ଇନଷ୍ଟାଗ୍ରାମରେ ଏକ ପୋଷ୍ଟ ମାଧ୍ୟମରେ ଅରିଜିତ ଲେଖିଛନ୍ତି, “ନମସ୍କାର, ସମସ୍ତଙ୍କୁ ନୂତନ ବର୍ଷର ଶୁଭେଚ୍ଛା। ବର୍ଷ ବର୍ଷ ଧରି ଆପଣମାନଙ୍କର ପ୍ରେମ ଓ ସମର୍ଥନ ପାଇଁ ଧନ୍ୟବାଦ। ମୁଁ ଘୋଷଣା କରି ଖୁସି ହେଉଛି ଯେ ମୁଁ ଆଉ ପ୍ଲେବ୍ୟାକ୍ ସିଙ୍ଗର ଭାବରେ କୌଣସି ନୂତନ କାମ ଗ୍ରହଣ କରିବି ନାହିଁ। ମୁଁ ଏହି ଯାତ୍ରା ଶେଷ କରୁଛି, ଏହା ଏକ ସୁନ୍ଦର ଯାତ୍ରା ଥିଲା।” ତେବେ ସେ ସ୍ପଷ୍ଟ କରିଛନ୍ତି ଯେ ପୂର୍ବ ଚୁକ୍ତି ଅନୁସାରେ ଯେଉଁ କାମଗୁଡିକ ବାକି ଅଛି, ସେ ସେଗୁଡିକୁ ସମ୍ପୂର୍ଣ୍ଣ କରିବେ।

ଭାରତୀୟ ସଙ୍ଗୀତ ଜଗତର ଏହି ଅଗ୍ରଣୀ କଳାକାର ଆଜି ପର୍ଯ୍ୟନ୍ତ ୩୦୦ରୁ ଅଧିକ ଚଳଚ୍ଚିତ୍ରରେ କଣ୍ଠଦାନ କରିସାରିଛନ୍ତି। “ତୁମ୍ ହି ହୋ” ଭଳି ଗୀତରେ ତାଙ୍କର ସ୍ୱର ଏକ ପ୍ରତିଭାଶାଳୀ ପରିଚୟ ଦେଇଥିଲା। ହିନ୍ଦୀ, ବଙ୍ଗଳା, ତାମିଲ, ତେଲୁଗୁ ସମେତ କୋଡ଼ିଏରୁ ଅଧିକ ଭାଷାରେ ଗୀତ ଗାଇ ଅରିଜିତ ସିଂ ଏକ ବିଶିଷ୍ଟ ଆନ୍ତର୍ଜାତିକ ପରିଚୟ ଗଠନ କରିଛନ୍ତି।

ଜାତୀୟ ଚଳଚ୍ଚିତ୍ର ପୁରସ୍କାର ଏବଂ ଫିଲ୍ମଫେୟାର ପୁରସ୍କାର ସମେତ ଅନେକ ସମ୍ମାନରେ ସମ୍ମାନିତ ଏହି କଳାକାର Spotify ଓ ୟୁଟ୍ୟୁବ୍ରେ ସର୍ବାଧିକ ଶ୍ରବଣ କରାଯାଉଥିବା ଭାରତୀୟ କଳାକାରଙ୍କ ମଧ୍ୟରେ ଅନ୍ୟତମ। ତାଙ୍କର ଏହି ଅପ୍ରତିଦ୍ୱନ୍ଦ୍ୱୀ କ୍ୟାରିଅର ମଧ୍ୟରୁ ପ୍ରଚ୍ଛଦପଟ୍ଟ ଗାୟନରୁ ବିଦାୟର ଘୋଷଣା ନିଃସନ୍ଦେହରେ ଏକ ଯୁଗାନ୍ତକାରୀ ମୋଡ଼ ବୋଲି ମନେ ହେଉଛି। ତାଙ୍କ ଭବିଷ୍ୟତ ଯୋଜନା କ’ଣ, ସେଥିପାଇଁ ସମଗ୍ର ଦେଶ ଆଗ୍ରହୀ ହୋଇ ରହିଛି।

The post ସନ୍ୟାସ ନେଲେ ଲୋକପ୍ରିୟ ପ୍ରଚ୍ଛଦପଟ୍ଟ ଗାୟକ ଅରିଜିତ ସିଂ appeared first on Sanket Tv.

