ପୂର୍ବତନ ଅଧିନାୟକ ବିରାଟ କୋହଲିଙ୍କ ଦଳକୁ ଫେରି ହୋଇଛି। ତେବେ ସେ ସମ୍ପୂର୍ଣ୍ଣ ଫିଟ୍ ନାହାନ୍ତି। କୋହଲିଙ୍କ ଉପଲବ୍ଧତା ତାଙ୍କ ଫିଟନେସ୍ କ୍ଲିୟରାନ୍ସ ଉପରେ ନିର୍ଭର କରିବ। ଫିଟନେସ୍ ଟେଷ୍ଟ ପାସ୍ ହେବା ପରେ ସେ ସିରିଜ୍ରେ ସାମିଲ ହୋଇପାରିବେ।

ଯଶପ୍ରୀତ ବୁମରାଙ୍କ ମଧ୍ୟ ଦଳକୁ ଫେରି ହୋଇଛି। ସେପଟେ ଆହତ ସମସ୍ୟା ଯୋଗୁଁ ବରୁଣ ଚକ୍ରବର୍ତ୍ତୀଙ୍କୁ ବାଦ ଦିଆଯାଇଛି। ଆୟରଲାଣ୍ଡ ବିପକ୍ଷ ଟି-୨୦ ସିରିଜ୍ରୁ ସେ ଆହତ ହୋଇଥିଲେ।

ଆଫଗାନିସ୍ତାନ ବିପକ୍ଷ ଶେଷ ଦିନିକିଆରେ ଶତକ ମାରିଥିବା ଯଶସ୍ୱୀ ଜୟସ୍ୱାଲଙ୍କୁ ଏହି ଟିମ୍ରେ ସ୍ଥାନ ମିଳି ନାହିଁ। ସେହିପରି ଆଫଗାନିସ୍ତାନ ସିରିଜ୍ରେ ଦିନିକିଆ ଡେବ୍ୟୁ କରିଥିବା ହର୍ଷ ଦୁବେ ଓ ପ୍ରିନ୍ସ ଯାଦବଙ୍କୁ ମଧ୍ୟ ବାଦ ଦିଆଯାଇଛି।

ଅକ୍ଷର ପଟେଲ ଟିମ୍ ଇଣ୍ଡିଆକୁ ଫେରିଛନ୍ତି। ହାର୍ଦ୍ଦିକ ପାଣ୍ଡ୍ୟା ଏପର୍ଯ୍ୟନ୍ତ ଅନଫିଟ୍ ରହିଛନ୍ତି। ମହମ୍ମଦ ଶାମିଙ୍କୁ ପୁଣି ଥରେ ଦଳରୁ ବାଦ ଦିଆଯାଇଛି। ହର୍ଷିତ ରାଣାଙ୍କୁ ମଧ୍ୟ ସୁଯୋଗ ଦିଆଯାଇଛି।

୩ ମ୍ୟାଚ୍ ବିଶିଷ୍ଟ ସିରିଜ୍ କାର୍ଯ୍ୟସୂଚୀ

• ପ୍ରଥମ ଦିନିକିଆ: ୧୪ ଜୁଲାଇ, ଏଜବାଷ୍ଟନ
• ଦ୍ୱିତୀୟ ଦିନିକିଆ: ୧୬ ଜୁଲାଇ
• ତୃତୀୟ ଦିନିକିଆ: ୧୯ ଜୁଲାଇ, ଲର୍ଡସ୍ ଗ୍ରାଉଣ୍ଡ, ଲଣ୍ଡନ

ଦିନିକିଆ ସିରିଜ୍ ପୂର୍ବରୁ ଜୁଲାଇ ୧ରୁ ଆୟରଲାଣ୍ଡ ବିପକ୍ଷରେ ୫ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳାଯିବ।

ଇଂଲଣ୍ଡ ବିପକ୍ଷ ସିରିଜ୍ ପାଇଁ ଭାରତୀୟ ଦଳ:

ଶୁଭମନ ଗିଲ (ଅଧିନାୟକ), ରୋହିତ ଶର୍ମା, ବିରାଟ କୋହଲି (ଫିଟନେସ୍ ଅଧୀନରେ), ଶ୍ରେୟାସ ଆୟର (ଉପ-ଅଧିନାୟକ), କେ.ଏଲ୍ ରାହୁଲ (ୱିକେଟ୍ କିପର), ଇଶାନ କିଶାନ (ୱିକେଟ୍ କିପର), ୱାଶିଂଟନ୍ ସୁନ୍ଦର, ଅକ୍ଷର ପଟେଲ, ନୀତୀଶ କୁମାର ରେଡ୍ଡୀ, କୁଲଦୀପ ଯାଦବ, ଯଶପ୍ରୀତ ବୁମରା, ପ୍ରସିଦ୍ଧ କ୍ରିଷ୍ଣା, ହର୍ଷିତ ରାଣା, ଅର୍ଶଦୀପ ସିଂହ, ଗୁରନୂର ବରାର୍।

ଆୟରଲାଣ୍ଡ ବିପକ୍ଷ ଟି-୨୦ ସିରିଜ୍ ପାଇଁ ଦଳ:

ଶ୍ରେୟସ୍ ଆୟର୍ (ଅଧିନାୟକ), ଅଭିଷେକ ଶର୍ମା, ସଞ୍ଜୁ ସାମସନ୍ (ୱିକେଟ୍ କିପର), ଇଶାନ୍ କିଶାନ୍ (ୱିକେଟ୍ କିପର), ଶିବମ୍ ଦୁବେ, ତିଲକ ବର୍ମା (ଉପ-ଅଧିନାୟକ), ନୀତୀଶ ରେଡ୍ଡୀ, ଅକ୍ଷର ପଟେଲ, ୱାଶିଂଟନ୍ ସୁନ୍ଦର, ରବି ବିଷ୍ଣୋଇ, ହର୍ଷିତ ରାଣା, ଅର୍ଶଦୀପ ସିଂହ, ପ୍ରିନ୍ସ ଯାଦବ, ବୈଭବ ସୂର୍ଯ୍ୟବଂଶୀ, ପ୍ରସିଦ୍ଧ କ୍ରିଷ୍ଣା।

The post ଇଂଲଣ୍ଡ ବିପକ୍ଷ ଦିନିକିଆ ସିରିଜ୍ ପାଇଁ ଭାରତୀୟ ଦଳ ଘୋଷଣା appeared first on Sanket Tv.

