ବର୍ତ୍ତମାନ ଗଲଫ୍ ଅଫ୍ ଥାଇଲାଣ୍ଡ୍ ଏବଂ ପାର୍ଶ୍ୱବର୍ତ୍ତୀ ଅଞ୍ଚଳରେ ଏକ ଘୂର୍ଣ୍ଣିବଳୟ ସକ୍ରିୟ ରହିଛି। ଏହା ଆସନ୍ତା ୨୦ କିମ୍ବା ୨୧ ତାରିଖ ବେଳକୁ ଆଣ୍ଡାମାନ ଓ ଏହାର ସଂଲଗ୍ନ ଅଞ୍ଚଳରେ ପହଞ୍ଚିପାରେ। ଫଳରେ ୨୩ରୁ ୨୪ ତାରିଖ ସୁଦ୍ଧା ଲଘୁଚାପ ଏବଂ ୨୪ରୁ ୨୫ ତାରିଖ ବେଳକୁ ଅବପାତର ରୂପ ନେବା ସମ୍ଭାବନା ରହିଛି।

ପାଣିପାଗ ବିଜ୍ଞାନୀ ବିଶ୍ୱଜିତ୍ ସାହୁ କହିଛନ୍ତି, “ବର୍ତ୍ତମାନର ପାଣିପାଗ ଓ ସାମୁଦ୍ରିକ ପରିସ୍ଥିତି ଏହି ସିଷ୍ଟମକୁ ଅଧିକ ଘନୀଭୂତ କରିପାରେ। ବିଭିନ୍ନ ଗ୍ଲୋବାଲ୍ ମଡେଲ୍‌ରେ ଏହା ବାତ୍ୟାରେ ପରିଣତ ହେବାର ସଙ୍କେତ ମିଳୁଥିବା କୁହାଯାଉଛି। ତେବେ ଏହାର ତୀବ୍ରତା ଓ ଗତିପଥ ନେଇ ଏବେ ଠାରୁ ସ୍ପଷ୍ଟ ଆକଳନ କରିବା ସମ୍ଭବ ନୁହେଁ।”

ଏହି ସିଷ୍ଟମ୍ ତାମିଲନାଡୁ, ମିଆଁମାର କିମ୍ବା ବାଂଲାଦେଶ ଆଡ଼କୁ ଗତି କରିପାରେ। ଆସନ୍ତା ୨ରୁ ୩ ଦିନ ମଧ୍ୟରେ ଏହାର ଗତିପଥ ଓ ତୀବ୍ରତା ସମ୍ପର୍କରେ ଅଧିକ ସ୍ପଷ୍ଟତା ମିଳିପାରିବ। ତେଣୁ ବାତ୍ୟା ସୃଷ୍ଟି ଓ ଏହାର ସମ୍ଭାବ୍ୟ ପ୍ରଭାବ ନେଇ ପାଣିପାଗ ବିଭାଗର ପରବର୍ତ୍ତୀ ଆକଳନ ଉପରେ ନଜର ରହିଛି।

The post ଓଡ଼ିଶାକୁ ପୁଣି ବାତ୍ୟା ଭୟ: ବଙ୍ଗୋପସାଗରରେ ସୃଷ୍ଟି ହୋଇପାରେ ଲଘୁଚାପ appeared first on Sanket Tv.

ପୋଲିସ ସୂଚନା ମୁତାବକ, ଓରିଏଣ୍ଟ ଥାନା କେସ୍ ନଂ ୨୪୯/୨୦୨୬ (ଦଫା ୩୦୮(୫) ବିଏନଏସ ଏବଂ ୨୫(୧-ବି)/୨୭(୧) ଆର୍ମସ ଆକ୍ଟ) ମାମଲାରେ ପୁଲିସ ବଣ୍ଟିକୁ ଧରିବା ପାଇଁ ଖୋଜୁଥିଲା। ଆଜି ପ୍ରାତଃ ପ୍ରାୟ ୬ଟା ସମୟରେ ବଣ୍ଟି ଆମଦରା ଜଙ୍ଗଲ ନିକଟରେ ଲୁଚି ରହିଥିବା ସୂଚନା ପାଇ ଓରିଏଣ୍ଟ ଥାନା ପୋଲିସର ଏକ ସ୍ୱତନ୍ତ୍ର ଟିମ୍ କମ୍ବିଂ ଅପରେସନ ଆରମ୍ଭ କରିଥିଲା।

ପୋଲିସ ଘେରାବନ୍ଦୀ କରୁଥିବା ଦେଖି ଧରାପଡ଼ିବା ଭୟରେ ବଣ୍ଟି ପୋଲିସ ଉପରକୁ ଅତର୍କିତ ଭାବେ ଗୁଳି ଚଳାଇଥିଲା। ପୋଲିସ କର୍ମଚାରୀମାନେ ଅଳ୍ପକେ ବର୍ତ୍ତିଯିବା ସହ ଆତ୍ମରକ୍ଷା ପାଇଁ ନିୟନ୍ତ୍ରିତ ପାଲଟା ଗୁଳିଚାଳନା କରିଥିଲେ। ଏଥିରେ ବଣ୍ଟିର ବାମ ଗୋଡ଼ରେ ଗୁଳି ବାଜିବାରୁ ସେ ତଳେ ଖସିପଡ଼ିଥିଲା ଏବଂ ପୋଲିସ ତାକୁ କାବୁ କରିନେଇଥିଲା।

ଘଟଣା ପରେ ଝାରସୁଗୁଡ଼ା ଏସପି ଗୁଣ୍ଡାଲା ରେଡ୍ଡି ରାଘବେନ୍ଦ୍ର କହିଛି, “ଜିଲ୍ଲାରେ ଆଇନଶୃଙ୍ଖଳା ବଜାୟ ରଖିବା ଓ ଅପରାଧୀଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ଆମର ପ୍ରାଥମିକତା। ଅପରାଧୀ ବଣ୍ଟି ପ୍ରସାଦ ପୋଲିସ ଟିମ୍ ଉପରକୁ ସିଧାସଳଖ ଗୁଳି ଚଳାଇ ଫେରାର ହେବାକୁ ଚେଷ୍ଟା କରୁଥିଲା। ଆତ୍ମରକ୍ଷା ଉଦ୍ଦେଶ୍ୟରେ ପୋଲିସ ବାଧ୍ୟ ହୋଇ ନିୟନ୍ତ୍ରିତ ପାଲଟା ଗୁଳିଚାଳନା କରିଛି। ଝାରସୁଗୁଡ଼ାରେ ସଙ୍ଗଠିତ ଅପରାଧ ଏବଂ ବେଆଇନ ମାରଣାସ୍ତ୍ର କାରବାର ବିରୋଧରେ ଆମର ଜିରୋ ଟଲରାନ୍ସ ନୀତି ରହିଛି। ଆଇନକୁ ହାତକୁ ନେଉଥିବା ଅପରାଧୀଙ୍କୁ କୌଣସି ପରିସ୍ଥିତିରେ ଛଡ଼ାଯିବ ନାହିଁ।”

