କୁହାଯାଉଛି ଯେ, ଅଭିଯୁକ୍ତମାନେ ଗୁଳିକାଣ୍ଡ ପରେ ଟ୍ରେନରେ ରାଜସ୍ଥାନ ଚାଲି ଯାଇଥିଲେ। ପୁଣେ-ମୁମ୍ବାଇ ଏକ୍ସପ୍ରେସ୍ ଟ୍ରେନରେ ସେମାନେ ଥିବା ନେଇ ସୂଚନା ମିଳିଥିଲା। ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ବିହାରର ରିତିକ୍ କୁମାର ବୋଲି ଜଣା ପଡ଼ିଛି। ଏତତ୍ ବ୍ୟତୀତ, ଅନ୍ୟ ଦୁଇ ଜଣ ଅଭିଯୁକ୍ତ ହରିୟାଣାର ଫୁଲ୍ ସିଂ ଓ ରେହାନ ବୋଲି ସୂଚନା ମିଳିଛି।

ସୂଚନା ଅନୁସାରେ, ଟାଇଗର ଶ୍ରଫ୍ ରବିବାର ସନ୍ଧ୍ୟାରେ ମୁମ୍ବାଇର ଏକ ଫୁଟବଲ୍ ଗ୍ରାଉଣ୍ଡରୁ ନିଜ କାରରେ ଘରକୁ ଫେରୁଥିଲେ। ସେହି ସମୟରେ ବାଇକରେ ଆସିଥିବା ତିନି ଜଣ ବନ୍ଧୁକଧାରୀ ଦୁର୍ବୃତ୍ତ ତାଙ୍କ କାରକୁ ଟାର୍ଗେଟ୍ କରି ଗୁଳି ଚଳାଇଥିଲେ। ଗୁଳିମାଡ଼ରେ କାର୍ କ୍ଷତିଗ୍ରସ୍ତ ହୋଇଥିବା ବେଳେ ଡ୍ରାଇଭରଙ୍କ ଶରୀରରେ ଗୁଳି ବାଜିବାରୁ ସେ ଆହତ ହୋଇଛନ୍ତି।

ଏହି ଆକ୍ରମଣ ପରେ ସୋସିଆଲ୍ ମିଡିଆରେ ଏକ ଭିଡିଓ ଭାଇରାଲ୍ ହେବାରେ ଲାଗିଥିଲା। ଏଥିରେ ଜଣେ ବ୍ୟକ୍ତି ନିଜକୁ ‘ଅନିଲ ପଣ୍ଡିତ’ ବୋଲି ପରିଚୟ ଦେଇଛି ଏବଂ ସେ କୁଖ୍ୟାତ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ବୋଲି ଦାବି କରିଥିଲେ। ବଲିଉଡ୍ ଅଭିନେତା ଟାଇଗର ଶ୍ରଫଙ୍କ ଗାଡ଼ି ଉପରକୁ ଗୁଳିମାଡ଼ ଘଟଣାରେ ସାମ୍ନାକୁ ଆସିଛି ନୂଆ ତଥ୍ୟ। ରାଜସ୍ଥାନର କୋଟାରେ ଧରାପଡ଼ିଥିବା ସନ୍ଦିଗ୍ଧମାନେ ଦିଲ୍ଲୀ ଦେଇ ନେପାଳ ଖସିଯିବାକୁ ଯୋଜନା କରିଥିବା ପ୍ରାଥମିକ ପଚରାଉଚରାରୁ ଜଣାପଡ଼ିଛି। ଏନେଇ ସୂଚନା ଦେଇଛନ୍ତି କୋଟା ଏସପି ତେଜସ୍ୱିନୀ ଗୌତମ।

ଏସପିଙ୍କ କହିବା ଅନୁଯାୟୀ, ସକାଳ ପ୍ରାୟ ୯ଟା ୪୫ ମିନିଟରେ ପୁଣେ–ଜୟପୁର ଏକ୍ସପ୍ରେସରେ ସନ୍ଦିଗ୍ଧମାନେ ଯାତ୍ରା କରୁଥିବା ନେଇ ପୋଲିସକୁ ସୂଚନା ମିଳିଥିଲା। ଏହାପରେ ତୁରନ୍ତ ଆକ୍ସନ୍ ମୋଡକୁ ଆସିଥିଲା କୋଟା ପୋଲିସ। ରେଳ ଷ୍ଟେସନର ପ୍ରବେଶ ଓ ପ୍ରସ୍ଥାନ ପଥ, ପ୍ଲାଟଫର୍ମ ସମେତ ବିଭିନ୍ନ ସ୍ଥାନରେ ପୋଲିସ ନଜର ରଖିଥିଲା। ଏହି ଅପରେସନରେ ତିନିଜଣ ସନ୍ଦିଗ୍ଧଙ୍କୁ ଧରାଯାଇଥିବା ସୂଚନା ମିଳିଛି। ପ୍ରାଥମିକ ତଦନ୍ତରୁ ଜଣାପଡ଼ିଛି, ଧରାପଡ଼ିଥିବା ଜଣେ ଅଭିଯୁକ୍ତ ରାପିଡୋ ବାଇକ୍ ଟ୍ୟାକ୍ସି ଚାଳକ ଭାବେ କାମ କରନ୍ତି। ଅନ୍ୟ ଦୁଇଜଣଙ୍କ ମଧ୍ୟରେ ଜଣେ ନାବାଳକ ଏବଂ ଅନ୍ୟଜଣେ ରେହାନ।

ସନ୍ଦିଗ୍ଧମାନେ ଟ୍ରେନରେ ଦିଲ୍ଲୀ ପହଞ୍ଚିବା ପରେ ସେଠାରୁ ନେପାଳ ଖସିଯିବାକୁ ଯୋଜନା କରିଥିଲେ। ତେବେ ସେମାନଙ୍କୁ ଏହି ଯୋଜନା ପାଇଁ କିଏ ସହାୟତା କରୁଥିଲା ଏବଂ ନେପାଳରେ କାହା ସହ ଯୋଗାଯୋଗ କରିବାକୁ ଚାହୁଁଥିଲେ, ତାହା ଏବେ ତଦନ୍ତ ଚାଲିଛି। ଏହାସହ ରେହାନଙ୍କର ପୂର୍ବରୁ ଅନିଲ ପଣ୍ଡିତ ନାମକ ଜଣେ ବ୍ୟକ୍ତିଙ୍କ ସହ ଯୋଗାଯୋଗ ରହିଥିବା ଏସପି ସୂଚନା ଦେଇଛନ୍ତି।