ଏହି ଟେଷ୍ଟ ମ୍ୟାଚ୍ ତୃତୀୟ ଦିନର ତୃତୀୟ ସେସନ୍‌ରେ ହିଁ ଶେଷ ହୋଇଯାଇଥିଲା। ଇନିଂସ ବ୍ୟବଧାନ ହିସାବରେ ଟେଷ୍ଟ କ୍ରିକେଟରେ ଭାରତୀୟ ଦଳର ଏହା ସବୁଠାରୁ ବଡ଼ ବିଜୟ ଥିଲା। ଏହା ପୂର୍ବରୁ ଭାରତ ଅକ୍ଟୋବର ୨୦୧୮ରେ ୱେଷ୍ଟଇଣ୍ଡିଜ୍ ବିପକ୍ଷରେ ରାଜକୋଟ ମଇଦାନରେ ଏକ ଇନିଂସ ଏବଂ ୨୭୨ ରନରେ ବିଜୟ ହାସଲ କରିଥିଲା।

ଏହି ମୁକାବିଲାରେ ଭାରତୀୟ ଅଧିନାୟକ ଶୁବମନ ଗିଲ୍ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଭାରତୀୟ ଦଳ ନିଜର ପ୍ରଥମ ଇନିଂସରେ ୮ ୱିକେଟ୍ ହରାଇ ୫୬୪ ରନ୍ କରି ପାଳି ଘୋଷଣା କରିଥିଲା।

ଏହାପରେ ଆଫଗାନିସ୍ତାନ ଦଳ ନିଜର ପ୍ରଥମ ଇନିଂସରେ ୧୫୨ ରନରେ ଅଲ୍‌ଆଉଟ୍ ହୋଇଯାଇଥିଲା ଏବଂ ଦଳକୁ ଫଲୋଅନ୍ ଖେଳିବାକୁ ପଡ଼ିଥିଲା। ପ୍ରଥମ ଇନିଂସ ଆଧାରରେ ଭାରତକୁ ୪୧୨ ରନର ଏକ ବଡ଼ ଅଗ୍ରଣୀ ମିଳିଥିଲା। ଏହାପରେ ଆଫଗାନିସ୍ତାନର ଦ୍ଵିତୀୟ ଇନିଂସ ମାତ୍ର ୧୧୨ ରନରେ ଅଲ୍‌ଆଉଟ୍ ହୋଇଯାଇଥିଲା।

ଫଲୋଅନ୍ ଖେଳିବାକୁ ଓହ୍ଲାଇଥିଲେ ମଧ୍ୟ ଆଫଗାନିସ୍ତାନ ଦଳର ଆରମ୍ଭ ଭଲ ରହିନଥିଲା। ଅବ୍ଦୁଲ ମଲିକ ମାତ୍ର ୮ ରନ୍‌ରେ ମହମ୍ମଦ ସିରାଜଙ୍କ ଶିକାର ହୋଇଥିଲେ। ଓପନର୍ ସେଦିକୁଲ୍ଲା ଅଟଲ୍ ସର୍ବାଧିକ ୪୨ ରନ୍ କରିଥିଲେ। ରହମାନୁଲ୍ଲା ଗୁରବାଜ୍ (୨୪) ଓ ରହମତ ଶାହ (୧୩) ଦୁଇ ଅଙ୍କ ବିଶିଷ୍ଟ ସ୍କୋର କରିଥିଲେ।

ସ୍ପିନ୍ ବୋଲର ୱାଶିଂଟନ୍ ସୁନ୍ଦର ୪ଟି ଏବଂ କୁଲଦୀପ ଯାଦବ ୩ଟି ୱିକେଟ୍ ନେଇଥିଲେ। ଶରାଫୁଦ୍ଦିନ ଆହତ ହୋଇଥିବାରୁ ବ୍ୟାଟିଂ କରିପାରିନଥିଲେ।

ଏହି ମ୍ୟାଚ୍‌ର ସବୁଠାରୁ ବଡ଼ ସକାରାତ୍ମକ ଦିଗ ଥିଲା ମାନବ ସୁଥାରଙ୍କ ପ୍ରଦର୍ଶନ। ଡେବ୍ୟୁ ଟେଷ୍ଟରେ ସେ ପ୍ରଥମ ଇନିଂସରେ ୬ଟି ଏବଂ ଦ୍ୱିତୀୟ ଇନିଂସରେ ଗୋଟିଏ କରି ମୋଟ ୭ଟି ୱିକେଟ୍ ହାସଲ କରିଥିଲେ। ନିଜର ସଠିକ୍ ଲାଇନ-ଲେନ୍ଥ ଓ ନିୟନ୍ତ୍ରଣ ଦ୍ୱାରା ସେ ଆଫଗାନ ବ୍ୟାଟ୍ସମ୍ୟାନମାନଙ୍କୁ ଚାପରେ ରଖିଥିଲେ।

ଭାରତର ଏହି ଏକ ଇନିଂସ ଓ ୩୦୦ ରନ୍ର ବିଜୟ ଟେଷ୍ଟ କ୍ରିକେଟ୍‌ରେ ଇନିଂସ ବ୍ୟବଧାନ ହିସାବରେ ଦଳର ସବୁଠାରୁ ବଡ଼ ବିଜୟ ପାଲଟିଛି। ଏହା ବ୍ୟତୀତ ଭାରତ ୨୦୨୩ ପରେ ପ୍ରଥମ ଥର ଘରୋଇ ମାଟିରେ ଟେଷ୍ଟରେ ୫୫୦ରୁ ଅଧିକ ରନ୍ ସଂଗ୍ରହ କରିଛି।

ଆଫଗାନିସ୍ତାନ ବିପକ୍ଷରେ ୫୬୪ ରନ୍ ଟେଷ୍ଟ କ୍ରିକେଟରେ ଯେକୌଣସି ଦଳ ଦ୍ୱାରା କରାଯାଇଥିବା ଦ୍ୱିତୀୟ ସର୍ବାଧିକ ସ୍କୋର। ଯଦିଓ ଏହି ମୁକାବିଲା ବିଶ୍ୱ ଟେଷ୍ଟ ଚାମ୍ପିଅନସିପର ଅଂଶ ନଥିଲା, ତେଣୁ ଭାରତୀୟ ଦଳକୁ ପଏଣ୍ଟ ଟେବୁଲରେ କୌଣସି ଲାଭ ମିଳିନାହିଁ।

The post ଆଫଗାନିସ୍ତାନକୁ ଗୋଟିଏ ଇନିଂସ ଏବଂ ୩୦୦ ରନ୍‌ରେ ପରାଜିତ କଲା ଟିମ୍ ଇଣ୍ଡିଆ appeared first on Sanket Tv.

ଆୟର୍ଲାଣ୍ଡ ଏବଂ ଇଂଲଣ୍ଡ ଗସ୍ତ ପାଇଁ ଭାରତର ନୂତନ ଟି-୨୦ ଅଧିନାୟକ ଭାବରେ ନିଯୁକ୍ତ ହୋଇଥିବା ଶ୍ରେୟାସ ଆୟର ଜାପାନରେ ମଧ୍ୟ ଦଳର ନେତୃତ୍ୱ ନେବେ। ସ୍ୱର୍ଣ୍ଣ ପଦକ ବଜାୟ ରଖିବା ଲକ୍ଷ୍ୟରେ ବିସିସିଆଇ ଏକ ଶକ୍ତିଶାଳୀ ଦଳ ପଠାଇବାକୁ ନିଷ୍ପତ୍ତି ନେଇଛି।

ଦଳରେ ଶ୍ରେୟାସ ଆୟର (ଅଧିନାୟକ), ତିଲକ ବର୍ମା (ଉପ-ଅଧିନାୟକ), ଅଭିଷେକ ଶର୍ମା, ସଞ୍ଜୁ ସାମସନ (ୱିକେଟ୍ କିପର), ଈଶାନ କିଶନ (ୱିକେଟ୍ କିପର), ଶିବମ ଦୁବେ, ନୀତୀଶ ରେଡ୍ଡୀ, ଅକ୍ଷର ପଟେଲ, ୱାଶିଂଟନ୍ ସୁନ୍ଦର, ବରୁଣ ଚକ୍ରବର୍ତ୍ତୀ, ରବି ବିଷ୍ଣୋଇ, ଜସପ୍ରୀତ ବୁମରା, ହର୍ଷିତ ରାଣା, ଅର୍ଶଦୀପ ସିଂହ ଏବଂ ବୈଭବ ସୂର୍ଯ୍ୟବଂଶୀ ସ୍ଥାନ ପାଇଛନ୍ତି। ବିଶେଷ କରି ଅଭିଜ୍ଞ ଦ୍ରୁତ ବୋଲର ଜସପ୍ରୀତ ବୁମରାଙ୍କ ଉପସ୍ଥିତି ଦଳକୁ ଆହୁରି ମଜବୁତ କରିଛି।

