କେନ୍ଦ୍ରମନ୍ତ୍ରୀ ଶ୍ରୀ ବୈଷ୍ଣବ ଓଡ଼ିଶାରେ ଶିଳ୍ପ ଓ ରୋଜଗାର ସୃଷ୍ଟି ପାଇଁ ମୁଖ୍ୟମନ୍ତ୍ରୀଙ୍କ ଦୃଢ଼ ପ୍ରତିବଦ୍ଧତାକୁ ପ୍ରଶଂସା କରି କହିଛନ୍ତି ଯେ ଓଡ଼ିଶା ପାଇଁ ଏକ ନୂତନ ବିକାଶ ଯୁଗର ଆରମ୍ଭ ହୋଇଛି। ସେ କହିଲେ, “ଏହି 3D ଗ୍ଲାସ୍ ସବ୍ଷ୍ଟ୍ରେଟ୍ ପ୍ୟାକେଜିଂ ୟୁନିଟ୍ର ଉତ୍ପାଦ ଦେଶରେ ପ୍ରଥମ ଏବଂ ଏହା ଓଡ଼ିଶାରେ ପ୍ରସ୍ତୁତ ହେବ। ଏହି ଟେକ୍ନୋଲୋଜି ସେମିକଣ୍ଡକ୍ଟର ଶିଳ୍ପର ଭବିଷ୍ୟତ ହେବ।”

ମୁଖ୍ୟମନ୍ତ୍ରୀ ଶ୍ରୀ ମାଝୀ କହିଲେ ଯେ ଏହା କେବଳ ଓଡ଼ିଶା ପାଇଁ ନୁହେଁ, ଭାରତର ଟେକ୍ନୋଲୋଜିକାଲ ଲିଡରସିପ୍ ଯାତ୍ରା ପାଇଁ ମଧ୍ୟ ଏକ ସ୍ମରଣୀୟ ମୁହୂର୍ତ୍ତ। ଏହି ୟୁନିଟ୍ର କମ୍ପୋନେଣ୍ଟ ଆର୍ଟିଫିସିଆଲ ଇଣ୍ଟେଲିଜେନ୍ସ, ହାଇ ପର୍ଫର୍ମାନ୍ସ କମ୍ପ୍ୟୁଟିଂ ଓ ପ୍ରତିରକ୍ଷା ଇଲେକ୍ଟ୍ରୋନିକ୍ସ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ। Intel, Lockheed Martin ଓ Applied Materials ଭଳି ବିଶ୍ୱସ୍ତରୀୟ ସଂସ୍ଥା 3D Glass Solution ସହ ଯୋଡ଼ି ହୋଇଥିବା ଓଡ଼ିଶା ପ୍ରତି ବିଶ୍ୱର ବଢୁଥିବା ଭରସାର ପ୍ରମାଣ।

ଓଡ଼ିଶା କାହିଁକି ନିବେଶକଙ୍କ ପ୍ରଥମ ପସନ୍ଦ: ମୁଖ୍ୟମନ୍ତ୍ରୀ ପାଞ୍ଚଟି କାରଣ ଉଲ୍ଲେଖ କରିଥିଲେ – ବିପୁଳ ପ୍ରାକୃତିକ ସମ୍ବଳ, ବିଶ୍ୱସ୍ତରୀୟ ଭିତ୍ତିଭୂମି, ଦକ୍ଷ ଯୁବଶକ୍ତି, ଶକ୍ତିଶାଳୀ କନେକ୍ଟିଭିଟି ଏବଂ ରେସ୍ପନସିଭ୍ ଗଭର୍ଣ୍ଣାନ୍ସ। ସେ ଯୁବପିଢ଼ୀଙ୍କୁ ଆହ୍ୱାନ ଦେଇ କହିଲେ, “ଏହା ଓଡ଼ିଶାର ଛାତ୍ରଛାତ୍ରୀ ଓ ଇଞ୍ଜିନିୟରଙ୍କ ପାଇଁ ସୁବର୍ଣ୍ଣ ସୁଯୋଗ। ନିଜକୁ ଦକ୍ଷ କରି ଏହି ଉଦୀୟମାନ କ୍ଷେତ୍ରରେ ଅଗ୍ରସର ହୁଅ। ବିଶ୍ୱ ସେମିକଣ୍ଡକ୍ଟର ଶିଳ୍ପ ପାଇଁ ‘Odisha is your destination’ ।”