ପ୍ରଥମେ କଟକର ଏକ ଘରୋଇ ହସ୍ପିଟାଲରେ ଚିକିତ୍ସିତ ହୋଇଥିଲେ ମଧ୍ୟ, ଅବସ୍ଥାରେ ସୁଧାର ନଆସିବାରୁ ତାଙ୍କୁ ଭେଣ୍ଟିଲେଟର ସହାୟତା ସହିତ ଭୁବନେଶ୍ୱର ଏମ୍ସକୁ ସ୍ଥାନାନ୍ତରିତ କରାଯାଇଥିଲା । ଏମ୍ସରେ ଭର୍ତ୍ତି ପରେ ତାଙ୍କ ମସ୍ତିଷ୍କରେ ସୋଡିଅମ୍ ସ୍ତର କମିବା ଏବଂ ଶ୍ୱାସକ୍ରିୟାରେ ସମସ୍ୟା ଦେଖାଦେଇଥିଲା । ଅବଶ୍ୟ, କିଛି ସମୟ ପାଇଁ ତାଙ୍କ ଅବସ୍ଥାରେ ଉନ୍ନତି ମଧ୍ୟ ଆସିଥିଲା ।

୧୯୯୧ରେ ସମ୍ବଲପୁରୀ ଆଲବମ୍ ଜରିଆରେ ସଙ୍ଗୀତ ଜଗତରେ ପ୍ରବେଶ କରିଥିବା ଅଭିଜିତ୍, ୨୦୦୦ ମସିହାରେ ‘କାଶିଆ କପିଳା’ ଚଳଚ୍ଚିତ୍ର ଜରିଆରେ ଓଲିଉଡ୍ରେ ଆତ୍ମପ୍ରକାଶ କରିଥିଲେ । ତାଙ୍କ ନିର୍ଦ୍ଦେଶିତ ପ୍ରାୟ ୭୦୦ରୁ ଅଧିକ ଗୀତ ମଧ୍ୟରେ ୫୦୦ରୁ ଉର୍ଦ୍ଧ୍ୱ ସୁପରହିଟ୍ ହୋଇଛି । ତାଙ୍କର ‘ମାଧବ ହେ ମାଧବ’, ‘ଟ୍ଵିଙ୍କଲ୍ ଟ୍ଵିଙ୍କଲ୍ ଲିଟିଲ୍ ସ୍ଟାର୍’, ‘ତୋର କଞ୍ଚା ହଳଦୀ ଦେହଟା ଗୋରୀ ଲୋ’, ‘ରାତି ସାରା ବାର୍ ଲାଇଟ୍ ଦୁକୁ ଦୁକ’ ଆଦି ଗୀତ ଲୋକପ୍ରିୟତାର ଶିଖର ଛୁଇଁଥିଲା ।

ସେ ପ୍ରାୟ ୬୦ରୁ ଅଧିକ ଚଳଚ୍ଚିତ୍ର ଏବଂ ୧୦୦ରୁ ଊର୍ଦ୍ଧ୍ୱ ଆଲବମ୍ ପାଇଁ ସଂଗୀତ ନିର୍ଦ୍ଦେଶନା ଦେଇଥିଲେ । ‘ତୁ ଥା ମୁଁ ଯାଉଛି ରୁଷି’ (୨୦୧୦) ଏବଂ ‘ତୃଷ୍ଣା’ (୨୦୨୨) ଚଳଚ୍ଚିତ୍ର ପାଇଁ ରାଜ୍ୟ ଚଳଚ୍ଚିତ୍ର ପୁରସ୍କାର ଲାଭ କରିଥିଲେ । ତାଙ୍କ ଗୀତ କେବଳ ଓଡ଼ିଆ ନୁହେଁ, ସମ୍ବଲପୁରୀ ଚଳଚ୍ଚିତ୍ର ଏବଂ ଆଲବମ୍ ଜଗତକୁ ମଧ୍ୟ ସମୃଦ୍ଧ କରିଥିଲା ।

ଅଭିଜିତ୍ ମଜୁମ୍‌ଦାରଙ୍କ ଅକାଳ ପରଲୋକ ଓଡ଼ିଆ ସଙ୍ଗୀତ ଜଗତକୁ ଏକ ଗଭୀର ଶୂନ୍ୟତା ଦେଇଗଲା । ତାଙ୍କ ଅମର ସ୍ୱର ସଂଗୀତପ୍ରେମୀ ହୃଦୟରେ ସଦା ବଞ୍ଚିଥିବ ।

The post ଲୋକପ୍ରିୟ ସଂଗୀତ ନିର୍ଦ୍ଦେଶକ ଅଭିଜିତ୍ ମଜୁମ୍‌ଦାରଙ୍କ ପରଲୋକ appeared first on Sanket Tv.

