ଏନେଇ ଗୁରୁବାର ଅପରାହ୍ନରେ ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପର ଉପ କ୍ଷେତ୍ର ନିର୍ଦ୍ଦେଶକ (ଦକ୍ଷିଣ) ସୁମିତ କୁମାର କର ନିଜ କାର୍ଯ୍ୟାଳୟରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ବିସ୍ତୃତ ତଥ୍ୟ ରଖିଛନ୍ତି। ନିଜର ଗୋଇନ୍ଦା ଦଳର ଖବର ଅନୁସାରେ ବୁଧବାର ଖୁଣ୍ଟା ଥାନା ଅଧୀନ ବାସିପିଠା ନିକଟରେ ଏସଟିଏଫ ଟିମ ଚଢ଼ାଉ କରି ଉପରୋକ୍ତ ସଫଳତା ପାଇଥିବା କହିଛନ୍ତି।

ଗିରଫ ଅଭିଯୁକ୍ତମାନେ ହେଲେ: ଖୁଣ୍ଟା ଥାନା କୁସୁମଘାଟି ଗ୍ରାମର ଗଙ୍ଗାଧର ମୁର୍ମୁ (୬୨), କୁଳିଅଣା ଥାନା କାଠରୁମା ଗ୍ରାମର ରାମଦାସ ହେମ୍ବ୍ରମ (୪୦), ଏବଂ ବାଙ୍ଗରିପୋଷି ଥାନା ଯୋକା ଗ୍ରାମର ଭିମା ବାସ୍କେ (୪୦)। ସେମାନଙ୍କଠାରୁ ୩ ଟି ବାଇକ ଓ ୨ ଟି ମୋବାଇଲ ଫୋନ ଜବତ କରାଯାଇଛି।

ଏମାନଙ୍କ ମଧ୍ୟରୁ ଜଣେ ଖସି ପଳାଇବାକୁ ଉଦ୍ୟମ କରୁଥିବା ବେଳେ ଗାତରେ ପଡ଼ି ଆହତ ହେତୁ ଚିକିତ୍ସାଧୀନ ରହିଛନ୍ତି। ଅନ୍ୟ ୨ ଜଣଙ୍କୁ କୋର୍ଟ ଚାଲାଣ କରାଯାଇଛି। ଘଟଣାରେ ଅଧିକ ଜଣ ସମ୍ପୃକ୍ତ ଥିବା ଜଣାପଡ଼ୁଛି।

ବାଘଟି ପାଖାପାଖି ୨ ବର୍ଷର ଶାବକ କଳାବାଘ ବୋଲି ଅନୁମାନ କରାଯାଉଛି। ପରୀକ୍ଷାଗାରକୁ ନମୁନା ପଠାଯାଇଛି। ରିପୋର୍ଟ ଆସିବା ପରେ ମୃତ୍ୟୁର କାରଣ ଓ ସବିଶେଷ ସୂଚନା ମିଳିପାରିବ ବୋଲି ଶ୍ରୀ କର ସୂଚନା ଦେଇଛନ୍ତି।

ଏହାକୁ ମିଶାଇ ଶିମିଳିପାଳରେ ଏହା ତୃତୀୟ କଳାବାଘ ଶିକାର ଘଟଣା। ବିଶ୍ୱର ଶିମିଳିପାଳରେ ହିଁ କେବଳ କଳାବାଘ ରହନ୍ତି। ପୂର୍ବ ଗଣନା ଅନୁସାରେ ଶିମିଳିପାଳରେ ୧୪ ଟି କଳାବାଘ ଥିଲେ। ଶିକାରୀଙ୍କ ଲୋଲୁପ ଦୃଷ୍ଟି ପାଇଁ ଏବେ ତାଙ୍କ ଜୀବନ ଅସୁରକ୍ଷିତ।

ଅପରପକ୍ଷରେ ଶିକାର ବନ୍ଦ ପାଇଁ ଶିମିଳିପାଳରେ ୭ ଟି ସନ୍ଧାନୀ କୁକୁର ସ୍କୁଆର୍ଡ, ଏସଟିଏଫ, ଗୋଇନ୍ଦା ଟିମ୍ ଓ ଏଆଇ (କୃତ୍ରିମ ବୁଦ୍ଧିମତ୍ତା) କୌଶଳ ଦ୍ୱାରା ଅଧିକରୁ ଅଧିକ କୌଶଳ ବିଭାଗ ପକ୍ଷରୁ ଆପଣାଯାଉଛି ବୋଲି ଶ୍ରୀ କର ସୂଚନା ଦେଇଛନ୍ତି।

The post କଳାବାଘ ଛାଲ ଜବତ, ୩ ଅଭିଯୁକ୍ତ ଗିରଫ appeared first on Sanket Tv.