ସୂଚନାଯୋଗ୍ୟ, ଓଡ଼ିଶାରେ ସେମିକଣ୍ଡକ୍ଟର କ୍ଷେତ୍ରରେ ଏପର୍ଯ୍ୟନ୍ତ ୧୦ ହଜାର କୋଟି ଟଙ୍କାରୁ ଅଧିକ ନିବେଶ ଆସିସାରିଛି। RIR Power Electronics ଓ SiCSEM ଭଳି ସଂସ୍ଥା ପୂର୍ବରୁ ରାଜ୍ୟରେ ୟୁନିଟ୍ ସ୍ଥାପନ କରିଛନ୍ତି। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଆତ୍ମନିର୍ଭର ଭାରତ ଭିଜନରେ ଓଡ଼ିଶା ଏକ ମୁଖ୍ୟ ଭୂମିକା ଗ୍ରହଣ କରିବ ଏବଂ ପୂର୍ବ ଭାରତର ଲଞ୍ଚପ୍ୟାଡ୍ ହେବ।

କାର୍ଯ୍ୟକ୍ରମରେ ରାଜ୍ୟ ଇଲେକ୍ଟ୍ରୋନିକ୍ସ ଓ ଆଇଟି ମନ୍ତ୍ରୀ ଡଃ ମୁକେଶ ମହାଲିଙ୍ଗ, ମୁଖ୍ୟ ଶାସନ ସଚିବ ଶ୍ରୀମତୀ ଅନୁ ଗର୍ଗ, ଅତିରିକ୍ତ ମୁଖ୍ୟ ଶାସନ ସଚିବ ବିଶାଲ କୁମାର ଦେବ, କେନ୍ଦ୍ର ଇଲେକ୍ଟ୍ରୋନିକ୍ସ ଓ ଆଇଟି ବିଭାଗର ଅତିରିକ୍ତ ଶାସନ ସଚିବ ଅମିତେଶ ସିନ୍ହା ଓ 3D Glass Solutionର ପ୍ରେସିଡେଣ୍ଟ୍ ଶ୍ରୀ ବାବୁ ମନ୍ଦାବାଙ୍କ ସମେତ ବହୁ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ।

The post ୩୦୦୦ କୋଟି ଟଙ୍କାର ସେମିକଣ୍ଡକ୍ଟର ୟୁନିଟର ଶିଳାନ୍ୟାସ appeared first on Sanket Tv.

ବିଜେପିର ସାଧାରଣ ସମ୍ପାଦକ ବିରଞ୍ଚି ତ୍ରିପାଠୀ କହିଛନ୍ତି ଯେ, ଆଗାମୀ ଦିନରେ ଦଳର ଜିଲ୍ଲାସ୍ତରୀୟ ପ୍ରଶିକ୍ଷଣ ବର୍ଗ ଅନୁଷ୍ଠିତ ହେବ। ଏହି ପ୍ରଶିକ୍ଷଣ କାର୍ଯ୍ୟକ୍ରମକୁ କିପରି କାର୍ଯ୍ୟକାରୀ କରାଯିବ, ସେ ନେଇ ବିସ୍ତୃତ ଭାବେ ଆଲୋଚନା କରାଯାଇଛି।

ସଂଗଠନଗତ ଦୃଷ୍ଟିରୁ ଶକ୍ତି କେନ୍ଦ୍ର ଓ ମଣ୍ଡଳ କମିଟି ଗଠନ ଉପରେ ମଧ୍ୟ ବୈଠକରେ ଗଭୀର ଆଲୋଚନା ହୋଇଛି। ବିରଞ୍ଚି ତ୍ରିପାଠୀ ଦୃଢ଼ୋକ୍ତି ଦେଇ କହିଛନ୍ତି ଯେ, ବିଜେପି ସବୁ ସମୟରେ ସମସ୍ତ ନିର୍ବାଚନ ପାଇଁ ପ୍ରସ୍ତୁତ ରହିଛି। ଦଳ ସଂଗଠନକୁ ବୁଥ୍ ସ୍ତର ପର୍ଯ୍ୟନ୍ତ ଚଳଚଞ୍ଚଳ କରିବା ପାଇଁ ବିଭିନ୍ନ କାର୍ଯ୍ୟକ୍ରମ ହାତକୁ ନେଇସାରିଛି।

ପ୍ରତ୍ୟେକ ବୁଥ୍ ଓ ମଣ୍ଡଳରେ କିପରି ‘ମନ କି ବାତ୍’ କାର୍ଯ୍ୟକ୍ରମ ଆୟୋଜନ କରାଯିବ, ତା’ ସହିତ ପ୍ରତି ମାସରେ ମଣ୍ଡଳସ୍ତରୀୟ ବୈଠକ କିପରି ହେବ, ସେ ଉପରେ ବିସ୍ତୃତ ଭାବେ ଚର୍ଚ୍ଚା ହେଉଛି। କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ କାର୍ଯ୍ୟକ୍ରମକୁ ସାଧାରଣ ଲୋକଙ୍କ ପାଖରେ ପହଞ୍ଚାଇବା ପାଇଁ ମଧ୍ୟ ବୈଠକରେ ଯୋଜନା ପ୍ରସ୍ତୁତ କରାଯାଉଛି।