ପ୍ରଶାନ୍ତ ତମାଙ୍ଗ ୨୦୦୭ ମସିହାରେ ଇଣ୍ଡିଆନ୍ ଆଇଡଲ୍ ଜୟ କରି ଦେଶବ୍ୟାପୀ ଖ୍ୟାତି ଅର୍ଜନ କରିଥିଲେ ଏବଂ ତାଙ୍କ ସ୍ୱରରେ ଲକ୍ଷାଧିକ ହୃଦୟ ଜିତିଥିଲେ । ପରବର୍ତ୍ତୀ ସମୟରେ ସେ ସଙ୍ଗୀତ ଏବଂ ଅଭିନୟ ଉଭୟ କ୍ଷେତ୍ରରେ ସକ୍ରିୟ ରହି ନିଜ ସ୍ଥାନ ପକ୍କା କରିଥିଲେ । ତାଙ୍କର ଏହି ଆକସ୍ମିକ ଦେହାନ୍ତ ତାଙ୍କ ପ୍ରଶଂସକ, ସଙ୍ଗୀତ ଏବଂ ଚଳଚ୍ଚିତ୍ର ଜଗତକୁ ଗଭୀର ସଦମା ଦେଇଛି ।

ପ୍ରଶାନ୍ତ ତମାଙ୍କ ଜନ୍ମ ୪ ଜାନୁଆରୀ ୧୯୮୩ରେ ଦାର୍ଜିଲିଂଠାରେ ହୋଇଥିଲା ଏବଂ ସେ ଏକ ନେପାଳୀ-ଭାରତୀୟ ପରିବାରର ସଦସ୍ୟ ଥିଲେ । ଇଣ୍ଡିଆନ୍ ଆଇଡଲ୍ ଜୟ ପୂର୍ବରୁ ସେ କୋଲକାତା ପୋଲିସରେ କନଷ୍ଟେବଳ ଭାବରେ କାର୍ଯ୍ୟ କରୁଥିଲେ ଏବଂ ପୋଲିସ ଅର୍କେଷ୍ଟ୍ରା ପାଇଁ ଗୀତ ଗାଇଥିଲେ । ତାଙ୍କର କଠିନ ପରିଶ୍ରମ, ମଧୁର ସ୍ୱର ଏବଂ ନିଖୁଣ ପ୍ରଦର୍ଶନ ଯୋଗୁଁ ସେ ସଙ୍ଗୀତ ପ୍ରେମୀଙ୍କ ହୃଦୟରେ ସ୍ଥାୟୀ ସ୍ଥାନ ପାଇଥିଲେ ।

ତାଙ୍କର ଦେହାନ୍ତର ଖବର ପାଇବା ପରେ ଇଣ୍ଡଷ୍ଟ୍ରିର ଅନେକ ଗାୟକ, ଅଭିନେତା ଏବଂ କଳାକାର ସୋସିଆଲ ମିଡିଆ ମାଧ୍ୟମରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି ତାଙ୍କ ଅବଦାନକୁ ସ୍ମରଣ କରିଛନ୍ତି । ପ୍ରଶାନ୍ତ ତମାଙ୍କ ଅକାଳ ବିୟୋଗ ଭାରତୀୟ ସଙ୍ଗୀତ ଜଗତରେ ଏକ ଅପୂରଣୀୟ ଶୂନ୍ୟତା ସୃଷ୍ଟି କରିଛି ।

The post ଇଣ୍ଡିଆନ୍ ଆଇଡଲ୍ ପ୍ରଶାନ୍ତ ତମାଙ୍ଗଙ୍କ ଦେହାନ୍ତ appeared first on Sanket Tv.

ପୁରୀ ଏସପିଙ୍କ ସୂଚନା ଅନୁଯାୟୀ, ଗତ ୨୦୨୫ ଅଗଷ୍ଟ ୪ ତାରିଖରେ କୃଷ୍ଣପ୍ରସାଦ ଥାନାରେ ଶ୍ରୀକ୍ଷେତ୍ରଙ୍କ ବିରୁଦ୍ଧରେ ଅଭିଯୋଗ କରିଥିଲେ ସୋନାଲି ପଣ୍ଡା। ସୋନାଲିଙ୍କ ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ଶ୍ରୀକ୍ଷେତ୍ରଙ୍କ ନାଁରେ ପୋଲିସ ଏକାଧିକ ଗୁରୁତର ଦଫା ଲଗାଇଛି, ଯେଉଁଥିରେ ଧାରା ୩୭୬, ୩୧୩, ୩୬୬, ୩୬୩, ୨୯୪, ୪୯୮(A), ୪୦୬, ୪୧୭, ୪୯୪, ୩୨୩ ସହିତ ପୋକ୍ସୋ ଆଇନ୍ ମଧ୍ୟ ଅନ୍ତର୍ଭୁକ୍ତ।