ଏପର୍ଯ୍ୟନ୍ତ ଭିଜିଲାନ୍ସ ଚଢ଼ାଉ ସମୟରେ, ଶ୍ରୀ ଶବର ଏବଂ ତାଙ୍କ ପରିବାର ସଦସ୍ୟଙ୍କ ନାମରେ ନିମ୍ନଲିଖିତ ସମ୍ପତ୍ତି ଠାବ କରାଯାଇଛି;

୧। ଭବାନୀପାଟଣା ସହରର ଗୋସାଣିମୁଣ୍ଡାରେ ପ୍ଲଟ୍ ନଂ.୧୪୭୯/୮୪୦୭ ଉପରେ ପ୍ରାୟ ୪୫୦୦ ବର୍ଗଫୁଟ କ୍ଷେତ୍ରଫଳ ସହିତ ଗୋଟିଏ ଦ୍ୱିତଳ କୋଠା।

୨। ପ୍ରାୟ ୨୬୨୫ ବର୍ଗଫୁଟ କ୍ଷେତ୍ରଫଳ ସହିତ ଗୋଟିଏ ଦ୍ୱିତଳ କୋଠା (କଳାହାଣ୍ଡି ଜିଲ୍ଲା କୋକସରାର କୁସୁମଖୁଣ୍ଟି)।

୩। କୋକସରାର ମୋଟେର ଛକରେ ୪୨୨୮ ବର୍ଗଫୁଟ କ୍ଷେତ୍ରଫଳ ସହିତ ଗୋଟିଏ ଦୁଇ ମହଲା (ନିର୍ମାଣାଧୀନ) କୋଠା।

୪। କଳାହାଣ୍ଡି ଜିଲ୍ଲା କୁସୁମଖୁଣ୍ଟି, କୋକସରାରେ ୧୩୦୦ ବର୍ଗଫୁଟ କ୍ଷେତ୍ରଫଳ ସହିତ ଆଉ ଏକ ଦୁଇ ମହଲା କୋଠା (ନିର୍ମାଣାଧୀନ)।

୫। କୋକସରାର ମୋଟେର ଛକରେ ୨୨୧୪ ବର୍ଗଫୁଟ କ୍ଷେତ୍ରଫଳ ସହିତ ୮ଟି କ୍ୟାବିନ୍ ଥିବା ଗୋଟିଏ ମାର୍କେଟ୍ କମ୍ପ୍ଲେକ୍ସ।

୬। ଭବାନୀପାଟଣା ସହର ନିକଟବର୍ତ୍ତୀ କିଟପଦରରେ ୯ ଏକର ଜମିରେ ବିସ୍ତାରିତ ଗୋଟିଏ ଫାର୍ମ ହାଉସ।

୭। ଭବାନୀପାଟଣା ଏବଂ କୋକସରା ଉପକଣ୍ଠରେ ୩୯.୬୪ ଡିସିମିଲ୍ ଆକାରରେ ୩୩ଟି ପ୍ଲଟ୍। (ଯଥା: ତାଲାବେଲାଗାଁ, କୁଟେନପଦର, ଦ୍ୱାରସୁନି, କିଟପଦର ଆଦି ସ୍ଥାନରେ ୧.୮୦ ଡିସିମିଲ୍, ୨୦.୯ ଡିସିମିଲ୍, ୦.୦୮ ଡିସିମିଲ୍ ଆଦି ଜମି ଖଣ୍ଡ)

୮। ବ୍ୟାଙ୍କ, ଡାକ ଜମା ଏବଂ ଆର୍ଥିକ ଓ ଅନ୍ୟାନ୍ୟ ନିବେଶ (ନିର୍ଣ୍ଣୟ କରାଯାଉଛି)।

୯। ୧ (ଏକ) ଚାରିଚକିଆ ଯାନ (ହୁଣ୍ଡାଇ କ୍ରେଟା)।

ଭିଜିଲାନ୍ସ ଜାଲରେ ପୂର୍ତ୍ତ ବିଭାଗର ଅଧିକାରୀ। ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ୬ ଟି ସ୍ଥାନରେ ଏକକାଳୀନ ଚଢ଼ାଉ କରିଛି ଭିଜିଲାନ୍ସ ବିଭାଗ। ବିଳାସପୂର୍ଣ୍ଣ ଫାର୍ମ ହାଉସ ଦେଖି ଛାନିଆ ଭିଜିଲାନ୍ସ ଟିମ୍। ଆଜି ସକାଳୁ କଳାହାଣ୍ଡି ଜିଲ୍ଲା ଧର୍ମଗଡ଼ ପୂର୍ତ୍ତ ବିଭାଗର ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ଭୁବନେଶ୍ୱର ଶବର ଭିଜିଲାନ୍ସ ଜାଲରେ ପଡ଼ିଛନ୍ତି।