ଅନ୍ୟପଟେ ମୁମ୍ବାଇ ପୋଲିସର ଟିମ୍ କୋଟାରେ ପହଞ୍ଚିଥିବା ବେଳେ ସନ୍ଦିଗ୍ଧମାନଙ୍କୁ ସେମାନଙ୍କ ହେପାଜତକୁ ହସ୍ତାନ୍ତର କରାଯିବ ବୋଲି ଏସପି କହିଛନ୍ତି। ମୁମ୍ବାଇ ପୋଲିସର ବିସ୍ତୃତ ପଚରାଉଚରା ପରେ ଗୁଳିମାଡ଼ ପଛର ଷଡ଼ଯନ୍ତ୍ର, ଅପରାଧୀଙ୍କ ନେଟୱର୍କ ଏବଂ ମାଷ୍ଟରମାଇଣ୍ଡ ସମ୍ପର୍କରେ ଅଧିକ ତଥ୍ୟ ସାମ୍ନାକୁ ଆସିପାରେ। ତେବେ ଘଟଣାର କିଛି ସମୟ ପରେ ଲରେନ୍ସ ବିଷ୍ଣୋଇ ଗ୍ୟାଙ୍ଗ ନିଜକୁ ଦାୟୀ କରିଛି। ଗ୍ୟାଙ୍ଗରେ ସାମିଲ ଥିବା ଅନୀଲ ପଣ୍ଡିତ ଏବଂ ହରମନ ସନ୍ଧୁ ଆକ୍ରମଣରେ ନିଜକୁ ଦାୟୀ କରିଛନ୍ତି।

The post ଟାଇଗର ଶ୍ରଫ ଗୁଳିକାଣ୍ଡରେ ଜଣେ ନାବାଳକ ସହ ୩ ସନ୍ଦିଗ୍ଧ ଗିରଫ appeared first on Sanket Tv.

ପୁଲିସ କହିଛି ଯେ, ସୂଚନା ମିଳିବା ପରେ ଆମେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲୁ। ଗୁଳିମାଡ଼ର ପଛର କାରଣ ଜଣାପଡ଼ି ନାହିଁ। ପୁଲିସ ଟିମ୍ ଅଭିଯୁକ୍ତମାନଙ୍କୁ ଧରିବା ପାଇଁ ଛାନ୍ଭିନ୍ ଜାରି ରଖିଛି। ଅଭିନେତା ଟାଇଗର ଶ୍ରାଫ୍ ସୁସ୍ଥ ଅଛନ୍ତି। ପୁଲିସ ମାମଲାର ତଦନ୍ତ ଜାରି ରହିଛି।

ଟାଇଗର ଶ୍ରାଫଙ୍କ ଉପରେ ହୋଇଥିବା ଗୁଳିମାଡ଼ ପାଇଁ ବିଦେଶରେ ବସିଥିବା ଗ୍ୟାଙ୍ଗଷ୍ଟର ଅନିଲ ପଣ୍ଡିତ ଏବଂ ହରମନ ସନ୍ଧୁ ନିଜକୁ ଦାୟୀ କରିଛନ୍ତି। ସାମାଜିକ ଗଣମାଧ୍ୟମ ଜରିଆରେ ସେମାନେ ଏହି ସୂଚନା ଦେଇଛନ୍ତି। ତେବେ ଅଭିଯୁକ୍ତକୁ ଧରିବା ପାଇଁ ମୁମ୍ବାଇ ପୁଲିସ ୧୨ଟି ଟିମ୍ ଗଠନ କରିଛି।

ସୂଚନାଯୋଗ୍ୟ, ଟାଇଗର ଶ୍ରାଫ୍ଙ୍କ ଉପରକୁ ଗୁଳିମାଡ଼ ଘଟଣା ଆଜି ସନ୍ଧ୍ୟାରେ ଘଟିଛି। କିନ୍ତୁ ଏହା ପୂର୍ବରୁ ତାଙ୍କୁ ହତ୍ୟା ପାଇଁ ମଧ୍ୟ ଧମକ ମିଳିଥିଲା। ଘଟଣାସ୍ଥଳରେ ପୁଲିସ ଏବଂ ଫରେନସିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛି ଏବଂ ନିକଟସ୍ଥ ସିସିଟିଭି ଫୁଟେଜ୍ ସ୍କାନ୍ କରାଯାଉଛି। ସୋସିଆଲ ମିଡିଆରେ ଲରେନ୍ସ ବିଷ୍ମୋୟୀ ଗ୍ୟାଙ୍ଗ ମଧ୍ୟ ଏହି ଗୁଳିକାଣ୍ଡ କରିଥିବା ଏକ ବୟାନ ଜାରି କରିଛି।

टाइगर श्रॉफ जिस साइड कार में बैठे थे उसी साइड से गोली मारी गई। एक शूटर का पिस्टल फंस गया था। बड़ा भयावह दृश्य है। Tiger Shroff ने जैसे ही लोगों का अभिवादन किया वैसे ही फायर शुरू हो गया। शूटर कितने आराम से गोलियां चलाकर मोटरसाइकिल से भाग गए। https://t.co/zbzX2sb6Dx

— BHIL MANOHAR (@ManoharNinama2) October 18, 2026

The post ମୁମ୍ବାଇରେ ବଲିଉଡ୍ ଅଭିନେତା ଟାଇଗର ଶ୍ରାଫଙ୍କ ଉପରେ ଗୁଳିମାଡ଼ appeared first on Sanket Tv.