ଅଭିଯୋଗ ଅନୁସାରେ, ଯାତ୍ରା ଅଭିନେତ୍ରୀ ସୋନାଲି ପଣ୍ଡାଙ୍କ ସହ ଗତ ୨୦୧୨ରେ ସମ୍ପର୍କ ସ୍ଥାପନ କରିଥିଲେ ଶ୍ରୀକ୍ଷେତ୍ର। ସେହି ସମୟରେ ସୋନାଲି ଜଣେ ନାବାଳିକା ଥିଲେ ବୋଲି ଅଭିଯୋଗ ରହିଛି। ତାଙ୍କୁ ତୁଳସୀ ଗଣନାଟ୍ୟରେ ରଖାଇଥିଲେ ଶ୍ରୀକ୍ଷେତ୍ର, କିନ୍ତୁ ପରେ ଧରାଛୁଆଁ ଦେଇନଥିଲେ ବୋଲି କୁହାଯାଇଛି। ବିଭିନ୍ନ ସମୟରେ ମାନସିକ ଅତ୍ୟାଚାର ମଧ୍ୟ ଘଟିଥିବା ଅଭିଯୋଗ ରହିଛି।

ପୁରୀ ଏସପି ଆଗକୁ କହିଛନ୍ତି ଯେ, ଅଭିଯୁକ୍ତଙ୍କର ଏକ ପୁଅ ମଧ୍ୟ ଅଛି ବୋଲି ସୂଚନା ମିଳିଛି। ପୋଲିସ ମହିଳା ଅଭିଯୋଗକାରୀଙ୍କ ଅଭିଯୋଗକୁ ଆଧାର କରି ଶ୍ରୀକ୍ଷେତ୍ରଙ୍କୁ ଗିରଫ ପରେ ଆବଶ୍ୟକୀୟ କାର୍ଯ୍ୟପଦ୍ଧତି ସମାପ୍ତ କରି କୋର୍ଟ ଚାଲାଣ କରିଛନ୍ତି।

The post ତୁଳସୀ ଗଣନାଟ୍ୟ ଅଭିନେତ୍ରୀଙ୍କ ଅଭିଯୋଗ: ଶ୍ରୀକ୍ଷେତ୍ର ସାମନ୍ତସିଂହାର ଗିରଫ appeared first on Sanket Tv.

ଧର୍ମେନ୍ଦ୍ରଙ୍କ ଶେଷକୃତ୍ୟ ମୁମ୍ବାଇର ଭିଲେ ପାର୍ଲେ ଶ୍ମଶାନରେ କରାଯାଇଥିଲା। ତାଙ୍କ ବଡ଼ ପୁଅ ସନି ଦେଓଲ ଅନ୍ତିମ ସଂସ୍କାର କରିଥିଲେ। ତାଙ୍କ ସମଗ୍ର ପରିବାର, ଯାହାର ମଧ୍ୟରେ ତାଙ୍କ ଦ୍ୱିତୀୟ ପତ୍ନୀ ହେମା ମାଳିନୀ ମଧ୍ୟ ଉପସ୍ଥିତ ଥିଲେ, ଏହି ସମୟରେ ତାଙ୍କ ସହିତ ଥିଲେ। ଶ୍ରଦ୍ଧାଞ୍ଜଳି ଦେବା ପାଇଁ ଅମିର ଖାନ, ଅମିତାଭ ବଚ୍ଚନ, ଅଭିଷେକ ବଚ୍ଚନ ଆଦି ବହୁ ସେଲିବ୍ରିଟି ଶ୍ମଶାନଘାଟରେ ଉପସ୍ଥିତ ଥିଲେ।