୨୦୨୬ ଟି-୨୦ ବିଶ୍ୱକପ୍ ଜିତାଇଥିବା ଅଧିନାୟକ ସୂର୍ଯ୍ୟକୁମାର ଯାଦବଙ୍କୁ ଖରାପ ଫର୍ମ ଏବଂ ଫିଟନେସ୍ କାରଣରୁ ଦଳରୁ ବାଦ୍ ଦିଆଯାଇଛି। ଅନ୍ୟପକ୍ଷରେ, ମାତ୍ର ୧୫ ବର୍ଷୀୟ ଯୁବ ପ୍ରତିଭା ବୈଭବ ସୂର୍ଯ୍ୟବଂଶୀ ଦଳରେ ସ୍ଥାନ ପାଇ ଏକ ନୂଆ ଇତିହାସ ରଚିଛନ୍ତି।

ଆଇପିଏଲ୍ ୨୦୨୬ରେ ରାଜସ୍ଥାନ ରୟାଲ୍ସ ପକ୍ଷରୁ ଖେଳି ସେ ୧୬ଟି ଇନିଂସରେ ୭୭୬ ରନ୍ ସଂଗ୍ରହ କରିଥିଲେ। ଏଥିରେ ତାଙ୍କର ଷ୍ଟ୍ରାଇକ୍ ରେଟ୍ ୨୩୭.୩୦ ରହିବା ସହ ସେ ୭୨ଟି ଛକା ମାରି ଆଇପିଏଲ୍ ଇତିହାସରେ ଅରେଞ୍ଜ କ୍ୟାପ୍ ଜିତିବାରେ ସର୍ବକନିଷ୍ଠ ଖେଳାଳି ହୋଇଥିଲେ। ଗୋଟିଏ ଦିନରେ ଦୁଇଟି ଅଲଗା ଅଲଗା ଭାରତୀୟ ଦଳରେ ସ୍ଥାନ ପାଇବା ତାଙ୍କ କ୍ୟାରିୟରର ଏକ ବଡ଼ ସଫଳତା।

ଶ୍ରେୟାସ ଆୟରଙ୍କ ନେତୃତ୍ୱରେ ଦଳ ୨୦୨୩ ହାଙ୍ଗଝୋଉ ଗେମ୍ସର ସ୍ୱର୍ଣ୍ଣ ପଦକ ବଜାୟ ରଖିବାକୁ ପଡ଼ିଆକୁ ଓହ୍ଲାଇବ। ଆୟର ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ, କୋଲକାତା ନାଇଟ୍ ରାଇଡର୍ସ ଏବଂ ପଞ୍ଜାବ କିଙ୍ଗସକୁ ଫାଇନାଲକୁ ନେଇଥିବା ପ୍ରଥମ ଅଧିନାୟକ ଅଟନ୍ତି।

ଏସିଆନ୍ ଗେମ୍ସର ପୁରୁଷ କ୍ରିକେଟ୍ ଟୁର୍ଣ୍ଣାମେଣ୍ଟ ଟି-୨୦ ଫର୍ମାଟରେ ଖେଳାଯିବ। ଜାପାନର ଆଇଚି ପ୍ରିଫେକ୍ଚରର କୋରୋଗି ଆଥଲେଟିକ୍ ପାର୍କରେ ଏହା ସେପ୍ଟେମ୍ବର ୨୪ ରୁ ଅକ୍ଟୋବର ୩ ପର୍ଯ୍ୟନ୍ତ ଅନୁଷ୍ଠିତ ହେବ। ଏଥିରେ ଅକ୍ଟୋବର ୩ ତାରିଖରେ ସ୍ୱର୍ଣ୍ଣ ପଦକ ମ୍ୟାଚ୍ ଖେଳାଯିବ। ୨୦୨୮ ଲସ୍ ଆଞ୍ଜେଲସ୍ ଅଲିମ୍ପିକ୍ସରେ କ୍ରିକେଟ୍ ସାମିଲ ହେବାକୁ ଥିବାରୁ ଏହି ଏସିଆନ୍ ଗେମ୍ସ ଭାରତ ପାଇଁ ବେଶ୍ ଗୁରୁତ୍ୱପୂର୍ଣ୍ଣ ରହିବ।

The post ଏସିଆନ୍ ଗେମ୍ସ ପାଇଁ ଭାରତୀୟ ଦଳ ଘୋଷଣା, ଶ୍ରେୟାସ ଆୟର ଅଧିନାୟକ appeared first on Sanket Tv.

ଟେଷ୍ଟ ପାଇଁ ୧୫ ଜଣିଆ ଭାରତୀୟ ଦଳ:

ଶୁଭମନ ଗିଲ (ଅଧିନାୟକ), ଯଶସ୍ଵୀ ଜୟସ୍ଵାଲ, କେଏଲ ରାହୁଲ (ଉପଅଧିନାୟକ), ସାଇ ସୁଦର୍ଶନ, ଋଷଭ ପନ୍ତ, ଦେବଦତ୍ତ ପାଡିକଲ, ନୀତିଶ କୁମାର ରେଡ୍ଡୀ, ୱାଶିଂଟନ ସୁନ୍ଦର, କୁଲଦୀପ ଯାଦବ, ମହମ୍ମଦ ସିରାଜ, ପ୍ରସିଦ୍ଧ କୃଷ୍ଣ, ମାନବ ସୁଥାର, ଗୁରନୁର ବରାର, ହର୍ଷ ଦୁବେ, ଧ୍ରୁବ ଜୁରେଲ।

ନୂଆ ଚେହେରା:

ସ୍ପିନ୍ ବୋଲର ମାନବ ସୁଥାର ଏବଂ ପେସର ଗୁରନୁର ବରାରଙ୍କୁ ପ୍ରଥମ ଥର ପାଇଁ ଟେଷ୍ଟ ଦଳରେ ସାମିଲ କରାଯାଇଛି। ଉଭୟ ଆଇପିଏଲ ଫ୍ରାଞ୍ଚାଇଜ୍ ଗୁଜରାଟ ଟାଇଟନ୍ସ ପାଇଁ ଖେଳୁଛନ୍ତି।

ଦିନିକିଆ ପାଇଁ ଭାରତୀୟ ଦଳ:

ଶୁଭମନ ଗିଲ (ଅଧିନାୟକ), ରୋହିତ ଶର୍ମା, ବିରାଟ କୋହଲି, ଶ୍ରେୟସ ଆୟର (ଉପଅଧିନାୟକ), କେଏଲ ରାହୁଲ, ଇଶାନ କିଶନ, ହାର୍ଦ୍ଦିକ ପାଣ୍ଡ୍ୟା, ନୀତିଶ କୁମାର ରେଡ୍ଡୀ, ୱାଶିଂଟନ ସୁନ୍ଦର, କୁଲଦୀପ ଯାଦବ, ଅର୍ଶଦୀପ ସିଂ, ପ୍ରିନ୍ସ ଯାଦବ, ପ୍ରସିଦ୍ଧ କୃଷ୍ଣ, ଗୁରନୁର ବରାର, ହର୍ଷ ଦୁବେ।

