କୁହାଯାଉଛି ଯେ, ଅଭିଯୁକ୍ତମାନେ ଗୁଳିକାଣ୍ଡ ପରେ ଟ୍ରେନରେ ରାଜସ୍ଥାନ ଚାଲି ଯାଇଥିଲେ। ପୁଣେ-ମୁମ୍ବାଇ ଏକ୍ସପ୍ରେସ୍ ଟ୍ରେନରେ ସେମାନେ ଥିବା ନେଇ ସୂଚନା ମିଳିଥିଲା। ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ବିହାରର ରିତିକ୍ କୁମାର ବୋଲି ଜଣା ପଡ଼ିଛି। ଏତତ୍ ବ୍ୟତୀତ, ଅନ୍ୟ ଦୁଇ ଜଣ ଅଭିଯୁକ୍ତ ହରିୟାଣାର ଫୁଲ୍ ସିଂ ଓ ରେହାନ ବୋଲି ସୂଚନା ମିଳିଛି।

ସୂଚନା ଅନୁସାରେ, ଟାଇଗର ଶ୍ରଫ୍ ରବିବାର ସନ୍ଧ୍ୟାରେ ମୁମ୍ବାଇର ଏକ ଫୁଟବଲ୍ ଗ୍ରାଉଣ୍ଡରୁ ନିଜ କାରରେ ଘରକୁ ଫେରୁଥିଲେ। ସେହି ସମୟରେ ବାଇକରେ ଆସିଥିବା ତିନି ଜଣ ବନ୍ଧୁକଧାରୀ ଦୁର୍ବୃତ୍ତ ତାଙ୍କ କାରକୁ ଟାର୍ଗେଟ୍ କରି ଗୁଳି ଚଳାଇଥିଲେ। ଗୁଳିମାଡ଼ରେ କାର୍ କ୍ଷତିଗ୍ରସ୍ତ ହୋଇଥିବା ବେଳେ ଡ୍ରାଇଭରଙ୍କ ଶରୀରରେ ଗୁଳି ବାଜିବାରୁ ସେ ଆହତ ହୋଇଛନ୍ତି।

ଏହି ଆକ୍ରମଣ ପରେ ସୋସିଆଲ୍ ମିଡିଆରେ ଏକ ଭିଡିଓ ଭାଇରାଲ୍ ହେବାରେ ଲାଗିଥିଲା। ଏଥିରେ ଜଣେ ବ୍ୟକ୍ତି ନିଜକୁ ‘ଅନିଲ ପଣ୍ଡିତ’ ବୋଲି ପରିଚୟ ଦେଇଛି ଏବଂ ସେ କୁଖ୍ୟାତ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ବୋଲି ଦାବି କରିଥିଲେ। ବଲିଉଡ୍ ଅଭିନେତା ଟାଇଗର ଶ୍ରଫଙ୍କ ଗାଡ଼ି ଉପରକୁ ଗୁଳିମାଡ଼ ଘଟଣାରେ ସାମ୍ନାକୁ ଆସିଛି ନୂଆ ତଥ୍ୟ। ରାଜସ୍ଥାନର କୋଟାରେ ଧରାପଡ଼ିଥିବା ସନ୍ଦିଗ୍ଧମାନେ ଦିଲ୍ଲୀ ଦେଇ ନେପାଳ ଖସିଯିବାକୁ ଯୋଜନା କରିଥିବା ପ୍ରାଥମିକ ପଚରାଉଚରାରୁ ଜଣାପଡ଼ିଛି। ଏନେଇ ସୂଚନା ଦେଇଛନ୍ତି କୋଟା ଏସପି ତେଜସ୍ୱିନୀ ଗୌତମ।

ଏସପିଙ୍କ କହିବା ଅନୁଯାୟୀ, ସକାଳ ପ୍ରାୟ ୯ଟା ୪୫ ମିନିଟରେ ପୁଣେ–ଜୟପୁର ଏକ୍ସପ୍ରେସରେ ସନ୍ଦିଗ୍ଧମାନେ ଯାତ୍ରା କରୁଥିବା ନେଇ ପୋଲିସକୁ ସୂଚନା ମିଳିଥିଲା। ଏହାପରେ ତୁରନ୍ତ ଆକ୍ସନ୍ ମୋଡକୁ ଆସିଥିଲା କୋଟା ପୋଲିସ। ରେଳ ଷ୍ଟେସନର ପ୍ରବେଶ ଓ ପ୍ରସ୍ଥାନ ପଥ, ପ୍ଲାଟଫର୍ମ ସମେତ ବିଭିନ୍ନ ସ୍ଥାନରେ ପୋଲିସ ନଜର ରଖିଥିଲା। ଏହି ଅପରେସନରେ ତିନିଜଣ ସନ୍ଦିଗ୍ଧଙ୍କୁ ଧରାଯାଇଥିବା ସୂଚନା ମିଳିଛି। ପ୍ରାଥମିକ ତଦନ୍ତରୁ ଜଣାପଡ଼ିଛି, ଧରାପଡ଼ିଥିବା ଜଣେ ଅଭିଯୁକ୍ତ ରାପିଡୋ ବାଇକ୍ ଟ୍ୟାକ୍ସି ଚାଳକ ଭାବେ କାମ କରନ୍ତି। ଅନ୍ୟ ଦୁଇଜଣଙ୍କ ମଧ୍ୟରେ ଜଣେ ନାବାଳକ ଏବଂ ଅନ୍ୟଜଣେ ରେହାନ।

ସନ୍ଦିଗ୍ଧମାନେ ଟ୍ରେନରେ ଦିଲ୍ଲୀ ପହଞ୍ଚିବା ପରେ ସେଠାରୁ ନେପାଳ ଖସିଯିବାକୁ ଯୋଜନା କରିଥିଲେ। ତେବେ ସେମାନଙ୍କୁ ଏହି ଯୋଜନା ପାଇଁ କିଏ ସହାୟତା କରୁଥିଲା ଏବଂ ନେପାଳରେ କାହା ସହ ଯୋଗାଯୋଗ କରିବାକୁ ଚାହୁଁଥିଲେ, ତାହା ଏବେ ତଦନ୍ତ ଚାଲିଛି। ଏହାସହ ରେହାନଙ୍କର ପୂର୍ବରୁ ଅନିଲ ପଣ୍ଡିତ ନାମକ ଜଣେ ବ୍ୟକ୍ତିଙ୍କ ସହ ଯୋଗାଯୋଗ ରହିଥିବା ଏସପି ସୂଚନା ଦେଇଛନ୍ତି।