ରିପୋର୍ଟ ଅନୁଯାୟୀ, ଗୋଆର ଡୋନା ପାଉଲା ସ୍ଥିତ ନିଜ ଘରେ ଅଚେତ ଅବସ୍ଥାରେ ଉଦ୍ଧାର ହେବା ପରେ ନାନା ପାଟେକରଙ୍କୁ ତୁରନ୍ତ ମଣିପାଲ ହସ୍ପିଟାଲକୁ ନିଆଯାଇଥିଲା। ସେଠାରେ ଅଙ୍କୋଲୋଜି ବିଭାଗର ମୁଖ୍ୟ ଡା. ଶେଖର ସଲକରଙ୍କ ସୂଚନା ଅନୁସାରେ, ଡାକ୍ତରୀ ଦଳ ତାଙ୍କୁ ବଞ୍ଚାଇବା ପାଇଁ ପ୍ରାୟ ୪୫ ମିନିଟ୍ ଧରି କ୍ରମାଗତ ସିପିଆର (CPR) ଦେଇଥିଲେ ମଧ୍ୟ ତାଙ୍କର ଜୀବନ ରକ୍ଷା ହୋଇପାରିନଥିଲା। ଭୋର ୫:୨୦ ମିନିଟରେ ତାଙ୍କୁ ମୃତ ଘୋଷଣା କରାଯାଇଥିଲା। ଏହି ଘଟଣାରେ ଏକ ମେଡିକୋ-ଲିଗାଲ୍ କେସ୍ (MLC) ରୁଜୁ କରାଯାଇଛି ଏବଂ ମୃତ୍ୟୁର ପ୍ରକୃତ କାରଣ ଜାଣିବା ପାଇଁ ଶବ ବ୍ୟବଚ୍ଛେଦ କରାଯିବ ବୋଲି ଡାକ୍ତରଖାନା କର୍ତ୍ତୃପକ୍ଷ ସୂଚନା ଦେଇଛନ୍ତି।

୧୯୫୧ ମସିହାରେ ମହାରାଷ୍ଟ୍ରରେ ଜନ୍ମଗ୍ରହଣ କରିଥିବା ତାଙ୍କର ପ୍ରକୃତ ନାମ ଥିଲା ବିଶ୍ୱନାଥ ପାଟେକର। ୧୯୭୦ ଦଶକର ଶେଷ ଭାଗରେ ସେ ନିଜର ଅଭିନୟ କ୍ୟାରିୟର ଆରମ୍ଭ କରିଥିଲେ। ଦୀର୍ଘ ପାଞ୍ଚ ଦଶନ୍ଧି ଧରି ହିନ୍ଦୀ ଏବଂ ମରାଠୀ ସିନେମାରେ ସେ ରାଜ୍ କରିଥିଲେ। ତାଙ୍କ ଅଭିନୀତ ଲୋକପ୍ରିୟ ଚଳଚ୍ଚିତ୍ରଗୁଡ଼ିକ ମଧ୍ୟରେ ‘ପରିନ୍ଦା’, ‘ପ୍ରହାର’, ‘କ୍ରାନ୍ତିବୀର’, ‘ଅଗ୍ନିସାକ୍ଷୀ’, ‘ଅବ୍ ତକ୍ ଛପ୍ପନ୍’, ଏବଂ ‘ୱେଲକମ୍’ ଆଦି ଅନ୍ୟତମ। ଜଣେ ନାୟକଠାରୁ ଆରମ୍ଭ କରି ଖଳନାୟକ ତଥା ହାସ୍ୟ ଅଭିନେତା ଭାବରେ ସେ ଦର୍ଶକଙ୍କ ମନ ଜିଣିଥିଲେ।

ଭାରତୀୟ ସିନେମାକୁ ଅବଦାନ ପାଇଁ ତାଙ୍କୁ ତିନିଥର ଜାତୀୟ ଚଳଚ୍ଚିତ୍ର ପୁରସ୍କାରରେ ସମ୍ମାନିତ କରାଯାଇଛି। କଳା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ପାଇଁ ୨୦୧୩ ମସିହାରେ ଭାରତ ସରକାର ତାଙ୍କୁ ପଦ୍ମଶ୍ରୀ ସମ୍ମାନରେ ବିଭୂଷିତ କରିଥିଲେ। କେବଳ ପରଦାରେ ନୁହେଁ, ବାସ୍ତବ ଜୀବନରେ ମଧ୍ୟ ସେ ଜଣେ ହିରୋ ଥିଲେ। ସେ ସ୍ଥାପନ କରିଥିବା ‘ନାମ ଫାଉଣ୍ଡେସନ୍’ ମାଧ୍ୟମରେ ମହାରାଷ୍ଟ୍ରର ମରୁଡ଼ି ପ୍ରପୀଡ଼ିତ ଚାଷୀମାନଙ୍କୁ ସାହାଯ୍ୟ କରି ସେ ସମାଜ ସେବା କ୍ଷେତ୍ରରେ ଏକ ଅନନ୍ୟ ଉଦାହରଣ ସୃଷ୍ଟି କରିଥିଲେ। ତାଙ୍କର ବିୟୋଗ ସହିତ ବଲିଉଡରେ ଏକ ସୁବର୍ଣ୍ଣ ଯୁଗର ଅନ୍ତ ଘଟିଛି।

ତାଙ୍କର ବିୟୋଗରେ ସମଗ୍ର ଦେଶରେ ଶୋକର ଛାୟା ଖେଳିଯାଇଥିବା ବେଳେ ଓଡ଼ିଶାର ଶୀର୍ଷ ରାଜନୈତିକ ନେତୃବୃନ୍ଦ ମଧ୍ୟ ଗଭୀର ଶୋକ ପ୍ରକାଶ କରିଛନ୍ତି। ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଅଭିନେତାଙ୍କ ବିୟୋଗରେ ଗଭୀର ଶୋକ ବ୍ୟକ୍ତ କରିଛନ୍ତି। ସେ କହିଛନ୍ତି ଯେ ନାନା ପାଟେକରଙ୍କ ମୃତ୍ୟୁ ଭାରତୀୟ ସିନେମା ପାଇଁ ଏକ ଅପୂରଣୀୟ କ୍ଷତି।

ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ମଧ୍ୟ ଅଭିନେତାଙ୍କ ପରଲୋକରେ ଦୁଃଖ ପ୍ରକାଶ କରିଛନ୍ତି। ସେ ଏକ୍ସରେ ଲେଖିଛନ୍ତି ଯେ, “ବର୍ଷୀୟାନ ଅଭିନେତା ନାନା ପାଟେକରଙ୍କ ବିୟୋଗ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ। ତାଙ୍କର ସ୍ୱତନ୍ତ୍ର ଡାଏଲଗ୍ ଡେଲିଭରି ଏବଂ ଜଟିଳ ଚରିତ୍ରକୁ ଅତି ସହଜରେ ଉପସ୍ଥାପନ କରିବାର କ୍ଷମତା ତାଙ୍କୁ ଭାରତୀୟ ସିନେମାରେ ଏକ ସ୍ୱତନ୍ତ୍ର ସ୍ଥାନ ଦେଇଥିଲା। ଶୋକସନ୍ତପ୍ତ ପରିବାର ସଦସ୍ୟ, ବନ୍ଧୁ ଏବଂ ପ୍ରଶଂସକଙ୍କୁ ମୋର ସମବେଦନା। ଓମ୍ ଶାନ୍ତି।”