ମେ’ ମାସ ୧ ତାରିଖରୁ ଆରମ୍ଭ ହୋଇ ମେ’ ମାସ ଶେଷ ସୁଦ୍ଧା ରାଜ୍ୟର ସମସ୍ତ ୩୭ଟି ସାଙ୍ଗଠନିକ ଜିଲ୍ଲାର ପ୍ରଶିକ୍ଷଣ କାର୍ଯ୍ୟକ୍ରମ ଶେଷ ହେବ ବୋଲି ନିର୍ଦ୍ଧାରଣ କରାଯାଇଛି। ଏହି ବୈଠକରେ ପାର୍ଟିର ସମସ୍ତ ପଦାଧିକାରୀ ଓ ରାଜ୍ୟ ନେତୃବୃନ୍ଦ ଉପସ୍ଥିତ ଥିଲେ।

ବୈଠକରେ ବିଜେପି ରାଜ୍ୟ ସଭାପତି, ଦୁଇ ଉପ-ମୁଖ୍ୟମନ୍ତ୍ରୀ, ପ୍ରଭାରୀ ଓ ଅନ୍ୟ ବରିଷ୍ଠ ନେତାମାନେ ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ। ବିରଞ୍ଚି ତ୍ରିପାଠୀ କହିଲେ ଯେ, ବିଶେଷକରି ୧୦୫୨ ମଣ୍ଡଳର ପ୍ରଶିକ୍ଷଣ ବର୍ଗ କିପରି ହେଲା, ଦଳର ପ୍ରତିଷ୍ଠା ଦିବସ, ଡକ୍ଟର ଭୀମରାଓ ଆମ୍ବେଦକର ଜୟନ୍ତୀ କାର୍ଯ୍ୟକ୍ରମ ଜିଲ୍ଲା, ମଣ୍ଡଳ ଓ ବୁଥ୍ ସ୍ତରରେ କିପରି ପାଳନ କରାଗଲା, ସେନେଇ ବିସ୍ତୃତ ଭାବେ ବୈଠକରେ ଚର୍ଚ୍ଚା ହୋଇଛି।

The post ବିଜେପି ରାଜ୍ୟ ପଦାଧିକାରୀ ବୈଠକ, ପଞ୍ଚାୟତ ନିର୍ବାଚନ ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ appeared first on Sanket Tv.

ଆସନ୍ତା ୨୧ ତାରିଖ ସକାଳେ ସ୍ୱତନ୍ତ୍ର ବିମାନ ଯୋଗେ ଦିଲ୍ଲୀରୁ ବାହାରି ଝାରସୁଗୁଡ଼ା ବିମାନ ବନ୍ଦରରେ ଅବତରଣ କରିବେ। ସେଠାରୁ ସ୍ୱତନ୍ତ୍ର ହେଲିକପ୍ଟରରେ ଉଡ଼ାଣ ଭରି ସେ ପୂର୍ବାହ୍ନ ୧୧ଟା ୧୦ ମିନିଟରେ ରାଉରକେଲା ବିମାନ ବନ୍ଦରରେ ପହଞ୍ଚିବେ। ଆଦିବାସୀ ସଂସ୍କୃତି, ପରମ୍ପରା ଓ ନୃତ୍ୟରେ ତାଙ୍କୁ ଭବ୍ୟ ସ୍ୱାଗତ କରିବାକୁ ସମସ୍ତ ପ୍ରସ୍ତୁତି ସରିଛି।

ରାଷ୍ଟ୍ରପତି ବିମାନ ବନ୍ଦରରୁ ସିଧାସଳଖ ରାଉରକେଲା ୱାନ୍ ପହଞ୍ଚିବେ। ସେଠାରେ ସେ ୪୮ କୋଟି ଟଙ୍କାରେ ନିର୍ମିତ କମାଣ୍ଡ କଣ୍ଟ୍ରୋଲ ରୁମ୍ ଲୋକାର୍ପଣ କରିବେ, ଯାହାଦ୍ୱାରା ରାଉରକେଲା ସହର ସିସିଟିଭି ନଜରରେ ରହିବ। ଏହାସହ ୪୦ କୋଟି ଟଙ୍କାରେ ନିର୍ମିତ ଆଦିବାସୀ ସଂଗ୍ରହାଳୟକୁ ମଧ୍ୟ ଲୋକାର୍ପଣ କରିବେ।