ପ୍ରିନ୍ସ ଯାଦବଙ୍କୁ ଦିନିକିଆ ଦଳରେ ସାମିଲ କରାଯାଇଛି। ଶ୍ରେୟସ ଆୟର ଦିନିକିଆରେ ଉପ-ଅଧିନାୟକ ହେବେ, ଯେତେବେଳେ ଇଶାନ କିଶାନ ଦ୍ୱିତୀୟ ୱିକେଟକିପର ହେବେ। ରୋହିତ ଶର୍ମା ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଫିଟନେସକୁ ନେଇ ପ୍ରଶ୍ନ ଉଠିଛି। ଯଦି ସେମାନେ ଫିଟ୍ ହୁଅନ୍ତି, ତେବେ ସେମାନେ ଦିନିକିଆ ଦଳର ଅଂଶ ହେବେ। (* ଚିହ୍ନିତ ଖେଳାଳିମାନଙ୍କ ଫିଟନେସ୍ ଉପରେ ସ୍ଥିତି ନିର୍ଭର କରେ) । ସେହିଭଳି ଜସପ୍ରୀତ ବୁମରାଙ୍କୁ ବିଶ୍ରାମ ଦିଆଯାଇଛି।

The post ଆଫଗାନିସ୍ତାନ ବିପକ୍ଷରେ ଟେଷ୍ଟ ଓ ଦିନିକିଆ ପାଇଁ ଭାରତୀୟ ଦଳ ଘୋଷଣା appeared first on Sanket Tv.

ସୂଚନା ଅନୁଯାୟୀ, ରବିବାର ସନ୍ଧ୍ୟା ପ୍ରାୟ ୫:୩୦ ସମୟରେ ସିଡନୀର ମାରୁବ୍ରା ଅଞ୍ଚଳରେ ପୋଲିସ ‘ବ୍ରେଥ୍ ଟେଷ୍ଟିଂ’ ଅର୍ଥାତ୍ ମଦ୍ୟପାନ ଯାଞ୍ଚ ଚଳାଉଥିଲା। ଏହି ସମୟରେ ୱାର୍ଣ୍ଣର ନିଜ ଗାଡ଼ିରେ ସେହି ବାଟ ଦେଇ ଯାଉଥିଲେ। ପୋଲିସ ଚେକ୍-ପୋଷ୍ଟ ଦେଖିବା ପରେ ସେ ତାଙ୍କ ଗାଡ଼ିକୁ କିଛି ଦୂରରେ ଅଟକାଇ ପାର୍କିଂ କରିଦେଇଥିଲେ। ଏହି ସନ୍ଦେହଜନକ କାର୍ଯ୍ୟକଳାପ ଦେଖି ଟ୍ରାଫିକ୍ ପୋଲିସ ଅଧିକାରୀମାନେ ତାଙ୍କ ପାଖକୁ ଯାଇ ଯାଞ୍ଚ କରିଥିଲେ।

ଯାଞ୍ଚରୁ ଜଣାପଡ଼ିଥିଲା ଯେ ୩୯ ବର୍ଷୀୟ ୱାର୍ଣ୍ଣର ନିର୍ଦ୍ଧାରିତ ସୀମାଠାରୁ ପ୍ରାୟ ଦୁଇଗୁଣା ଅଧିକ ମଦ୍ୟପାନ କରିଥିଲେ। ପୋଲିସ ଷ୍ଟେସନରେ ହୋଇଥିବା ପରୀକ୍ଷାରୁ ତାଙ୍କ ରକ୍ତରେ ଆଲକୋହଲର ମାତ୍ରା ୦.୧ ମିଳିଥିଲା। ଏହାପରେ ତାଙ୍କୁ ଗିରଫ୍ କରାଯାଇଥିଲା। ନ୍ୟୁ ସାଉଥ୍ ୱେଲ୍ସ ପୋଲିସ ଏହି ଘଟଣାର ସତ୍ୟତା ସ୍ୱୀକାର କରିବା ସହ ୱାର୍ଣ୍ଣରଙ୍କୁ ମେ’ ୭ ତାରିଖରେ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦେଇଛି।

ୱାର୍ଣ୍ଣର ବର୍ତ୍ତମାନ ପାକିସ୍ତାନ ସୁପର ଲିଗ୍ (ପିଏସଏଲ) ୨୦୨୬ରେ ‘କରାଚି କିଙ୍ଗସ’ର ଅଧିନାୟକତ୍ୱ କରୁଛନ୍ତି। ମ୍ୟାଚ୍ ମଝିରେ କିଛି ଦିନର ବ୍ରେକ୍ ଥିବାରୁ ସେ ନିଜ ଘର ଅଷ୍ଟ୍ରେଲିଆକୁ ଫେରି ଯାଇଥିଲେ। ଆସନ୍ତା ଏପ୍ରିଲ ୯ ତାରିଖରେ ପେଶାୱାର ଜାଲମି ବିପକ୍ଷରେ ହେବାକୁ ଥିବା ଗୁରୁତ୍ୱପୂର୍ଣ୍ଣ ମ୍ୟାଚ୍ରେ ସେ ଦଳର ନେତୃତ୍ୱ ନେବେ।

ଉଲ୍ଲେଖଯୋଗ୍ୟ ଯେ, ୨୦୨୪ ମସିହାରେ ୱାର୍ଣ୍ଣର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ। ୱେଷ୍ଟଇଣ୍ଡିଜ୍ ବିପକ୍ଷ ଦିନିକିଆ ସିରିଜ୍ ପୂର୍ବରୁ ସେ ହଠାତ୍ ଅବସର ନେଇ ସମସ୍ତଙ୍କୁ ଚକିତ କରିଦେଇଥିଲେ। କ୍ରିକେଟ୍ ପଡ଼ିଆରୁ ବିଦାୟ ନେବା ପରେ ବର୍ତ୍ତମାନ ସେ ମିଡିଆ ଓ ବିଶ୍ୱର ବିଭିନ୍ନ ଟି-୨୦ ଲିଗ୍ରେ ବ୍ୟସ୍ତ ରହିଛନ୍ତି।