ଏସପି ଆହୁରି ମଧ୍ୟ ସ୍ପଷ୍ଟ କରିଛନ୍ତି ଯେ ଘଟଣାରେ ସମ୍ପୃକ୍ତ ଅନ୍ୟ ସହଯୋଗୀ ଓ ଅସ୍ତ୍ର ଯୋଗାଣକାରୀଙ୍କ ଉପରେ କଡ଼ା ନଜର ରଖାଯାଇଛି ଏବଂ ସମଗ୍ର ନେଟୱାର୍କର ଚେର ଖୋଜାଯିବ। ବଣ୍ଟି ନାଁରେ ୧୭ଟି ସଙ୍ଗୀନ ଅପରାଧିକ ମାମଲା ରହିଛି। ପୋଲିସ ରେକର୍ଡ ଅନୁଯାୟୀ, ବଣ୍ଟି ପ୍ରସାଦ ବିରୋଧରେ ଝାରସୁଗୁଡ଼ା, ବ୍ରଜରାଜନଗର ଓ ଓରିଏଣ୍ଟ ଥାନାରେ ହତ୍ୟା ଉଦ୍ୟମ, ଡକାୟତି ଯୋଜନା, ସଙ୍ଗଠିତ ଅପରାଧ ଏବଂ ବେଆଇନ ବନ୍ଧୁକ କାରବାର ଘଟଣାରେ ମାମଲା ରହିଛି।

ପୋଲିସ ଘଟଣାସ୍ଥଳରୁ ବେଆଇନ ମାରଣାସ୍ତ୍ର ଜବତ କରିଛି। ଏନକାଉଣ୍ଟର ପରେ ସମଗ୍ର ବ୍ରଜରାଜନଗର ଓ ଶିଳ୍ପାଞ୍ଚଳରେ ଚାଞ୍ଚଲ୍ୟ ଖେଳିଯାଇଥିବା ବେଳେ ପୋଲିସ ପକ୍ଷରୁ କଡ଼ା ପାଟ୍ରୋଲିଂ ଜାରି ରହିଛି।

The post ଝାରସୁଗୁଡ଼ାରେ ପୋଲିସ ଏନକାଉଣ୍ଟରରେ ଦୁର୍ଦ୍ଦାନ୍ତ ବଣ୍ଟି ପ୍ରସାଦ ଆହତ appeared first on Sanket Tv.

ଆଜି (ସୋମବାର) ଭୋର ସମୟରେ ଏହି ଦୁର୍ଘଟଣା ଘଟିଥିବାବେଳେ ଅଗ୍ନିଶମ କର୍ମଚାରୀ ଏବଂ ପୋଲିସ ଆମ୍ବୁଲାନ୍ସରୁ ମୃତ ଏବଂ ଆହତ ବ୍ୟକ୍ତିଙ୍କୁ ଉଦ୍ଧାର କରିଥିଲେ। ଆହତମାନଙ୍କ ମଧ୍ୟରୁ ଜଣେ କହିବା ଅନୁସାରେ, ନାତୁଣୀର ଚିକିତ୍ସା ପାଇଁ ସେମାନେ ପଶ୍ଚିମବଙ୍ଗର ଖଡ଼ଗପୁରରୁ ଓଡ଼ିଶାର କଟକ ଏସସିବି ମେଡିକାଲ କଲେଜକୁ ଆସୁଥିଲେ। ଆମ୍ବୁଲାନ୍ସଟି ଭଦ୍ରକ ନିକଟସ୍ଥ ୧୬ ନମ୍ବର ଜାତୀୟ ରାଜପଥର ତିଶଳପୁର ଛକ ନିକଟରେ ପ୍ରଥମେ ଏକ ବୋଲେରୋକୁ ଧକ୍କା ଦେଇଥିଲା। ପରେ ଭାରସାମ୍ୟ ହରାଇ ରାସ୍ତା ପାର୍ଶ୍ୱରେ ଥିବା ଡିଭାଇଡରକୁ ଧକ୍କା ଦେଇଥିଲା।

ଆମ୍ବୁଲାନ୍ସରେ ଆଈ ମାଳତୀ, ପୁଅ ଓ ବୋହୂ ଏବଂ ଅସୁସ୍ଥ ନାତୁଣୀ ଖୁସି ଥିଲେ। ସେମାନେ ଖଡ଼ଗପୁରରୁ କଟକ ବଡ଼ ମେଡିକାଲକୁ ଆସୁଥିଲେ। ଖୁସିକୁ ଭଲ କରିବାକୁ ଏତେ ଦୂର ଆସୁଥିବା ବେଳେ ଡାକ୍ତରଖାନାରେ ପହଞ୍ଚିବା ପୂର୍ବରୁ ତାଙ୍କ ଜୀବନ ଯାଇଛି। ଆମ୍ବୁଲାନ୍ସ ଡ୍ରାଇଭରଙ୍କ ଆଖି ଲାଗିଯିବାରୁ ଏହି ମର୍ମନ୍ତୁଦ ଦୁର୍ଘଟଣା ଘଟିଥିବା ଅନୁମାନ କରାଯାଉଛି।

ଦୁର୍ଘଟଣା ସଂପର୍କରେ ଖବର ପାଇ ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଆହତମାନଙ୍କୁ ହସପିଟାଲ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି। ଏଥିସହିତ ଆମ୍ବୁଲାନ୍ସ ଡ୍ରାଇଭରକୁ ଥାନାରେ ଅଟକ ରଖି ଅଧିକ ପଚରା ଉଚରା କରୁଛି।

The post ଆମ୍ବୁଲାନ୍ସ ଦୁର୍ଘଟଣାରେ ଆଈ-ନାତୁଣୀଙ୍କ ମୃତ୍ୟୁ, ୩ ଗୁରୁତର appeared first on Sanket Tv.

କୁହାଯାଉଛି ଯେ, ଅଭିଯୁକ୍ତମାନେ ଗୁଳିକାଣ୍ଡ ପରେ ଟ୍ରେନରେ ରାଜସ୍ଥାନ ଚାଲି ଯାଇଥିଲେ। ପୁଣେ-ମୁମ୍ବାଇ ଏକ୍ସପ୍ରେସ୍ ଟ୍ରେନରେ ସେମାନେ ଥିବା ନେଇ ସୂଚନା ମିଳିଥିଲା। ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ବିହାରର ରିତିକ୍ କୁମାର ବୋଲି ଜଣା ପଡ଼ିଛି। ଏତତ୍ ବ୍ୟତୀତ, ଅନ୍ୟ ଦୁଇ ଜଣ ଅଭିଯୁକ୍ତ ହରିୟାଣାର ଫୁଲ୍ ସିଂ ଓ ରେହାନ ବୋଲି ସୂଚନା ମିଳିଛି।