ଧର୍ମେନ୍ଦ୍ର ହିନ୍ଦୀ ସିନେମାର ସବୁଠାରୁ ସମ୍ମାନିତ ଏବଂ ଲୋକପ୍ରିୟ ତାରକାମାନଙ୍କ ମଧ୍ୟରୁ ଜଣେ ଥିଲେ। ତାଙ୍କର ପୂରା ନାମ ଥିଲା ଧର୍ମେନ୍ଦ୍ର କେୱଲ କୃଷ୍ଣ ଦେଓଲ ଏବଂ ତାଙ୍କର ଜନ୍ମ ୮ ଡିସେମ୍ବର ୧୯୩୫ରେ ପଞ୍ଜାବର ନସରାନି ଗାଁରେ ହୋଇଥିଲା। ସାତ ଦଶନ୍ଧିରୁ ଅଧିକ ସମୟ ଧରି ଥିବା ତାଙ୍କ କ୍ୟାରିୟରରେ ସେ ୩୦୦ରୁ ଅଧିକ ଫିଲ୍ମରେ ଅଭିନୟ କରିଥିଲେ। ୧୯୬୦ ମସିହାରେ ‘ଦିଲ ଭି ତେରା ହମ ଭି ତେରେ’ ଫିଲ୍ମ ସହିତ ତାଙ୍କ ଅଭିନୟ ଜୀବନ ଆରମ୍ଭ ହୋଇଥିଲା। ‘ଶୋଲେ’, ‘ଚୁପକେ ଚୁପକେ’, ‘ସୀତା ଔର ଗୀତା’, ‘ଧରମ ବୀର’, ‘ଶୋଲା ଅର ଶବନମ’, ‘ପୂଜା କେ ଫୁଲ’ ଆଦି ତାଙ୍କର କିଛି ଉଲ୍ଲେଖନୀୟ ଚଳଚ୍ଚିତ୍ର। ବଲିଉଡର ‘ହି-ମ୍ୟାନ’ ଭାବରେ ସେ ଜଣାଶୁଣା ଥିଲେ।

ତାଙ୍କର ଉଲ୍ଲେଖନୀୟ ଅଭିନୟ ପାଇଁ ଧର୍ମେନ୍ଦ୍ରଙ୍କୁ ଅନେକ ପୁରସ୍କାରରେ ସମ୍ମାନିତ କରାଯାଇଥିଲା। ଭାରତ ସରକାର ୨୦୧୨ ମସିହାରେ ତାଙ୍କୁ ତୃତୀୟ ସର୍ବୋଚ୍ଚ ନାଗରିକ ସମ୍ମାନ ପଦ୍ମ ଭୂଷଣରେ ସମ୍ମାନିତ କରିଥିଲେ। ଏଥିସହ ସେ ଅନେକ ଫିଲ୍ମଫେୟାର ପୁରସ୍କାର ମଧ୍ୟ ଜିତିଥିଲେ। ତାଙ୍କର ସଂଳାପଗୁଡ଼ିକ, ବିଶେଷକରି ‘ଶୋଲେ’ ଚଳଚ୍ଚିତ୍ରରେ ଥିବା “ବାସନ୍ତୀ ଇନ କୁତେ କେ ଆଗେ ମତ ନାଚ୍‌ନା”, ଏବେ ବି ପ୍ରଚଳିତ। ତାଙ୍କ ପରଲୋକ ଭାରତୀୟ ସିନେମା ଜଗତରେ ଏକ ଅପୂରଣୀୟ ଶୂନ୍ୟତା ସୃଷ୍ଟି କରିଛି।

The post ବଲିଉଡ୍ ଅଭିନେତା ଧର୍ମେନ୍ଦ୍ରଙ୍କ ପରଲୋକ appeared first on Sanket Tv.

ହ୍ୟୁମାନ ସାଗର ଲିଭର୍ ଓ କିଡନୀ ସମସ୍ୟାସହ ଅନେକ ଗୁରୁତର ରୋଗରେ ପୀଡିତ ଥିଲେ। ତାଙ୍କୁ ଶ୍ୱାସକ୍ରିୟା ଜନିତ ଅସୁବିଧା, ନିମୋନିଆ, ହେପାଟୋପାଥି, ଥ୍ରୋମ୍ବୋସାଇଟୋପେନିଆ ଓ କୋଆଗୁଲୋପାଥିରେ ଭର୍ତ୍ତି କରାଯାଇଥିଲା। ଡାକ୍ତରଙ୍କ ସତ୍ତେ ଚେଷ୍ଟା ସତ୍ତ୍ୱେ ତାଙ୍କୁ ବଞ୍ଚାଇ ହେଲା ନାହିଁ ଏବଂ ଭେଣ୍ଟିଲେଟର୍ ସହାୟତାରେ ରଖାଯାଇଥିବା ଅବସ୍ଥାରେ ତାଙ୍କର ଦେହାନ୍ତ ହୋଇଛି।

ହ୍ୟୁମାନଙ୍କ ସ୍ୱାସ୍ଥ୍ୟ ପାଇଁ ଲକ୍ଷ ଲକ୍ଷ ପ୍ରଶଂସକ ପ୍ରାର୍ଥନା କରିଥିଲେ। ଉନ୍ନତ ଚିକିତ୍ସା ପାଇଁ ତାଙ୍କୁ ରାଜ୍ୟ ବାହାରକୁ ନେବା ପାଇଁ ଯୋଜନା କରାଯାଇଥିଲା ଏବଂ ଏଥିପାଇଁ ତାଙ୍କ ପରିବାର ରାଜ୍ୟ ସରକାରଙ୍କଠାରେ ସହାୟତା ମାଗିଥିଲେ।