ଆୟବହିର୍ଭୂତ ଠୁଳ ଅଭିଯୋଗରେ ଭିଜିଲାନ୍ସର ୬ ଟି ଟିମ୍ ଭବାନୀପାଟଣା ବ୍ଲକ୍ ଗୋଷାଣୀମୁଣ୍ଡା ସ୍ଥିତ ଘରେ, କୁସୁମଖୁଣ୍ଟିରେ ଥିବା ପୈତୃକ ବାସଭବନ, ଦୁଆରସୁନି ଠାରେ ଥିବା ଘର, ଏକ ନିର୍ମାଣାଧୀନ କୋଠା, କିଟ୍ ପଦର ଠାରେ ଥିବା ବିଳାସପୂର୍ଣ୍ଣ ଫାର୍ମ ହାଉସ୍ ସମେତ ଧର୍ମଗଡ଼ ଏବଂ ଭବାନୀପାଟଣା ସ୍ଥିତ ସରକାରୀ କାର୍ଯ୍ୟାଳୟରେ ଚଢ଼ାଉ କରିଛନ୍ତି। ଭିଜିଲାନ୍ସ ସମସ୍ତ ଗୁରୁତ୍ବପୂର୍ଣ୍ଣ କାଗଜପତ୍ର, ବ୍ୟାଙ୍କ ଡକ୍ୟୁମେଣ୍ଟ ଯାଞ୍ଚ କରୁଛି।

ଏହି ଚଢ଼ାଉରେ ୬ (ଛଅ) ଜଣ ଡିଏସପି ଓ ୯ (ନଅ) ଜଣ ଇନ୍ସପେକ୍ଟର ସାମିଲ ହୋଇଛନ୍ତି। ତେବେ ଆକଳନ ପରେ ସବିଶେଷ ତଥ୍ୟ ମିଳିବ ବୋଲି ଭିଜିଲାନ୍ସ ପକ୍ଷରୁ ସୂଚନା ମିଳିଛି।

The post ନିର୍ବାହୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢାଉ, ମିଳିଳା ୩୩ ପ୍ଲଟ୍, ୪ ବହୁମହଲା କୋଠା, ଫାର୍ମହାଉସ୍ appeared first on Sanket Tv.

ଅଭିଯୋଗ ଅନୁଯାୟୀ, ପ୍ରଧାନଶିକ୍ଷକ ଶ୍ରୀ ଦାସ ସ୍କୁଲର ଜଣେ ନୂତନ କର୍ମଚାରୀଙ୍କଠାରୁ ତାଙ୍କ ବକେୟା ଦରମା ଆଦାୟ ପାଇଁ ପଦକ୍ଷେପ ନେବାକୁ ୫,୦୦୦ ଟଙ୍କା ଲାଞ୍ଚ ମାଗୁଥିଲେ। ଉକ୍ତ କର୍ମଚାରୀ ଅଗଷ୍ଟ ୨୦୨୫ରେ ଯୋଗଦାନ କରିବା ପରଠାରୁ ଦରମା ପାଇ ନଥିଲେ।

କର୍ମଚାରୀଜଣକ କେନ୍ଦ୍ରାପଡ଼ାର ଡିଇଓ କାର୍ଯ୍ୟାଳୟରେ ଡିଡିଓଙ୍କ ନିକଟରେ ଉପସ୍ଥାନ ପତ୍ର ଦାଖଲ କରିବାକୁ ଚାହୁଁଥିଲେ। କିନ୍ତୁ ଅଭିଯୁକ୍ତ ପ୍ରଧାନଶିକ୍ଷକ ତାଙ୍କୁ ବାରଣ କରି ଲାଞ୍ଚ ଦାବି କରିଥିଲେ। ଏହାପରେ କର୍ମଚାରୀ ଭିଜିଲାନ୍ସକୁ ଖବର ଦେଇଥିଲେ।

ସୂଚନା ପାଇ ଭିଜିଲାନ୍ସର ଏକ ଟିମ୍ ଆଜି ଟ୍ରାପ୍ କରି ଶ୍ରୀ ଦାସଙ୍କୁ ଲାଞ୍ଚ ନେଉଥିବା ଅବସ୍ଥାରେ ଧରିଛି। ତାଙ୍କ ନିକଟରୁ ସମସ୍ତ ୫,୦୦୦ ଟଙ୍କା ଜବତ କରାଯାଇଛି। ଭିଜିଲାନ୍ସ ଘଟଣାର ତଦନ୍ତ ଜାରି ରଖିଛି।

The post ୫,୦୦୦ ଟଙ୍କା ଲାଞ୍ଚ ନେଇ ଧରାପଡ଼ିଲେ ପ୍ରଧାନଶିକ୍ଷକ appeared first on Sanket Tv.

ନୟାଗଡ଼ ଭାପୁର ଆରଡବ୍ଲୁ ସେକ୍ସନର କନିଷ୍ଠ ଯନ୍ତ୍ରୀ (ଜେଇ) କେଶବ ସୁବୁଦ୍ଧି ଏବଂ ତାଙ୍କ ସହଯୋଗୀ (ବ୍ୟକ୍ତିଗତ ବ୍ୟକ୍ତି) ଆଶୁତୋଷ ବଳିଆରସିଂ ଠିକାଦାରଙ୍କଠାରୁ ଏହି ଲାଞ୍ଚ ଦାବି କରୁଥିଲେ। ସରକାରଙ୍କ ସର୍ତ୍ତ ଅନୁଯାୟୀ, ରକ୍ଷଣାବେକ୍ଷଣ ଅବଧି ସମାପ୍ତ ହେବା ପରେ, ସୁରକ୍ଷା ଜମା ସହିତ ପ୍ରାରମ୍ଭିକ ସୁରକ୍ଷା ଜମା (ISD) ଠିକାଦାରଙ୍କୁ ଫେରସ୍ତ କରାଯାଏ। ଯଦି ରକ୍ଷଣାବେକ୍ଷଣ କାର୍ଯ୍ୟ ପାଇଁ ମାପ ନିଆ ନଯାଏ, ତେବେ ISD ଏବଂ ସୁରକ୍ଷା ଜମା ବାଜ୍ୟାପ୍ତ ହୋଇଯାଏ।

