଥା ଗୁରୁତର ହେବାରୁ ଦୀର୍ଘ ସମୟ ପରେ ରାସଗୋବିନ୍ଦପୁର ମେଡିକାଲକୁ ଅଟୋ ଯୋଗେ ଅଣାଯାଇଥିଲା। ପରେ ଅନ୍ୟ ଗୁରୁତର ଛାତ୍ରଛାତ୍ରୀଙ୍କୁ ମଧ୍ୟ ମେଡିକାଲକୁ ଅଣାଯାଇଛି।

ହସ୍ପିଟାଲରେ ସମସ୍ତଙ୍କୁ ସାଲାଇନ୍ ଦିଆଯାଉଛି ଓ ଚିକିତ୍ସା ଜାରି ରହିଛି। କର୍ତ୍ତୃପକ୍ଷଙ୍କ ଅବହେଳା ଯୋଗୁଁ ଏଭଳି ଘଟଣା ଘଟିଥିବା ଅଭିଯୋଗ ହେଉଛି। ଡାକ୍ତର ଏସ୍ ମଣ୍ଡଳ ଫୁଡ୍ ପଏଜନିଂ ହୋଇଥାଇପାରେ ବୋଲି ପ୍ରକାଶ କରିଛନ୍ତି।

The post ହଷ୍ଟେଲରେ ଖାଦ୍ୟ ଖାଇ ୬୫ରୁ ଅଧିକ ଛାତ୍ରଛାତ୍ରୀ ଅସୁସ୍ଥ appeared first on Sanket Tv.

ଅବିନାଶ ବିଜୁଳି ମାଛ ଧରିବାକୁ ଯାଇଥିଲେ ପୋଖରୀକୁ:** ଦିଘି ଗାଁର ଅବିନାଶ ବିଜୁଳି (ପ୍ରଫୁଲ୍ଲ କୁମାର ବିଜୁଳିଙ୍କ ପୁଅ) ଆଜି ଅପରାହ୍ନ ପ୍ରାୟ ୨ଟା ସମୟରେ ଗାଁ ପୋଖରୀରେ ମାଛ ଧରୁଥିଲେ। ସାଥୀରେ ମାଛ ନେଇ ଆସି ତରକାରୀ କରିବେ ବୋଲି ସେ ଭାବିଥିଲେ। ତାଙ୍କ ପତ୍ନୀ ମଧ୍ୟ ତାଙ୍କ ଫେରିବା ବାଟକୁ ଅପେକ୍ଷା କରିଥିଲେ।

ମାଛ ଧରିବା ସମୟରେ ଅବିନାଶ ଏକ ଜୀବନ୍ତ ବଡ଼ କଉମାଛ ଧରିଥିଲେ। ସେ ସେହି ମାଛକୁ ଠିକ୍ ଜାଗାରେ ନରଖି ପାଟିରେ ଚାପି ଧରିଥିଲେ। ପରେ ବାଳିଆ ମାଛ ଧରିବାକୁ ଯାଇ ସେ ନିୟନ୍ତ୍ରଣ ହରାଇବାରୁ କଣ୍ଟାଯୁକ୍ତ କଉମାଛଟି ତାଙ୍କ ପାଟି ଭିତରକୁ ପଶି ଗଲା। ମାଛଟି ତାଙ୍କ ତଣ୍ଟିରେ ଅଟକି ରହିଲା, ପେଟ ଭିତରକୁ ପଶିପାରିଲା ନାହିଁ। ତାଙ୍କୁ ବହୁ ଉଦ୍ୟମ କରି ମଧ୍ୟ ମାଛ ବାହାର କରି ହୋଇନଥିଲା।

ଗୁରୁତର ଅବସ୍ଥାରେ ପୋଖରୀରେ ଥିବା ଅନ୍ୟ ଲୋକେ ତାଙ୍କୁ ଉଦ୍ଧାର କରି ବାଙ୍ଗିରିପୋଷି ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କଲେ। ମୃତଦେହ ବ୍ୟବଚ୍ଛେଦ ପାଇଁ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଏବଂ ହସ୍ପିଟାଲକୁ ପଠାଯାଇଛି।