ଡେଭିଡ୍ ୱାର୍ଣ୍ଣର୍ ୨୦୨୪ ଟି-୨୦ ବିଶ୍ୱକପ୍ ପରେ ଅବସର ଗ୍ରହଣ କରି ଅଷ୍ଟ୍ରେଲିଆର ଜଣେ ସର୍ବକାଳୀନ ଶ୍ରେଷ୍ଠ ଓପନର୍ ଭାବେ ନିଜର ୧୫ ବର୍ଷର ଅନ୍ତର୍ଜାତୀୟ କ୍ୟାରିୟର ସମାପ୍ତ କରିଛନ୍ତି। ସେ ପ୍ରାୟ ୧୯,୦୦୦ ଅନ୍ତର୍ଜାତୀୟ ରନ୍ ସଂଗ୍ରହ କରିବା ସହ ୪୯ଟି ଶତକ ହାସଲ କରିଛନ୍ତି। ଅଷ୍ଟ୍ରେଲିଆର ୨୦୧୫ ଓ ୨୦୨୩ ଦିନିକିଆ ବିଶ୍ୱକପ୍ ବିଜୟ ତଥା ୨୦୨୧ ଟି-୨୦ ବିଶ୍ୱକପ୍ ଜିତିବାରେ ତାଙ୍କର ପ୍ରମୁଖ ଭୂମିକା ରହିଥିଲା। ନିଜର ଆକ୍ରମଣାତ୍ମକ ବ୍ୟାଟିଂ ପାଇଁ ଜଣାଶୁଣା ୱାର୍ଣ୍ଣର୍ ୮,୭୮୬ ଟେଷ୍ଟ ରନ୍ ଏବଂ ୬,୯୩୨ ଦିନିକିଆ ରନ୍ କରିଛନ୍ତି, ଯାହା ତାଙ୍କୁ କ୍ରିକେଟ୍ ଜଗତରେ ଏକ ସ୍ୱତନ୍ତ୍ର ପରିଚୟ ଦେଇଛି।

The post ଅଷ୍ଟ୍ରେଲିଆ କ୍ରିକେଟ୍ ଦଳର ପୂର୍ବତନ ଷ୍ଟାର୍ ଓପନର୍ ଡେଭିଡ୍ ୱାର୍ଣ୍ଣର ଗିରଫ୍ appeared first on Sanket Tv.

ଏହି ଅବସରରେ କେନ୍ଦ୍ର ମନ୍ତ୍ରୀ କିରନ ରିଜିଜୁ କହିଛନ୍ତି ଯେ, ଲିଆଣ୍ଡର ପେସଙ୍କ ପରିଚୟ ଦେବାର କୌଣସି ଆବଶ୍ୟକତା ନାହିଁ। ତାଙ୍କ ବିଜେପିରେ ଯୋଗଦାନ ଏକ ଉତ୍ସବ ପାଳନ କରିବାର ମୁହୂର୍ତ୍ତ ବୋଲି ମତ ଦେଇ ରିଜିଜୁ ସ୍ପଷ୍ଟ ଅନୁମାନ ପ୍ରକଟ କରିଛନ୍ତି ଯେ, ଲିଆଣ୍ଡର ବିଜେପି ପ୍ଲାଟଫର୍ମରେ ଏକ ବଡ଼ ଇନିଂସ ଖେଳିବେ। ସେ ଆହୁରି କହିଛନ୍ତି ଯେ, ଲିଆଣ୍ଡରଙ୍କ ଯୋଗଦାନ ଖେଲୋ ଇଣ୍ଡିଆ ଆନ୍ଦୋଳନକୁ ଆହୁରି ଗତି ଦେବ।

ଉଲ୍ଲେଖଯୋଗ୍ୟ, ୧୯୯୬ ମସିହାରେ ଆଟଲାଣ୍ଟା ଅଲିମ୍ପିକ୍ସରେ ୪୪ ବର୍ଷ ପରେ ଭାରତ ପାଇଁ ଟେନିସ୍ରେ ପ୍ରଥମ ପଦକ ଜିତି ଲିଆଣ୍ଡର ପେସ୍ ଦେଶ ପାଇଁ ଗର୍ବ ଓ ଗୌରବ ଆଣିଥିଲେ। ସେ ଐତିହାସିକ ବ୍ରୋଞ୍ଜ ପଦକ ଜିତିଥିଲେ। ତେବେ ରାଜନୀତିରେ ସେ ନୂଆ ନୁହଁନ୍ତି। ୨୦୨୧ ମସିହାରେ ସେ ତୃଣମୂଳ କଂଗ୍ରେସରେ ସାମିଲ ହୋଇଥିଲେ ଏବଂ ୨୦୨୨ ଗୋଆ ବିଧାନସଭା ନିର୍ବାଚନରେ ତାଙ୍କୁ ଦଳର ପ୍ରଭାରୀ ଭାବେ ଦାୟିତ୍ୱ ଦିଆଯାଇଥିଲା। କିନ୍ତୁ ସେ ନିଜେ କୌଣସି ନିର୍ବାଚନ ଲଢ଼ି ନଥିଲେ।

ଗତ କିଛି ଦିନ ଧରି ଲିଆଣ୍ଡର ପଶ୍ଚିମବଙ୍ଗ ରାଜନୀତିରେ ସକ୍ରିୟ ଥିଲେ। ସେ କୋଲକାତାରେ ବିଜେପିର ଅନେକ ଟପ୍ ନେତାଙ୍କୁ ଭେଟିବା ସହ ଦଳୀୟ ଅଧ୍ୟକ୍ଷ ନୀତିନ ନବୀନ ଏବଂ ପଶ୍ଚିମବଙ୍ଗ ବିଜେପି ସଭାପତି ସମିକ ଭଟ୍ଟାଚାର୍ଯ୍ୟଙ୍କୁ ସାକ୍ଷାତ କରିଥିଲେ। ଏହି ସାକ୍ଷାତ ପରେ ସେ ବିଜେପିରେ ଯୋଗ ଦେବେ ବୋଲି ଚର୍ଚ୍ଚା ଆରମ୍ଭ ହୋଇଯାଇଥିଲା। ବର୍ତ୍ତମାନ ବିଜେପିରେ ସାମିଲ ହେବା ପରେ ତାଙ୍କୁ ଦଳୀୟ ଟିକେଟ୍ ମିଳିବା ନେଇ ଜୋରଦାର ଚର୍ଚ୍ଚା ହେଉଛି। ଆସନ୍ତା ବିଧାନସଭା ନିର୍ବାଚନରେ ତାଙ୍କୁ କୌଣସି ଗୁରୁତ୍ୱପୂର୍ଣ୍ଣ ଆସନରୁ ପ୍ରାର୍ଥୀ କରାଯାଇପାରେ ବୋଲି ରାଜନୈତିକ ବିଶ୍ଳେଷକମାନେ ମତ ଦେଉଛନ୍ତି।

The post ବିଜେପିରେ ସାମିଲ ହେଲେ ଟେନିସ୍ ଖେଳାଳି ଲିଆଣ୍ଡର ପେସ୍ appeared first on Sanket Tv.