ତାପରେ ସେ ସେକ୍ଟର ୧୩ ମେଲଣ ପଡ଼ିଆରେ ଆୟୋଜିତ ସାଧାରଣ ସଭାରେ ଯୋଗଦେବେ। ସେଠାରେ ୧୦ ହଜାର ଛାତ୍ରଛାତ୍ରୀ ଓ ୩୫ରୁ ଅଧିକ ସାଂସ୍କୃତିକ ଗୋଷ୍ଠୀ ଅଂଶଗ୍ରହଣ କରିବେ। ଭର୍ଚୁଆଲ୍ ମାଧ୍ୟମରେ ସେ ୪ଟି ପ୍ରକଳ୍ପ ଲୋକାର୍ପଣ କରିବେ: କୋଏଲ ନଗର ମନୋରଞ୍ଜନ ପାର୍କ (୪୨.୪୪ କୋଟି), ଛେଣ୍ଡ ସ୍ଥିତ ସାଇନ୍ସ ପାର୍କ ଆଣ୍ଡ୍ ପ୍ଲାନେଟୋରିୟମ (୨୭ କୋଟି)।

ରାଷ୍ଟ୍ରପତିଙ୍କ ଗସ୍ତ ନେଇ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ। ଆଇନ ଶୃଙ୍ଖଳାକୁ ଦୃଷ୍ଟିରେ ରଖି ଫୋର୍ସ ମୁତୟନ ସହିତ ସାଧା ପୋଷାକରେ ଗୁଇନ୍ଦା ଅଧିକାରୀ ସମ୍ବେଦନଶୀଳ ସ୍ଥାନରେ ଜଗି ରହିବେ। ଏହି ଚାରୋଟି ପ୍ରକଳ୍ପ ଲୋକାର୍ପଣ ପୂର୍ବରୁ କେନ୍ଦ୍ରମନ୍ତ୍ରୀ ଜୁଏଲ ଓରାମ ପରିଦର୍ଶନ କରିସାରିଛନ୍ତି। ସୁନ୍ଦରଗଡ଼ ମାଟିରେ ରାଷ୍ଟ୍ରପତିଙ୍କୁ ଭବ୍ୟ ସ୍ୱାଗତ କରିବାକୁ ସମ୍ପୂର୍ଣ୍ଣ ପ୍ରସ୍ତୁତି ରହିଛି।

The post ଓଡ଼ିଶା ଆସୁଛନ୍ତି ରାଷ୍ଟ୍ରପତି; କରିବେ ୪ଟି ପ୍ରକଳ୍ପର ଲୋକାର୍ପଣ appeared first on Sanket Tv.

ବାଣ କାରଖାନାରେ ହୋଇଥିବା ଏହି ଶକ୍ତିଶାଳୀ ବିସ୍ଫୋରଣ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ଅଧିକାରୀଙ୍କ ଅନୁସାରେ, ମୃତ୍ୟୁ ସଂଖ୍ୟା ଆହୁରି ବୃଦ୍ଧି ପାଇବାର ଆଶଙ୍କା ରହିଛି।

ତାମିଲନାଡୁ ମୁଖ୍ୟମନ୍ତ୍ରୀ ଏମ୍.କେ. ଷ୍ଟାଲିନ ଏହି ଦୁର୍ଘଟଣାରେ ଗଭୀର ଦୁଃଖ ପ୍ରକାଶ କରିଛନ୍ତି। ସୋସିଆଲ ମିଡିଆ ‘X’ ରେ ପୋଷ୍ଟ କରି ସେ କହିଛନ୍ତି ଯେ, କଟ୍ଟାନାପଟ୍ଟିର ବାଣ କାରଖାନା ବିସ୍ଫୋରଣରେ ଏତେ ସଂଖ୍ୟକ ଲୋକଙ୍କ ମୃତ୍ୟୁ ଖବର ଶୁଣି ସେ ଦୁଃଖିତ। ସେ ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି।

ମୁଖ୍ୟମନ୍ତ୍ରୀ ତୁରନ୍ତ ଘଟଣାସ୍ଥଳ ପରିଦର୍ଶନ କରି ରିଲିଫ୍ ଓ ଉଦ୍ଧାର କାର୍ଯ୍ୟ ତଦାରଖ କରିବାକୁ ମନ୍ତ୍ରୀ କେ.କେ.ଏସ.ଏସ.ଆର. ରାମଚନ୍ଦ୍ରନ ଏବଂ ଥାଙ୍ଗମ ଥେନାରାସୁଙ୍କୁ ନିର୍ଦ୍ଦେଶ ଦେଇଛନ୍ତି। ଏଥିସହିତ ପ୍ରଭାବିତ ପରିବାରକୁ ସମସ୍ତ ଆବଶ୍ୟକ ସହାୟତା ଯୋଗାଇଦେବାକୁ ଜିଲ୍ଲା କଲେକ୍ଟରଙ୍କୁ ନିର୍ଦ୍ଦେଶ ଦେଇଛନ୍ତି।

The post ତାମିଲନାଡୁ ବାଣ କାରଖାନା ବିସ୍ଫୋରଣରେ ୧୭ ମୃତ appeared first on Sanket Tv.