ଅବିନାଶ ଦିଘି ପଞ୍ଚାୟତର ସରପଞ୍ଚ ବିଜୟ ବିଜୁଳିଙ୍କ ପୁତୁରା। ତାଙ୍କ ମୃତ୍ୟୁ ପରେ ତାଙ୍କ ସ୍ତ୍ରୀ ଓ ଦେଢ଼ ବର୍ଷର ପୁଅ ବେସାହାରା ହୋଇଯାଇଛନ୍ତି। ପରିବାର ଲୋକେ ଗୁରୁତର ଅଭିଯୋଗ ଆଣିଛନ୍ତି। ସେମାନଙ୍କ ଅନୁଯାୟୀ, ବାଙ୍ଗିରିପୋଷି ସ୍ଵାସ୍ଥ୍ୟ କେନ୍ଦ୍ରର ଡାକ୍ତର ତୁଷାର ରଂଜନ ବେହେରାଙ୍କ ଅବହେଳା ଯୋଗୁଁ ଏହି ମୃତ୍ୟୁ ଘଟିଛି। ଡାକ୍ତର ସେମାନଙ୍କ କଥା ନ ଶୁଣି ଜାତିଆଣ ଆକ୍ଷେପ କରିଥିଲେ ବୋଲି ଅଭିଯୋଗ ହୋଇଛି।

ଖବର ପାଇ ଆଇଆଇସି ପଞ୍ଚାନନ ମହାନ୍ତିଙ୍କ ନେତୃତ୍ଵରେ ପୁଲିସ ଘଟଣାସ୍ଥଳରେ ପହଞ୍ଚି ଉତ୍ତେଜିତ ଲୋକଙ୍କୁ ବୁଝାଇବାରେ ଲାଗିଛି। ବାଙ୍ଗିରିପୋଷି ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ଡାକ୍ତରଖାନାରେ ମଧ୍ୟ ତୀବ୍ର ଉତ୍ତେଜନା ଦେଖାଯାଇଛି।

The post କଉମାଛ ପାଟିରେ ପଶି ଯିବାରୁ ଯୁବକଙ୍କ ମୃତ୍ୟୁ appeared first on Sanket Tv.

ମୃତକ ହେଲେ ଲଦଡ଼ିହି ଗ୍ରାମର ଗୋବିନ୍ଦ ମାରାଣ୍ଡି (୮୦ ବର୍ଷ)। ତାଙ୍କ ପୁଅ ମଧୁ ମାରାଣ୍ଡି (୩୬ ବର୍ଷ) ପ୍ରତିଦିନ ନିଶା ସେବନ କରି ବାପାଙ୍କ ଠାରୁ ଟଙ୍କା ମାଗୁଥିଲା। ବାପା ଦେବାକୁ ମନା କଲେ ନିର୍ମମ ଭାବରେ ପିଟୁଥିଲା ବୋଲି ପରିବାର ଲୋକେ କହିଛନ୍ତି। ବୁଧବାର ରାତି ପ୍ରାୟ ୯ ଟା ସମୟରେ ଗୋବିନ୍ଦ ଶୋଇଥିବା ବେଳେ ପୁଅ ମଧୁ ତାଙ୍କ ପାଖରେ ପହଞ୍ଚି ସଜନା ଛୁଇଁ ବିକ୍ରି କରି ରଖିଥିବା ୪୦୦ ଟଙ୍କା ମାଗିଥିଲା।

ବାପା ଗୋବିନ୍ଦ ଟଙ୍କା ଦେବାକୁ ମନା କରିଦେବାରୁ ନିଶାସକ୍ତ ପୁଅ ମଧୁ ଉତ୍କ୍ଷିପ୍ତ ହୋଇ ପଡ଼ିଥିଲା। ରାଗରେ ସେ ଏକ ବାଉଁଶ ବାଡ଼ି ଓ ଲୁହାନଳୀରେ ତାଙ୍କ ବାପାଙ୍କୁ ପିଟି ପିଟି ହତ୍ୟା କରିଥିଲା। ପରିବାର ଲୋକଙ୍କ କହିବା ଅନୁଯାୟୀ, ଏହା ପୂର୍ବରୁ ମଧ୍ୟ ପୁଅ ବାପାଙ୍କ ଭତ୍ତା ଟଙ୍କା ଜବରଦସ୍ତ ଛଡ଼ାଇ ନେଉଥିଲା। ରକ୍ତ ସମ୍ପର୍କରେ ଲାଗିଲା ରକ୍ତର ଛିଟା।