ଆଗାମୀ ଘରୋଇ ସିଜିନ୍ ଅତ୍ୟନ୍ତ ରୋମାଞ୍ଚକର ହେବ। ଏଥିରେ ଚାରିଟି ଭ୍ରମଣକାରୀ ଦଳ – ୱେଷ୍ଟଇଣ୍ଡିଜ୍, ଶ୍ରୀଲଙ୍କା, ଜିମ୍ବାୱେ ଏବଂ ଅଷ୍ଟ୍ରେଲିଆ ଭାରତ ଗସ୍ତରେ ଆସିବେ। ଦେଶର ୧୭ଟି ସହରରେ ସମୁଦାୟ ୨୨ଟି ଅନ୍ତର୍ଜାତୀୟ ମ୍ୟାଚ୍ ଖେଳାଯିବ, ଯାହା ପ୍ରଶଂସକମାନଙ୍କୁ ହାଇ ଭୋଲ୍ଟେଜ୍ କ୍ରିକେଟ୍ ଉପହାର ଦେବ।

ଏହି ସିଜିନ୍ ୨୭ ସେପ୍ଟେମ୍ବର, ୨୦୨୬ରୁ ୱେଷ୍ଟଇଣ୍ଡିଜ୍ ଗସ୍ତ ମାଧ୍ୟମରେ ଆରମ୍ଭ ହେବ। ଏହି ଗସ୍ତରେ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜ୍ ଏବଂ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳାଯିବ। ତ୍ରିଭେନ୍ଦ୍ରମ, ଗୌହାଟୀ ଏବଂ ନ୍ୟୁ ଚଣ୍ଡିଗଡ଼ରେ ଏକଦିବସୀୟ ମ୍ୟାଚ୍ ଆୟୋଜନ ହେବ। ଲକ୍ଷ୍ନୌ, ରାଞ୍ଚି, ଇନ୍ଦୋର, ହାଇଦ୍ରାବାଦ ଏବଂ ବେଙ୍ଗାଲୁରୁରେ ଟି-୨୦ ମ୍ୟାଚ୍ ଖେଳାଯିବ।

ଡିସେମ୍ବର ୨୦୨୬ରେ ଭାରତ ଶ୍ରୀଲଙ୍କା ବିପକ୍ଷରେ ତିନୋଟି ଏକଦିବସୀୟ ଓ ତିନୋଟି ଟି-୨୦ ମ୍ୟାଚ୍ ବିଶିଷ୍ଟ ସିରିଜ୍ ଆୟୋଜନ କରିବ। ଏକଦିବସୀୟ ସିରିଜ୍ ଦିଲ୍ଲୀ, ବେଙ୍ଗାଲୁରୁ ଏବଂ ଅହମ୍ମଦାବାଦରେ ଖେଳାଯିବ। ଟି-୨୦ ସିରିଜ୍ର ମ୍ୟାଚ୍ ଗୁଡ଼ିକ ରାଜକୋଟ, କଟକ (ବାରବାଟୀ) ଏବଂ ପୁଣେରେ ଅନୁଷ୍ଠିତ ହେବ।

ନୂତନ ବର୍ଷ ୨୦୨୭ ଆରମ୍ଭରେ ଜିମ୍ବାୱେ ଭାରତ ଗସ୍ତରେ ଆସି ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜ୍ ଖେଳିବ। ଏହି ମ୍ୟାଚ୍ ଗୁଡ଼ିକ କୋଲକାତା, ହାଇଦ୍ରାବାଦ ଏବଂ ମୁମ୍ବାଇରେ ଅନୁଷ୍ଠିତ ହେବ। ଏହି ଘରୋଇ ସିଜିନ୍ ବହୁ ପ୍ରତୀକ୍ଷିତ ବର୍ଡର-ଗାଭାସ୍କର ଟ୍ରଫି ସହିତ ସମାପ୍ତ ହେବ। ଜାନୁଆରୀ ୨୧, ୨୦୨୭ରୁ ନାଗପୁରରେ ଆରମ୍ଭ ହେଉଥିବା ଏହି ଟେଷ୍ଟ ସିରିଜ୍ରେ ଅଷ୍ଟ୍ରେଲିଆ ବିପକ୍ଷରେ ଭାରତ ପାଞ୍ଚ ମ୍ୟାଚ୍ ଖେଳିବ।

The post ଡିସେମ୍ବର ୨୪ରେ ବାରବାଟୀରେ ଭାରତ-ଶ୍ରୀଲଙ୍କା ଟି-ଟ୍ୱେଣ୍ଟି appeared first on Sanket Tv.

ସେହିପରି ଅଣ୍ଡର-୧୬ ବିଭାଗରେ ସୌଭାଗ୍ୟ ପଣ୍ଡା କ୍ବାଟର ଫାଇନାଲ୍ ପର୍ଯ୍ୟନ୍ତ ପହଞ୍ଚିଥିବା ବେଳେ ସମର ଭଟ୍ଟର ଅଣ୍ଡର-୧୦ ବିଭାଗରେ ରନର୍ସ ଅଫ୍ ହୋଇଥିଲେ । ସେହିପରି ସମର ଅଣ୍ଡର-୯ ବିଭାଗରେ କ୍ବାଟର ଫାଇନାଲ୍ ପର୍ଯ୍ୟନ୍ତ ଯାଇଥିଲେ। ତେଜସ୍ ମାଲୁଓ ଅଣ୍ଡର-୧୦ ବିଭାଗରେ ସେମିଫାଇନାଲ୍ ଏବଂ ଅଣ୍ଡର-୯ ବୟସ ବର୍ଗରେ କ୍ବାଟର ଫାଇନାଲ୍ ପର୍ଯ୍ୟନ୍ତ ଯାଇଥିଲେ। ଅଣ୍ଡର-୧୨ ବିଭାଗରେ ଚାମ୍ପିଆନ୍ ହୋଇଥିବା ମନନ୍ ରାଠୀ ଅଣ୍ଡର-୧୦ ବିଭାଗରେ ମଧ୍ୟ କ୍ବାଟର ଫାଇନାଲ୍ ପର୍ଯ୍ୟନ୍ତ ଯାଇଥିଲେ।

ଏହି ସମସ୍ତ ଖେଳାଳୀ ତଥା ତାଙ୍କର ଟେନିସ୍ କୋଚ୍ ସେଖ୍ ଅସଲମଙ୍କୁ ବାଲେଶ୍ବର ଟେନିସ୍ ଆସୋସିଏସନର ସଭାପତି କିଶନ ସାହୁ, ଉପଦେଷ୍ଠା ମଦନ ସରାଓଗୀ ଓ ସଂପାଦକ ସମଥମ୍ ପ୍ରସାଦଙ୍କ ସମେତ ବରିଷ୍ଠ କର୍ମକର୍ତ୍ତା ଅରୁଣ ରାଠୀ, ଗିରିଶ ମୋଦୀ, ରାଜୀବ ସାହୁ, ଜୁବିନ ବୋଧାଓ୍ବାଲା, ଡକ୍ଟର ଅମରଜ୍ୟୋତି ଆଚାର୍ଯ୍ୟ, ମୁକ୍ତେଶ ମଚ୍ଚର, ପଞ୍ଚାନନ ନାୟକ ପ୍ରମୁଖ କୃତଜ୍ଞତା ଜଣାଇଛନ୍ତି।

The post ଗଡସ୍ପିଡ୍ ୟୁଟିଆର୍ ସିରିଜ୍ ଟେନିସ୍: ବାଲେଶ୍ବରର ମନନ୍ ରାଠୀ ଅଣ୍ଡର-୧୨ରେ ଚାମ୍ପିଆନ୍ appeared first on Sanket Tv.