ସୂଚନା ଅନୁସାରେ, ଟାଇଗର ଶ୍ରଫ୍ ରବିବାର ସନ୍ଧ୍ୟାରେ ମୁମ୍ବାଇର ଏକ ଫୁଟବଲ୍ ଗ୍ରାଉଣ୍ଡରୁ ନିଜ କାରରେ ଘରକୁ ଫେରୁଥିଲେ। ସେହି ସମୟରେ ବାଇକରେ ଆସିଥିବା ତିନି ଜଣ ବନ୍ଧୁକଧାରୀ ଦୁର୍ବୃତ୍ତ ତାଙ୍କ କାରକୁ ଟାର୍ଗେଟ୍ କରି ଗୁଳି ଚଳାଇଥିଲେ। ଗୁଳିମାଡ଼ରେ କାର୍ କ୍ଷତିଗ୍ରସ୍ତ ହୋଇଥିବା ବେଳେ ଡ୍ରାଇଭରଙ୍କ ଶରୀରରେ ଗୁଳି ବାଜିବାରୁ ସେ ଆହତ ହୋଇଛନ୍ତି।

ଏହି ଆକ୍ରମଣ ପରେ ସୋସିଆଲ୍ ମିଡିଆରେ ଏକ ଭିଡିଓ ଭାଇରାଲ୍ ହେବାରେ ଲାଗିଥିଲା। ଏଥିରେ ଜଣେ ବ୍ୟକ୍ତି ନିଜକୁ ‘ଅନିଲ ପଣ୍ଡିତ’ ବୋଲି ପରିଚୟ ଦେଇଛି ଏବଂ ସେ କୁଖ୍ୟାତ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ବୋଲି ଦାବି କରିଥିଲେ। ବଲିଉଡ୍ ଅଭିନେତା ଟାଇଗର ଶ୍ରଫଙ୍କ ଗାଡ଼ି ଉପରକୁ ଗୁଳିମାଡ଼ ଘଟଣାରେ ସାମ୍ନାକୁ ଆସିଛି ନୂଆ ତଥ୍ୟ। ରାଜସ୍ଥାନର କୋଟାରେ ଧରାପଡ଼ିଥିବା ସନ୍ଦିଗ୍ଧମାନେ ଦିଲ୍ଲୀ ଦେଇ ନେପାଳ ଖସିଯିବାକୁ ଯୋଜନା କରିଥିବା ପ୍ରାଥମିକ ପଚରାଉଚରାରୁ ଜଣାପଡ଼ିଛି। ଏନେଇ ସୂଚନା ଦେଇଛନ୍ତି କୋଟା ଏସପି ତେଜସ୍ୱିନୀ ଗୌତମ।

ଏସପିଙ୍କ କହିବା ଅନୁଯାୟୀ, ସକାଳ ପ୍ରାୟ ୯ଟା ୪୫ ମିନିଟରେ ପୁଣେ–ଜୟପୁର ଏକ୍ସପ୍ରେସରେ ସନ୍ଦିଗ୍ଧମାନେ ଯାତ୍ରା କରୁଥିବା ନେଇ ପୋଲିସକୁ ସୂଚନା ମିଳିଥିଲା। ଏହାପରେ ତୁରନ୍ତ ଆକ୍ସନ୍ ମୋଡକୁ ଆସିଥିଲା କୋଟା ପୋଲିସ। ରେଳ ଷ୍ଟେସନର ପ୍ରବେଶ ଓ ପ୍ରସ୍ଥାନ ପଥ, ପ୍ଲାଟଫର୍ମ ସମେତ ବିଭିନ୍ନ ସ୍ଥାନରେ ପୋଲିସ ନଜର ରଖିଥିଲା। ଏହି ଅପରେସନରେ ତିନିଜଣ ସନ୍ଦିଗ୍ଧଙ୍କୁ ଧରାଯାଇଥିବା ସୂଚନା ମିଳିଛି। ପ୍ରାଥମିକ ତଦନ୍ତରୁ ଜଣାପଡ଼ିଛି, ଧରାପଡ଼ିଥିବା ଜଣେ ଅଭିଯୁକ୍ତ ରାପିଡୋ ବାଇକ୍ ଟ୍ୟାକ୍ସି ଚାଳକ ଭାବେ କାମ କରନ୍ତି। ଅନ୍ୟ ଦୁଇଜଣଙ୍କ ମଧ୍ୟରେ ଜଣେ ନାବାଳକ ଏବଂ ଅନ୍ୟଜଣେ ରେହାନ।

ସନ୍ଦିଗ୍ଧମାନେ ଟ୍ରେନରେ ଦିଲ୍ଲୀ ପହଞ୍ଚିବା ପରେ ସେଠାରୁ ନେପାଳ ଖସିଯିବାକୁ ଯୋଜନା କରିଥିଲେ। ତେବେ ସେମାନଙ୍କୁ ଏହି ଯୋଜନା ପାଇଁ କିଏ ସହାୟତା କରୁଥିଲା ଏବଂ ନେପାଳରେ କାହା ସହ ଯୋଗାଯୋଗ କରିବାକୁ ଚାହୁଁଥିଲେ, ତାହା ଏବେ ତଦନ୍ତ ଚାଲିଛି। ଏହାସହ ରେହାନଙ୍କର ପୂର୍ବରୁ ଅନିଲ ପଣ୍ଡିତ ନାମକ ଜଣେ ବ୍ୟକ୍ତିଙ୍କ ସହ ଯୋଗାଯୋଗ ରହିଥିବା ଏସପି ସୂଚନା ଦେଇଛନ୍ତି।

ଅନ୍ୟପଟେ ମୁମ୍ବାଇ ପୋଲିସର ଟିମ୍ କୋଟାରେ ପହଞ୍ଚିଥିବା ବେଳେ ସନ୍ଦିଗ୍ଧମାନଙ୍କୁ ସେମାନଙ୍କ ହେପାଜତକୁ ହସ୍ତାନ୍ତର କରାଯିବ ବୋଲି ଏସପି କହିଛନ୍ତି। ମୁମ୍ବାଇ ପୋଲିସର ବିସ୍ତୃତ ପଚରାଉଚରା ପରେ ଗୁଳିମାଡ଼ ପଛର ଷଡ଼ଯନ୍ତ୍ର, ଅପରାଧୀଙ୍କ ନେଟୱର୍କ ଏବଂ ମାଷ୍ଟରମାଇଣ୍ଡ ସମ୍ପର୍କରେ ଅଧିକ ତଥ୍ୟ ସାମ୍ନାକୁ ଆସିପାରେ। ତେବେ ଘଟଣାର କିଛି ସମୟ ପରେ ଲରେନ୍ସ ବିଷ୍ଣୋଇ ଗ୍ୟାଙ୍ଗ ନିଜକୁ ଦାୟୀ କରିଛି। ଗ୍ୟାଙ୍ଗରେ ସାମିଲ ଥିବା ଅନୀଲ ପଣ୍ଡିତ ଏବଂ ହରମନ ସନ୍ଧୁ ଆକ୍ରମଣରେ ନିଜକୁ ଦାୟୀ କରିଛନ୍ତି।

The post ଟାଇଗର ଶ୍ରଫ ଗୁଳିକାଣ୍ଡରେ ଜଣେ ନାବାଳକ ସହ ୩ ସନ୍ଦିଗ୍ଧ ଗିରଫ appeared first on Sanket Tv.