ଘଟଣା ସମ୍ପର୍କରେ ଖବର ପାଇ ଚିତ୍ରଡ଼ା ଫାଣ୍ଡି ଅଧିକାରୀ ଭୀମସେନ ମଲ୍ଲିକ ଗୁରୁବାର ପୂର୍ବାହ୍ନ ୧୦ ଟା ସମୟରେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ପୋଲିସ ହତ୍ୟାକାରୀ ପୁଅ ମଧୁ ମାରାଣ୍ଡିକୁ ଅଟକ ରଖି ଥାନାକୁ ନେଇଯାଇଛି। ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି।

The post ୪୦୦ ଟଙ୍କା ପାଇଁ ବାପାକୁ ବାଉଁଶ ବାଡ଼ିରେ ପିଟି ପିଟି ହତ୍ୟା କଲା ପୁଅ appeared first on Sanket Tv.

ମୃତ ଛାତ୍ରୀ ଜଣକ କରଞ୍ଜିଆ ସରସ୍ୱତୀ ଶିଶୁ ବିଦ୍ୟାମନ୍ଦିରର ୮ମ ଶ୍ରେଣୀରେ ପଢୁଥିଲେ ବୋଲି ସୂଚନା ମିଳିଛି। ଏହି ଘଟଣାରେ କରଞ୍ଜିଆ ପୋଲିସ ତଦନ୍ତ ଆରମ୍ଭ କରିଛି।

ସୂଚନାଯୋଗ୍ୟ ଯେ, ମୟୁରଭଞ୍ଜ ଜିଲ୍ଲା କରଞ୍ଜିଆ ସହର ବଣସାହିରେ ଥିବା ବନ ବିଭାଗ କାଠ ଡିପୋ ପଛପଟେ ଥିବା ଏକ ବାଉଁଶ ବୁଦା ମୂଳରୁ ମିଳିଛି ଅଖାରେ ଭର୍ତ୍ତି ହୋଇଥିବା ନାବାଳିକାଙ୍କ ମୃତଦେହ । ନିଖୋଜ ନାବାଳିକାଙ୍କ ଘର କରଞ୍ଜିଆ ବଣସାହିରେ ହୋଇଥିବା ବେଳେ, ଘର ଠାରୁ ମାତ୍ର ୫୦୦ ମିଟର ଦୂରରେ ପଡିଛି ଅଖାରେ ଭର୍ତ୍ତି ହୋଇଥିବା ନାବାଳିକାଙ୍କ ମୃତଦେହ । ଘଟଣାସ୍ଥଳରେ କରଞ୍ଜିଆ ପୋଲିସ ପହଞ୍ଚି ଛାନଭିନ ଜାରି ରଖିଛି । ପ୍ରାଥମିକ ତଦନ୍ତରୁ ତାଙ୍କୁ କେହି ହତ୍ୟାକରି ଫିଙ୍ଗି ଦେଇଥିବା ସନ୍ଦେହ କରାଯାଉଛି ।

ଶୁକ୍ରବାର ସନ୍ଧ୍ୟାରୁ ନାବାଳିକା ଜଣଙ୍କ ନିଖୋଜ ନେଇ କରଞ୍ଜିଆ ଥାନାରେ ଲିଖିତ ଅଭିଯୋଗ କରିଥିଲେ ନାବାଳିକାଙ୍କ ପରିବାର ଲୋକେ । ତେବେ ବାରିପଦାରୁ ସାଇଣ୍ଟିଫିକ୍ ଟିମ୍ ଆସିବା ପରେ ଅଧିକ ତଦନ୍ତ କରାଯିବ ବୋଲି ପୋଲିସ ସୂଚନା ଦେଇଛି ।

The post ଅଖା ଭିତରୁ ଉଦ୍ଧାର ହେଲା ନିଖୋଜ ଛାତ୍ରୀଙ୍କ ମୃତଦେହ appeared first on Sanket Tv.