ଅନ୍ୟପଟେ ମୁମ୍ବାଇ ପୋଲିସର ଟିମ୍ କୋଟାରେ ପହଞ୍ଚିଥିବା ବେଳେ ସନ୍ଦିଗ୍ଧମାନଙ୍କୁ ସେମାନଙ୍କ ହେପାଜତକୁ ହସ୍ତାନ୍ତର କରାଯିବ ବୋଲି ଏସପି କହିଛନ୍ତି। ମୁମ୍ବାଇ ପୋଲିସର ବିସ୍ତୃତ ପଚରାଉଚରା ପରେ ଗୁଳିମାଡ଼ ପଛର ଷଡ଼ଯନ୍ତ୍ର, ଅପରାଧୀଙ୍କ ନେଟୱର୍କ ଏବଂ ମାଷ୍ଟରମାଇଣ୍ଡ ସମ୍ପର୍କରେ ଅଧିକ ତଥ୍ୟ ସାମ୍ନାକୁ ଆସିପାରେ। ତେବେ ଘଟଣାର କିଛି ସମୟ ପରେ ଲରେନ୍ସ ବିଷ୍ଣୋଇ ଗ୍ୟାଙ୍ଗ ନିଜକୁ ଦାୟୀ କରିଛି। ଗ୍ୟାଙ୍ଗରେ ସାମିଲ ଥିବା ଅନୀଲ ପଣ୍ଡିତ ଏବଂ ହରମନ ସନ୍ଧୁ ଆକ୍ରମଣରେ ନିଜକୁ ଦାୟୀ କରିଛନ୍ତି।

The post ଟାଇଗର ଶ୍ରଫ ଗୁଳିକାଣ୍ଡରେ ଜଣେ ନାବାଳକ ସହ ୩ ସନ୍ଦିଗ୍ଧ ଗିରଫ appeared first on Sanket Tv.

ପୁଲିସ ପକ୍ଷରୁ ପ୍ରାରମ୍ଭିକ ଅନୁସନ୍ଧାନ ପରେ ରବିବାର ୭ ଜଣଙ୍କୁ ଗିରଫ କରାଯାଇ ବଂଶାଲ ଚିଫ ଜୁଡିସିଆଲ ମାଜିଷ୍ଟ୍ରେଟଙ୍କ କୋର୍ଟରେ ହାଜର କରାଯାଇଥିଲା। ସେମାନଙ୍କୁ ୧୦ ଦିନିଆ ରିମାଣ୍ଡରେ ନେବାକୁ ଅଦାଲତ ଅନୁମତି ପ୍ରଦାନ କରିଛନ୍ତି। ଗିରଫ ୭ ଜଣ ହେଲେ— ଚୋରବାଗାନ ସାର୍ବଜନୀନ ଦୁର୍ଗାପୂଜା ସମିତି ସମ୍ପାଦକ ରାଜ କୁମାର, ଉପସଭାପତି ସାନ୍ତନୁ ଦୁବେ, ମେଢ ତିଆରି କରିଥିବା ବିପ୍ଳବ ମୁଖାର୍ଜୀ, ଭିଡ଼ ନିୟନ୍ତ୍ରଣ ଦାୟିତ୍ୱରେ ଥିବା କୌଶିକ ସାହା ଓ ପିଂଟୁ ଦୁବେ, ଏବଂ ଘରୋଇ ସୁରକ୍ଷା ସଂସ୍ଥା ଦାୟିତ୍ୱରେ ଥିବା ସୁମନ ଚର୍କବର୍ତ୍ତୀ ଓ ରାଜେଶ ପାଲ।

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ଏହି ଘଟଣାରେ ସହାୟତା ଘୋଷଣା କରିଛନ୍ତି। ପ୍ରତ୍ୟେକ ମୃତକଙ୍କ ପରିବାରକୁ ୨୫ ଲକ୍ଷ ଟଙ୍କା ସହାୟତା ପ୍ରଦାନ କରାଯିବ ଏବଂ ପରିବାରର ଜଣଙ୍କୁ ଗ୍ରୁପ ଡି ଚାକିରି ମିଳିବ ବୋଲି ମୁଖ୍ୟମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି। ଆହତମାନଙ୍କ ସମସ୍ତ ଚିକିତ୍ସା ଖର୍ଚ୍ଚ ସରକାର ବହନ କରିବା ସହ ପ୍ରତ୍ୟେକଙ୍କୁ ୫ ଲକ୍ଷ ଟଙ୍କା ପ୍ରଦାନ କରାଯିବ।

କୋଲକାତା ହାଇକୋର୍ଟର ଜଣେ ବିଚାରପତିଙ୍କ ଅଧ୍ୟକ୍ଷତାରେ ସ୍ୱତନ୍ତ୍ର ତଦନ୍ତକାରୀ ଟିମ (ଏସଆଇଟି) ଏହି ଦଳାଚକଟା ଘଟଣାର ତଦନ୍ତ କରିବ। ଏଥିରେ ଏସଟିଏଫ, ସିଆଇଡି ଓ ଅନ୍ୟ ବିଭାଗର ଅଧିକାରୀ ସାମିଲ ରହିବେ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଘଟଣାସ୍ଥଳରେ କୋଲକାତା ପୁଲିସ, ଅଗ୍ନିଶମ କର୍ମଚାରୀ, ରାଜ୍ୟ ବିପର୍ଯ୍ୟୟ ପରିଚାଳନା ଟିମ ଓ ଆମ୍ବୁଲାନ୍ସ ସହ ଡାକ୍ତରୀ ଟିମ ଉପସ୍ଥିତ ରହିଥିଲେ। ପୂଜା ପେଣ୍ଡାଲକୁ ଦର୍ଶକମାନଙ୍କ ପାଇଁ ବନ୍ଦ କରିଦିଆଯାଇଛି।

ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ, ସ୍ୱାସ୍ଥ୍ୟମନ୍ତ୍ରୀ ଶାରଦ୍ୱତ ମୁଖାର୍ଜୀ ଓ ମୁଖ୍ୟ ସଚିବ ମନୋଜ ଅଗ୍ରଓ୍ବାଲଙ୍କ ସମେତ ବରିଷ୍ଠ ଅଧିକାରୀମାନେ ହସ୍ପିଟାଲରେ ପହଞ୍ଚତ୍ ସ୍ଥିତି ଅନୁଧ୍ୟାନ କରିଛନ୍ତି। ଦଳାଚକଟା ପରେ ଚୋରବାଗାନ ଦୁର୍ଗାପୂଜା କମିଟି ସାଧାରଣ ସମ୍ପାଦକ ଜୟନ୍ତ ବାନାର୍ଜୀଙ୍କ ସମେତ ଅନ୍ୟ କାର୍ଯ୍ୟକର୍ତ୍ତାମାନେ ସେମାନଙ୍କ ପଦବୀରୁ ଇସ୍ତଫା ଦେଇଛନ୍ତି।