ପୋଲିସ ସୂତ୍ର ଅନୁଯାୟୀ, ଯେଉଁ ଆମେରିକୀୟଙ୍କ ପାଖରୁ ସାଟେଲାଇଟ୍ ଫୋନ୍ ମିଳିଛି, ତାଙ୍କ ନାଁ ଜେଫ୍ରି ସ୍କଟ୍। ସେ ଆମେରିକାର ମୋଣ୍ଟାନା ରାଜ୍ୟରୁ ଆସିଥିବା କୁହାଯାଉଛି। ଏହି ସାଟେଲାଇଟ୍ ଫୋନ୍ ‘ଗାର୍ମିନ୍’ ନାମକ ଏକ ଜଣାଶୁଣା କମ୍ପାନୀର ବୋଲି ଜଣାପଡ଼ିଛି।

ବିମାନବନ୍ଦରରେ ନିୟମିତ ସୁରକ୍ଷା ଯାଞ୍ଚ ସମୟରେ ଉଭୟଙ୍କ ଲଗେଜ୍ ସ୍କାନ୍ କରାଯାଇଥିଲା। ସ୍କଟ୍ଙ୍କ ବ୍ୟାଗରୁ ସାଟେଲାଇଟ୍ ଫୋନ୍ ମିଳିବା ମାତ୍ରେ ଉଭୟ ଆମେରିକୀୟଙ୍କୁ ଅଟକ ରଖାଯାଇଥିଲା। ଏୟାରପୋର୍ଟ ସୁରକ୍ଷା କର୍ମୀ ସେମାନଙ୍କୁ ପଚରାଉଚରା କରିବା ପରେ ସ୍ଥାନୀୟ ପୋଲିସକୁ ହସ୍ତାନ୍ତର କରିଛନ୍ତି।

ଉଲ୍ଲେଖନୀୟ ଯେ, ଭାରତରେ ସାଟେଲାଇଟ୍ ଫୋନ୍ ବ୍ୟବହାର ବେଆଇନ୍। ଏହା ପ୍ରଥମ ଘଟଣା ନୁହେଁ; ପୂର୍ବରୁ ମଧ୍ୟ ଅନେକ ଥର ଆମେରିକୀୟ ନାଗରିକ ଏଭଳି ଫୋନ୍ ସହ ଧରାପଡ଼ିଛନ୍ତି। ଅନେକ ସମୟରେ ଆମେରିକୀୟ ନାଗରିକ ଏନେଇ ନଜାଣି ସାଟେଲାଇଟ୍ ଫୋନ୍ ସାଥିରେ ନେଇଆସନ୍ତି। ପୋଲିସ ଏବେ ସେମାନଙ୍କୁ ପଚରାଉଚରା କରୁଛି, ଯାହାଫଳରେ ପ୍ରକୃତ ସ୍ଥିତି ସ୍ପଷ୍ଟ ହୋଇପାରିବ।

The post ଶ୍ରୀନଗର ବିମାନବନ୍ଦରରେ ଦୁଇ ଆମେରିକୀୟ ଅଟକ, ମିଳିଲା ସାଟେଲାଇଟ୍ ଫୋନ୍ appeared first on Sanket Tv.

ଏଥିରେ ମୁଖ୍ୟମନ୍ତ୍ରୀ ଅଧ୍ୟକ୍ଷ ଭାବରେ ପରିଚାଳନା ପରିଷଦ ରହିବ। ଏହା ସହିତ ଜଣେ ଉପାଧ୍ୟକ୍ଷ, ଚାରି ପୂର୍ଣ୍ଣକାଳୀନ ସଦସ୍ୟ, ନଅ ଜଣ ପଦାଧିକାରୀ ଏବଂ ଦୁଇଜଣ ସ୍ୱତନ୍ତ୍ର ନିମନ୍ତ୍ରିତ ସଦସ୍ୟ ରହିବେ। ସାଂଗଠନିକ ଢାଞ୍ଚା ଅନୁଯାୟୀ କ୍ୟାବିନେଟ ମନ୍ତ୍ରୀ ପଦର ଉପାଧ୍ୟକ୍ଷଙ୍କୁ ମୁଖ୍ୟମନ୍ତ୍ରୀ ନିଯୁକ୍ତ କରିବେ।