ରକ୍ଷଣାବେକ୍ଷଣ କାର୍ଯ୍ୟ ସମାପ୍ତ ହେବା ପରେ ଗତ ୩/୪ ମାସ ଧରି ଠିକାଦାର ଅଭିଯୁକ୍ତ ଜେଇଙ୍କୁ ମାପ ନେବାକୁ ଏବଂ ତାଙ୍କ ସପକ୍ଷରେ ସୁରକ୍ଷା ଟଙ୍କା ରିଲିଜ୍ କରିବାକୁ ଅନୁରୋଧ କରି ଆସୁଥିଲେ। କିନ୍ତୁ ଜେଇ ଶ୍ରୀ ସୁବୁଦ୍ଧି ଠିକାଦାରଙ୍କଠାରୁ ଉପରୋକ୍ତ କାର୍ଯ୍ୟ ପାଇଁ ୧.୩୬ ଲକ୍ଷ ଟଙ୍କା ଲାଞ୍ଚ ଦାବି କରିଥିଲେ।

ଲାଞ୍ଚ ଦାବିରେ କ୍ଷୁବ୍ଧ ହୋଇ ଠିକାଦାର ଭିଜିଲାନ୍ସ କର୍ତ୍ତୃପକ୍ଷଙ୍କ ନିକଟରେ ତାଙ୍କ ହଇରାଣ ବିଷୟରେ ସୂଚନା ଦେଇଥିଲେ। ଆଜି, ଜେଇ ଖଣ୍ଡପଡ଼ା ସ୍ଥିତ ତାଙ୍କ ସରକାରୀ କ୍ୱାର୍ଟରରେ ଠିକାଦାରଙ୍କୁ ଡାକି ତାଙ୍କ ସହଯୋଗୀ ଆଶୁତୋଷ ବଳିଆରସିଂ (ଶ୍ରୀ ସୁବୁଦ୍ଧିଙ୍କ ଦ୍ୱାରା ସୁପରଭାଇଜର ଭାବରେ କାର୍ଯ୍ୟ କରିବା ପାଇଁ ନିଯୁକ୍ତ ବ୍ୟକ୍ତିଗତ ବ୍ୟକ୍ତି)ଙ୍କୁ ଦାବି କରାଯାଇଥିବା ଲାଞ୍ଚ ଟଙ୍କା ହସ୍ତାନ୍ତର କରିବାକୁ କହିଥିଲେ, ଯିଏ ସେଠାରେ ଉପସ୍ଥିତ ଥିଲେ।

ଏହାପରେ, ଓଡ଼ିଶା ଭିଜିଲାନ୍ସର ଏକ ଦଳ ଠିକାଦାରଙ୍କଠାରୁ ୧.୩୬ ଲକ୍ଷ ଟଙ୍କା ଲାଞ୍ଚ ନେଉଥିବା ସମୟରେ ଶ୍ରୀ ସୁବୁଦ୍ଧି ଏବଂ ଶ୍ରୀ ବଳିଆରସିଂଙ୍କୁ ଗିରଫ କରିଥିଲେ। ସେମାନଙ୍କଠାରୁ ସମ୍ପୂର୍ଣ୍ଣ ଦାଗି ଲାଞ୍ଚ ଟଙ୍କା ୧.୩୬ ଲକ୍ଷ ଟଙ୍କା ଉଦ୍ଧାର କରାଯାଇ ଜବତ କରାଯାଇଛି। ଏହାପରେ ଜେଇ କେଶବ ସୁବୁଦ୍ଧିଙ୍କ ସହ ଜଡିତ ଦୁଇଟି ସ୍ଥାନରେ ଏକକାଳୀନ ଚଢ଼ାଉ ଚାଲିଛି।

The post ମୁଖ୍ୟମନ୍ତ୍ରୀ ସଡ଼କ ଯୋଜନା ଲାଞ୍ଚ ମାମଲା: କନିଷ୍ଠ ଯନ୍ତ୍ରୀଙ୍କ ସମେତ ୨ ଗିରଫ appeared first on Sanket Tv.