ଜଣେ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଦଳାଚକଟାରେ ଅନେକେ ଚେତା ହରାଇଥିଲେ ଏବଂ ଅନେକଙ୍କୁ ମୋଟରସାଇକେଲ ଯୋଗେ ହସ୍ପିଟାଲ ନିଆଯାଇଥିଲା। ସଂକୀର୍ଣ୍ଣ ପ୍ରବେଶ ଓ ପ୍ରସ୍ଥାନ ଗେଟ ଏହି ଦୁଃଖଦ ଘଟଣାର କାରଣ ବୋଲି ଅନ୍ୟ ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି। ଉକ୍ତ ସ୍ଥାନରେ ଆଲୋକ ନ ଥିଲା ବୋଲି ସେ କହିଛନ୍ତି। ଦଳାଚକଟା ପରେ ପୂଜା ଆୟୋଜକମାନେ ମଣ୍ଡପର ଆଲୋକ ବନ୍ଦ କରିଦେବା ସହ ପ୍ରବେଶ ପଥକୁ ବନ୍ଦ କରିଦେଇଛନ୍ତି। ତେବେ କେଉଁ କାରଣରୁ ଦଳାଚକଟା ଘଟିଲା ତାହା ସ୍ପଷ୍ଟ ହୋଇନାହିଁ। ଲୋକଙ୍କୁ ଉଦ୍ଧାର କରି ହସ୍ପିଟାଲରେ ପହଞ୍ଚାଇବା ଆମର ପ୍ରଥମ କାମ ବୋଲି ଜଣେ ପୁଲିସ ଅଧିକାରୀ କହିଛନ୍ତି।

The post କୋଲକାତା ଚୋରବାଗାନ ଦୁର୍ଗାପୂଜା ଦଳାଚକଟା: ୭ ଗିରଫ, ୧୦ ଦିନିଆ ରିମାଣ୍ଡ appeared first on Sanket Tv.

ଦେଶର ବିଭିନ୍ନ ସମସ୍ୟାକୁ ନେଇ ଆନ୍ଦୋଳନ ଚାଲିଆସୁଥିବା ବେଳେ ଶନିବାର ଦେଶବ୍ୟାପୀ ଆନ୍ଦୋଳନ ଆରମ୍ଭ ହୋଇଥିଲା। ଆନ୍ଦୋଳନକାରୀମାନେ ସରକାରୀ କାର୍ଯ୍ୟାଳୟଠାରୁ ଆରମ୍ଭ କରି ଦୋକାନ ବଜାର ଭଙ୍ଗାରୁଜା କରିଥିଲେ। ଫଳରେ ବିଭିନ୍ନ ସ୍ଥାନରେ ଆନ୍ଦୋଳନକାରୀ ଓ ପୁଲିସ ମଧ୍ୟରେ ମୁହଁମୁହିଁ ପରିସ୍ଥିତି ଉପୁଜିଥିଲା। ରବିବାର ପ୍ରତିବାଦ କରୁଥିବା ଜଣେ ବ୍ୟକ୍ତିଙ୍କର ହୃଦଘାତରେ ମୃତ୍ୟୁ ଘଟିବା ପରେ ଲୋକେ ତାତି ଉଠିଥିଲେ।

ଆନ୍ଦୋଳନକାରୀମାନଙ୍କ ଆକ୍ରମଣରେ ୫୦୦ରୁ ଊର୍ଦ୍ଧ୍ୱ ପୁଲିସ ଅଫିସର ଆହତ ହୋଇଥିବା ସରକାରୀ ସୂତ୍ରରୁ ଜଣାପଡିଛି। ଫ୍ରାନ୍ସରେ ମାସାଧିକାଳ ହେଲା ଛାତ୍ର ଆନ୍ଦୋଳନ ଚାଲିଥିବା ବେଳେ ଏବେ ଏଥିରେ ସବୁବର୍ଗର ଲୋକେ ସାମିଲ ହେବାରେ ଲାଗିଛନ୍ତି। ଯାହାଫଳରେ ଆନ୍ଦୋଳନ ଉଗ୍ରରୂପ ଧାରଣ କରିଛି।

ପ୍ୟାରିସ ସହରରେ ମୁଖାପିନ୍ଧା ଆନ୍ଦୋଳନକାରୀମାନେ ସରକାରୀ କାର୍ଯ୍ୟାଳୟ ଓ ଦୋକାନବଜାରରେ ବ୍ୟାପକ ଭଙ୍ଗାରୁଜା କରିବା ପରେ ପୁଲିସ ମଧ୍ୟ ବଳପ୍ରୟୋଗ କରିଛି। ଦେଶରେ ଏପରି ପରିସ୍ଥିତି ଲାଗି ରହିବା ଫଳରେ ରାଷ୍ଟ୍ରପତି ମାକ୍ରନଙ୍କ ଉପରେ ଚାପ ବଢିବାରେ ଲାଗିଛି।

ପ୍ରଧାନମନ୍ତ୍ରୀ ସେବାଷ୍ଟିଆନ୍ ଲିକର୍ଣ୍ଣୁ ଏହି ଘଟଣା ପାଇଁ ଦେଶର ଅପରାଧୀ ଓ ବାମପନ୍ଥୀ ଉଗ୍ରବାଦକୁ ଦାୟୀ କରିଛନ୍ତି। ଆସନ୍ତା ବର୍ଷ ଦେଶରେ ନିର୍ବାଚନ ହେବାକୁ ଥିବାରୁ ଏହି ଅସାମାଜିକ ତତ୍ତ୍ୱ ଦେଶରେ ଅଶାନ୍ତି ସୃଷ୍ଟି କରିବାକୁ ଉଦ୍ୟମ କରୁଛି। ଦୃଢ ହସ୍ତରେ ସେମାନଙ୍କୁ ଦମନ କରାଯିବ ବୋଲି ପ୍ରଧାନମନ୍ତ୍ରୀ ଚେତାବନୀ ଦେଇଛନ୍ତି।

The post ଫ୍ରାନ୍ସରେ ହିଂସାତ୍ମକ ଆନ୍ଦୋଳନ: ୫୦୦ରୁ ଊର୍ଦ୍ଧ୍ୱ ପୁଲିସ ଆହତ, ୧୮୦୦ ଗିରଫ appeared first on Sanket Tv.

ଏହି ପ୍ରତିବାଦ ସମାବେଶ “ଏକତାରେ ଠିଆ ହୁଅ” (Stand in Solidarity) ନାମରେ ଆୟୋଜିତ ହୋଇଥିଲା ଏବଂ ଏହା ପୂର୍ବରୁ ଏହି ସପ୍ତାହରେ ଲଣ୍ଡନର ଇଣ୍ଡିଆ ହାଉସ ସମ୍ମୁଖରେ ଅନୁଷ୍ଠିତ “ଆପାତକାଳୀନ ପ୍ରତିବାଦ”ର ଧାରାବାହିକତା ଥିଲା। ସେହି ଆପାତକାଳୀନ ପ୍ରତିବାଦର ଉଦ୍ଦେଶ୍ୟ ଥିଲା କକ୍ରୋଚ ଜନତା ପାର୍ଟି (CJP) ର ଦାବିକୁ “ପ୍ରସାରିତ” କରିବା, ଯେଉଁଥିରେ ମୁଖ୍ୟ ନିର୍ବାଚନ ଆୟୁକ୍ତ ଜ୍ଞାନେଶ କୁମାରଙ୍କ ଅପସାରଣ ଏବଂ ଭାରତରେ ମତଦାତା ତାଲିକାର SIR ରଦ୍ଦ କରିବା ଦାବି ସାମିଲ ଥିଲା ।