ପ୍ରାପ୍ତ ସୂଚନା ଅନୁଯାୟୀ, ବିଶୋଇ ଥାନା ଅନ୍ତର୍ଗତ ମହୁଭଣ୍ଡାର ନିକଟସ୍ଥ ବାଉତିବେଡ଼ା ଗ୍ରାମର ମେଘ୍ରାୟ ବାସ୍କେଙ୍କ ନାବାଳିକା ଝିଅ ବାହାପର୍ବ ଅବସରରେ ନିଜ ମାମୁଁ ଘର ସନାପୋଷି ଗ୍ରାମର ପଡ଼ାଗ୍ରାମ ଇଚାଘୁଟୁକୁ ଆସିଥିଲେ। ଗୁରୁବାର ଅପରାହ୍ନ ପ୍ରାୟ ୫ଟା ସମୟରେ ସେ ବିଞ୍ଝୁଆ ଗ୍ରାମସ୍ଥିତ ଜନସେବା କେନ୍ଦ୍ରରୁ ଆଧାର ଯୋଗେ ଟଙ୍କା କାଢ଼ି ଫେରୁଥିଲେ। ଏହି ସମୟରେ ଗାଁ ମୁଣ୍ଡରେ ଥିବା ସ୍କୁଲ ନିକଟରେ ବିଞ୍ଝୁଆ ଗ୍ରାମର ସଂଖ୍ୟାଲଘୁ ସମ୍ପ୍ରଦାୟର ସେକ୍ ଇସମାଇଲଙ୍କ ପୁଅ ସେକ୍ ଛୋଟୁ ନାବାଳିକାଟିକୁ ଅସଦାଚରଣ କରିଥିଲା। ନାବାଳିକା ଚିତ୍କାର କରିବାରୁ ସ୍ଥାନୀୟ ଲୋକେ ଦୌଡ଼ି ଆସିବାରୁ ଅଭିଯୁକ୍ତ ସେଠାରୁ ଫେରାର ହୋଇଯାଇଥିଲା। ଖବର ପାଇ ଉତ୍ତ୍ୟକ୍ତ ଗ୍ରାମବାସୀ ଅଭିଯୁକ୍ତଙ୍କ ଘରେ ପହଞ୍ଚି ଗଣ୍ଡଗୋଳ ଆରମ୍ଭ କରିଦେଇଥିଲେ।

ଘଟଣାସ୍ଥଳରେ ରାତିସାରା ଉତ୍ତେଜନା ଲାଗି ରହିଥିଲା। ରାଇରଙ୍ଗପୁର ଅତିରିକ୍ତ ଆରକ୍ଷୀ ଅଧୀକ୍ଷକ ଯଦୁନାଥ ଜେନା ଓ ଏସଡିପିଓ ବିରେନ୍ଦ୍ର କୁମାର ସେନାପତିଙ୍କ ସମେତ ବହୁ ସଂଖ୍ୟକ ପୁଲିସ୍ ବଳ ସେଠାରେ ପହଞ୍ଚି ସ୍ଥିତି ନିୟନ୍ତ୍ରଣକୁ ଆଣିବାକୁ ଚେଷ୍ଟା କରିଥିଲେ। ତେବେ ଶୁକ୍ରବାର ସକାଳ ସୁଦ୍ଧା କୌଣସି ସମାଧାନ ହୋଇପାରି ନ ଥିଲା। ଫଳରେ ଉତ୍ତ୍ୟକ୍ତ ଗ୍ରାମବାସୀ ବହଳଦା ମୁର୍ମୁ ଛକଠାରେ ୨୨୦ ନମ୍ବର ଜାତୀୟ ରାଜପଥ ଅବରୋଧ କରିଥିଲେ। ପୁଲିସ୍ ଅଭିଯୁକ୍ତକୁ ଗିରଫ କରିଥିବା ସୂଚନା ଦେଇଥିଲେ ମଧ୍ୟ ବିକ୍ଷୋଭକାରୀମାନେ ଅଭିଯୁକ୍ତକୁ ଘଟଣାସ୍ଥଳରେ ହାଜର କରାଇବା ଦାବିରେ ଅଟଳ ଥିଲେ।