ଅଧିକ ଟେଷ୍ଟ ମ୍ୟାଚ ଖେଳିଥିବା କାରଣରୁ ପ୍ରଜ୍ଞାନ ଓଝା ହେଲେ ଚୟନକର୍ତ୍ତା ଟିମର ମୁଖ୍ୟ। ଚୟନକର୍ତ୍ତା ଟିମର ମୁଖ୍ୟ ଭାବେ ଅଗରକରଙ୍କ କାର୍ଯ୍ୟକୁ ମଧ୍ୟ ପ୍ରଶଂସା କରିଛି ବିସିସିଆଇ। ତେବେ ପ୍ରଜ୍ଞାନ ଚୟନକର୍ତ୍ତା ଟିମର ଅନ୍ତରୀଣ ଅଧ୍ୟକ୍ଷ ରହିଥିବା ସମୟରେ ଏହି ଘୋଷଣା ହୋଇଛି।

ଅଜିତ ଅଗରକରଙ୍କ ପରେ କିଏ ସମ୍ଭାଳିବେ ଟିମ୍ ଇଣ୍ଡିଆର ଚିଫ୍ ସିଲେକ୍ଟର ପଦ? ଏପରି ପ୍ରଶ୍ନ ଫ୍ୟାନ୍ସଙ୍କ ମନରେ ଥିବା ସମୟରେ ସବୁ କଳ୍ପନା ଜଳ୍ପନାର ଅନ୍ତ ଘଟାଇଛି ବିସିସିଆଇ। ଭାରତୀୟ ଦଳର ପୂର୍ବତନ କ୍ରିକେଟର ପ୍ରଜ୍ଞାନ ଓଝା ଅଜିତ ଅଗରକରଙ୍କ ପରେ ଦଳର ମୁଖ୍ୟ ସିଲେକ୍ଟର ଭାବେ ଚୟନ ହୋଇଛନ୍ତି। ତେବେ ସିଲେକ୍ଟର ପ୍ୟାନେଲରେ ଅନ୍ୟତମ ସଦସ୍ୟ ଭାବେ ପୂର୍ବତନ ସ୍ପିନର ରମେଶ ପାୱାର ସାମିଲ ହୋଇଛନ୍ତି। ପ୍ୟାନେଲରେ ଚାରି ସଦସ୍ୟ ରହିଛନ୍ତି। ଅନ୍ୟ ସଦସ୍ୟମାନେ ହେଲେ ଶିବ ସୁନ୍ଦର ଦାସ, ଆରପି ସିଂହ, ଅଜୟ ରତ୍ରା ଏବଂ ରମେଶ ପାୱାର।

ସୂଚନାଯୋଗ୍ୟ, ପ୍ରଜ୍ଞାନ ଓଝା ଭାରତ ପାଇଁ ୨୪ଟି ଟେଷ୍ଟ, ୧୮ଟି ଦିନିକିଆ ଏବଂ ୬ଟି ଟି୨୦ ମ୍ୟାଚ ଖେଳିଛନ୍ତି। ସେ ବାମହାତୀ ସ୍ପିନର ଥିଲେ। ତାଙ୍କୁ ଚୟନ କମିଟିର ଅନ୍ତରୀଣ ମୁଖ୍ୟ ଭାର ପ୍ରଦାନ କରାଯାଇଥିଲା। ରମେଶ ପାୱାର ୨୦୦୪ ରୁ ୨୦୦୭ ମଧ୍ୟରେ ଭାରତ ପାଇଁ ୨ଟି ଟେଷ୍ଟ ଏବଂ ୩୧ଟି ଦିନିକିଆ (ଓଡିଆଇ) ମ୍ୟାଚ ଖେଳି ମୋଟ ୪୦ଟି ୱିକେଟ ହାସଲ କରିଥିଲେ। ଅନ୍ୟ ଦିଗରେ ଅଜିତ ଅଗରକରଙ୍କ କାର୍ଯ୍ୟକାଳ ଅକ୍ଟୋବର ୪ରେ ଶେଷ ହୋଇଛି। ବୋର୍ଡ ୨୦୨୭ ବିଶ୍ୱକପକୁ ନଜରରେ ରଖି ମୁଖ୍ୟ ଚୟନକର୍ତ୍ତା ନିଯୁକ୍ତି କରିଛି।

ପୂର୍ବତନ ଭାରତୀୟ ୱିକେଟକିପର ବ୍ୟାଟ୍ସମ୍ୟାନ ପାର୍ଥିବ ପଟେଲ ବିସିସିଆଇ ମୁଖ୍ୟ ଚୟନକର୍ତ୍ତା ପଦ ପାଇଁ ଆବେଦନ କରିନଥିଲେ। ଅଜିତ ଅଗରକରଙ୍କ ସ୍ଥାନରେ ପାର୍ଥିବଙ୍କୁ ବିସିସିଆଇର ନୂଆ ମୁଖ୍ୟ ଚୟନକର୍ତ୍ତା ଭାବେ ଦେଖାଯାଉଥିଲା। ସେ ଏହି ଦୌଡ଼ରେ ସବୁଠାରୁ ଆଗରେ ଥିଲେ, କିନ୍ତୁ ସେ ଆବେଦନ ନକରିବା ଯୋଗୁଁ ପ୍ରଜ୍ଞାନ ଓଝାଙ୍କ ପାଇଁ ବାଟ ସହଜ ହୋଇଥିଲା। ବିସିସିଆଇରେ ପଶ୍ଚିମାଞ୍ଚଳରୁ ଚୟନକର୍ତ୍ତା ପଦ ଖାଲି ପଡ଼ିଥିଲା। ଏହି ପଦ ପାଇଁ ଆବେଦନ କରିବାର ଶେଷ ଦିନ ସୁଦ୍ଧା ପାର୍ଥିବ ଆପ୍ଲାଏ କରିନଥିଲେ।

ଦକ୍ଷିଣାଞ୍ଚଳର ପ୍ରତିନିଧିତ୍ୱ କରୁଥିବା ଓଝା ନିଜ କାର୍ଯ୍ୟକାଳର ବାକି ସମୟ ପର୍ଯ୍ୟନ୍ତ ଅଧ୍ୟକ୍ଷ ରହିବେ। ବର୍ତ୍ତମାନର ଚୟନକର୍ତ୍ତାମାନଙ୍କ ମଧ୍ୟରେ ତାଙ୍କ ନାମରେ ସବୁଠାରୁ ଅଧିକ ଟେଷ୍ଟ ମ୍ୟାଚ ଥିବାରୁ ତାଙ୍କର ଦାବିଦାରୀ ଅଧିକ ମଜଭୁତ ହୋଇଥିଲା। ଜୁନିୟର ପୁରୁଷ ଚୟନ କମିଟିର ଅଧ୍ୟକ୍ଷ ହେବା ପାଇଁ ପ୍ରବଳ ଦାବିଦାର ବିବେଚିତ ହେଉଥିବା ରମେଶ ପାୱାର ବର୍ତ୍ତମାନ ପଶ୍ଚିମାଞ୍ଚଳରୁ ସିନିୟର ଚୟନକର୍ତ୍ତା ପ୍ୟାନେଲରେ ସାମିଲ ହୋଇଛନ୍ତି।