ପ୍ରତିବାଦ ସ୍ଥଳରେ SFI UK ଏକ ବିବୃତ୍ତି ଜାରି କରି କହିଥିଲା, “ଆମେ ଭୋଟ ଅପସାରଣକୁ ସହ୍ୟ କରିବୁ ନାହିଁ। ଆମେ ପୋଲିସ ହିଂସାକୁ ସହ୍ୟ କରିବୁ ନାହିଁ। ଆମେ ଭାରତୀୟ ଗଣତନ୍ତ୍ରର ରକ୍ଷା ପାଇଁ ଏଠାରେ ଅଛୁ।” ପ୍ରତିବାଦକାରୀମାନେ “ଆଜାଦୀ” ଏବଂ “ସାରେ ଜହାଁ ସେ ଅଚ୍ଛା” ଧ୍ୱନି ଦେଇଥିଲେ, ଏବଂ ବକ୍ତାମାନେ ଉପସ୍ଥିତ ଜନତାଙ୍କୁ ପ୍ରତିପକ୍ଷ ପ୍ରତିବାଦକାରୀମାନଙ୍କୁ “ଜୟ ଭୀମ” ଏବଂ “ଲଜ୍ଜା” ସହିତ ଉତ୍ତର ଦେବାକୁ ଆହ୍ୱାନ ଦେଇଥିଲେ ।

ସୂଚନାଯୋଗ୍ୟ ଯେ, ସେହି ସମୟରେ ଅଳ୍ପ ସଂଖ୍ୟକ ଭାରତ ସରକାର ସମର୍ଥକ ମଧ୍ୟ ଏକ ପ୍ରତିପକ୍ଷ ସମାବେଶ କରିଥିଲେ ଏବଂ ଉଭୟ ପକ୍ଷଙ୍କୁ ମେଟ୍ରୋପଲିଟନ ପୋଲିସ ଅଧିକାରୀମାନେ ପୃଥକ ରଖିଥିଲେ ।

The post ମୁଖ୍ୟ ନିର୍ବାଚନ ଆୟୁକ୍ତଙ୍କ ଇସ୍ତଫା ଦାବିରେ ଲଣ୍ଡନରେ ଗର୍ଜିଲେ ଜେନ-ଜି appeared first on Sanket Tv.

ଅକ୍ଟୋବର ୧୬ ତାରିଖରେ କନଟ୍ ପ୍ଲେସ୍‌ର ସେଣ୍ଟ୍ରାଲ୍ ପାର୍କରେ ତିରଙ୍ଗା ଯାତ୍ରା ପାଇଁ ଆହ୍ୱାନ ଦେଇଥିଲେ ଦୀପକେ। ତେବେ ସେହି ଅଞ୍ଚଳରେ ନିଷେଧାଜ୍ଞା ଲାଗୁ ଥିବା ଏବଂ କାର୍ଯ୍ୟକ୍ରମ ପାଇଁ ଆବଶ୍ୟକ ଅନୁମତି ନଥିବା ଦର୍ଶାଇ ଦିଲ୍ଲୀ ପୋଲିସ ତାଙ୍କୁ ନୋଟିସ୍ ଦେଇଥିଲା। ଏହାକୁ ନେଇ ଦୀପକେ ଓ ପୋଲିସ ଅଧିକାରୀଙ୍କ ମଧ୍ୟରେ ଯୁକ୍ତିତର୍କର ଭିଡିଓ ମଧ୍ୟ ସାମ୍ନାକୁ ଆସିଥିଲା। ପୋଲିସର ଅଭିଯୋଗକୁ ନେଇ ପ୍ରଶ୍ନ ଉଠାଇବା ସହ ହିଂସା ପାଇଁ ଉସୁକାଇଥିବାର ପ୍ରମାଣ ଦେଖାଇବାକୁ ଦାବି କରିଥିଲେ ଦୀପକେ।

ଏବେ SEM କୋର୍ଟରୁ ତାଙ୍କୁ ଜାମିନ୍ ମିଳିଥିବା ବେଳେ ଜାମିନ୍‌ର ସର୍ତ୍ତାବଳୀ ସମ୍ପର୍କରେ ସବିଶେଷ ତଥ୍ୟ ଅପେକ୍ଷା କରାଯାଇଛି। ଅକ୍ଟୋବର ୧୭ରେ ଦୀପକେଙ୍କୁ କଡ଼ା ସୁରକ୍ଷା ମଧ୍ୟରେ ମନ୍ଦିର ମାର୍ଗ ଥାନା ପରିସରରେ ଥିବା SEM କୋର୍ଟରେ ହାଜର କରାଯାଇଥିଲା। ତାଙ୍କ ବିରୋଧରେ ଭାରତୀୟ ନାଗରିକ ସୁରକ୍ଷା ସଂହିତା (BNSS)ର ଧାରା ୧୨୬ ଓ ୧୭୦ ଅନୁଯାୟୀ ପ୍ରତିଷେଧମୂଳକ କାର୍ଯ୍ୟାନୁଷ୍ଠାନ ହୋଇଥିଲା। ଦୀପକେଙ୍କ ଅଟକକୁ ବେଆଇନ ବୋଲି ଅଭିଯୋଗ କରିଥିଲେ CJPର ଆଇନ ବିଭାଗ ମୁଖ୍ୟ ରତ୍ନା ସିଂହ।

ସେପଟେ ଏଆଇଏସଏ ସଭାପତି ନେହା ବୋରାଙ୍କୁ ଗୋଟିଏ ଦିନ ଅଟକ ରଖିବା ପରେ ମୁକ୍ତ କରିଛି ଦିଲ୍ଲୀ ପୋଲିସ। ଶୁକ୍ରବାର ଦିନ କନଟ୍ ପ୍ଲେସ୍‌ରେ ହେବାକୁ ଥିବା ଲହରା ଦୋ ତିରଙ୍ଗା ପ୍ରତିବାଦ ଶୋଭାଯାତ୍ରା ପୂର୍ବରୁ ଉଭୟଙ୍କୁ ସୁରକ୍ଷାମୂଳକ ଭାବେ ଅଟକ ରଖାଯାଇଥିଲା।

ନେହା କହିଛନ୍ତି, “କେଉଁ ଆଇନ କିମ୍ବା ଆଦେଶ ଅନୁଯାୟୀ ଅଟକ ବ୍ୟକ୍ତିଙ୍କୁ ସାରା ରାତି ହେପାଜତରେ ରଖିବାକୁ ଅନୁମତି ଦିଆଯାଇଛି? ଆଇନଗତ ଭାବେ ବ୍ୟକ୍ତିବିଶେଷ, ବିଶେଷ କରି ମହିଳାମାନଙ୍କୁ ସୂର୍ଯ୍ୟାସ୍ତ ପରେ ମୁକ୍ତ କରାଯିବା ଉଚିତ ତଥାପି ଏହା ଘଟୁନାହିଁ। ସେମାନେ ମୋର ନାମ, ଠିକଣା ଏବଂ ଅନ୍ୟାନ୍ୟ ବିବରଣୀ ମାଗିଥିଲେ। ଦୀର୍ଘ ସମୟ ଧରି, ସେମାନେ ମୋତେ ଓକିଲଙ୍କ ସହ ପରାମର୍ଶ କରିବାକୁ ମଧ୍ୟ ଦେଇନଥିଲେ। ଆମ ଓକିଲ ମୋ ପାଖରେ ପହଞ୍ଚିବା ପାଇଁ ୫ ରୁ ୬ ଘଣ୍ଟା ଚେଷ୍ଟା କରିଥିଲେ। ଆମେ ସେମାନଙ୍କୁ କଲ୍ କରିବାକୁ ସକ୍ଷମ ହେବା ପରେ ହିଁ ସେମାନଙ୍କୁ ଶେଷରେ ମୋତେ ଭେଟିବାକୁ ଅନୁମତି ଦିଆଯାଇଥିଲା।”

The post ସିଜେପି ପ୍ରତିଷ୍ଠାତା ଅଭିଜିତ ଦୀପକେଙ୍କୁ ମିଳିଲା ଜାମିନ୍, ନେହାଙ୍କୁ ମୁକ୍ତ କଲା ପୋଲିସ appeared first on Sanket Tv.