ସୂଚନାଯୋଗ୍ୟ ଯେ, ଗୁରୁବାର ଭୋର ସମୟରେ ଗୋଆର ଡୋନା ପାଓଲା ସ୍ଥିତ ନିଜ ବାସଭବନରେ ଏହି ୭୫ ବର୍ଷୀୟ ଅଭିନେତା ଅଚେତ ଅବସ୍ଥାରେ ଉଦ୍ଧାର ହୋଇଥିଲେ। ତାଙ୍କୁ ତୁରନ୍ତ ମଣିପାଲ ହସ୍ପିଟାଲ ନିଆଯାଇଥିଲା। ସେଠାରେ ଦୀର୍ଘ ୪୫ ମିନିଟ୍ ଧରି ସିପିଆର (CPR) ଦିଆଯାଇଥିଲେ ସୁଦ୍ଧା ଭୋର ୫:୨୦ ମିନିଟ୍ ରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତାଙ୍କର ମୃତ୍ୟୁ ଖବର ପ୍ରକାଶ ପାଇବା ପରେ ସିନେମା ଜଗତରେ ଶୋକର ଛାୟା ଖେଳିଯାଇଛି।

The post ବର୍ଷୀୟାନ ଅଭିନେତା ନାନା ପାଟେକରଙ୍କ ୭୫ ବର୍ଷ ବୟସରେ ପରଲୋକ appeared first on Sanket Tv.

ଶ୍ରେଷ୍ଠ ଚଳଚ୍ଚିତ୍ର ବର୍ଗରେ ‘ପୁଷ୍କରା’ ଏବଂ ‘ମାଇଁ ସ୍ୱିଟ୍ ହାଉସୱାଇଫ୍’ ଯୁଗ୍ମ ଭାବରେ ବିଜୟୀ ହୋଇଛନ୍ତି। ନିଜର ଶକ୍ତିଶାଳୀ କାହାଣୀ ଏବଂ ସାଂସ୍କୃତିକ ଗଭୀରତା ପାଇଁ ‘ପୁଷ୍କରା’ ବିଶେଷ ପ୍ରଶଂସା ସାଉଁଟିଥିବା ବେଳେ ‘ମାଇଁ ସ୍ୱିଟ୍ ହାଉସୱାଇଫ୍’ ଏହାର ନିଆରା ବର୍ଣ୍ଣନା ଶୈଳୀ ଏବଂ ଦମଦାର ଅଭିନୟ ପାଇଁ ସମାନ ସ୍ତରର ସ୍ୱୀକୃତି ପାଇଛି। ଏହି ଦୁଇଟି ଚଳଚ୍ଚିତ୍ର ଓଡ଼ିଆ ନିର୍ମାତାମାନଙ୍କର ସୃଜନଶୀଳତା ଏବଂ ବିବିଧତାକୁ ପ୍ରତିଫଳିତ କରିବା ସହ ଅନ୍ୟ ସମସ୍ତ ଚଳଚ୍ଚିତ୍ର ମଧ୍ୟରେ ସ୍ୱତନ୍ତ୍ର ସ୍ଥାନ ବଜାୟ ରଖିପାରିଛି।

ଏହି ଘୋଷଣା ପରେ ଚଳଚ୍ଚିତ୍ର ପ୍ରେମୀ ଏବଂ ସିନେମା ଜଗତର ବ୍ୟକ୍ତିବିଶେଷଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଛି। ଜାତୀୟ ସ୍ତରରେ ଓଡ଼ିଆ ସିନେମାର ପ୍ରଚାର ପ୍ରସାର କରିବା ସହ କଳାତ୍ମକ ଉତ୍କର୍ଷତାକୁ ସମ୍ମାନିତ କରିବା ପାଇଁ ରାଜ୍ୟ ଚଳଚ୍ଚିତ୍ର ପୁରସ୍କାର ଏକ ପ୍ରମୁଖ ମଞ୍ଚ ଭାବେ କାର୍ଯ୍ୟ ଜାରି ରଖିବ। ‘ପୁଷ୍କରା’ ଏବଂ ‘ମାଇଁ ସ୍ୱିଟ୍ ହାଉସୱାଇଫ୍’ କୁ ମିଳିଥିବା ଏହି ସମ୍ମାନ ଆଗାମୀ ଦିନରେ ଅଧିକ ସଂଖ୍ୟକ ନିର୍ମାତାଙ୍କୁ ଅଭିନବ କାହାଣୀ ପ୍ରସ୍ତୁତ କରିବାକୁ ପ୍ରେରଣା ଯୋଗାଇବ ବୋଲି ବିଶ୍ୱାସ କରାଯାଉଛି।

The post ଓଡ଼ିଶା ରାଜ୍ୟ ଚଳଚ୍ଚିତ୍ର ପୁରସ୍କାର ଘୋଷଣା : ପୁଷ୍କରା ଓ ମାଇଁ ସ୍ୱିଟ୍ ହାଉସୱାଇଫ୍ ଶ୍ରେଷ୍ଠ ଚଳଚିତ୍ର appeared first on Sanket Tv.