ଅଗରକର ଦୁଇ ବର୍ଷ ପାଇଁ ଚୟନକର୍ତ୍ତା କମିଟିର ଅଧ୍ୟକ୍ଷ ଭାବରେ କାର୍ଯ୍ୟ କରିଥିଲେ ଏବଂ ଏହି ସମୟ ମଧ୍ୟରେ ଦଳ ଟି-୨୦ ବିଶ୍ୱକପ ଓ ଚାମ୍ପିୟନ୍ସ ଟ୍ରଫି ଜିତିଥିଲା। ବିସିସିଆଇର ନିୟମ ଅନୁଯାୟୀ, ସବୁଠାରୁ ବରିଷ୍ଠ ଟେଷ୍ଟ ଖେଳାଳିଙ୍କୁ ଅଧ୍ୟକ୍ଷ ପଦ ମିଳିବା ବାଧ୍ୟତାମୂଳକ ଅଟେ।

The post ପ୍ରଜ୍ଞାନ ଓଝା ହେଲେ ଟିମ୍ ଇଣ୍ଡିଆର ନୂଆ ମୁଖ୍ୟ ଚୟନକର୍ତ୍ତା appeared first on Sanket Tv.

ପୁଲିସ କହିଛି ଯେ, ସୂଚନା ମିଳିବା ପରେ ଆମେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲୁ। ଗୁଳିମାଡ଼ର ପଛର କାରଣ ଜଣାପଡ଼ି ନାହିଁ। ପୁଲିସ ଟିମ୍ ଅଭିଯୁକ୍ତମାନଙ୍କୁ ଧରିବା ପାଇଁ ଛାନ୍ଭିନ୍ ଜାରି ରଖିଛି। ଅଭିନେତା ଟାଇଗର ଶ୍ରାଫ୍ ସୁସ୍ଥ ଅଛନ୍ତି। ପୁଲିସ ମାମଲାର ତଦନ୍ତ ଜାରି ରହିଛି।

ଟାଇଗର ଶ୍ରାଫଙ୍କ ଉପରେ ହୋଇଥିବା ଗୁଳିମାଡ଼ ପାଇଁ ବିଦେଶରେ ବସିଥିବା ଗ୍ୟାଙ୍ଗଷ୍ଟର ଅନିଲ ପଣ୍ଡିତ ଏବଂ ହରମନ ସନ୍ଧୁ ନିଜକୁ ଦାୟୀ କରିଛନ୍ତି। ସାମାଜିକ ଗଣମାଧ୍ୟମ ଜରିଆରେ ସେମାନେ ଏହି ସୂଚନା ଦେଇଛନ୍ତି। ତେବେ ଅଭିଯୁକ୍ତକୁ ଧରିବା ପାଇଁ ମୁମ୍ବାଇ ପୁଲିସ ୧୨ଟି ଟିମ୍ ଗଠନ କରିଛି।

ସୂଚନାଯୋଗ୍ୟ, ଟାଇଗର ଶ୍ରାଫ୍ଙ୍କ ଉପରକୁ ଗୁଳିମାଡ଼ ଘଟଣା ଆଜି ସନ୍ଧ୍ୟାରେ ଘଟିଛି। କିନ୍ତୁ ଏହା ପୂର୍ବରୁ ତାଙ୍କୁ ହତ୍ୟା ପାଇଁ ମଧ୍ୟ ଧମକ ମିଳିଥିଲା। ଘଟଣାସ୍ଥଳରେ ପୁଲିସ ଏବଂ ଫରେନସିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛି ଏବଂ ନିକଟସ୍ଥ ସିସିଟିଭି ଫୁଟେଜ୍ ସ୍କାନ୍ କରାଯାଉଛି। ସୋସିଆଲ ମିଡିଆରେ ଲରେନ୍ସ ବିଷ୍ମୋୟୀ ଗ୍ୟାଙ୍ଗ ମଧ୍ୟ ଏହି ଗୁଳିକାଣ୍ଡ କରିଥିବା ଏକ ବୟାନ ଜାରି କରିଛି।

टाइगर श्रॉफ जिस साइड कार में बैठे थे उसी साइड से गोली मारी गई। एक शूटर का पिस्टल फंस गया था। बड़ा भयावह दृश्य है। Tiger Shroff ने जैसे ही लोगों का अभिवादन किया वैसे ही फायर शुरू हो गया। शूटर कितने आराम से गोलियां चलाकर मोटरसाइकिल से भाग गए। https://t.co/zbzX2sb6Dx

— BHIL MANOHAR (@ManoharNinama2) October 18, 2026

The post ମୁମ୍ବାଇରେ ବଲିଉଡ୍ ଅଭିନେତା ଟାଇଗର ଶ୍ରାଫଙ୍କ ଉପରେ ଗୁଳିମାଡ଼ appeared first on Sanket Tv.

୨୦୨୪ ଜୁନ ମାସ ପରଠାରୁ ଭୈରବ କାର୍ତ୍ତିକେୟନ ପାଣ୍ଡିଆନ ପ୍ରତ୍ୟକ୍ଷ ରାଜନୀତିରୁ ଦୂରେଇ ରହିଛନ୍ତି। କିନ୍ତୁ ପ୍ରଚ୍ଛଦପଟରେ ରହି ପାଣ୍ଡିଆନ ବିଜେଡିକୁ ପରିଚାଳନା କରୁଥିବା ବିଜେଡିର ଅନେକ ନେତା ଅତୀତରେ ଅଭିଯୋଗ କରିଛନ୍ତି। ପତ୍ନୀ ସୁଜାତାଙ୍କୁ ବିଜେଡି ରାଜନୀତିରେ ଏଣ୍ଟ୍ରି କରାଇବାରେ ପାଣ୍ଡିଆନଙ୍କ ହାତ ଥିବା କୁହାଯାଏ। ଦଳ ଭିତରେ ଓ ବାହାରେ ହେଉଥିବା ଏହି ଚର୍ଚ୍ଚାରେ ସତ୍ୟତା ଥିବା ଶନିବାର ପାଣ୍ଡିଆନଙ୍କ ପୁରୀ ଗସ୍ତରୁ ସ୍ପଷ୍ଟ ହେବାରେ ଲାଗିଛି।

ପାଣ୍ଡିଆନଙ୍କ ଏହି ଗସ୍ତ ସମୟରେ ବିଜେଡିର ରାଜ୍ୟସଭା ସାଂସଦ ଶୁଭାଶିଷ ଖୁଣ୍ଟିଆଙ୍କ ସମେତ ଦଳର ଯୁବ ଓ ଛାତ୍ର ସଂଗଠନର ସଦସ୍ୟମାନେ ଉପସ୍ଥିତ ଥିଲେ। ମହାପ୍ରଭୁଙ୍କ ଦର୍ଶନ ପରେ ସେ ସ୍ଥାନୀୟ ବିଜେଡି ନେତାଙ୍କ ସହ ଫଟୋ ଉଠାଇଥିଲେ। ତେବେ ଏହି ସମୟରେ ପୁରୀ ବିଧାୟକ ସୁନୀଲ ମହାନ୍ତିଙ୍କ ଅନୁପସ୍ଥିତି ମଧ୍ୟ ଚର୍ଚ୍ଚାର ବିଷୟ ହୋଇଛି।