ଯାହାକୁ ନେଇ ଉପସ୍ଥିତ ଲୋକେ ତାତି ଉଠିଥିଲେ। ସେମାନେ ଦୁଇ ଯୁବକଙ୍କୁ କାବୁ କରିବାକୁ ଚେଷ୍ଟା କରିଥିବା ବେଳେ ଜଣେ ଫେରାର ହୋଇଯାଇଥିଲା। ଅନ୍ୟ ଜଣେ ଯୁବକଙ୍କୁ ଗ୍ରାମବାସୀ କାବୁ କରି ଦଉଡିରେ ଗଛରେ ବାନ୍ଧିଥିଲେ ଏବଂ ତାଙ୍କୁ ପ୍ରହାର ମଧ୍ୟ କରିଥିଲେ।

ଖବର ପାଇ ଦୀର୍ଘ ସମୟ ପରେ ପୋଲିସ ଘଟଣାସ୍ଥଳରେ ପହଞ୍ଚି ବନ୍ଧା ଯାଇଥିବା ଯୁବକଙ୍କୁ ଉଦ୍ଧାର କରିଥିଲା। ପୋଲିସ କହିଛି ଯେ, ଯୁବକ ଜଣଙ୍କ ନିଜ ସ୍ତ୍ରୀଙ୍କୁ ଖୋଜି ଖୋଜି ଭୁଲରେ ଏହି ଗାଁରେ ପଶିଥିଲା।

The post ମହଙ୍ଗା ପଡିଲା ଯୁବତୀଙ୍କୁ ଦୁର୍ବ୍ୟବହାର, ଗଛରେ ବାନ୍ଧି ଯୁବକଙ୍କୁ ନିସ୍ତୁକ ମାଡ଼ appeared first on Sanket Tv.

ଝାରସୁଗୁଡ଼ା ପୋଲିସ ପକ୍ଷରୁ ବଡ଼ ଧରଣର କାର୍ଯ୍ୟାନୁଷ୍ଠାନ ନିଆଯାଇଛି । ଏସ୍‌ପିଙ୍କ ନିର୍ଦ୍ଦେଶରେ ଏକ ସ୍ୱତନ୍ତ୍ର ପୋଲିସ ଟିମ୍ ସିରିଆବଗିଚା ସ୍ଥିତ ଏହି ବେଆଇନ କାରଖାନା ଉପରେ ଚଢ଼ାଉ କରିଥିଲା । ଏହି କାରଖାନାରେ ଚାଷୀଙ୍କ ପାଇଁ ଉଦ୍ଦିଷ୍ଟ ସରକାରୀ ସବସିଡି ଯୁକ୍ତ ୟୁରିଆକୁ ପାଣି ସହିତ ମିଶାଇ ନକଲି DEF ପ୍ରସ୍ତୁତ କରାଯାଉଥିଲା । ଏହା ପରେ ଏହାକୁ ଟାଟା, ଅଶୋକ ଲେଲ୍ୟାଣ୍ଡ ଏବଂ ମହିନ୍ଦ୍ରା ଭଳି ନାମୀଦାମୀ ବ୍ରାଣ୍ଡର ଲୋଗୋ ଲଗାଯାଇଥିବା ବାଲ୍ଟିରେ ଭର୍ତ୍ତି କରାଯାଇ ଓଡ଼ିଶା ଏବଂ ପଡ଼ୋଶୀ ଛତିଶଗଡ଼କୁ ଚୋରା ଚାଲାଣ କରାଯାଉଥିଲା ।

ଚଢ଼ାଉ ବେଳେ ପୋଲିସ ୨୫୬ ବସ୍ତା ଭାରତ ୟୁରିଆ, ୪୨୨ଟି ବିଭିନ୍ନ ବ୍ରାଣ୍ଡର ଖାଲି ବାଲ୍ଟି, ୧୯ଟି ପାଣି କଣ୍ଟେନର, ୬ଟି ମୋଟର ଏବଂ ନକଲି ହୋଲୋଗ୍ରାମ ଷ୍ଟିକର ଜବତ କରିଛି । ଏଥି ସହିତ ପରିବହନରେ ବ୍ୟବହୃତ ଦୁଇଟି ବୋଲେରୋ ପିକଅପ୍ ଭ୍ୟାନ୍‌କୁ ମଧ୍ୟ ପୋଲିସ ଜବତ କରିଛି ।

ଏହି ମାମଲାରେ ରାଜସ୍ଥାନ, ଛତିଶଗଡ଼, ବରଗଡ଼, ଅନୁଗୁଳ ଏବଂ ଝାରସୁଗୁଡ଼ା ଅଞ୍ଚଳର ମୋଟ ୭ ଜଣଙ୍କୁ ଗିରଫ କରାଯାଇଛି । ସେମାନଙ୍କ ମଧ୍ୟରେ ମୁକେଶ ଚାନ୍ଦ ଯୋଗୀ, ରାଜ କୁମାର ହେମବ୍ରମ୍, ଅମନ କୁମାର ସିଂ, ବ୍ରିଜଭୂଷଣ ସିଂ, ଜିଆଉଲ ଅନସାରୀ, ଆକାଶ ଅଗ୍ରୱାଲ ଏବଂ ପାର୍ଥ ସାରଥୀ ମିଶ୍ର ଆଦି ସାମିଲ ଅଛନ୍ତି ।