ରାଜ୍ୟ ସରକାରଙ୍କ ପ୍ରାଥମିକତା କ୍ଷେତ୍ରରେ ବିଶେଷଜ୍ଞତା ଥିବା ଚାରି ଜଣ ବିଶିଷ୍ଟ ବ୍ୟକ୍ତିଙ୍କୁ ମୁଖ୍ୟମନ୍ତ୍ରୀ ରାଜ୍ୟ ମନ୍ତ୍ରୀ ପଦବୀରେ ପୂର୍ଣ୍ଣକାଳୀନ ସଦସ୍ୟ ଭାବରେ ନିଯୁକ୍ତ କରିବେ। ଉନ୍ନୟନ କମିଶନର-କମ୍-ଅତିରିକ୍ତ ମୁଖ୍ୟ ସଚିବ ସଦସ୍ୟ ସଚିବ ଭାବରେ କାର୍ଯ୍ୟ କରିବେ। ମୁଖ୍ୟମନ୍ତ୍ରୀ IAS କ୍ୟାଡରରେ ପ୍ରମୁଖ ସଚିବ କିମ୍ବା କମିଶନର-କମ୍-ସଚିବ ପଦବୀରେ ଏକ ନିର୍ଦ୍ଦିଷ୍ଟ କାର୍ଯ୍ୟକାଳ ପାଇଁ ଜଣେ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO)ଙ୍କୁ ମଧ୍ୟ ନିଯୁକ୍ତ କରିବେ।

SITI ଓଡ଼ିଶା ଅଧୀନରେ ରାଜ୍ୟ ମନିଟରିଂ ଏବଂ ମୂଲ୍ୟାୟନ କାର୍ଯ୍ୟାଳୟ (SMEO) ନାମରେ ଏକ ସଂଲଗ୍ନ କାର୍ଯ୍ୟାଳୟ ରହିବ। ଏହା ପ୍ରମାଣ-ଚାଳିତ ଶାସନ ପାଇଁ ରାଜ୍ୟର ନୋଡାଲ ପ୍ରତିଷ୍ଠାନ ଭାବରେ କାର୍ଯ୍ୟ କରିବ।

SITI-ଓଡ଼ିଶା ରାଜ୍ୟ ସରକାରଙ୍କୁ ଛଅଟି ପ୍ରମୁଖ ବିଷୟବସ୍ତୁ ଉପରେ ମାର୍ଗଦର୍ଶନ କରିବ – ଅର୍ଥନୀତି ଏବଂ ଅର୍ଥ, ଗ୍ରାମୀଣ ଅର୍ଥନୀତି ଏବଂ ଜୀବିକା, ନିଯୁକ୍ତି ଏବଂ ନଗର ବିକାଶ, ଚିନ୍ତାଧାରା ଏବଂ ନବସୃଜନ, ଶକ୍ତି ପରିବର୍ତ୍ତନ, ପରିବେଶ ଏବଂ ଜଙ୍ଗଲ ଏବଂ ଖଣି ଏବଂ ପ୍ରାକୃତିକ ସମ୍ପଦ।

The post ରାଜ୍ୟରେ ଆସୁଛି SITI ଓଡ଼ିଶା, ଯୋଜନା ବୋର୍ଡ ହେବ ବଦଳ appeared first on Sanket Tv.

ଏହି SOPରେ ଦର୍ଶାଯାଇଛି ଯେ, ଆବଶ୍ୟକତାଠାରୁ ଅଧିକ ଖରା ହେଉଥିବା ସ୍ଥାନରେ ସରକାର ହିଟ୍ ୱେଭ୍ ଆଶ୍ରୟସ୍ଥଳୀ ନିର୍ମାଣ କରିବେ। ଏଥିପାଇଁ ଜିଲ୍ଲାପାଳମାନଙ୍କୁ ଅଧିକୃତ କରାଯାଇଛି। ସରକାରଙ୍କ ଦ୍ୱାରା ପ୍ରଦତ୍ତ SOP ବାହାରେ ମଧ୍ୟ ଜିଲ୍ଲାପାଳ ନିଜସ୍ୱ ନିଷ୍ପତ୍ତି ନେଇପାରିବେ। ଦିନ ୧୧ଟାରୁ ୩ଟା ପର୍ଯ୍ୟନ୍ତ ସମୟକୁ ସର୍ବାଧିକ ଗରମ ସମୟ ଭାବରେ ଚିହ୍ନଟ କରାଯାଇଛି, ଏବଂ ଏହି ସମୟ ଉପରେ ଅଧିକ ଧ୍ୟାନ ଦେବାକୁ ନିର୍ଦ୍ଦେଶ ଦିଆଯାଇଛି।