ଦିଲ୍ଲୀ ପୋଲିସ ସିଜେପି ପ୍ରତିଷ୍ଠାତା ଅଭିଜିତ ଦୀପକେଙ୍କୁ ଏକ ନୋଟିସ ଜାରି କରି କନାଟ ପ୍ଲେସରେ ପ୍ରତିବାଦ କରିବାରୁ ବାରଣ କରିଥିଲା। କନାଟ ପ୍ଲେସ ଏବଂ ଆଖପାଖ ଅଞ୍ଚଳରେ ନିଷେଧାଜ୍ଞା ଜାରି ଥିବାରୁ ପୋଲିସ ମାର୍ଚ୍ଚ ପାଇଁ ଅନୁମତି ଦେଇନାହିଁ। ନୂଆଦିଲ୍ଲୀ ମ୍ୟୁନିସିପାଲ କାଉନସିଲ ମଧ୍ୟ ଘୋଷଣା କରିଛି ଯେ ଶୁକ୍ରବାର ଏବଂ ଶନିବାର ଦିନ ସେନ୍ଟ୍ରାଲ ପାର୍କ ସାଧାରଣ ଜନତାଙ୍କ ପାଇଁ ବନ୍ଦ ରହିବ।

ତେବେ ନିଷେଧାଜ୍ଞା ସତ୍ତ୍ୱେ ଦିଲ୍ଲୀ ପୋଲିସ ପ୍ରତିବାଦୀମାନଙ୍କୁ ସେନ୍ଟ୍ରାଲ ପାର୍କ ନିକଟରେ ଏକତ୍ରିତ ହେବାକୁ ଏବଂ ମାର୍ଚ୍ଚ କରିବାକୁ ଅନୁମତି ଦେଉଥିବା ଜଣାପଡ଼ିଛି। ପ୍ରତିବାଦୀମାନେ ବହୁ ସଂଖ୍ୟାରେ ଜାତୀୟ ପତାକା ଧରିଥିବାରୁ ଅଧିକାରୀମାନେ ହସ୍ତକ୍ଷେପ କରିବାକୁ ଅନିଚ୍ଛୁକ ଅଛନ୍ତି ବୋଲି ଜଣାପଡ଼ିଛି।

ଘଟଣାସ୍ଥଳରେ ଉପସ୍ଥିତ ଜଣେ ବରିଷ୍ଠ ଆଇପିଏସ ଅଧିକାରୀ କହିଛନ୍ତି ଯେ ପୋଲିସ ହସ୍ତକ୍ଷେପ କଲେ ତିରଙ୍ଗା ପଡ଼ିଯାଇପାରେ କିମ୍ବା ନଷ୍ଟ ହୋଇପାରେ, ଯାହା ବଳକୁ ଏକ ଲଜ୍ଜାଜନକ ପରିସ୍ଥିତି ସୃଷ୍ଟି କରିବ। ମାର୍ଚ୍ଚ ଶାନ୍ତିପୂର୍ଣ୍ଣ ରହିଲେ ପୋଲିସ ଏହାକୁ ଜାରି ରଖିବାକୁ ଦେବ, କିନ୍ତୁ ପ୍ରତିବାଦୀମାନଙ୍କୁ ସେନ୍ଟ୍ରାଲ ପାର୍କରେ ପ୍ରବେଶ କରିବାକୁ ଅନୁମତି ଦିଆଯିବ ନାହିଁ ବୋଲି ସେ ସୂଚାଇଛନ୍ତି। ସନ୍ଧ୍ୟା ସମୟରେ ଭିଡ଼ ବଢ଼ିବାରେ ଲାଗିଛି ଏବଂ ପ୍ରତିବାଦୀମାନେ ପାଲିକା ବଜାର ଗେଟ ନମ୍ବର ୧ ନିକଟରେ ଏକତ୍ରିତ ହେଉଛନ୍ତି।

ଏସଏଫଆଇ, ଡିୱାଇଏଫଆଇ, ଏଆଇଏସଏଫ ଏବଂ ଏଆଇୱାଇଏଫର କର୍ମୀମାନେ ମଧ୍ୟ ଏକ ତିରଙ୍ଗା ମାର୍ଚ୍ଚ ପ୍ରତିବାଦ କରିଛନ୍ତି। ସିପିଆଇ ସାଂସଦ ପି ସନ୍ଦୋଷ କୁମାର କହିଛନ୍ତି ଯେ ଆନ୍ଦୋଳନ ଆଗାମୀ ଦିନରେ ତୀବ୍ର ହେବ ଏବଂ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ଇସ୍ତଫା ସୁନିଶ୍ଚିତ କରାଯିବ। ପୋଲିସ କାର୍ଯ୍ୟାନୁଷ୍ଠାନ ପ୍ରତିବାଦୀମାନଙ୍କୁ ନିରୁତ୍ସାହିତ କରିପାରିବ ନାହିଁ ବୋଲି ସେ କହିଛନ୍ତି।

ସିଜେପି ଅଭିଯୋଗ କରିଛି ଯେ ଦିଲ୍ଲୀ ପୋଲିସ ତାଙ୍କ ପ୍ରତିଷ୍ଠାତା ଅଭିଜିତ ଦୀପକେଙ୍କୁ ଏକ ଅଜ୍ଞାତ ସ୍ଥାନକୁ ନେଇଯାଇଛି ଏବଂ ଦଳର ତାଙ୍କ ସହ ଯୋଗାଯୋଗ ହରାଇଛି। ଦୀପକେଙ୍କୁ ଓକିଲମାନଙ୍କ ସହ କଥା କହିବାକୁ ଅନୁମତି ଦିଆଯାଉନାହିଁ ବୋଲି ଦଳ ଅଭିଯୋଗ କରିଛି। ଏକ୍ସରେ ଏକ ପୋଷ୍ଟରେ ଦଳ କହିଛି, “ତୁମେ ଜଣେ ଅଭିଜିତକୁ ଅଟକ ରଖ, ହଜାରେ ଅଭିଜିତ ଠିଆ ହେବେ! ତିରଙ୍ଗା ଆମର ଜୀବନ, ତିରଙ୍ଗା ଆମର ଗର୍ବ! କେହି ଆମକୁ ଅଟକାଇ ପାରିବ ନାହିଁ!”