ଝାରସୁଗୁଡ଼ା ପୋଲିସ ପକ୍ଷରୁ ସାଧାରଣ ଜନତା ଏବଂ ଗାଡ଼ି ମାଲିକମାନଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି । ଏହିଭଳି ନକଲି ସାମଗ୍ରୀ ବ୍ୟବହାର ଦ୍ୱାରା ଗାଡ଼ିର ଇଞ୍ଜିନ ଖରାପ ହେବା ସହ ପରିବେଶ ପ୍ରଦୂଷଣ ମଧ୍ୟ ବଢ଼ିଥାଏ । ବର୍ତ୍ତମାନ ପୋଲିସ ଏହି ଘଟଣାରେ ଅଧିକ ଛାନଭିନ ଜାରି ରଖିଛି ।

The post ଝାରସୁଗୁଡ଼ାରେ ନକଲି ଡିଜେଲ ଏକ୍ସଜଷ୍ଟ ଫ୍ଲୁଇଡ୍ କାରଖାନା ଠାବ, ୭ ଗିରଫ appeared first on Sanket Tv.

ଅଭିଯୁକ୍ତ ନାମରେ ଆଉ ଏକ ମାମଲା ଚାନ୍ଦବାଲି ଥାନାରେ ଦାୟର ହୋଇଛି। ସେହିପରି ପୋଲିସ ଅଭିଯୁକ୍ତକୁ ଖୋଜିବାକୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି।

ଅନ୍ୟପଟେ ଘଟଣାର ସଂପୂର୍ଣ୍ଣ ରିପୋର୍ଟ ଆସିବା ପରେ ଦାୟିତ୍ବରେ ଥିବା ପୋଲିସ କର୍ମଚାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି।

ଗୁରୁବାର ଚାନ୍ଦବାଲି ବ୍ଲକ ବାଂଶଡା ଥାନା ପୋଲିସ ପୁରୁଣା ୱାରେଣ୍ଟ ବଳରେ ଅଭିଯୁକ୍ତ ଦେବବ୍ରତ ଦାସକୁ ଗିରଫ କରିବା ସହ କୋର୍ଟରେ ହାଜର କରାଇବା ପାଇଁ ଚାନ୍ଦବାଲି କୋର୍ଟକୁ ନେଇଥିଲା। ମାତ୍ର କୋର୍ଟରେ ହାଜର ହେବା ପୂର୍ବରୁ ପୋଲିସ ହେପାଜତରୁ ଅଭିଯୁକ୍ତ ଚମ୍ପଟ ମାରିଥିଲା।

ବାଂଶଡା ପୋଲିସର ଖାମଖିଆଲି କାର୍ଯ୍ୟ ପାଇଁ ଅଭିଯୁକ୍ତ ଜଣଙ୍କ ଖସି ଯାଇଥିବା ଅଭିଯୋଗ ହୋଇଛି। ତେବେ ଫେରାର ପରେ ଚାନ୍ଦବାଲି ଥାନାରେ ଏକ ମାମଲା ରୁଜୁ ହୋଇଛି। ସ୍ୱତନ୍ତ୍ର ଟିମ୍ ଫେରାର ଅଭିଯୁକ୍ତକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି।

The post କୋର୍ଟ ପରିସରରୁ ପୋଲିସ ହେପାଜତରୁ ଅଭିଯୁକ୍ତ ଚମ୍ପଟ ମାରିଲା ଅଭିଯୁକ୍ତ appeared first on Sanket Tv.

ମିଳିଥିବା ସୂଚନା ଅନୁସାରେ, ବାଲିଅନ୍ତା ଥାନା ଅଞ୍ଚଳର ୨ ଜଣ ଯୁବତୀ ଏକ ସ୍କୁଟିରେ ଭିଙ୍ଗାରପୁର ଯାଉଥିଲେ। ଏହି ସମୟରେ ସୌମ୍ୟ ରଞ୍ଜନ ଏବଂ ତାଙ୍କର ଜଣେ ସହଯୋଗୀ ଓମ ପ୍ରକାଶ ଏକ ବାଇକରେ ଆସି ୨ ଯୁବତୀଙ୍କୁ ଆକ୍ରମଣ ସହ ଅସଦାଚାରଣ କରିଥିଲେ। ଏମିତିରେ ଯୁବତୀଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ଦୁଇ ଯୁବକଙ୍କୁ କାବୁ କରି ନିସ୍ତୁକ ମାଡ଼ ମାରିଥିଲେ। ଏଥିରେ ଦୁଇ ଜଣ ଗୁରୁତର ଆହତ ହୋଇଥିଲେ। ବଡ଼ କଥା ହେଲା ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲେ ବି ପୋଲିସ ଆଗରେ ଅତ୍ୟନ୍ତ ଅମାନୁଷିକ ଭାବରେ ଲୋକେ ପିଟିଥିବା ଅଭିଯୋଗ ହୋଇଛି।