ହ୍ୟୁମାନଙ୍କ ପରଲୋକ ପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଗଭୀର ଶୋକ ପ୍ରକାଶ କରିଛନ୍ତି। ସୋସିଆଲ ମିଡିଆ ମାଧ୍ୟମରେ ମୁଖ୍ୟମନ୍ତ୍ରୀ କହିଛନ୍ତି, “ତାଙ୍କର ବିୟୋଗ ଆମ ସଙ୍ଗୀତ ଓ ସିନେମା ପାଇଁ ଏକ ଅପୂରଣୀୟ କ୍ଷତି। ଶୋକସନ୍ତପ୍ତ ପରିବାର ପ୍ରତି ମୋର ସମବେଦନା ଜଣାଇବା ସହ ଦିବଙ୍ଗତ ଆତ୍ମାଙ୍କ ଶାନ୍ତି ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରୁଛି।”

୨୦୧୪ରେ ‘ସମଥିଙ୍ଗ ସମଥିଙ୍ଗ-୨’ ଚଳଚ୍ଚିତ୍ରରେ ‘ପ୍ରେମ ହେଇଯା ରେ’ ଗୀତରେ ଆପଣା କଣ୍ଠଦାନ କରି ଓଡ଼ିଆ ସଙ୍ଗୀତ ଜଗତରେ ଅଭିନବ ଅଧ୍ୟାୟ ଆରମ୍ଭ କରିଥିଲେ ହ୍ୟୁମାନ ସାଗର। ତାଙ୍କର କଣ୍ଠସ୍ୱର ଓଡ଼ିଆ ଘରେ ଘରେ ପରିଚିତ ଥିଲା ଏବଂ ପ୍ରେମ, ବିରହ, ଡ୍ୟାନ୍ସ, ଭଜନ ଭଳି ବିଭିନ୍ନ ଧାରାର ଗୀତରେ ସେ ସିଦ୍ଧହସ୍ତ ଥିଲେ।

‘କେମିତି ଭୁଲିବି ସେ ଅଭୁଲା ଦିନ’, ‘କୁଆଡେ ଗଲୁ ପାଗେଳୀ’, ‘ତୁ ମେଘ ହେଇଯା’, ‘ଇସ୍କ ତୁ ହି ତୁ’ ଆଦି ଅନେକ ହିଟ୍ ଗୀତ ଆଜି ବି ଶ୍ରୋତାଙ୍କ ହୃଦୟରେ ସ୍ଥାନ ପାଇଛି। ଓଡ଼ିଆ ସଙ୍ଗୀତ ଜଗତରେ ହ୍ୟୁମାନ ସାଗରଙ୍କ ଅବଦାନ ସର୍ବଦା ସ୍ମରଣୀୟ ରହିବ।

The post କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ଅକାଳ ଦେହାନ୍ତ appeared first on Sanket Tv.

ନିର୍ଦ୍ଦେଶକଙ୍କ ବିରୋଧରେ ଏକ ଯୁବତୀଙ୍କ ଉପରେ ବଳପୂର୍ବକ ଯୌନ ଅତ୍ୟାଚାର, ନିଶା ଦ୍ରବ୍ୟ ପ୍ରୟୋଗ ଏବଂ ବ୍ଲାକମେଲିଂର ଗୁରୁତର ଅଭିଯୋଗ ରହିଛି। ଅଭିଯୋଗ ଅନୁଯାୟୀ, ୨୦୨୦ରେ ସୋସିଆଲ ମିଡିଆ ମାଧ୍ୟମରେ ନିର୍ଦ୍ଦେଶକ ସନୋଜ ଝାଁସୀର ପୀଡ଼ିତାଙ୍କ ସହିତ ଯୋଗାଯୋଗ କରିଥିଲେ। କିଛି ଦିନ କଥାବାର୍ତ୍ତା ପରେ, ୨୦୨୧ ଜୁନ୍ ୧୭ରେ ସେ ଝାଁସୀ ରେଳଷ୍ଟେସନ୍ ଆସି ପହଞ୍ଚିଥିଲେ ଏବଂ ଆତ୍ମହତ୍ୟାର ଧମକ ଦେଇ ଯୁବତୀଙ୍କୁ ଭେଟିବାକୁ ବାଧ୍ୟ କରିଥିଲେ। ପରଦିନ ପୁଣି ତାଙ୍କୁ ଏକ ରିସୋର୍ଟକୁ ନିଅଯାଇ ନିଶା ଦେଇ ଯୌନ ଅତ୍ୟାଚାର କରାଯାଇଥିବା ବୋଲି ଏଫଆଇଆର୍ରେ ଉଲ୍ଲେଖ ଅଛି।