ସ୍ୱର୍ଗତ ସ୍ୱାମୀଙ୍କ ପାଇଁ ପୁରସ୍କାର ଗ୍ରହଣ କରିବା ସମୟରେ ହେମା ମାଳିନୀ ଭାବପ୍ରବଣ ହୋଇଥିଲେ । ତାଙ୍କ ଝିଅ ଆହାନା ମଧ୍ୟ ତାଙ୍କ ସ୍ୱାମୀ ବୈଭବ ଭୋରାଙ୍କ ସହିତ ଉପସ୍ଥିତ ଥିଲେ । ପୁରସ୍କାର ପ୍ରଦାନ ଉତ୍ସବରେ ହେମା ମାଳିନୀ ଗୋଲାପୀ ଶାଢ଼ି ପିନ୍ଧି ଆସିଥିଲେ । ଯେତେବେଳେ ସେ ପଦ୍ମଭୂଷଣ ଗ୍ରହଣ କରିବା ଲାଗି ରାଷ୍ଟ୍ରପତିଙ୍କ ନିକଟକୁ ଗଲେ, ସେହି ସମୟରେ ସେ ଭାବପ୍ରବଣ ହୋଇଗଲେ । ଧର୍ମେନ୍ଦ୍ରଙ୍କୁ ହରାଇବାର ଦୁଃଖ ତାଙ୍କ ମୁହଁରେ ସ୍ପଷ୍ଟ ଭାବରେ ଦେଖାଯାଉଥିଲା । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କଠାରୁ ପୁରସ୍କାର ଗ୍ରହଣ କରିବା ସମୟରେ ହେମା ନିଜ ଲୁହକୁ ରୋକିଥିଲେ । ସେପଟେ ଏହି ମୁହୂର୍ତ୍ତକୁ ଦେଖି ଝିଅ ଆହାନା ମଧ୍ୟ ନିଜ ଲୁହକୁ ରୋକିପାରିଲେ ନାହିଁ । ତାଙ୍କ ସ୍ୱାମୀ ତାଙ୍କୁ ସାନ୍ତ୍ୱନା ଦେଉଥିବାର ଦେଖାଯାଇଥିଲା ।

ଧର୍ମେନ୍ଦ୍ର ହିନ୍ଦୀ ଚଳଚ୍ଚିତ୍ର ଶିଳ୍ପ ଇତିହାସର ସବୁଠାରୁ ବହୁମୁଖୀ ଏବଂ ସଫଳ ଅଭିନେତାଙ୍କ ମଧ୍ୟରୁ ଜଣେ । ସେ ବଲିଉଡର ହି-ମ୍ୟାନ୍ ଭାବରେ ଲୋକପ୍ରିୟ ଥିଲେ । ସେ ତାଙ୍କର ପ୍ରାୟ ୩୦୦ ଚଳଚ୍ଚିତ୍ର ମାଧ୍ୟମରେ ଭାରତୀୟ ସିନେମାରେ ଏକ ଅଲିଭା ଛାପ ଛାଡ଼ିଛନ୍ତି । ଧର୍ମେନ୍ଦ୍ରଙ୍କୁ ପୂର୍ବରୁ ୨୦୧୨ରେ ପଦ୍ମ ଭୂଷଣରେ ସମ୍ମାନିତ କରାଯାଇଥିଲା ।

କଳା କ୍ଷେତ୍ରରେ, କିମ୍ବଦନ୍ତୀ ମାଲାୟଲମ ଅଭିନେତା ମାମୁଟି, ପ୍ରଖ୍ୟାତ ଗାୟିକା ଅଳକା ୟାଗନିକ୍ ଏବଂ ବିଜ୍ଞାପନ ପ୍ରବୀଣ ପୀୟୁଷ ପାଣ୍ଡେ (ମରଣୋତ୍ତର)ଙ୍କୁ ପଦ୍ମ ଭୂଷଣରେ ସମ୍ମାନିତ କରାଯାଇଥିଲା । ପୀୟୁଷ ପାଣ୍ଡେଙ୍କ ପତ୍ନୀ ନୀତା ପୁରସ୍କାର ଗ୍ରହଣ କରିଥିଲେ ।

The post ଅଭିନେତା ଧର୍ମେନ୍ଦ୍ରଙ୍କୁ ମରଣୋତ୍ତର ପଦ୍ମ ବିଭୂଷଣ ପ୍ରଦାନ appeared first on Sanket Tv.

ଏପ୍ରିଲ ୨୧ରେ ହୃଦଘାତ ଯୋଗୁଁ ଦେହାନ୍ତ ହୋଇଥିବା ବେଳେ ଡାକ୍ତରଖାନାରେ ତାଙ୍କୁ ମୃତ ଘୋଷଣା କରାଯାଇଥିଲା। କାମର ଅଭାବ ଏବଂ ଆର୍ଥିକ ସଙ୍କଟ ଯୋଗୁଁ ସେ ଦୀର୍ଘ ଦିନ ଧରି ଚିନ୍ତାରେ ଥିବା ସୂଚନା ମିଳିଛି। ପରିବାର ପକ୍ଷରୁ ଏପ୍ରିଲ ୨୨ ସକାଳେ ତାଙ୍କର ଶେଷକୃତ୍ୟ ସମ୍ପନ୍ନ କରାଯାଇଛି, ତେବେ କୌଣସି ଶବ ବ୍ୟବଚ୍ଛେଦ କରାଯାଇ ନାହିଁ।

ରିପୋର୍ଟ ଅନୁଯାୟୀ, ଦିବ୍ୟଙ୍କା ଗତ କିଛି ଦିନ ହେବ ବଡ଼ ଧରଣର ଆର୍ଥିକ ସଙ୍କଟ ଦେଇ ଗତି କରୁଥିଲେ। ଅଭିନୟ କ୍ଷେତ୍ରରେ ପର୍ଯ୍ୟାପ୍ତ ସୁଯୋଗ ମିଳୁନଥିବାରୁ ସେ ମାନସିକ ସ୍ତରରେ ଭାଙ୍ଗି ପଡ଼ିଥିଲେ। ମୃତ୍ୟୁର ପ୍ରାୟ ଦୁଇ ସପ୍ତାହ ପୂର୍ବରୁ ସେ ଜଣେ ବନ୍ଧୁଙ୍କୁ ଆର୍ଥିକ ସହାୟତା ମଧ୍ୟ ମାଗିଥିବା ଜଣାପଡ଼ିଛି। ତାଙ୍କ ସହ କାମ କରିଥିବା କଳାକାର ବିନ୍ଦର ଦାନୋଦା କହିଛନ୍ତି ଯେ, ନୂଆ ପ୍ରୋଜେକ୍ଟ ନ ମିଳିବାରୁ ସେ ସବୁବେଳେ ବ୍ୟତିବ୍ୟସ୍ତ ରହୁଥିଲେ।