ଯାତ୍ରୀ ଓ ମାଲ ପରିବହନ ଉପରେ ତଦାରଖ କରିବାକୁ ନିର୍ଦ୍ଦେଶ ଦିଆଯାଇଛି। ଯାତାୟତ କରୁଥିବା ରାସ୍ତାରେ ଡ୍ରାଇଭରମାନଙ୍କ ପାଇଁ ବିଶ୍ରାମ, ORS ଏବଂ ପିଇବା ପାଣିର ବ୍ୟବସ୍ଥା କରାଯାଇଛି। ସେହିପରି କୌଣସି ଅଘଟଣକୁ ଦୃଷ୍ଟିରେ ରଖି ମେଡିକାଲ ଏବଂ ଆମ୍ବୁଲାନ୍ସକୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି। ଯେକୌଣସି ସ୍ଥାନରେ ୨୦ ମିନିଟ୍ ମଧ୍ୟରେ ଆମ୍ବୁଲାନ୍ସ ପହଞ୍ଚିବା ପାଇଁ ବ୍ୟବସ୍ଥା କରାଯାଇଛି। ଯାତ୍ରୀବାହୀ ଓ ମାଲ ପରିବହନ କରୁଥିବା ଲୋକଙ୍କ ପାଇଁ ପ୍ରଚୁର ପରିମାଣରେ ORS ଓ ପିଇବା ପାଣିର ବ୍ୟବସ୍ଥା କରିବାକୁ ନିର୍ଦ୍ଦେଶ ଦିଆଯାଇଛି।

ସ୍କୁଲ ଛୁଟି ପାଇଁ ଗଣଶିକ୍ଷା ବିଭାଗ ସହ ରାଜସ୍ୱ ବିଭାଗ ଆଲୋଚନା ସାରିଛି। ଯେଉଁଠି ତାତି ବୃଦ୍ଧି ପାଉଛି, ସେଠାରେ ସ୍କୁଲ ଛୁଟି ଘୋଷଣା କରିବାର କ୍ଷମତା ଜିଲ୍ଲାପାଳଙ୍କୁ ଦିଆଯାଇଛି। ଅଂଶୁଘାତ ଜନିତ ମୃତ୍ୟୁ ପାଇଁ କ୍ଷତିପୂରଣ ପ୍ରଦାନ କରାଯାଉଛି। ରିପୋର୍ଟ ପାଇବାର ୨୪ ଘଣ୍ଟା ମଧ୍ୟରେ ପୀଡ଼ିତ ପରିବାର କ୍ଷତିପୂରଣ ରାଶି ପାଇବେ।

ହିଟ୍ଓ୍ୱେଭ୍ ଥିବା ସ୍ଥାନରେ ଯଦି କୌଣସି ଗାଡ଼ି ଚଳାଚଳ କରେ କିମ୍ବା ଏସି ନଥିବା ଗାଡ଼ିରେ କାହାର ଅସୁବିଧା ହୁଏ, ତେବେ ସେଥିପାଇଁ ଗାଡ଼ିର ମାଲିକ ଦାୟୀ ରହିବେ ବୋଲି ସ୍ପଷ୍ଟ କରାଯାଇଛି।

The post ହିଟ୍ଓ୍ୱେଭ୍ ନେଇ ରାଜସ୍ୱ ବିଭାଗର ନୂତନ ଏସଓପି ପ୍ରସ୍ତୁତ appeared first on Sanket Tv.

ସାଧାରଣ ପ୍ରଶାସନ ବିଭାଗ ପକ୍ଷରୁ କରାଯାଇଥିବା ଚିଠି ଅନୁଯାୟୀ, ବିଭିନ୍ନ ବିଭାଗରେ ଏହି ନିଯୁକ୍ତି ଦିଆଯିବ। ଏଥିରେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ, ମତ୍ସ୍ୟ ଓ ପ୍ରାଣୀ ସଂପଦ ବିକାଶ ବିଭାଗ, ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ, ଇସ୍ପାତ ଓ ଖଣି ବିଭାଗ, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଏବଂ ଏମ୍ଏସ୍ଏମ୍ଇ ବିଭାଗ ସାମିଲ ରହିଛି।

ମିଳିଥିବା ସୂଚନା ଅନୁଯାୟୀ, ୧୪ ଜଣ ଆସୋସିଏଟ୍ ପ୍ରଫେସର, ୭୦ ଜଣ ଭିଏଏସ୍/ଏଭିଏଏସ୍, ୪୫ ଜଣ ଏସିଏଫ୍, ୧୩୧ ଜଣ ଫରେଷ୍ଟ ରେଞ୍ଚର, ୧୯ ଜଣ ଆସିଷ୍ଟାଣ୍ଟ କେମିଷ୍ଟ, ୫୮ ଜଣ ଖଣି ଅଧିକାରୀ, ୬୩ ଜଣ ଏଇଇ ଏବଂ ୧୫୧ ଜଣ ଆସିଷ୍ଟାଣ୍ଟ ଇଣ୍ଡଷ୍ଟ୍ରି ଅଫିସରଙ୍କୁ ନିଯୁକ୍ତି ପତ୍ର ପ୍ରଦାନ କରାଯିବ।