ଏଥିସହ, ଅଭିଯୁକ୍ତ ତାଙ୍କ ଅଶ୍ଳୀଳ ଫଟୋ ଓ ଭିଡିଓ ଧରି ରଖି ବ୍ଲାକମେଲ୍ କରିବା ସହ ବହୁଥର ଶାରୀରିକ ଶୋଷଣ କରିଥିବା ଅଭିଯୋଗ ରହିଛି। ପୀଡ଼ିତା ତିନିଥର ଗର୍ଭବତୀ ହୋଇଥିଲେ ମଧ୍ୟ ଗର୍ଭପାତ କରାଇବାକୁ ବାଧ୍ୟ ହୋଇଥିଲେ। ୨୦୨୫ ଫେବୃଆରୀରେ ସନୋଜ ତାଙ୍କୁ ଛାଡିଦେଇ ଅଶ୍ଳୀଳ ଭିଡିଓ ସୋସିଆଲ ମିଡିଆରେ ଫିଟାଇବା ଧମକ ଦେଇଥିଲେ।

ଉଲ୍ଲେଖ୍ୟ, ସନୋଜ ମିଶ୍ର ମଧ୍ୟପ୍ରଦେଶର ମହେଶ୍ୱର ନିବାସୀ ଏବଂ ପ୍ରୟାଗରାଜ କୁମ୍ଭମେଳାରେ ରୁଦ୍ରାକ୍ଷ ବିକ୍ରି କରୁଥିବା ଭାଇରାଲ୍ ଗର୍ଲ୍ ମୋନାଲିସାଙ୍କୁ ଚଳଚ୍ଚିତ୍ର ଅଫର୍ କରି ଚର୍ଚ୍ଚାରେ ଥିଲେ। ମୋନାଲିସାଙ୍କ ଫଟୋ ଭାଇରାଲ୍ ହେବା ପରେ ସେ ସୋସିଆଲ ମିଡିଆରେ ଲୋକପ୍ରିୟ ହୋଇଥିଲେ।

The post ମୋନାଲିସାଙ୍କୁ ଚଳଚ୍ଚିତ୍ର ଅଫର୍ କରିଥିବା ନିର୍ଦ୍ଦେଶକ ଗିରଫ appeared first on Sanket Tv.

ସେପଟେ ଏହି ଫିଲ୍ମ ପାଇରେସି ସାଇଟ ମାନଙ୍କରେ ଅନଲାଇନ ଲିକ୍ ହୋଇଯାଇଛି। ରିପୋର୍ଟ ଅନୁସାରେ ଏହି ଫିଲ୍ମ ଏବେ ଇବୋମ୍ମା, ମୁଭିରୁଲସ୍, ତାମିଲ ରକର୍ସ, ଫିଲ୍ମ ଜିଲ୍ଲା, ତାମିଲୟୋଗୀ, ତାମିଲ ବ୍ଲାଷ୍ଟର୍ସ, ବଲିଫୋରୟୁ ଭଳି ପାଇରସୀ ପ୍ଲାଟଫର୍ମରେ ମାଗଣା ଡାଉନଲୋଡ ନିମନ୍ତେ ମିଳୁଛି। ଏହାକୁ ୧୦୮୦ପି, ୭୨୦ପି, ୪୮୦ପି, ୩୬୦ପି, ୨୪୦ପି ଏଚଡିରେ ଲୋକେ ଡାଉନଲୋଡ କରି ବେଶ୍ ମଉଜରେ ଦେଖୁଛନ୍ତି। ଏହି ଫିଲ୍ମକୁ ଲୋକେ ‘ପୁଷ୍ପା ଦ ରୁଲ’ ମୁଭି ଡାଉନଲୋଡ, ‘ପୁଷ୍ପା ଦ ରୁଲ’ ମୁଭି ଏଚଡି ଡାଉନଲୋଡ, ପୁଷ୍ପା ଦ ରୁଲ ତାମିଲ ରକର୍ସ ଏଚଡି ଡାଉନଲୋଡ ସର୍ଚ୍ଚ ସହିତ ନିଶୁଳ୍କ ଡାଉନଲୋଡ କରି ହେଉଛି।

The post ମୁକ୍ତିଲାଭ କଲା ପୁଷ୍କା-୨, ରିଲିଜ୍ ହେବାମାତ୍ରେ ଅନଲାଇନରେ ହେଲା ଲିକ୍ appeared first on Sanket Tv.