ଏପ୍ରିଲ ୨୧ରେ ଯେତେବେଳେ ଏହି ଘଟଣା ଘଟିଲା, ସେତେବେଳେ ଦିବ୍ୟଙ୍କା ନିଜ ଗାଜିଆବାଦ ସ୍ଥିତ ବାସଭବନରେ ଏକା ଥିଲେ। ହୃଦଘାତ ଯୋଗୁଁ ସେ ହଠାତ୍ ତଳେ ପଡ଼ିଯାଇଥିଲେ ଏବଂ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। ପରିବାର ଲୋକ ଘରକୁ ଫେରିବା ବେଳକୁ ସେ ଶେଷ ନିଶ୍ୱାସ ତ୍ୟାଗ କରିସାରିଥିଲେ। ତେବେ ତାଙ୍କ ଭାଇ ଦୀପାଂଶୁ କହିଛନ୍ତି ଯେ, କାମର ଚାପ କିମ୍ବା ଆର୍ଥିକ ସମସ୍ୟା ନେଇ ସେ କେବେ ପରିବାର ସହ ଆଲୋଚନା କରିନଥିଲେ।

ଦିବ୍ୟଙ୍କାଙ୍କ ମୃତ୍ୟୁ ପରେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ବିନା ଶବ ବ୍ୟବଚ୍ଛେଦରେ ପରିବାର ଲୋକ ଅତି ଶୀଘ୍ର ଶେଷକୃତ୍ୟ ସମ୍ପନ୍ନ କରିବାକୁ ନେଇ ଚର୍ଚ୍ଚା ଜୋର ଧରିଛି। ତେବେ ପରିବାର ପକ୍ଷରୁ କୌଣସି ସନ୍ଦେହଜନକ କାର୍ଯ୍ୟକଳାପକୁ ମନା କରାଯାଇଛି। କୌଣସି ପୋଲିସ ଅଭିଯୋଗ ନକରି ପରିବାର ଲୋକ ଏହି ମାମଲାକୁ ଶେଷ କରିବାକୁ ଚାହୁଁଥିବା ଜଣାପଡ଼ିଛି।

ମୂଳତଃ ବୁଲନ୍ଦସହରର ବାସିନ୍ଦା ଦିବ୍ୟଙ୍କା ହରିୟାଣବୀ ମ୍ୟୁଜିକ ଇଣ୍ଡଷ୍ଟ୍ରିର ଏକ ଜଣାଶୁଣା ଚେହେରା ଥିଲେ। ‘ଭିଲେନ୍ ଏଗେନ୍’ ଏବଂ ‘ବଦମାସାଁ କା ବ୍ୟାହ’ ଭଳି ଅନେକ ହିଟ୍ ଗୀତରେ ସେ ଅଭିନୟ କରିଥିଲେ। ଇନଷ୍ଟାଗ୍ରାମରେ ତାଙ୍କର ୧.୩ ମିଲିୟନରୁ ଅଧିକ ଫଲୋଅର୍ସ ରହିଥିଲେ। ମୃତ୍ୟୁର ମାତ୍ର କିଛି ମାସ ପୂର୍ବରୁ ସେ ‘ଅଙ୍ଗଦ’ ନାମକ ଏକ ସିନେମାର ସୁଟିଂ ଶେଷ କରିଥିଲେ, ଯାହା ଏବେ ମୁକ୍ତିଲାଭ ଅପେକ୍ଷାରେ ରହିଛି।

The post ୨୯ ବର୍ଷୀୟା ଅଭିନେତ୍ରୀ ଦିବ୍ୟଙ୍କା ସିରୋହୀଙ୍କର ହୃଦଘାତରେ ଦେହାନ୍ତ appeared first on Sanket Tv.

ଇନଷ୍ଟାଗ୍ରାମରେ ଏକ ପୋଷ୍ଟ ମାଧ୍ୟମରେ ଅରିଜିତ ଲେଖିଛନ୍ତି, “ନମସ୍କାର, ସମସ୍ତଙ୍କୁ ନୂତନ ବର୍ଷର ଶୁଭେଚ୍ଛା। ବର୍ଷ ବର୍ଷ ଧରି ଆପଣମାନଙ୍କର ପ୍ରେମ ଓ ସମର୍ଥନ ପାଇଁ ଧନ୍ୟବାଦ। ମୁଁ ଘୋଷଣା କରି ଖୁସି ହେଉଛି ଯେ ମୁଁ ଆଉ ପ୍ଲେବ୍ୟାକ୍ ସିଙ୍ଗର ଭାବରେ କୌଣସି ନୂତନ କାମ ଗ୍ରହଣ କରିବି ନାହିଁ। ମୁଁ ଏହି ଯାତ୍ରା ଶେଷ କରୁଛି, ଏହା ଏକ ସୁନ୍ଦର ଯାତ୍ରା ଥିଲା।” ତେବେ ସେ ସ୍ପଷ୍ଟ କରିଛନ୍ତି ଯେ ପୂର୍ବ ଚୁକ୍ତି ଅନୁସାରେ ଯେଉଁ କାମଗୁଡିକ ବାକି ଅଛି, ସେ ସେଗୁଡିକୁ ସମ୍ପୂର୍ଣ୍ଣ କରିବେ।

ଭାରତୀୟ ସଙ୍ଗୀତ ଜଗତର ଏହି ଅଗ୍ରଣୀ କଳାକାର ଆଜି ପର୍ଯ୍ୟନ୍ତ ୩୦୦ରୁ ଅଧିକ ଚଳଚ୍ଚିତ୍ରରେ କଣ୍ଠଦାନ କରିସାରିଛନ୍ତି। “ତୁମ୍ ହି ହୋ” ଭଳି ଗୀତରେ ତାଙ୍କର ସ୍ୱର ଏକ ପ୍ରତିଭାଶାଳୀ ପରିଚୟ ଦେଇଥିଲା। ହିନ୍ଦୀ, ବଙ୍ଗଳା, ତାମିଲ, ତେଲୁଗୁ ସମେତ କୋଡ଼ିଏରୁ ଅଧିକ ଭାଷାରେ ଗୀତ ଗାଇ ଅରିଜିତ ସିଂ ଏକ ବିଶିଷ୍ଟ ଆନ୍ତର୍ଜାତିକ ପରିଚୟ ଗଠନ କରିଛନ୍ତି।

