ସୂଚନା ଅନୁସାରେ, ନୀଳଗିରି ହସ୍ପିଟାଲରେ ଜଣେ ରୋଗୀ ଡିସଚାର୍ଜ ହୋଇ ନିଜ ଘରକୁ ସ୍ଥାନାନ୍ତର ହେଉଥିଲେ। ଏହି ରୋଗୀଙ୍କୁ ଘରକୁ ନେବା ପାଇଁ ତାଙ୍କ ସମ୍ପର୍କୀୟମାନେ ୩ଶହ ଟଙ୍କା ଭଡ଼ାରେ କଟିଆ ନାୟକଙ୍କ ଆମ୍ବୁଲାନ୍ସ ଡ୍ରାଇଭର ନିନ ବେହେରା ଆମ୍ବୁଲାନ୍ସ ଲଗାଇ ଥିଲେ। ଏତିକି ବେଳେ ଅନ୍ୟ ଏକ ଆମ୍ବୁଲାନ୍ସର ମାଲିକ ତଥା ଡ୍ରାଇଭର ନୀଳଗିରି ଟାଉନର ବାବୁ ଓରଫ ଉପେନ୍ଦ୍ର ମିଶ୍ର ପହଞ୍ଚି ୨ଶହ ଟଙ୍କା ଭଡ଼ା ନେବେ ବୋଲି କହିଥିଲେ । ଏହାକୁ କେନ୍ଦ୍ରକରି ନିନ ବେହେରା ଏବଂ ଉପେନ୍ଦ୍ର ମିଶ୍ରଙ୍କ ମଧ୍ଯରେ ପ୍ରଥମେ କଥା କଟାକଟି ଓ ପରେ ମାଡପିଟ ହୋଇଥିଲା।

ଦୀର୍ଘ ଘଣ୍ଟା ଧରି ଉଭୟଙ୍କ ମଧ୍ୟରେ ମାରପିଟ ଦେଖି ଲୋକେ ତଟସ୍ଥ ହୋଇ ପଡ଼ିଥିଲେ। ଏଥିରେ ଉଭୟ କ୍ଷତାକ୍ତ ହୋଇଛନ୍ତି। ଏନେଇ ନୀଳଗିରି ଥାନାରେ ଅଭିଯୋଗ ପରେ ଘଟଣାକୁ ନେଇ ଆପୋଷ ସମାଧାନ ହୋଇଥିବା ଜଣାପଡିଛି।

The post ଆମ୍ବୁଲାନ୍ସ ଭଡ଼ାକୁ କେନ୍ଦ୍ର କରି ଡାକ୍ତରଖାନାରେ ମାଡପିଟ୍.. appeared first on Sanket Tv.

ଏହି ଭାଲୁଟି ସ୍ଥାନୀୟ ସ୍ବର୍ଣ୍ଣଚୂଡ଼ ପାହାଡ଼ ରୁ ଖସି ଆସି ଖାଦ୍ୟ ଅନ୍ୱେଷଣରେ କଚେରୀ ବଜାର ଦୁର୍ଗାମଣ୍ଡପ ପାଖରେ ଚାଲୁଥିଲା । ଜଣେ ବାଇକ ଆରୋହୀ ଭାଲୁଟି ସହିତ ସାମ୍ନାସାମ୍ନି ହେବା ପୂର୍ବରୁ କେତେକ କୁକୁର ତାକୁ ଘେରି ଯାଇଥିଲେ। ଭାଲୁଟି ଭୟଭୀତ ଅବସ୍ଥାରେ ମେଡିକାଲ ରୋଡ଼ରେ ଦୌଡି ପଳାଇ ଉପଜିଲ୍ଲାପାଳଙ୍କ ଅଫିସ ପରିସରକୁ ଗଳି ଯାଇଥିଲା। କୁହାଯାଇପାରେ ଯେ, ବୁଲା କୁକୁରଙ୍କ ଯୋଗୁଁ ନୀଳଗିରି ସହରରେ କୌଣସି ଲୋକଙ୍କ ଜୀବନହାନୀ ହୋଇନାହିଁ ।

The post ନୀଳଗିରି ସହରର ବିଚ୍ ରାସ୍ତାରେ ବୁଲୁଛନ୍ତି ଭାଲୁ appeared first on Sanket Tv.