ଏହାପରେ ପୁଲିସ୍ ଭିଡ଼କୁ ହଟାଇବା ପାଇଁ ଲାଠିଚାଳନା କରିବାରୁ ପରିସ୍ଥିତି ହିଂସାତ୍ମକ ରୂପ ନେଇଥିଲା। ଉତ୍ତ୍ୟକ୍ତ ଲୋକେ ସଙ୍ଘବଦ୍ଧ ଭାବେ ପୁଲିସ୍ ବଳ ଉପରେ ଢେଲାମାଡ଼ ଓ ଠେଙ୍ଗାରେ ଆକ୍ରମଣ କରିଥିଲେ। ଏହି ଆକ୍ରମଣରେ ଜଣେ ଅଧିକାରୀଙ୍କ ସମେତ ମୋଟ ୧୨ ଜଣ ପୁଲିସ୍ କର୍ମଚାରୀ ଆହତ ହୋଇଥିଲେ। ସେମାନଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି। ଏହାସହ ଉତ୍ତ୍ୟକ୍ତ ଜନତା ବହଳଦା ତହସିଲଦାରଙ୍କ ଗାଡ଼ିକୁ ଭଙ୍ଗାରୁଜା କରି ଓଲଟାଇ ଦେଇଥିଲେ। ପରିସ୍ଥିତି ଏତେ ଭୟଙ୍କର ଥିଲା ଯେ ଲୋକେ ପୁଲିସ୍କୁ ଗୋଡ଼ାଇ ଗୋଡ଼ାଇ ପିଟୁଥିବାର ଦୃଶ୍ୟ ସମସ୍ତଙ୍କୁ ଭୟଭୀତ କରିଦେଇଥିଲା।

ପୁଲିସ୍ ବଳ ଛତ୍ରଭଙ୍ଗ ଦେଇଥିଲେ ମଧ୍ୟ ପରେ ମୟୂରଭଞ୍ଜ ଅତିରିକ୍ତ ଏସପି ଦୀପକ କୁମାର ଗୋଚ୍ଛାୟତ ଘଟଣାସ୍ଥଳରେ ପହଞ୍ଚି ଅଧିକ ୨ ପ୍ଲାଟୁନ୍ ପୁଲିସ୍ ବଳ ଡକାଇଥିଲେ। ପରେ ବିଜେଡିର ପୂର୍ବତନ ସଭାପତି କାଶିନାଥ ହେମ୍ବ୍ରମ ପୁଲିସ୍ ଅଧିକାରୀ ଓ ଗ୍ରାମବାସୀଙ୍କ ମଧ୍ୟରେ ଆଲୋଚନା କରି ସମାଧାନର ବାଟ ବାହାର କରିଥିଲେ। ଏହି ଘଟଣାରେ ପୀଡ଼ିତା ନାବାଳିକାଙ୍କ ପକ୍ଷରୁ ଥାନାରେ ଏତଲା ଦିଆଯାଇଥିଲା ଏବଂ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଆଲୋଚନା ପରେ ବିକ୍ଷୋଭକାରୀମାନେ ରାସ୍ତା ଅବରୋଧ ହଟାଇ ନେଇଥିଲେ।

ଏହାପରେ ପୁଲିସ୍ ବିଞ୍ଝୁଆ ଗ୍ରାମରେ ଫ୍ଲାଗମାର୍ଚ୍ଚ କରିବା ସହ ପୁଲିସ୍ ଉପରେ ଆକ୍ରମଣ, ରାସ୍ତା ଅବରୋଧ ଏବଂ ରାଜସ୍ୱ ଅଧିକାରୀଙ୍କ ଗାଡ଼ି ଭଙ୍ଗାରୁଜା ଅଭିଯୋଗରେ ୩୮ ଜଣଙ୍କୁ ଗିରଫ କରିଛି। ଏନେଇ ବହଳଦା ଥାନାରେ ୪୦/୨୦୨୪ ନମ୍ବରରେ ମାମଲା ରୁଜୁ କରାଯାଇଛି।

The post ନାବାଳିକା ଅସଦାଚରଣ ଅଭିଯୋଗକୁ ନେଇ ପୋଲିସ-ଜନତା ଖଣ୍ଡଯୁଦ୍ଧ, ୩୮ ଜଣ ଗିରଫ appeared first on Sanket Tv.