ଜାତୀୟ ଚଳଚ୍ଚିତ୍ର ପୁରସ୍କାର ଏବଂ ଫିଲ୍ମଫେୟାର ପୁରସ୍କାର ସମେତ ଅନେକ ସମ୍ମାନରେ ସମ୍ମାନିତ ଏହି କଳାକାର Spotify ଓ ୟୁଟ୍ୟୁବ୍ରେ ସର୍ବାଧିକ ଶ୍ରବଣ କରାଯାଉଥିବା ଭାରତୀୟ କଳାକାରଙ୍କ ମଧ୍ୟରେ ଅନ୍ୟତମ। ତାଙ୍କର ଏହି ଅପ୍ରତିଦ୍ୱନ୍ଦ୍ୱୀ କ୍ୟାରିଅର ମଧ୍ୟରୁ ପ୍ରଚ୍ଛଦପଟ୍ଟ ଗାୟନରୁ ବିଦାୟର ଘୋଷଣା ନିଃସନ୍ଦେହରେ ଏକ ଯୁଗାନ୍ତକାରୀ ମୋଡ଼ ବୋଲି ମନେ ହେଉଛି। ତାଙ୍କ ଭବିଷ୍ୟତ ଯୋଜନା କ’ଣ, ସେଥିପାଇଁ ସମଗ୍ର ଦେଶ ଆଗ୍ରହୀ ହୋଇ ରହିଛି।

The post ସନ୍ୟାସ ନେଲେ ଲୋକପ୍ରିୟ ପ୍ରଚ୍ଛଦପଟ୍ଟ ଗାୟକ ଅରିଜିତ ସିଂ appeared first on Sanket Tv.

ଧର୍ମେନ୍ଦ୍ରଙ୍କ ଶେଷକୃତ୍ୟ ମୁମ୍ବାଇର ଭିଲେ ପାର୍ଲେ ଶ୍ମଶାନରେ କରାଯାଇଥିଲା। ତାଙ୍କ ବଡ଼ ପୁଅ ସନି ଦେଓଲ ଅନ୍ତିମ ସଂସ୍କାର କରିଥିଲେ। ତାଙ୍କ ସମଗ୍ର ପରିବାର, ଯାହାର ମଧ୍ୟରେ ତାଙ୍କ ଦ୍ୱିତୀୟ ପତ୍ନୀ ହେମା ମାଳିନୀ ମଧ୍ୟ ଉପସ୍ଥିତ ଥିଲେ, ଏହି ସମୟରେ ତାଙ୍କ ସହିତ ଥିଲେ। ଶ୍ରଦ୍ଧାଞ୍ଜଳି ଦେବା ପାଇଁ ଅମିର ଖାନ, ଅମିତାଭ ବଚ୍ଚନ, ଅଭିଷେକ ବଚ୍ଚନ ଆଦି ବହୁ ସେଲିବ୍ରିଟି ଶ୍ମଶାନଘାଟରେ ଉପସ୍ଥିତ ଥିଲେ।

ଧର୍ମେନ୍ଦ୍ର ହିନ୍ଦୀ ସିନେମାର ସବୁଠାରୁ ସମ୍ମାନିତ ଏବଂ ଲୋକପ୍ରିୟ ତାରକାମାନଙ୍କ ମଧ୍ୟରୁ ଜଣେ ଥିଲେ। ତାଙ୍କର ପୂରା ନାମ ଥିଲା ଧର୍ମେନ୍ଦ୍ର କେୱଲ କୃଷ୍ଣ ଦେଓଲ ଏବଂ ତାଙ୍କର ଜନ୍ମ ୮ ଡିସେମ୍ବର ୧୯୩୫ରେ ପଞ୍ଜାବର ନସରାନି ଗାଁରେ ହୋଇଥିଲା। ସାତ ଦଶନ୍ଧିରୁ ଅଧିକ ସମୟ ଧରି ଥିବା ତାଙ୍କ କ୍ୟାରିୟରରେ ସେ ୩୦୦ରୁ ଅଧିକ ଫିଲ୍ମରେ ଅଭିନୟ କରିଥିଲେ। ୧୯୬୦ ମସିହାରେ ‘ଦିଲ ଭି ତେରା ହମ ଭି ତେରେ’ ଫିଲ୍ମ ସହିତ ତାଙ୍କ ଅଭିନୟ ଜୀବନ ଆରମ୍ଭ ହୋଇଥିଲା। ‘ଶୋଲେ’, ‘ଚୁପକେ ଚୁପକେ’, ‘ସୀତା ଔର ଗୀତା’, ‘ଧରମ ବୀର’, ‘ଶୋଲା ଅର ଶବନମ’, ‘ପୂଜା କେ ଫୁଲ’ ଆଦି ତାଙ୍କର କିଛି ଉଲ୍ଲେଖନୀୟ ଚଳଚ୍ଚିତ୍ର। ବଲିଉଡର ‘ହି-ମ୍ୟାନ’ ଭାବରେ ସେ ଜଣାଶୁଣା ଥିଲେ।

ତାଙ୍କର ଉଲ୍ଲେଖନୀୟ ଅଭିନୟ ପାଇଁ ଧର୍ମେନ୍ଦ୍ରଙ୍କୁ ଅନେକ ପୁରସ୍କାରରେ ସମ୍ମାନିତ କରାଯାଇଥିଲା। ଭାରତ ସରକାର ୨୦୧୨ ମସିହାରେ ତାଙ୍କୁ ତୃତୀୟ ସର୍ବୋଚ୍ଚ ନାଗରିକ ସମ୍ମାନ ପଦ୍ମ ଭୂଷଣରେ ସମ୍ମାନିତ କରିଥିଲେ। ଏଥିସହ ସେ ଅନେକ ଫିଲ୍ମଫେୟାର ପୁରସ୍କାର ମଧ୍ୟ ଜିତିଥିଲେ। ତାଙ୍କର ସଂଳାପଗୁଡ଼ିକ, ବିଶେଷକରି ‘ଶୋଲେ’ ଚଳଚ୍ଚିତ୍ରରେ ଥିବା “ବାସନ୍ତୀ ଇନ କୁତେ କେ ଆଗେ ମତ ନାଚ୍‌ନା”, ଏବେ ବି ପ୍ରଚଳିତ। ତାଙ୍କ ପରଲୋକ ଭାରତୀୟ ସିନେମା ଜଗତରେ ଏକ ଅପୂରଣୀୟ ଶୂନ୍ୟତା ସୃଷ୍ଟି କରିଛି।

The post ବଲିଉଡ୍ ଅଭିନେତା ଧର୍ମେନ୍ଦ୍ରଙ୍କ ପରଲୋକ appeared first on Sanket Tv.