ସିଜେପି ନେତା ଅଜିଙ୍କ୍ୟ ଶିନ୍ଦେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସମାଲୋଚନା କରି କହିଛନ୍ତି, “ଅଭିଜିତ ଦୀପକେ କେବଳ ଜଣେ ବ୍ୟକ୍ତି ଥିଲେ ଯିଏ ହାତରେ ତିରଙ୍ଗା ଧରି ଚାଲୁଥିଲେ। ଆମେ କେମିତି ଦେଶ ହୋଇଗଲୁ ଯେ ଆମକୁ ଆମର ଜାତୀୟ ପତାକା ଉଡ଼ାଇବାକୁ ମଧ୍ୟ ଅନୁମତି ଦିଆଯାଉନାହିଁ?” ପୋଲିସ ଉପଆୟୁକ୍ତ ରାଜୀବ ରଞ୍ଜନ କହିଛନ୍ତି ଯେ ନିର୍ଦ୍ଦିଷ୍ଟ ବ୍ୟକ୍ତିଙ୍କ ତାଲିକା ସମ୍ପର୍କରେ ପୋଲିସକୁ କୌଣସି ଯୋଗାଯୋଗ କିମ୍ବା ଅନୁରୋଧ ମିଳିନାହିଁ।

The post ଦିଲ୍ଲୀରେ ସିଜେପିର ‘ଲହରା ଦୋ ତିରଙ୍ଗା’ ପ୍ରତିବାଦ: ଶତାଧିକ ପ୍ରତିବାଦୀ ଅଟକ appeared first on Sanket Tv.

SIR ପ୍ରକ୍ରିୟାର ବୈଧତା, ଭୋଟର ତାଲିକାରୁ ନାମ ବାଦ୍ ଦିଆଯିବା ଏବଂ ଯୋଗ୍ୟ ମତଦାତାଙ୍କ ଭୋଟଦାନ ଅଧିକାର ପ୍ରଭାବିତ ହେବାର ଆଶଙ୍କାକୁ ନେଇ ଆବେଦନକାରୀମାନେ ପ୍ରଶ୍ନ ଉଠାଇଛନ୍ତି। ଏହି ପ୍ରକ୍ରିୟାରେ ସ୍ୱଚ୍ଛତା ଓ ଉତ୍ତରଦାୟିତ୍ୱ ସୁନିଶ୍ଚିତ କରିବାକୁ ଆବେଦନରେ ଦାବି କରାଯାଇଛି। ବିଶେଷକରି ଭୋଟର ତାଲିକାରୁ ବାଦ୍ ପଡ଼ିଥିବା ନାମଗୁଡ଼ିକର ସ୍ୱାଧୀନ ଯାଞ୍ଚ ଏବଂ SIR ପ୍ରକ୍ରିୟା ଉପରେ ଅନ୍ତରୀଣ କଟକଣା ଲଗାଇବାକୁ ଆବେଦନକାରୀମାନେ ଅନୁରୋଧ କରିଛନ୍ତି।

ଶୁଣାଣି ସମୟରେ ସୁପ୍ରିମକୋର୍ଟ ଏହି ସମସ୍ତ ପ୍ରସଙ୍ଗରେ ନିର୍ବାଚନ କମିଶନ ଓ ମୁଖ୍ୟ ନିର୍ବାଚନ କମିଶନରଙ୍କ ଜବାବ ମାଗିଛନ୍ତି। ସ୍ୱତନ୍ତ୍ର ସଘନ ସଂଶୋଧନ (SIR) ଓ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ଇସ୍ତଫା ଦାବିରେ ଦେଶର କୋଣ ଅନୁକୋଣରେ ବିରୋଧୀ ଦଳ ପକ୍ଷରୁ ପ୍ରତିବାଦ ଆନ୍ଦୋଳନ ଜାରି ରହିଛି। ଏହି ବିବାଦ ନେଇ ସୁପ୍ରିମକୋର୍ଟରେ ଆନ୍ଦୋଳନ ଓ SIRକୁ ନେଇ ମାମଲା ଦାୟର ହୋଇଛି। ଆଜି ୪ଟି ମାମଲାର ଶୁଣାଣି କରିଛନ୍ତି ସୁପ୍ରିମକୋର୍ଟ।

INDIA ମେଣ୍ଟର ପଦଯାତ୍ରା ବେଳେ ସୁପ୍ରିମକୋର୍ଟଙ୍କ କାର୍ଯ୍ୟ ଉପରେ ପ୍ରଶ୍ନ ଉଠାଇବାକୁ ନେଇ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ଉପରେ କ୍ଷୁବ୍ଧ ସୁପ୍ରିମକୋର୍ଟ। ଜନ୍ତରମନ୍ତର ନାଁ ଧାରଣାସ୍ଥଳରୁ ହଟାଇବାକୁ ନେଇ ଦିଲ୍ଲୀ ପୋଲିସକୁ ନୋଟିସ୍ କରିଛନ୍ତି ସୁପ୍ରିମକୋର୍ଟ। ଏଥିସହ SIR ବିବାଦକୁ ନିର୍ବାଚନ ଆୟୋଗ ଓ CEC ଜ୍ଞାନେଶ କୁମାରଙ୍କୁ ମଧ୍ୟ ନୋଟିସ୍ କରାଯାଇଛି।

ଏକ ମାମଲାର ଶୁଣାଣି ବେଳେ ଆଜି (ଗୁରୁବାର) ସୁପ୍ରିମକୋର୍ଟ ରାହୁଲ ଗାନ୍ଧୀଙ୍କ ବ୍ୟବହାରକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ସର୍ବୋଚ୍ଚ ନ୍ୟାୟାଳୟ କହିଛନ୍ତି, କିଏ ବି ନ୍ୟାୟପାଳିକାକୁ ଭୟଭୀତ କରିପାରିବ ନାହିଁ, କଣ ଘଟଣା ଘଟୁଛି ଆମେ ସବୁ ଜାଣୁ। ସିଜେଆଇ ସୂର୍ଯ୍ୟକାନ୍ତ କହିଛନ୍ତି, “କିଏ ବି ଡରେଇ ପାରିବନି, ଏହାର ଚିନ୍ତା କରନ୍ତୁ ନାହିଁ।”