ଦ୍ଵିତୀୟ ଶ୍ରୀକ୍ଷେତ୍ର ବାରିପଦାର ଶ୍ରୀ ଶ୍ରୀ ହରି ବଳଦେବ ଜୀଉ ହେଉଛନ୍ତି ଏହାର ଏକ ଜ୍ୱଳନ୍ତ ଉଦାହରଣ। ମହାପ୍ରଭୁଙ୍କ ନାମରେ ଜିଲ୍ଲାସାରା ଓ ଜିଲ୍ଲା ବାହାରେ ୪୪ ହଜାର (୪୪,୦୦୦) ଏକରର ସ୍ଥାବର ସମ୍ପତ୍ତି ସହିତ କିଲୋ କିଲୋ ସୁନା ଓ ରୂପା ଗହଣା ରହିଛି। ଏତେ ସମ୍ପତ୍ତିର ମାଲିକ ହୋଇଥିଲେ ମଧ୍ୟ ଦୀର୍ଘଦିନ ଧରି ସ୍ଥାୟୀ ଦେବୋତ୍ତର ଅଧିକାରୀଙ୍କ ଅଭାବ ଯୋଗୁଁ ପ୍ରଭୁଙ୍କ ସମ୍ପତ୍ତିରେ ଜବରଦଖଲ ଜାରି ରହିଛି। ଏହାର ପ୍ରତ୍ୟକ୍ଷ ପ୍ରଭାବ ପଡ଼ିଛି ମନ୍ଦିରର ଆର୍ଥିକ ସ୍ଥିତି ଉପରେ। ଆର୍ଥିକ ଅନାଟନ ଭିତରେ ମହାପ୍ରଭୁଙ୍କ ନିତ୍ୟ ପୂଜା ପର୍ବ ପାଳନ କରାଯାଉଥିବାବେଳେ ସରକାରୀ ସହାୟତାରେ ବିଳମ୍ବ ହେଉଥିବାରୁ ଗତବର୍ଷ ରଥଯାତ୍ରାରେ ବିଭିନ୍ନ ସମସ୍ୟା ଦେଖାଦେଇଥିଲା।

ଏହି ସମସ୍ୟାର ସମାଧାନ ପାଇଁ ଉପଜିଲ୍ଲାପାଳ ତଥା ଦେବୋତ୍ତର ଅଧିକାରୀ ଡ. ଦୟାସିନ୍ଧୁ ପରିଡ଼ା ଏବଂ ମନ୍ଦିର କମିଟି ସଦସ୍ୟମାନେ ଏକ ନୂତନ ପଦକ୍ଷେପ ଗ୍ରହଣ କରିଛନ୍ତି। ଜନସାଧାରଣଙ୍କ ପାଖରୁ ଆର୍ଥିକ ସହାୟତା ସଂଗ୍ରହ କରି ରଥଯାତ୍ରା କାର୍ଯ୍ୟକ୍ରମ ସୁଚାରୁରୂପେ ସମ୍ପାଦନ କରିବା ପାଇଁ ଚିନ୍ତା କରାଗଲା। ଏହି ଲକ୍ଷ୍ୟକୁ ଆଗରେ ରଖି ଜଗନ୍ନାଥ ମନ୍ଦିର, ଜିଲ୍ଲାର ସମସ୍ତ ସରକାରୀ ଦପ୍ତର ଏବଂ ସର୍ବସାଧାରଣ ସ୍ଥାନରେ ମହାପ୍ରଭୁଙ୍କ ବ୍ୟାଙ୍କ୍ ଖାତାର କ୍ୟୁଆର କୋଡ୍ (QR Code) ଲଗାଯାଇଛି।

ଏହି ଅଭିନବ ପଦକ୍ଷେପ ସାଧାରଣ ଲୋକଙ୍କ ମନକୁ ଛୁଇଁଛି। ଜଗନ୍ନାଥ ପ୍ରେମୀଙ୍କଠାରୁ ଆରମ୍ଭ କରି ସାଧାରଣ ଜନତା, ସମସ୍ତେ ମନ୍ଦିରକୁ ନଯାଇ ମଧ୍ୟ ମହାପ୍ରଭୁ ହରି ବଳଦେବଙ୍କ ପାଇଁ ସହଜରେ ଦାନ କରିପାରୁଛନ୍ତି। “ପୂର୍ବ ସମୟ ତୁଳନାରେ ଏହି ଦାନ ପ୍ରକ୍ରିୟା ଅଧିକ ଲୋକଙ୍କୁ ପୁଣ୍ୟ ଅର୍ଜନ କରିବାରେ ସହାୟକ ହେଉଛି,” ବୋଲି ମତ ପ୍ରକାଶ କରିଛନ୍ତି ଉପଜିଲ୍ଲାପାଳ ଡ. ପରିଡ଼ା। ମୁକ୍ତ ହସ୍ତରେ ଦାନ ଦେବା ପାଇଁ ସେ ସମସ୍ତଙ୍କୁ ଅନୁରୋଧ କରିଛନ୍ତି।

The post ଶ୍ରୀ ହରି ବଳଦେବଙ୍କ ପାଇଁ ଜାରି ହେଲା କ୍ୟୁଆର୍ କୋଡ଼, ୟୁପିଆଇ ଜରିଆରେ କରିହେବ ଦାନ appeared first on Sanket Tv.