ସୂଚନା ମୁତାବକ, ରାୟପୁରର ଫୈଜାନ ନାମକ ଜଣେ ବ୍ୟକ୍ତି କଲ୍ କରି ହତ୍ୟା କରିବାକୁ ଧମକ ଦେଇଥିଲେ। ୫୦ଲକ୍ଷ ଟଙ୍କା ଦିଅ। ନଚେତ୍ ମାରିଦେବି ବୋଲି ଅଭିଯୁକ୍ତ କହିଥିଲେ। ଏହି ଫୋନ୍ କଲ୍ ଶାହାରୁଖ ଖାନଙ୍କ ପ୍ରଡକ୍ସନ୍ କମ୍ପାନି ରେଡ୍ ଚିଲିଜର କାର୍ଯ୍ୟାଳୟକୁ ଆସିଥିଲା। ଧମକ ପାଇବା ପରେ ଶାହାରୁଖ ଖାନଙ୍କ ପ୍ରଡକ୍ସନ୍ କମ୍ପାନି ତୁରନ୍ତ ପୋଲିସ ନିକଟରେ ଅଭିଯୋଗ କରିଥିଲା। ଏହା ପରେ ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ଏକ ଏଫଆଇଆର ପଞ୍ଜିକୃତ କରାଯାଇଥିଲା। ଯାଞ୍ଚ ବେଳେ ଯେତେବେଳେ ପୁଲିସ ଏହି କଲକୁ ଟ୍ରାକ୍ କରିଥିଲା, ସେତେବେଳେ ଏହା ରାୟପୁରରୁ ଆସିଥିଲା ବୋଲି ଜଣାପଡ଼ିଥିଲା। ଏବେ ଠିକଣା ପାଇ ପୋଲିସ ଅଭିଯୁକ୍ତକୁ ଗିରଫ କରିଥିବା କୁହାଯାଉଛି।

The post ସଲମାନ ଖାନଙ୍କ ପରେ ଏବେ ଶାହରୁଖଙ୍କୁ ମିଳିଲା ହତ୍ୟା ଧମକ appeared first on Sanket Tv.

ସୂଚନା ଅନୁଯାୟୀ, ଆଜି ସକାଳ ୫ଟା ସମୟରେ ଗୋବିନ୍ଦା କୋଲକାତା ଯିବା ପାଇଁ ବାହାରୁଥିଲେ । ଏହି ସମୟରେ ସେ ଲାଇସେନ୍ସପ୍ରାପ୍ତ ବନ୍ଧୁକ ସଫା କରୁଥିବା ସମୟରେ ଭୁଲବଶତଃ ହାତ ବାଜି ଗୁଳି ଫୁଟିଯାଇଥିଲା । ଫଳରେ ତାଙ୍କ ଗୋଡରେ ଗୁଳି ବାଜିଥିଲା । ଏହି ଘଟଣା ପରେ ଅଭିନେତା ଗୋବିନ୍ଦାଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ଘଟଣାର ତଦନ୍ତ ଜାରି ରଖିଛି ।

ଗୋବିନ୍ଦାଙ୍କ ମ୍ୟାନେଜର ଶଶି ସିହ୍ନା କହିଛନ୍ତି, ”ଅଭିନେତା ତଥା ଶିବସେନା ନେତା ଗୋବିନ୍ଦା ଆଜି ସକାଳେ କୋଲକାତା ଯିବାକୁ ବାହାରୁଥିଲେ । ଏହି ସମୟରେ ସେ ସେ ବନ୍ଧୁକ ଧରିଥିବା ବେଳେ ଏହା ହାତରୁ ଖସି ପଡିବାରୁ ଗୁଳି ଫୁଟିଥିଲା । ତାଙ୍କ ଗୋଡରେ ଗୁଳି ବାଜିବାରୁ ତାଙ୍କୁ ସଙ୍ଗେ ସଙ୍ଗେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତର ଗୁଳିଟିକୁ ଗୋଡରୁ ବାହର କରି ଦେଇଛନ୍ତି । ବର୍ତ୍ତମାନ ତାଙ୍କ ଅବସ୍ଥା ସ୍ଥିର ରହିଛି । ସେ ବର୍ତ୍ତମାନ ଡାକ୍ତରଖାନାରେ ଅଛନ୍ତି ।”

The post ବନ୍ଧୁକରୁ ଫୁଟି ବଲିଉଡ ଅଭିନେତା ଗୋବିନ୍ଦା ଆହତ appeared first on Sanket Tv.