ମୁଖ୍ୟ ବିଚାରପତି ଆହୁରି କହିଥିଲେ ଯେ, ଅକ୍ଟୋବର ୧୨ରେ ରାହୁଲଙ୍କ ସୁପ୍ରିମକୋର୍ଟ ପଦଯାତ୍ରା ବେଳେ ହୋଇଥିବା ଅବ୍ୟବସ୍ଥା ଉପରେ ରାହୁଲଙ୍କୁ ଜବାବ ଦେବାକୁ ପଡ଼ିବ। ସିଜେଆଇ ଆହୁରି କହିଥିଲେ, କିଏ ବି ଏପରି ପ୍ରୟାସ ଉପରେ ଧ୍ୟାନ ଦିଏ ନାହିଁ। “ସିଏ ବାହାରେ କଣ ବୟାନ ଦେଉଛନ୍ତି, ଭିତରେ କଣ ବୟାନ ଦେଉଛନ୍ତି। ଆମେ କାଳ୍ପନିକ ଦୁନିଆରେ ବସିନାହୁଁ। ଆମେ ପାଖରେ ସବୁ ଖବର ରହିଛି। ଆପଣ ଏହା ଉପରେ ଚିନ୍ତା କରନ୍ତୁ ନାହିଁ” ବୋଲି ସିଜେଆଇ ସୂର୍ଯ୍ୟକାନ୍ତ କହିଥିଲେ।

SIR ସମୟରେ ଭୋଟରଙ୍କ ନାଁକୁ ବାଦ ଦେବାକୁ ନେଇ ରାହୁଲ ଗାନ୍ଧୀଙ୍କ ସମେତ ୧୩ ବିରୋଧୀ ଦଳ ନେତାଙ୍କ ପକ୍ଷରୁ ଦାୟର ଆବେଦନ ଉପରେ ସୁପ୍ରିମକୋର୍ଟ ଜବାବ ମାଗିବା ସହ ନିର୍ବାଚନ ଆୟୋଗ ଓ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କୁ ନୋଟିସ୍ ଜାରି କରିଛନ୍ତି।

ଜନ୍ତରମନ୍ତର ନାଁକୁ ଧାରଣା ସ୍ଥଳରୁ ହଟାଇବା ଉପରେ ଦାୟର ପିଟିସନ ଉପରେ ସୁପ୍ରିମକୋର୍ଟ ଦିଲ୍ଲୀ ପୋଲିସକୁ ନୋଟିସ୍ ଜାରି କରିଛନ୍ତି। କେଉଁ ଆଧାରରେ ନିଷ୍ପତ୍ତି ନିଆଯାଇଥିଲା ଏହା ଉପରେ ବିସ୍ତୃତ ଭାବେ ଜଣାଇବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି।

The post ଏସଆଇଆର ବିବାଦରେ ନିର୍ବାଚନ କମିଶନ ଓ ସିଇସିଙ୍କୁ ଜବାବ ଦେବାକୁ ସୁପ୍ରିମକୋର୍ଟଙ୍କ ନୋଟିସ୍ appeared first on Sanket Tv.

ଦିଲ୍ଲୀ ହାଇକୋର୍ଟ ସିଜେପିକୁ ଏହି ପ୍ରତିବାଦ କରିବାରୁ ରୋକିବାକୁ ମନା କରିଦେଇଛନ୍ତି। ପୁଲିସ ପକ୍ଷରୁ ଦିଆଯାଇଥିବା ଆଶ୍ୱାସନାକୁ କୋର୍ଟ ରେକର୍ଡରେ ରଖିଛନ୍ତି ଯେ ସେମାନଙ୍କ କାର୍ଯ୍ୟକଳାପକୁ ନିୟନ୍ତ୍ରଣ ଏବଂ ପରିଚାଳନା କରିବା ପାଇଁ ସମସ୍ତ ସମ୍ଭାବ୍ୟ ପଦକ୍ଷେପ ନିଆଯିବ।

ସିଜେପି ସାରା ଦେଶରେ ‘ତିରଙ୍ଗା ମାର୍ଚ୍ଚ’ ପାଇଁ ଆହ୍ୱାନ ଦେଇଛି। ଦଳର ସହ-ଆହ୍ୱାନକାରୀ ସୌରଭ ଦାସ ଏବଂ ଆଶୁତୋଷ ରଙ୍କାଙ୍କୁ “କେବଳ ତ୍ରିରଙ୍ଗା ଉଡ଼ାଇବା ପାଇଁ ଜେଲରେ ରଖାଯାଇଛି” ବୋଲି ଦଳ ଅଭିଯୋଗ କରିଛି।

ଏହି ଅବସରରେ ଶ୍ରୀ ଦିପକେ ସରକାରଙ୍କ ଉପରେ ଅଭିଯୋଗ କରିଛନ୍ତି ଯେ ସେମାନେ ଭୋଟର ତାଲିକାରୁ ନାମ କାଟିବା ମାଧ୍ୟମରେ ନିର୍ବାଚନ ଫଳାଫଳକୁ ପ୍ରଭାବିତ କରିବାକୁ ଚେଷ୍ଟା କରୁଛନ୍ତି। ୧୩ କୋଟିରୁ ଅଧିକ ଭୋଟରଙ୍କ ନାମ କାଟିବା ଏକ “ସେଟିଂ” କି ନୁହେଁ ବୋଲି ସେ ପ୍ରଶ୍ନ କରିଛନ୍ତି।

ସେ ଅଲ ଇଣ୍ଡିଆ ଷ୍ଟୁଡେଣ୍ଟସ୍ ଆସୋସିଏସନର ଜାତୀୟ ସଭାପତି ନେହା ବୋରା, ଷ୍ଟୁଡେଣ୍ଟସ୍ ଫେଡେରେସନ୍ ଅଫ୍ ଇଣ୍ଡିଆର ନେତା ଆଇଶେ ଘୋଷ, ଅଲ ଇଣ୍ଡିଆ ଷ୍ଟୁଡେଣ୍ଟସ୍ ଫେଡେରେସନର ଜାତୀୟ ସଭାପତି ବିରାଜ ଦେବାଙ୍ଗ ଏବଂ ଅଭିନେତା ପ୍ରକାଶ ରାଜଙ୍କ ସହ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧନ କରିଥିଲେ।

ଦିନର ଆରମ୍ଭରେ, ସୁପ୍ରିମକୋର୍ଟ ଭାରତୀୟ ନିର୍ବାଚନ ଆୟୋଗଙ୍କ ବିଶେଷ ସଘନ ସମୀକ୍ଷା (ଏସଆଇଆର) ଅଭ୍ୟାସ ଏବଂ ଗତ ସପ୍ତାହରେ ଦିଲ୍ଲୀରେ ଆଣ୍ଟି-ସିଇସି ପ୍ରତିବାଦ ସମୟରେ ପ୍ରତିବାଦକାରୀ, ସାମ୍ବାଦିକ ଏବଂ ଅନ୍ୟମାନଙ୍କ ସାମୂହିକ ଗିରଫଦାରୀକୁ ଚ୍ୟାଲେଞ୍ଜ କରି ଦାଖଲ ହୋଇଥିବା ଏକାଧିକ ଆବେଦନ ଉପରେ ନୋଟିସ ଜାରି କରିଛନ୍ତି।

The post କକ୍ରୋଚ୍ ଜନତା ପାର୍ଟି କରିବ ତିରଙ୍ଗା ମାର୍ଚ୍ଚ: ଦିଲ୍ଲୀ ହାଇକୋର୍ଟଙ୍କ ଅନୁମତି appeared first on Sanket Tv.