ଘଟଣା ସମ୍ପର୍କରେ ମିଳିଥିବା ସୂଚନା ଅନୁଯାୟୀ, ଏକ ସଶସ୍ତ୍ର ଶିକାରୀ ଦଳ ଶିମିଳିପାଳ ଜଙ୍ଗଲରେ ପଶି ଶିକାର ଯୋଜନା କରିଥିଲେ। କିନ୍ତୁ ଜଙ୍ଗଲରେ ଲାଗିଥିବା ଏଆଇ କ୍ୟାମେରା ସେମାନଙ୍କୁ ଚିହ୍ନଟ କରିବା ସହ ତୁରନ୍ତ ରିଅଲ୍ ଟାଇମ୍ ଆଲର୍ଟ ଜାରି କରିଥିଲା। ଏହି ସୂଚନା ପାଇବା ପରେ ବନବାହିନୀ ତୁରନ୍ତ ସତର୍କ ହୋଇଯାଇଥିଲା।

ଶିମିଳିପାଳ (ଦକ୍ଷିଣ) ବନବାହିନୀର କର୍ମଚାରୀମାନେ ୨୪ ଘଣ୍ଟାରୁ ଊର୍ଦ୍ଧ୍ୱ ସମୟ ଧରି ଚଢ଼ାଉ ଅପରେସନ ଜାରି ରଖିଥିଲେ। ୩ ଜଣ ସ୍ୱତନ୍ତ୍ର ବ୍ୟାଘ୍ର ସୁରକ୍ଷା ବାହିନୀ (STPF) ଏବଂ ତିନିଟି ରେଞ୍ଜର କର୍ମଚାରୀଙ୍କ ମିଳିତ ଉଦ୍ୟମରେ ଏହି କମ୍ବିଂ ଅପରେସନ୍ କରାଯାଇଥିଲା। ଫଳରେ ନିଶ୍ଚିତ ହେବାକୁ ଥିବା ଏକ ବଡ଼ ଶିକାରକୁ ରୋକାଯାଇପାରିଛି।

ବନ ବିଭାଗର ସକ୍ରିୟ ନଜର ରଖିବା ଏବଂ ଉପଯୁକ୍ତ କାଉଣ୍ଟର ରଣନୀତି ଯୋଗୁଁ ଶିକାରୀମାନେ ଆତ୍ମସମର୍ପଣ କରିବାକୁ ବାଧ୍ୟ ହୋଇଥିଲେ। ଆତ୍ମସମର୍ପଣ କରିଥିବା ଏହି ଶିକାରୀମାନେ ଉଦଳା ଥାନା ଅନ୍ତର୍ଗତ ଅମ୍ବିକାଦେଇପୁର, ମହାଲିସାହି, ଲୁକୁଇଡା, ମାଟାକମଟଲା, ଜିତୁସାହି, ଖଲାଡି ଏବଂ ଲଙ୍ଗାଡି ଗ୍ରାମର ବୋଲି ଚିହ୍ନଟ କରାଯାଇଛି।

ଏନେଇ ଜେନାବିଲ୍ ପଶ୍ଚିମ ବଙ୍ଗଳା ରେଞ୍ଜରେ ଏକ ମାମଲା ରୁଜୁ କରାଯାଇଛି। ବନ ବିଭାଗ ପକ୍ଷରୁ କୁହାଯାଇଛି ଯେ, ଅସ୍ତ୍ରଶସ୍ତ୍ର ଆଇନ ଉଲ୍ଲଂଘନ ଅଭିଯୋଗରେ ଏହି ଶିକାରୀଙ୍କ ବିରୁଦ୍ଧାରେ ଥାନାରେ ମଧ୍ୟ ଏଫଆଇଆର ରୁଜୁ କରାଯିବ। ଏବେ ତଦନ୍ତ ଜାରି ରହିଛି।

The post ଶିମିଳିପାଳରେ ୩୯ ଶିକାରୀଙ୍କ ଆତ୍ମସମର୍ପଣ, ୯ ବନ୍ଧୁକ ଓ ୨୦ ଧନୁ ଜବତ appeared first on Sanket Tv.