The post ୫୫୧ ଜଣଙ୍କୁ ନିଯୁକ୍ତି ପତ୍ର ବାଣ୍ଟିବେ ମୁଖ୍ୟମନ୍ତ୍ରୀ appeared first on Sanket Tv.

ଏହି ନିଷ୍ପତ୍ତି ପରେ କର୍ମଚାରୀଙ୍କ ପାଇଁ ମୋଟ ମହଙ୍ଗା ଭତ୍ତା ୫୮% ରୁ ବୃଦ୍ଧି ପାଇ ୬୦% ହୋଇଛି। ଫଳରେ ସେମାନଙ୍କ ମାସିକ ଦରମା ଏବଂ ପେନସନରେ ଉଲ୍ଲେଖନୀୟ ବୃଦ୍ଧି ଘଟିବ।

ଏହି ବୃଦ୍ଧି ପ୍ରାୟ ୫୦ ଲକ୍ଷ ସରକାରୀ କର୍ମଚାରୀ ଏବଂ ୬.୫ ଲକ୍ଷରୁ ଅଧିକ ପେନସନଭୋଗୀଙ୍କୁ ସିଧାସଳଖ ଲାଭ ଦେବ। ବର୍ଦ୍ଧିତ ମୁଦ୍ରାସ୍ଫୀତି ମଧ୍ୟରେ ଆୟ ବୃଦ୍ଧି ପାଇଁ ଦାବି କରୁଥିବା କର୍ମଚାରୀମାନଙ୍କୁ ଏହି ପଦକ୍ଷେପ ଯଥେଷ୍ଟ ଆଶ୍ୱସ୍ତି ଦେଇଛି।

The post ୨% ମହଙ୍ଗା ଭତ୍ତା ବୃଦ୍ଧି କଲେ କେନ୍ଦ୍ର ସରକାର appeared first on Sanket Tv.

ଅଭିଯୁକ୍ତ ବ୍ୟକ୍ତି ୫୯ ଲକ୍ଷ ଟଙ୍କା ନଦେଲେ ସୋମବାର ଦିନ ସମ୍ପୂର୍ଣ୍ଣ ମନ୍ଦିରକୁ ବୋମା ପକାଇ ଉଡାଇ ଦେବାକୁ ଧମକ ଦେଇଛନ୍ତି। ଏନେଇ ମନ୍ଦିର କାର୍ଯ୍ୟନିର୍ବାହୀ ଅଧିକାରୀ ଲକ୍ଷ୍ମୀଧର ପଣ୍ଡା ସାକ୍ଷୀଗୋପାଳ ଥାନାରେ ଲିଖିତ ଅଭିଯୋଗ କରିଛନ୍ତି।

ସୂଚନାନୁସାରେ, ଏହି ନମ୍ବରରୁ ପୂର୍ବରୁ ପୁରୀ ମନ୍ଦିରକୁ ଉଡାଇ ଦେବା ସହ ପୁରୀର ରାଜନେତାଙ୍କୁ ମଧ୍ୟ ଧମକ ମିଳିସାରିଛି। ବାସେଳୀସାହି ଥାନା ଓ ଟାଉନ ଥାନାରେ ଏହି ଅଭିଯୁକ୍ତ ବ୍ୟକ୍ତିଙ୍କ ନାମରେ ପୂର୍ବରୁ ମଧ୍ୟ ମାମଲା ରୁଜୁ ହୋଇ କୋର୍ଟରେ ବିଚାରାଧୀନ ଅଛି।

ବୋମା ଧମକ ପରେ ସାକ୍ଷୀଗୋପାଳ ପୋଲିସ ତତ୍ପରତା ଦେଖାଇଛି। ମନ୍ଦିରରେ କଡ଼ାକଡ଼ି ସୁରକ୍ଷା ବ୍ୟବସ୍ଥା ଗ୍ରହଣ କରାଯିବାକୁ ପ୍ରସ୍ତୁତି କରାଯାଉଛି।

The post ସାକ୍ଷୀଗୋପାଳ ବରାଳ ବାଲୁଙ୍କେଶ୍ୱର ମନ୍ଦିରକୁ ବୋମାରେ ଉଡାଇବାକୁ ଧମକ appeared first on Sanket Tv.