କୋର୍ଟଙ୍କ କହିବାନୁସାରେ, ହିନ୍ଦୁ ସାମାଜିକ ବ୍ୟବସ୍ଥାରେ ପଛୁଆ ବର୍ଗ କିମ୍ବା ଅନୁସୂଚିତ ଜାତି ଏବଂ ଜନଜାତିର କିଛି ବ୍ୟକ୍ତି ଅନ୍ୟ ଧର୍ମ ଗ୍ରହଣ କରୁଛନ୍ତି । ଏପରି ଧର୍ମ ପରିବର୍ତ୍ତନ କଲେ ସେମାନଙ୍କୁ ସଂରକ୍ଷଣର ଫାଇଦା ମିଳିବ ନାହିଁ । ହିନ୍ଦୁ ବ୍ୟବସ୍ଥା ଅନୁସାରେ ଧର୍ମ ପରିବର୍ତ୍ତନ କଲେ ସେ ଯେଉଁ ବର୍ଗରେ ଥିବେ ତାହା ଅନ୍ୟ ଧର୍ମକୁ ସ୍ଥାନାନ୍ତର ହୁଏ ନାହିଁ ।

ଏହାସହ ସୁପ୍ରିମକୋର୍ଟ ମାଦ୍ରାସ ହାଇକୋର୍ଟଙ୍କ ଏକ ରାୟକୁ କାଏମ ରଖିଛନ୍ତି । ମାଦ୍ରାସ ହାଇକୋର୍ଟ ତାମିଲନାଡୁ ସରକାରଙ୍କ ଧର୍ମ ପରିବର୍ତ୍ତନ କରି ମୁସଲିମ ହୋଇଥିବା ବ୍ୟକ୍ତିଙ୍କୁ ସଂରକ୍ଷଣ ପ୍ରଦାନ ନିଷ୍ପତ୍ତିକୁ ରଦ୍ଦ କରିଦେଇଥିଲେ । ଏହାକୁ ନେଇ ସରକାର ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ସୁପ୍ରିମକୋର୍ଟ ସମ୍ବିଧାନର ଧାରା ଅନୁସାରେ ତାମିଲନାଡୁ ସରକାରଙ୍କ ଆବେଦନକୁ ଖାରଜ କରିଦେଇଛନ୍ତି ।

କୋର୍ଟ ଆହୁରି ମଧ୍ୟ କୌଣସି ପଛୁଆ ବର୍ଗର ବ୍ୟକ୍ତି ଅନ୍ୟ ଧର୍ମ ଆପଣାଇଲେ ସେ ସଂରକ୍ଷଣ ବାବଦରେ ଦାବି କରିପାରିବେ ନାହିଁ ବୋଲି ସ୍ପଷ୍ଟ କରିଛନ୍ତି ।

The post ଧର୍ମ ପରିବର୍ତ୍ତନ କଲେ ସଂରକ୍ଷଣର ଲାଭ ମିଳିବ ନାହିଁ: ସୁପ୍ରିମକୋର୍ଟ appeared first on Sanket Tv.

ଏହି ନିଷ୍ପତ୍ତି ଦ୍ୱାରା ରେଲୱେର ୧୧.୪୦ ଲକ୍ଷରୁ ଅଧିକ ରେଳ କର୍ମଚାରୀଙ୍କୁ ଅତିରିକ୍ତ ୭୮ ଦିନର ଦରମା ମିଳିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ହୋଇଥିବା କେନ୍ଦ୍ର କ୍ୟାବିନେଟ୍ ବୈଠକରେ ପ୍ରଡକ୍ଟିଭିଟି ଲିଙ୍କ୍ଡ ବୋନସକୁ ମଞ୍ଜୁରି ଦିଆଯାଇଛି । କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ଅଶ୍ୱିନୀ ବୈଷ୍ଣବ ଏହି ସୂଚନା ଦେଇଛନ୍ତି ।

ସରକାରଙ୍କ ମଞ୍ଜୁରି ପରେ ୧୧,୪୦,୭୭୦ ରେଲୱେ କର୍ମଚାରୀଙ୍କୁ ଏହି ବୋନସର ଲାଭ ମିଳିବ । ପ୍ରଡକ୍ଟିଭିଟି ଲିଙ୍କ୍ଡ ବୋନସ ରେଲୱେ କର୍ମଚାରୀଙ୍କୁ ପ୍ରତ୍ୟେକ ବର୍ଷ ପ୍ରଦାନ କରାଯାଇଥାଏ । ଏହାର ଉଦ୍ଦେଶ୍ୟ କର୍ମଚାରୀଙ୍କ ଯୋଗଦାନକୁ ପ୍ରୋତ୍ସାହିତ କରିବା ଏବଂ ସେମାନଙ୍କ କାମକୁ ପ୍ରଶଂସା କରିବା । ଏହି ବୋନସ ଯୋଗ୍ୟ ନନ-ଗେଜେଟେଡ୍ କର୍ମଚାରୀଙ୍କୁ ଦିଆଯିବ । ସରକାରଙ୍କ ଠାରୁ ମଞ୍ଜୁରି ମିଳିବା ପରେ ଏବେ କର୍ମଚାରୀଙ୍କୁ ବୋନସ ଟଙ୍କା ପ୍ରଦାନ ପ୍ରକ୍ରିୟା ଆଗକୁ ବଢ଼ିବ ।

କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, “ଆଜି କ୍ୟାବିନେଟ ତିନୋଟି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି । ପ୍ରଥମ ନିଷ୍ପତ୍ତି ଥିଲା ପ୍ରାୟ ୧୧,୪୦,୭୭୦ ରେଳ କର୍ମଚାରୀଙ୍କ ପାଇଁ ୭୮ ଦିନର କାର୍ଯ୍ୟଦକ୍ଷତା ଆଧାରିତ ବୋନସକୁ ମଞ୍ଜୁର କରିବା । ଏହି ବୋନସ ଦିନରାତି ଅକ୍ଲାନ୍ତ ପରିଶ୍ରମ କରୁଥିବା ପରିଶ୍ରମୀ ରେଳ କର୍ମଚାରୀଙ୍କ ପାଇଁ ଏକ ଦୀପାବଳି ଉପହାର । ଆମେ ଆମ ପରିବାର ସହିତ ପର୍ବ ପାଳନ କରୁଥିବା ବେଳେ, ଏହି କର୍ମଚାରୀମାନେ କ୍ଷେତରେ, ରେଳ ଟ୍ରାକରେ, ଇଞ୍ଜିନ ଭିତରେ ଏବଂ କର୍ମଶାଳାରେ ନିଜର ସର୍ବୋତ୍ତମ ପ୍ରଦର୍ଶନ କରି ୨୪ ଘଣ୍ଟା କାମ କରି ଚାଲିଛନ୍ତି । ମୋଟ ବୋନସର ପରିମାଣ ପ୍ରାୟ ୨,୦୦୯ କୋଟି ।”

The post ଦଶହରା ପୂର୍ବରୁ ରେଲୱେ କର୍ମଚାରୀଙ୍କୁ ୭୮ ଦିନର ବୋନସ ଘୋଷଣା appeared first on Sanket Tv.