ଦେଶର କୋଟି କୋଟି ପ୍ରଶଂସକ ଏବଂ କ୍ରୀଡ଼ାପ୍ରେମୀ ଏହି ବିଜୟକୁ ଦୀପାବଳି ପରି ପାଳନ କରିଛନ୍ତି। ଷ୍ଟାଡିୟମରେ ଉପସ୍ଥିତ ଲକ୍ଷାଧିକ ଦର୍ଶକଙ୍କ ଉତ୍ସାହର ସୀମା ନଥିଲା। ଜମ୍ମୁ-କଶ୍ମୀରରୁ କନ୍ୟାକୁମାରୀ ଏବଂ ମଣିପୁରରୁ ରାଜସ୍ଥାନ ପର୍ଯ୍ୟନ୍ତ, ଗାଁ ଠାରୁ ସହର, ସମଗ୍ର ଦେଶରେ ବିଜୟୋତ୍ସବ ଦେଖିବାକୁ ମିଳିଛି। ଭାରତୀୟ ସହରଗୁଡ଼ିକରେ ବାଣ ଏବଂ ଫଟକାର ଶବ୍ଦରେ ଦୀପାବଳିର ଝଲକ ଦେଖାଯାଇଛି। କେବଳ ସ୍ୱଦେଶରେ ନୁହେଁ, ବିଦେଶରେ ରହୁଥିବା ଭାରତୀୟ ନାଗରିକମାନେ ମଧ୍ୟ ଏହି ବିଜୟରେ ଗୌରବାନ୍ୱିତ ହୋଇଛନ୍ତି।

ନ୍ୟୁଜିଲାଣ୍ଡ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇ ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ଭାରତୀୟ ଦଳ ସୂର୍ଯ୍ୟକୁମାର ଯାଦବଙ୍କ ନେତୃତ୍ବରେ ପଡ଼ିଆକୁ ଓହ୍ଲାଇ ନିର୍ଦ୍ଧାରିତ ୨୦ ଓଭରରେ ୫ଟି ୱିକେଟ୍ ହରାଇ ୨୫୫ ରନ୍ର ବିଶାଳ ସ୍କୋର୍ ଛିଡ଼ା କରିଥିଲା।

ଭାରତ ପାଇଁ ଇନିଂସ ଆରମ୍ଭ କରିଥିଲେ ସଂଜୁ ସାମସନ ଏବଂ ଅଭିଷେକ ଶର୍ମା। ଉଭୟ ପ୍ରଥମ ୱିକେଟ୍ ପାଇଁ ୯୮ ରନ୍ର ଭାଗିଦାରୀ କରିଥିଲେ। ଅଭିଷେକ ଶର୍ମା ୨୧ଟି ବଲ୍ରୁ ୬ଟି ଚୌକା ଓ ୩ଟି ଛକା ସହାୟତାରେ ୫୨ ରନ୍ କରି ଆଉଟ୍ ହୋଇଥିଲେ। ସଂଜୁ ସାମସନ ଦଳ ପାଇଁ ସର୍ବାଧିକ ୮୯ ରନ୍ ସଂଗ୍ରହ କରିଥିଲେ। ୪୫ଟି ବଲ୍ ଖେଳିଥିବା ସାମସନ ନିଜ ଇନିଂସରେ ୫ଟି ଚୌକା ଓ ୮ଟି ଛକା ମାରିଥିଲେ।

ସାମସନଙ୍କ ସହ ଈଶାନ କିଶନ ଦ୍ବିତୀୟ ୱିକେଟ୍ ପାଇଁ ୧୦୫ ରନ୍ର ଭାଗିଦାରୀ କରିଥିଲେ। ଈଶାନ କିଶନ ୨୫ଟି ବଲ୍ ଖେଳି ୪ଟି ଚୌକା ଓ ୪ଟି ଛକା ସହ ୫୪ ରନ୍ କରିଥିଲେ। ଶେଷରେ ହାର୍ଦ୍ଦିକ ପାଣ୍ଡ୍ୟା ୧୩ଟି ବଲ୍ ଖେଳି ୧୮ ରନ୍ କରି ଅପରାଜିତ ରହିଥିଲେ। ତାଙ୍କ ଇନିଂସରେ ଗୋଟିଏ ଚୌକା ଓ ଗୋଟିଏ ଛକା ସାମିଲ ଥିଲା।

୨୫୬ ରନର ବିଶାଳ ବିଜୟ ଲକ୍ଷ୍ୟ ନେଇ ବ୍ୟାଟିଂ କରିବାକୁ ଆସିଥିବା ନ୍ୟୁଜିଲାଣ୍ଡ ଦଳ ଭାରତୀୟ ବୋଲରଙ୍କ ଆଗରେ ଦଣ୍ଡାୟମାନ ହୋଇପାରିନଥିଲା। ନ୍ୟୁଜିଲାଣ୍ଡ ୫୦ ରନ୍ ପୂର୍ବରୁ ହିଁ ନିଜର ଆଗଧାଡ଼ିର ୩ ଜଣ ବ୍ୟାଟ୍ସମ୍ୟାନଙ୍କୁ ହରାଇ ଚାପରେ ରହିଥିଲା। ଶେଷରେ ପୂରା ଦଳ ୨୦ ଓଭରରେ ମାତ୍ର ୧୫୯ ରନ୍ କରି ସମସ୍ତ ୱିକେଟ୍ ହରାଇଥିଲା। ଫଳରେ ଭାରତ ଏହି ଫାଇନାଲ ମ୍ୟାଚ୍କୁ ୯୬ ରନରେ ଜିତି ନେଇଥିଲା।

The post ଟି୨୦ ବିଶ୍ବକପ୍ ଫାଇନାଲରେ ନ୍ୟୁଜିଲାଣ୍ଡକୁ ହରାଇ ଚାମ୍ପିଅନ ହେଲା ଭାରତ appeared first on Sanket Tv.

ଭାରତ ଦ୍ଵାରା ଧାର୍ଯ୍ୟ ୨୫୪ ରନର ବିଶାଳ ଲକ୍ଷ୍ୟକୁ ପିଛା କରି ଇଂଲଣ୍ଡ ଦମଦାର ପ୍ରଦର୍ଶନ କରିଥିଲା। ଜାକବ ବେଥେଲଙ୍କ ବିଧ୍ଵଂସୀ ଶତକୀୟ ଇନିଂସ ସତ୍ତ୍ଵେ ଇଂଲଣ୍ଡ ବିଜୟ ହାସଲ କରିପାରିନଥିଲା। ବେଥେଲ ୧୦୫ ରନର ଚମତ୍କାର ଇନିଂସ ଖେଳିଥିଲେ ମଧ୍ୟ ତାହା ବୃଥା ହୋଇଯାଇଛି। ଲଢୁଆ ପ୍ରଦର୍ଶନ କରି ଇଂଲଣ୍ଡ ନିର୍ଦ୍ଧାରିତ ୨୦ ଓଭରରେ ୭ ଓ୍ଵିକେଟ୍ ହରାଇ ୨୪୬ ରନ୍ କରିପାରିଥିଲା। ଫଳରେ ଭାରତୀୟ ଦଳ ରୋମାଞ୍ଚକର ଏହି ବିଜୟ ସହ ଫାଇନାଲ୍ ପ୍ରବେଶ କରିଛି।