୨୦୨୪ ନିର୍ବାଚନ ପରେ ପାଣ୍ଡିଆନ ରାଜନୀତିରୁ ଅବସର ଘୋଷଣା କରିଥିଲେ। ଏହାପରଠାରୁ ବିଜେଡି ନେତାଙ୍କ ସହ ତାଙ୍କର ଏଭଳି ଖୋଲାଖୋଲି ଫଟୋ ସାମ୍ନାକୁ ଆସିନଥିଲା। ଏବେ ଶ୍ରୀମନ୍ଦିରରେ ଦର୍ଶନ ଏବଂ ଦଳୀୟ ନେତାଙ୍କ ସହ ତାଙ୍କର ସାକ୍ଷାତକୁ ନେଇ ରାଜନୈତିକ ମହଲରେ ନୂଆ ସମୀକରଣର ଆଲୋଚନା ଆରମ୍ଭ ହୋଇଛି। ବିଶେଷ କରି ସମ୍ପ୍ରତି ଛାତ୍ର ସଂସଦ ନିର୍ବାଚନରେ ବିଜେଡିର ଛାତ୍ର ସଂଗଠନର ପ୍ରଦର୍ଶନ ପରେ ପାଣ୍ଡିଆନଙ୍କ ଏହି ଉପସ୍ଥିତିକୁ ଅନେକ ଦିଗରୁ ଗୁରୁତ୍ୱ ବହନ କରୁଛି। ବିଜେଡିର ସାଂଗଠନିକ କାର୍ଯ୍ୟକଳାପରେ ସେ ପୁଣି ଭୂମିକା ନେବେ କି, ନା ଏହା କେବଳ ଏକ ଧାର୍ମିକ ଗସ୍ତ, ତାହାକୁ ନେଇ ଚର୍ଚ୍ଚା ଜୋର ଧରିଛି। ତେବେ ରାଜନୀତିକୁ ଫେରିବା ନେଇ ପାଣ୍ଡିଆନଙ୍କ ପକ୍ଷରୁ କୌଣସି ଆନୁଷ୍ଠାନିକ ଘୋଷଣା ହୋଇନାହିଁ।

ବିଜେଡି ସାଂସଦ ଶୁଭାଶିଷ ଖୁଣ୍ଟିଆ ସୋସିଆଲ ମିଡିଆରେ ପାଣ୍ଡିଆନଙ୍କ ସହ ସାକ୍ଷାତ ସମ୍ପର୍କରେ ଲେଖିଛନ୍ତି, “ମହାପ୍ରଭୁ ଶ୍ରୀଜଗନ୍ନାଥଙ୍କ ଦିବ୍ୟ ଦର୍ଶନ କରିବା ପାଇଁ ଭି.କେ. ପାଣ୍ଡିଆନ ଶ୍ରୀମନ୍ଦିର ଆସିଥିବା ଅବସରରେ ସାକ୍ଷାତ କରିବା ସହ ସ୍ୱାଗତ ଜଣାଇଲୁ। ମହାପ୍ରଭୁଙ୍କ ପବିତ୍ର ଧାମରେ ଏହି ଆତ୍ମୀୟ ସାକ୍ଷାତ ଆମ ପାଇଁ ଏକ ନିଆରା ଅନୁଭୂତି। ମହାପ୍ରଭୁ ଶ୍ରୀଜଗନ୍ନାଥ ସମସ୍ତଙ୍କୁ ତାଙ୍କର ଅପାର କରୁଣା ଓ ଆଶୀର୍ବାଦ ପ୍ରଦାନ କରନ୍ତୁ। ସମସ୍ତଙ୍କ ଜୀବନ ସୁଖ, ଶାନ୍ତି, ସମୃଦ୍ଧି ଓ ଭକ୍ତିଭାବରେ ପରିପୂର୍ଣ୍ଣ ହେଉ। ମହାପ୍ରଭୁଙ୍କ ଇଚ୍ଛା ହିଁ ସର୍ବୋପରି।”

ପାଣ୍ଡିଆନଙ୍କ ଏହି ଗସ୍ତ ଓ ଫଟୋକୁ ନେଇ ବିଜେଡିର ଆଗାମୀ ରାଜନୈତିକ ରଣନୀତି ସମ୍ପର୍କରେ ନୂଆ ଚର୍ଚ୍ଚା ଆରମ୍ଭ ହୋଇଛି। ପାଣ୍ଡିଆନଙ୍କର ପରବର୍ତ୍ତୀ ପଦକ୍ଷେପ ଉପରେ ଏବେ ରାଜନୈତିକ ମହଲର ନଜର ରହିଛି।

The post ପୁରୀରେ ବିଜେଡି ନେତାଙ୍କ ସହ ପାଣ୍ଡିଆନଙ୍କ ଫଟୋକୁ ନେଇ ଚର୍ଚ୍ଚା appeared first on Sanket Tv.

ଏହି ଶପଥ ଗ୍ରହଣ ସମାରୋହରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ବାଚସ୍ପତି ସୁରମା ପାଢ଼ୀ, ମନ୍ତ୍ରିମଣ୍ଡଳର ସଦସ୍ୟ, ସାଂସଦ, ବିଜେପିର ବରିଷ୍ଠ ନେତା, ମୁଖ୍ୟ ଶାସନ ସଚିବ ଅନୁ ଗର୍ଗ, ପୋଲିସ ମହାନିର୍ଦ୍ଦେଶକ ବିନୟତୋଷ ମିଶ୍ରଙ୍କ ସମେତ ବରିଷ୍ଠ ଅଧିକାରୀ ଏବଂ ରାଜ୍ୟପାଳଙ୍କ ପରିବାର ସଦସ୍ୟ ଉପସ୍ଥିତ ଥିଲେ। ବିଜେପି ରାଜ୍ୟ ସଭାପତି ମନମୋହନ ସାମଲ, ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଓ ସୁରେଶ ପୂଜାରୀ ମଧ୍ୟ ସମାରୋହରେ ଉପସ୍ଥିତ ଥିଲେ।

ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗତ ୧୨ ତାରିଖରେ ବ୍ରଜ ମୋହନ ରାମଙ୍କୁ ଓଡ଼ିଶାର ନୂଆ ରାଜ୍ୟପାଳ ଭାବେ ନିଯୁକ୍ତି ଦେଇଥିଲେ। ସେ ଝାଡ଼ଖଣ୍ଡର ଜଣେ ବରିଷ୍ଠ ବିଜେପି ନେତା।