ତେବେ ବାଲିଅନ୍ତା ଥାନା ପୋଲିସ ୨ ଯୁବକଙ୍କୁ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ କରିଥିଲେ। ହେଲେ ସେଠାରେ ଡାକ୍ତର ସୌମ୍ୟଙ୍କୁ ମୃତ ଘୋଷଣା କରିଛନ୍ତି। ଲୋକେ ଏହି ଘଟଣାରେ ଆଇନକୁ ହାତକୁ ନେଇଛନ୍ତି । ଭୁବନେଶ୍ୱର ଡିସିପି ଜଗମୋହନ ମୀନା ସୂଚନା ଦେଇଛନ୍ତି ଯେ ଯୁବତୀଙ୍କ ପକ୍ଷରୁ ଦୁଷ୍କର୍ମ ଅଭିଯୋଗ ହୋଇଛି। ଭିଡ଼ିଓ ଫୁଟେଜ୍ ଆଧାରରେ ଅଭିଯୁକ୍ତଙ୍କୁ ଚିହ୍ନଟ କରାଯିବ।

The post ଯୁବତୀଙ୍କୁ ଅସଦାଚରଣ ଅଭିଯୋଗରେ କନଷ୍ଟେବଳଙ୍କୁ ପିଟି ପିଟି ମାରିଦେଲେ ଲୋକେ appeared first on Sanket Tv.

ଭିଜିଲାନ୍ସ ସୂଚନା ଅନୁଯାୟୀ, ମାଲକାନଗିରି ଜିଲ୍ଲାର ମାଲକାନଗିରି, ଗାଙ୍ଗାଲା, ପାଣ୍ଡ୍ରିପାଣି, ମାର୍କାପଲ୍ଲୀ, ପୋଟେରୁ ଏବଂ ଚଲ୍ଲାଙ୍ଗୁଡ଼ା ଚାଷୀମାନେ ଏହି ବ୍ୟାଙ୍କରୁ ଋଣ ନେଇଥିଲେ। ଚାଷୀମାନେ ବିଭିନ୍ନ ପର୍ଯ୍ୟାୟରେ ସେମାନଙ୍କ ଋଣ ପରିଶୋଧ କରିବା ସହ ନିଜର ପୁଞ୍ଜି ମଧ୍ୟ ସମବାୟ ବ୍ୟାଙ୍କରେ ଜମା ରଖିଥିଲେ। ହେଲେ, ଚାଷୀମାନେ ଜମା କରିଥିବା ପ୍ରାୟ ୧ କୋଟି ୮ ଲକ୍ଷ ୭୫ ହଜାର ଟଙ୍କାକୁ ସେମାନଙ୍କ ଖାତାରେ ନ ଜମା କରି ଅଭିଯୁକ୍ତ ମ୍ୟାନେଜର ନିଜ ଆକାଉଣ୍ଟକୁ ଟ୍ରାନ୍ସଫର କରି ଆତ୍ମସାତ କରିଥିବା ନେଇ ଅଭିଯୋଗ ହୋଇଥିଲା। ମାଲକାନଗିରି ଆଦର୍ଶ ଥାନାରେ ପୂର୍ବରୁ ଏ ନେଇ ଅଭିଯୋଗ ହୋଇଥିଲା। ଏହାପରେ ଭିଜିଲାନ୍ସ ପକ୍ଷରୁ ତଦନ୍ତ ଆରମ୍ଭ ହୋଇଥିଲା। ତଦନ୍ତ ସମୟରେ ଅର୍ଥ ହେରଫେର ହୋଇଥିବା ପ୍ରମାଣ ମିଳିବା ପରେ ସୁଧାଂଶୁଙ୍କ ବିରୋଧରେ ମାମଲା ପଞ୍ଜିକୃତ କରାଯାଇଛି।

ତଦନ୍ତରୁ ଜଣାପଡ଼ିଛି ଯେ, ୨୦୨୬ ଫେବ୍ରୁଆରୀ ୧୧ରୁ ମାର୍ଚ୍ଚ ୨୪ ମଧ୍ୟରେ LAMPCS ଅଧୀନରେ ଋଣୀ କୃଷକମାନଙ୍କ ଦ୍ୱାରା ଜମା କରାଯାଇଥିବା ୮୬ ଲକ୍ଷ ୮୦ ହଜାର ଟଙ୍କା ଅଭିଯୁକ୍ତ ମ୍ୟାନେଜର ହଡ଼ପ କରିଛନ୍ତି। ସେହିପରି ୯୦ ଜଣ ଚାଷୀଙ୍କୁ ଫସଲ ଋଣ ଭାବରେ ବଣ୍ଟନ କରାଯାଇଥିବା ୨୧ ଲକ୍ଷ ୯୫ ହଜାର ଟଙ୍କାର ସରକାରୀ ଅର୍ଥକୁ ମାର୍ଚ୍ଚ ୩ରୁ ୬ ମଧ୍ୟରେ ସୁଧାଂଶୁ ଅଫିସିଆଲ ରେକର୍ଡ଼ ହେରଫେର କରି ନେଇଯାଇଛନ୍ତି। ଏହି ଘଟଣାରେ ବ୍ୟାଙ୍କର ଅନ୍ୟ କୌଣସି ଅଧିକାରୀ କିମ୍ବା କର୍ମଚାରୀଙ୍କ ହାତ ରହିଛି କି ନାହିଁ, ସେନେଇ ଭିଜିଲାନ୍ସ ଅଧିକ ଖୋଳତାଡ଼ କରୁଛି। ତେବେ ବିଭାଗୀୟ ତଦନ୍ତ ପରେ ସୁଧାଂଶୁଙ୍କୁ ଚାକିରିରୁ ନିଲମ୍ବିତ ମଧ୍ୟ କରାଯାଇଛି।