ଟସ୍ ହାରି ପ୍ରଥମେ ବ୍ୟାଟିଂ କରିଥିଲା ଭାରତ। ପ୍ରତିଥର ପରି ସେମି ଫାଇନାଲରେ ମଧ୍ୟ ଭାରତର ଆରମ୍ଭ ନିରାଶାଜନକ ଥିଲା। ଅଭିଷେକ ଶର୍ମା ନିଜର ଖରାପ ଫର୍ମ ବଜାୟ ରଖି ୯ ରନ କରି ଆଉଟ୍ ହୋଇଥିଲେ। ହେଲେ ଏହା ପରେ ପଡ଼ିଆରେ ଆରମ୍ଭ ହୋଇଥିଲା ଚୌକା ଓ ଛକା ବର୍ଷା। ସଞ୍ଜୁ ସାମସନ ଓ ଇଶାନ କିଶନ ଇଂଲଣ୍ଡ ବୋଲରଙ୍କୁ ପ୍ରହାର କରିଥିଲେ। ଦୁହେଁ ଧୂଆଁଧାର ବ୍ୟାଟିଂ କରି ଦ୍ଵିତୀୟ ଓ୍ଵିକେଟ୍ ପାଇଁ ୯୭ ରନ ଯୋଡ଼ି ଭାରତ ପାଇଁ ବିଶାଳ ସ୍କୋରର ମୂଳଦୁଆ ପକାଇଥିଲେ।

ଇଶାନ କିଶନ ମାତ୍ର ୧୮ ବଲରୁ ୪ ଚୌକା ଓ ୨ ଛକା ସହ ୩୯ ରନ କରିଥିଲେ। ଏହା ପରେ ସଞ୍ଜୁ ସାମସନ କ୍ରମାଗତ ଦ୍ଵିତୀୟ ଅର୍ଦ୍ଧଶତକ ହାସଲ କରିଥିଲେ। ସେ ୪୨ ବଲରୁ ୮ ଚୌକା ଓ ୭ ଛକା ସହ ୮୯ ରନର ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ସଞ୍ଜୁ ଓ ଶିବମ ଦୁବେ ତୃତୀୟ ଓ୍ଵିକେଟ୍ ପାଇଁ ୪୩ ରନ ଯୋଡ଼ିଥିଲେ।

ଏହା ପରେ ଶିବମ ଦୁବେ ମୋର୍ଚ୍ଚା ସମ୍ଭାଳିଥିଲେ। ସେ ଇଂରେଜ ବୋଲରଙ୍କୁ ପ୍ରହାର କରି ଦଳର ରନଗତିକୁ ବଜାୟ ରଖିଥିଲେ। ଅଧିନାୟକ ସୂର୍ଯ୍ୟକୁମାର ଯାଦବ ମାତ୍ର ୧୧ ରନ କରି ନିରାଶ କରିଥିଲେ। ତେବେ ଶେଷ ଆଡ଼କୁ ଶିବମ ଦୁବେ ଦୁର୍ଭାଗ୍ୟବଶତଃ ରନ ଆଉଟ୍ ହୋଇଥିଲେ। ସେ ୨୫ ବଲରୁ ୧ ଚୌକା ଓ ୪ ଛକା ସହ ୪୩ ରନର ବିସ୍ଫୋରକ ଇନିଂସ ଖେଳିଥିଲେ।

ଶେଷ ଓଭରଗୁଡ଼ିକରେ କାମ କରିଥିଲେ ହାର୍ଦ୍ଦିକ ପାଣ୍ଡ୍ୟା ଓ ତିଳକ ବର୍ମା। ତିଳକ ବର୍ମା ଧୂଆଁଧାର ବ୍ୟାଟିଂ କରି ମାତ୍ର ୭ ବଲରୁ ୨୧ ରନ କରିଥିଲେ। ହାର୍ଦ୍ଦିକ ୧୨ ବଲରୁ ୨୭ ରନ କରିଥିଲେ। ଫଳରେ ଭାରତ ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ହରାଇ ୨୫୩ ରନର ପାହାଡ଼ ଛିଡ଼ା କରିଥିଲା। ନକଆଉଟ୍ ମ୍ୟାଚରେ ଏହା କୌଣସି ଦଳ ଦ୍ୱାରା ସର୍ବୋଚ୍ଚ ସ୍କୋର।

ଇଂଲଣ୍ଡର ଲଢ଼ୁଆ ପ୍ରଦର୍ଶନ ଓ ବେଥେଲଙ୍କ ଶତକ

ଭାରତ ଦ୍ୱାରା ଧାର୍ଯ୍ୟ ୨୫୪ ରନର ବିଶାଳ ଲକ୍ଷ୍ୟକୁ ପିଛା କରି ଇଂଲଣ୍ଡ ଦମଦାର ପ୍ରଦର୍ଶନ କରିଥିଲା। ଟମ ବାଣ୍ଟନ ୫ ବଲରୁ ୧୭ ରନ କରି ଆଉଟ୍ ହୋଇଥିଲେ। ତେବେ ଜାକବ ବେଥେଲଙ୍କ ବ୍ୟାଟ୍ ଅଟକି ନଥିଲା। ସେ ଓ୍ଵିଲ ଜ୍ୟାକ୍ସଙ୍କ ସହ ମିଶି ପଞ୍ଚମ ଓ୍ଵିକେଟ୍ ପାଇଁ ୭୭ ରନ ଯୋଡ଼ିଥିଲେ।

ବେଥେଲ ଶତକ ହାସଲ କରି ଇଂଲଣ୍ଡର ବିଜୟ ଆଶା ଉଜ୍ଜୀବିତ ରଖିଥିଲେ। ସେ ୪୮ ବଲରୁ ୮ ଚୌକା ଓ ୭ ଛକା ସହ ୧୦୫ ରନର ସ୍ମରଣୀୟ ଇନିଂସ ଖେଳିଥିଲେ। ସାମ କରନଙ୍କ ସହ ମିଶି ସେ ଇଂଲଣ୍ଡକୁ ବିଜୟ ଆଡ଼କୁ ଅଗ୍ରସର କରାଇଥିଲେ। ମ୍ୟାଚ୍ ଆଗକୁ ଗତି କରିବା ସହ ତୀବ୍ର ପ୍ରତିଦ୍ୱନ୍ଦ୍ୱିତା ଦେଖିବାକୁ ମିଳିଥିଲା।

ବୁମରା-ହାର୍ଦ୍ଦିକଙ୍କ ଘାତକ ବୋଲିଂ

ତେବେ ବୁମରା ଓ ହାର୍ଦ୍ଦିକ ନିଜର ଶେଷ ଓଭରରେ ଶାଣିତ ବୋଲିଂ କରି ଭାରତକୁ ବିଜୟୀ କରାଇଛନ୍ତି। ବୋଲିଂରେ ଭାରତ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ୨ଟି ଓ୍ଵିକେଟ୍ ଏବଂ ଯଶପ୍ରୀତ ବୁମରା ଗୋଟିଏ ଓ୍ଵିକେଟ୍ ନେଇଥିଲେ। ଦୁଇ ବୋଲର ଠିକଣା ସମୟରେ ଘାତକ ବୋଲିଂ କରି ଭାରତ ବିଜୟରେ ମୁଖ୍ୟ ଭୂମିକା ଗ୍ରହଣ କରିଛନ୍ତି। ଶେଷରେ ଇଂଲଣ୍ଡ ୭ ଓ୍ଵିକେଟ୍ ହରାଇ ୨୪୬ ରନ କରିପାରିଥିଲା। ଫଳରେ ଭାରତ ଅତି ସଂଘର୍ଷପୂର୍ଣ୍ଣ ଏହି ମ୍ୟାଚକୁ ୭ ରନରେ ଜିତି ନେଇଛି।

The post ଟି-୨୦ ବିଶ୍ଵକପ୍: ଇଂଲଣ୍ଡକୁ ହରାଇ ଫାଇନାଲରେ ପ୍ରବେଶ କଲା ଭାରତ appeared first on Sanket Tv.