୧୯୫୮ ମସିହା ଜାନୁଆରୀ ୧ ତାରିଖରେ ଝାଡ଼ଖଣ୍ଡର ଲାତେହାର ଜିଲ୍ଲା ଅନ୍ତର୍ଗତ ଚାନ୍ଦୱାରେ ତାଙ୍କର ଜନ୍ମ। ସେ ଲୋହରଦଗାର ବି.ଏସ୍. କଲେଜରୁ ସ୍ନାତକ ଶିକ୍ଷା ସମାପ୍ତ କରିଛନ୍ତି। ୧୯୯୧ ମସିହାରେ ଲାତେହାର ବିଧାନସଭା ଆସନରୁ ନିର୍ବାଚିତ ହୋଇ ତାଙ୍କର ବିଧାନସଭା ରାଜନୈତିକ ଯାତ୍ରା ଆରମ୍ଭ ହୋଇଥିଲା, ସେତେବେଳେ ଝାଡ଼ଖଣ୍ଡ ଅବିଭକ୍ତ ବିହାରର ଅଂଶ ଥିଲା।

ଏହାପରେ ୧୯୯୬, ୧୯୯୮ ଏବଂ ୧୯୯୯ ମସିହାରେ ଲଗାତାର ତିନି ଥର ପଲାମୁ ଲୋକସଭା ଆସନରୁ ସାଂସଦ ଭାବେ ନିର୍ବାଚିତ ହୋଇଥିଲେ। ୨୦୦୪ ପର୍ଯ୍ୟନ୍ତ ସେ ଲୋକସଭା ସଦସ୍ୟ ରହିଥିଲେ। ସାଂସଦ ଥିବା ସମୟରେ ସେ ଗୃହ ବ୍ୟାପାର, ଶକ୍ତି, ପରିବହନ ଓ ପର୍ଯ୍ୟଟନ ସମେତ ବିଭିନ୍ନ ସଂସଦୀୟ କମିଟିରେ କାର୍ଯ୍ୟ କରିଛନ୍ତି। ଏହାସହ ବିଜେପିର ଅନୁସୂଚିତ ଜାତି ମୋର୍ଚ୍ଚାରେ ମଧ୍ୟ ସାଂଗଠନିକ ଦାୟିତ୍ୱ ତୁଲାଇଛନ୍ତି।

ଦୀର୍ଘ ରାଜନୈତିକ ଅଭିଜ୍ଞତା ଥିବା ବ୍ରଜ ମୋହନ ରାମ ଏବେ ଓଡ଼ିଶାର ନୂତନ ରାଜ୍ୟପାଳ ଭାବେ ଦାୟିତ୍ୱ ଗ୍ରହଣ କରିଛନ୍ତି। ଶିକ୍ଷା, ବେକାରୀ ସମସ୍ୟା, କୃଷକଙ୍କ ସମସ୍ୟା ଏବଂ ରାଜ୍ୟର ବିକାଶକୁ ପ୍ରାଥମିକତା ଦେବେ ବୋଲି ସେ ପୂର୍ବରୁ କହିଛନ୍ତି।

The post ଓଡ଼ିଶାର ରାଜ୍ୟପାଳ ଭାବେ ଶପଥ ନେଲେ ଡକ୍ଟର ବ୍ରଜ ମୋହନ ରାମ appeared first on Sanket Tv.

୨୦୧୬ରୁ ୨୦୨୬ ମଧ୍ୟରେ ହୋଇଥିବା ଆର୍ଥିକ କାରବାରର ଯାଞ୍ଚରୁ ସରକାରୀ ଅର୍ଥ ହଡ଼ପର ତଥ୍ୟ ସାମ୍ନାକୁ ଆସିଛି। ଅଭିଯୁକ୍ତ ସୁଜିତ ନିଜ ପଦବୀର ଅପବ୍ୟବହାର କରି ଚାକିରିରୁ ବହିଷ୍କୃତ ଓ ଫେରାର କର୍ମଚାରୀଙ୍କ ଦରମା, ଅବସରପ୍ରାପ୍ତ କର୍ମଚାରୀଙ୍କ ବକେୟା ଦରମା, ଅସ୍ଥାୟୀ ପେନସନ୍, କର୍ମଚାରୀଙ୍କ ବକେୟା ଦରମା, କାର୍ଯ୍ୟାଳୟର ଖର୍ଚ୍ଚ ଓ ଜାଲ୍ ଯାତ୍ରା ଭତ୍ତା ବିଲ୍ ଜରିଆରେ ସରକାରୀ ଅର୍ଥକୁ ବିଭିନ୍ନ ବ୍ୟକ୍ତିଗତ ବ୍ୟାଙ୍କ ଖାତାକୁ ପଠାଇଥିବା ଜଣାପଡ଼ିଛି।

ତଦନ୍ତରୁ ଜଣାପଡ଼ିଛି ଯେ ସୁଜିତଙ୍କ ମା’ଙ୍କ ବ୍ୟାଙ୍କ ଖାତାକୁ ୮ ଲକ୍ଷ ୭୨ ହଜାର ୫୨୦ ଟଙ୍କା, ସୌମ୍ୟରଞ୍ଜନ ବେହେରାଙ୍କ ଖାତାକୁ ୧୦ ଲକ୍ଷ ୪୮ ହଜାର ୮୬୬ ଟଙ୍କା ଏବଂ ରଶ୍ମିରଞ୍ଜନ ସ୍ୱାଇଁଙ୍କ ଖାତାକୁ ୮ ଲକ୍ଷ ୮୬ ହଜାର ୧୯୩ ଟଙ୍କା ପଠାଯାଇଥିଲା।

ଘଟଣା ପଦାକୁ ଆସିବା ପରେ ଅଭିଯୁକ୍ତମାନେ ଦୀର୍ଘ ସମୟ ଧରି ଗିରଫଦାରି ଏଡ଼ାଇ ଚାଲିଥିଲେ। ତେବେ ବୈଷୟିକ ତଥ୍ୟ ଓ ମୋବାଇଲ୍ ଲୋକେସନ୍ ଆଧାରରେ ଭିଜିଲାନ୍ସ ସେମାନଙ୍କୁ ଠାବ କରି ଗିରଫ କରିଛି। ଏନେଇ କଟକ ଭିଜିଲାନ୍ସ ଥାନାରେ ମାମଲା ରୁଜୁ ହୋଇଛି ଏବଂ ଗିରଫ ତିନି ଅଭିଯୁକ୍ତଙ୍କୁ ଢେଙ୍କାନାଳର ସ୍ୱତନ୍ତ୍ର ଭିଜିଲାନ୍ସ ଅଦାଲତରେ ହାଜର କରାଯାଉଛି। ଏହି ଅର୍ଥ ହଡ଼ପରେ ଅନ୍ୟ କାହାର ସମ୍ପୃକ୍ତି ରହିଛି କି ନାହିଁ, ସେନେଇ ତଦନ୍ତ ଜାରି ରହିଛି।

The post ଢେଙ୍କାନାଳ ଡିଏଫ୍ ଓ କାର୍ଯ୍ୟାଳୟରେ ୬୫ ଲକ୍ଷ ଟଙ୍କା ହେରଫେର ଅଭିଯୋଗରେ ୩ ଗିରଫ appeared first on Sanket Tv.