The post ୧ କୋଟି ୮ ଲକ୍ଷ ସରକାରୀ ଅର୍ଥ ଆତ୍ମସାତ ଅଭିଯୋଗ: ବ୍ୟାଙ୍କ ମ୍ୟାନେଜର ଗିରଫ appeared first on Sanket Tv.

ଅଭିଯୋଗ ଅନୁଯାୟୀ, ହିତାଧିକାରୀ ଶ୍ରୀବତ୍ସ ଭୋଇଙ୍କ ଆବାସ ଯୋଜନାର ବିଲ୍ କରାଇ ଦେବା ପାଇଁ ଆଟିଗାଁ ପଞ୍ଚାୟତରେ କାର୍ଯ୍ୟରତ ଆକାଉଣ୍ଟାଣ୍ଟ ତଥା ଡାଟା ଏଣ୍ଟ୍ରି ଅପରେଟର (ADEO) ଦେବେନ୍ଦ୍ର ସାହୁ ଅର୍ଥ ଦାବି କରିଥିଲେ। ଶ୍ରୀବତ୍ସ ଜଣେ ଗରିବ ଶ୍ରେଣୀର ବ୍ୟକ୍ତି ହୋଇଥିବାରୁ ଅର୍ଥ ଦେବାକୁ ଅସମର୍ଥ ହୋଇଥିଲେ। ଶେଷରେ ସେ ଭବାନୀପାଟଣା ଭିଜିଲାନ୍ସ କାର୍ଯ୍ୟାଳୟରେ ଅଭିଯୋଗ କରିଥିଲେ।

ଅଭିଯୋଗକୁ ଭିତ୍ତି କରି ଭିଜିଲାନ୍ସ ବିଭାଗ ADEOଙ୍କୁ ଧରିବା ପାଇଁ ବ୍ଲୁପ୍ରିଣ୍ଟ ପ୍ରସ୍ତୁତ କରିଥିଲା। ଆଜି (ମଙ୍ଗଳବାର) ADEO ଜଣକ ଲାଞ୍ଚ ଅର୍ଥ ଗ୍ରହଣ କରୁଥିବା ବେଳେ ପୂର୍ବ ପ୍ରସ୍ତୁତି ମୁତାବକ ଭିଜିଲାନ୍ସ ଟିମ୍ ତାଙ୍କୁ କାବୁ କରିଥିଲା। ADEOଙ୍କ ଠାରୁ ୬୦୦୦ (ଛଅ ହଜାର) ରଙ୍ଗବୋଳା ଟଙ୍କା ଜବତ କରାଯାଇଛି। ସେହିପରି ଭିଜିଲାନ୍ସ ବିଭାଗ ଜୁନାଗଡ ବ୍ଲକ୍ କାର୍ଯ୍ୟାଳୟରେ ଚଢ଼ାଉ ଜାରି ରଖିଛି।

ଏହାପରେ ତାଙ୍କୁ ଭବାନୀପାଟଣା ଭିଜିଲାନ୍ସ କାର୍ଯ୍ୟାଳୟକୁ ଆଣି ପଚରାଉଚରା କରାଯିବ ବୋଲି ଭିଜିଲାନ୍ସ ବିଭାଗର ଡିଏସପି ପ୍ରଦୀପ କୁମାର ଆଇଣ୍ଡ ସୂଚନା ଦେଇଛନ୍ତି। ଉଲ୍ଲେଖଯୋଗ୍ୟ, ଦେବେନ୍ଦ୍ର ସାହୁଙ୍କ ନାଁରେ ପୂର୍ବରୁ ମଧ୍ୟ ଅନେକ ଅଭିଯୋଗ ରହିଛି। ପୂର୍ବରୁ ଭବାନୀପାଟଣା ବ୍ଲକ୍ ମେଦିନୀପୁର ପଞ୍ଚାୟତରେ ସେ ଗ୍ରାମ ରୋଜଗାର ସେବକ ଥିବା ସମୟରେ ମନରେଗା ଯୋଜନାରେ ଅନେକ ଅର୍ଥ ଆତ୍ମସାତ୍ କରିବା ସହ ଯୋଜନାରୁ ହେରାଫେରି କରୁଥିବା ଅଭିଯୋଗ ସାମ୍ନାକୁ ଆସିଥିଲା।

The post ୬ହଜାର ଟଙ୍କା ଲାଞ୍ଚ ନେଉଥିବାବେଳେ ଧରାପଡିଲେ ଏଡିଇଓ appeared first on Sanket Tv.