ନିର୍ଦ୍ଦେଶକଙ୍କ ବିରୋଧରେ ଏକ ଯୁବତୀଙ୍କ ଉପରେ ବଳପୂର୍ବକ ଯୌନ ଅତ୍ୟାଚାର, ନିଶା ଦ୍ରବ୍ୟ ପ୍ରୟୋଗ ଏବଂ ବ୍ଲାକମେଲିଂର ଗୁରୁତର ଅଭିଯୋଗ ରହିଛି। ଅଭିଯୋଗ ଅନୁଯାୟୀ, ୨୦୨୦ରେ ସୋସିଆଲ ମିଡିଆ ମାଧ୍ୟମରେ ନିର୍ଦ୍ଦେଶକ ସନୋଜ ଝାଁସୀର ପୀଡ଼ିତାଙ୍କ ସହିତ ଯୋଗାଯୋଗ କରିଥିଲେ। କିଛି ଦିନ କଥାବାର୍ତ୍ତା ପରେ, ୨୦୨୧ ଜୁନ୍ ୧୭ରେ ସେ ଝାଁସୀ ରେଳଷ୍ଟେସନ୍ ଆସି ପହଞ୍ଚିଥିଲେ ଏବଂ ଆତ୍ମହତ୍ୟାର ଧମକ ଦେଇ ଯୁବତୀଙ୍କୁ ଭେଟିବାକୁ ବାଧ୍ୟ କରିଥିଲେ। ପରଦିନ ପୁଣି ତାଙ୍କୁ ଏକ ରିସୋର୍ଟକୁ ନିଅଯାଇ ନିଶା ଦେଇ ଯୌନ ଅତ୍ୟାଚାର କରାଯାଇଥିବା ବୋଲି ଏଫଆଇଆର୍ରେ ଉଲ୍ଲେଖ ଅଛି।

ଏଥିସହ, ଅଭିଯୁକ୍ତ ତାଙ୍କ ଅଶ୍ଳୀଳ ଫଟୋ ଓ ଭିଡିଓ ଧରି ରଖି ବ୍ଲାକମେଲ୍ କରିବା ସହ ବହୁଥର ଶାରୀରିକ ଶୋଷଣ କରିଥିବା ଅଭିଯୋଗ ରହିଛି। ପୀଡ଼ିତା ତିନିଥର ଗର୍ଭବତୀ ହୋଇଥିଲେ ମଧ୍ୟ ଗର୍ଭପାତ କରାଇବାକୁ ବାଧ୍ୟ ହୋଇଥିଲେ। ୨୦୨୫ ଫେବୃଆରୀରେ ସନୋଜ ତାଙ୍କୁ ଛାଡିଦେଇ ଅଶ୍ଳୀଳ ଭିଡିଓ ସୋସିଆଲ ମିଡିଆରେ ଫିଟାଇବା ଧମକ ଦେଇଥିଲେ।

ଉଲ୍ଲେଖ୍ୟ, ସନୋଜ ମିଶ୍ର ମଧ୍ୟପ୍ରଦେଶର ମହେଶ୍ୱର ନିବାସୀ ଏବଂ ପ୍ରୟାଗରାଜ କୁମ୍ଭମେଳାରେ ରୁଦ୍ରାକ୍ଷ ବିକ୍ରି କରୁଥିବା ଭାଇରାଲ୍ ଗର୍ଲ୍ ମୋନାଲିସାଙ୍କୁ ଚଳଚ୍ଚିତ୍ର ଅଫର୍ କରି ଚର୍ଚ୍ଚାରେ ଥିଲେ। ମୋନାଲିସାଙ୍କ ଫଟୋ ଭାଇରାଲ୍ ହେବା ପରେ ସେ ସୋସିଆଲ ମିଡିଆରେ ଲୋକପ୍ରିୟ ହୋଇଥିଲେ।

The post ମୋନାଲିସାଙ୍କୁ ଚଳଚ୍ଚିତ୍ର ଅଫର୍ କରିଥିବା ନିର୍ଦ୍ଦେଶକ ଗିରଫ appeared first on Sanket Tv.

ସେପଟେ ଏହି ଫିଲ୍ମ ପାଇରେସି ସାଇଟ ମାନଙ୍କରେ ଅନଲାଇନ ଲିକ୍ ହୋଇଯାଇଛି। ରିପୋର୍ଟ ଅନୁସାରେ ଏହି ଫିଲ୍ମ ଏବେ ଇବୋମ୍ମା, ମୁଭିରୁଲସ୍, ତାମିଲ ରକର୍ସ, ଫିଲ୍ମ ଜିଲ୍ଲା, ତାମିଲୟୋଗୀ, ତାମିଲ ବ୍ଲାଷ୍ଟର୍ସ, ବଲିଫୋରୟୁ ଭଳି ପାଇରସୀ ପ୍ଲାଟଫର୍ମରେ ମାଗଣା ଡାଉନଲୋଡ ନିମନ୍ତେ ମିଳୁଛି। ଏହାକୁ ୧୦୮୦ପି, ୭୨୦ପି, ୪୮୦ପି, ୩୬୦ପି, ୨୪୦ପି ଏଚଡିରେ ଲୋକେ ଡାଉନଲୋଡ କରି ବେଶ୍ ମଉଜରେ ଦେଖୁଛନ୍ତି। ଏହି ଫିଲ୍ମକୁ ଲୋକେ ‘ପୁଷ୍ପା ଦ ରୁଲ’ ମୁଭି ଡାଉନଲୋଡ, ‘ପୁଷ୍ପା ଦ ରୁଲ’ ମୁଭି ଏଚଡି ଡାଉନଲୋଡ, ପୁଷ୍ପା ଦ ରୁଲ ତାମିଲ ରକର୍ସ ଏଚଡି ଡାଉନଲୋଡ ସର୍ଚ୍ଚ ସହିତ ନିଶୁଳ୍କ ଡାଉନଲୋଡ କରି ହେଉଛି।

The post ମୁକ୍ତିଲାଭ କଲା ପୁଷ୍କା-୨, ରିଲିଜ୍ ହେବାମାତ୍ରେ ଅନଲାଇନରେ ହେଲା ଲିକ୍ appeared first on Sanket Tv.