ପୁଲିସ ପକ୍ଷରୁ ପ୍ରାରମ୍ଭିକ ଅନୁସନ୍ଧାନ ପରେ ରବିବାର ୭ ଜଣଙ୍କୁ ଗିରଫ କରାଯାଇ ବଂଶାଲ ଚିଫ ଜୁଡିସିଆଲ ମାଜିଷ୍ଟ୍ରେଟଙ୍କ କୋର୍ଟରେ ହାଜର କରାଯାଇଥିଲା। ସେମାନଙ୍କୁ ୧୦ ଦିନିଆ ରିମାଣ୍ଡରେ ନେବାକୁ ଅଦାଲତ ଅନୁମତି ପ୍ରଦାନ କରିଛନ୍ତି। ଗିରଫ ୭ ଜଣ ହେଲେ— ଚୋରବାଗାନ ସାର୍ବଜନୀନ ଦୁର୍ଗାପୂଜା ସମିତି ସମ୍ପାଦକ ରାଜ କୁମାର, ଉପସଭାପତି ସାନ୍ତନୁ ଦୁବେ, ମେଢ ତିଆରି କରିଥିବା ବିପ୍ଳବ ମୁଖାର୍ଜୀ, ଭିଡ଼ ନିୟନ୍ତ୍ରଣ ଦାୟିତ୍ୱରେ ଥିବା କୌଶିକ ସାହା ଓ ପିଂଟୁ ଦୁବେ, ଏବଂ ଘରୋଇ ସୁରକ୍ଷା ସଂସ୍ଥା ଦାୟିତ୍ୱରେ ଥିବା ସୁମନ ଚର୍କବର୍ତ୍ତୀ ଓ ରାଜେଶ ପାଲ।

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ଏହି ଘଟଣାରେ ସହାୟତା ଘୋଷଣା କରିଛନ୍ତି। ପ୍ରତ୍ୟେକ ମୃତକଙ୍କ ପରିବାରକୁ ୨୫ ଲକ୍ଷ ଟଙ୍କା ସହାୟତା ପ୍ରଦାନ କରାଯିବ ଏବଂ ପରିବାରର ଜଣଙ୍କୁ ଗ୍ରୁପ ଡି ଚାକିରି ମିଳିବ ବୋଲି ମୁଖ୍ୟମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି। ଆହତମାନଙ୍କ ସମସ୍ତ ଚିକିତ୍ସା ଖର୍ଚ୍ଚ ସରକାର ବହନ କରିବା ସହ ପ୍ରତ୍ୟେକଙ୍କୁ ୫ ଲକ୍ଷ ଟଙ୍କା ପ୍ରଦାନ କରାଯିବ।

କୋଲକାତା ହାଇକୋର୍ଟର ଜଣେ ବିଚାରପତିଙ୍କ ଅଧ୍ୟକ୍ଷତାରେ ସ୍ୱତନ୍ତ୍ର ତଦନ୍ତକାରୀ ଟିମ (ଏସଆଇଟି) ଏହି ଦଳାଚକଟା ଘଟଣାର ତଦନ୍ତ କରିବ। ଏଥିରେ ଏସଟିଏଫ, ସିଆଇଡି ଓ ଅନ୍ୟ ବିଭାଗର ଅଧିକାରୀ ସାମିଲ ରହିବେ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଘଟଣାସ୍ଥଳରେ କୋଲକାତା ପୁଲିସ, ଅଗ୍ନିଶମ କର୍ମଚାରୀ, ରାଜ୍ୟ ବିପର୍ଯ୍ୟୟ ପରିଚାଳନା ଟିମ ଓ ଆମ୍ବୁଲାନ୍ସ ସହ ଡାକ୍ତରୀ ଟିମ ଉପସ୍ଥିତ ରହିଥିଲେ। ପୂଜା ପେଣ୍ଡାଲକୁ ଦର୍ଶକମାନଙ୍କ ପାଇଁ ବନ୍ଦ କରିଦିଆଯାଇଛି।

ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ, ସ୍ୱାସ୍ଥ୍ୟମନ୍ତ୍ରୀ ଶାରଦ୍ୱତ ମୁଖାର୍ଜୀ ଓ ମୁଖ୍ୟ ସଚିବ ମନୋଜ ଅଗ୍ରଓ୍ବାଲଙ୍କ ସମେତ ବରିଷ୍ଠ ଅଧିକାରୀମାନେ ହସ୍ପିଟାଲରେ ପହଞ୍ଚତ୍ ସ୍ଥିତି ଅନୁଧ୍ୟାନ କରିଛନ୍ତି। ଦଳାଚକଟା ପରେ ଚୋରବାଗାନ ଦୁର୍ଗାପୂଜା କମିଟି ସାଧାରଣ ସମ୍ପାଦକ ଜୟନ୍ତ ବାନାର୍ଜୀଙ୍କ ସମେତ ଅନ୍ୟ କାର୍ଯ୍ୟକର୍ତ୍ତାମାନେ ସେମାନଙ୍କ ପଦବୀରୁ ଇସ୍ତଫା ଦେଇଛନ୍ତି।

ଜଣେ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଦଳାଚକଟାରେ ଅନେକେ ଚେତା ହରାଇଥିଲେ ଏବଂ ଅନେକଙ୍କୁ ମୋଟରସାଇକେଲ ଯୋଗେ ହସ୍ପିଟାଲ ନିଆଯାଇଥିଲା। ସଂକୀର୍ଣ୍ଣ ପ୍ରବେଶ ଓ ପ୍ରସ୍ଥାନ ଗେଟ ଏହି ଦୁଃଖଦ ଘଟଣାର କାରଣ ବୋଲି ଅନ୍ୟ ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି। ଉକ୍ତ ସ୍ଥାନରେ ଆଲୋକ ନ ଥିଲା ବୋଲି ସେ କହିଛନ୍ତି। ଦଳାଚକଟା ପରେ ପୂଜା ଆୟୋଜକମାନେ ମଣ୍ଡପର ଆଲୋକ ବନ୍ଦ କରିଦେବା ସହ ପ୍ରବେଶ ପଥକୁ ବନ୍ଦ କରିଦେଇଛନ୍ତି। ତେବେ କେଉଁ କାରଣରୁ ଦଳାଚକଟା ଘଟିଲା ତାହା ସ୍ପଷ୍ଟ ହୋଇନାହିଁ। ଲୋକଙ୍କୁ ଉଦ୍ଧାର କରି ହସ୍ପିଟାଲରେ ପହଞ୍ଚାଇବା ଆମର ପ୍ରଥମ କାମ ବୋଲି ଜଣେ ପୁଲିସ ଅଧିକାରୀ କହିଛନ୍ତି।

The post କୋଲକାତା ଚୋରବାଗାନ ଦୁର୍ଗାପୂଜା ଦଳାଚକଟା: ୭ ଗିରଫ, ୧୦ ଦିନିଆ ରିମାଣ୍ଡ appeared first on Sanket Tv.