୨୦୦୨ ମସିହା ଆଧୁନିକ ଓଡ଼ିଶା ପାଇଁ ସବୁଠାରୁ ଭୟାନକ ମରୁଡ଼ି ବର୍ଷ ଥିଲା। ଜୁଲାଇ ଏବଂ ଅଗଷ୍ଟ ଭଳି ମୁଖ୍ୟ ବର୍ଷା ମାସରେ ସପ୍ତାହ ସପ୍ତାହ ଧରି ଆଦୌ ବର୍ଷା ହୋଇନଥିଲା। ନଦୀ-ନାଳ, ଡ୍ୟାମ୍ ଶୁଖିଗଲା। ଧାନ ରୁଆ ଏବଂ ବେଉଷଣ ସମୟରେ ବର୍ଷା ନହେବାରୁ ଚାଷୀ ବଡ଼ କ୍ଷତି ସହିଥିଲେ।

୨୦୦୯ରେ ଶକ୍ତିଶାଳୀ ଏଲ୍-ନିନୋ ବର୍ଷରେ ଓଡ଼ିଶାରେ ଜଳାଶୟଗୁଡ଼ିକର ଜଳସ୍ତର ବହୁତ କମିଯାଇଥିଲା। ପଶ୍ଚିମ ଓଡ଼ିଶାରେ ପିଇବା ପାଣି ପାଇଁ ହାହାକାର ସ୍ଥିତି ଦେଖା ଦେଇଥିଲା। ପ୍ରବଳ ତାତି, ମରୁଡ଼ି ଦେଖା ଦେଇଥିଲା।

ତେଣୁ ୨୦୨୬ରେ ଶକ୍ତିଶାଳୀ ଏଲ୍-ନିନୋ ଦେଖାଦେବ ବୋଲି ଚର୍ଚ୍ଚା ହେଉଥିବା ବେଳେ ଏନେଇ ପ୍ରତିକ୍ରିୟା ରଖିଛନ୍ତି ଭାରତୀୟ ପାଣିପାଗ ବିଭାଗ (ଆଇଏମ୍ଡି)ର ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର।

ଏଲ୍-ନିନୋକୁ ନେଇ ବଡ଼ ଅପଡେଟ୍ ଆସିଛି। ଏଲ୍-ନିନୋ ବିକଶିତ ହୋଇନି, ନ୍ୟୁଟ୍ରାଲ ସ୍ଥିତିରେ ରହିଛି ବୋଲି କହିଛନ୍ତି ଆଇଏମ୍ଡି ମହାନିର୍ଦ୍ଦେଶକ ଶ୍ରୀ ମହାପାତ୍ର। ଜୁନରୁ ସେପ୍ଟେମ୍ବର ମଧ୍ୟରେ ଏଲ୍-ନିନୋ ହେବାର ସମ୍ଭାବନା ରହିଛି। ମୌସୁମୀ ବାୟୁକୁ ପ୍ରଭାବିତ କରେ ଏଲ୍-ନିନୋ। ପ୍ଲସ୍ ମାଇନସ୍ ୯୦ ପ୍ରତିଶତ କମ୍ ବର୍ଷା ହେବ ବୋଲି ସେ ସ୍ପଷ୍ଟ କରିଛନ୍ତି।

ତେବେ ଏଲ୍-ନିନୋ ବର୍ଷରେ ବଙ୍ଗୋପସାଗରରେ ବାତ୍ୟା ସଂଖ୍ୟା ସାଧାରଣ ଅପେକ୍ଷା କିଛି ମାତ୍ରାରେ କମିପାରେ। କିନ୍ତୁ ବାତ୍ୟାର ଭୟ ସମ୍ପୂର୍ଣ୍ଣ ଦୂର ହୁଏନାହିଁ। ବଙ୍ଗୋପସାଗର ପାଣି ସବୁବେଳେ ଗରମ ରହୁଥିବାରୁ, ଯଦି କୌଣସି ସମୟରେ ଆକାଶର ପବନ ଅନୁକୂଳ ହୋଇଯାଏ, ତେବେ ହଠାତ୍ ସାଧାରଣ ଲଘୁଚାପ ମଧ୍ୟ ଭୟଙ୍କର ବାତ୍ୟାର ରୂପ ନେଇ ଓଡ଼ିଶା ଉପକୂଳ ମୁହାଁଇପାରେ।

ଏଲ୍-ନିନୋ ଶୀତ ଦିନକୁ ମଧ୍ୟ ପ୍ରଭାବିତ କରେ। ଓଡ଼ିଶାର ଆଭ୍ୟନ୍ତରୀଣ ଜିଲ୍ଲାଗୁଡ଼ିକରେ ଶୀତ କମିପାରେ। କିନ୍ତୁ କୁହୁଡ଼ି ବଢ଼ିପାରେ। ଏଲ୍-ନିନୋ ପ୍ରଭାବ ୨୦୨୭ର ପ୍ରଥମ ୬ ମାସ ପର୍ଯ୍ୟନ୍ତ ରହିପାରେ। ତେଣୁ ଆଗାମୀ ବର୍ଷର ଜଳ ପରିଚାଳନା ଆହୁରି ଚିନ୍ତାଜନକ ହୋଇପାରେ।

The post ଜୁନରେ ହେବ ଓଡ଼ିଶା ଉପରେ ଶକ୍ତିଶାଳୀ ଏଲ୍-ନିନୋ ମାଡ଼  appeared first on Sanket Tv.

ଦ୍ୱିବର୍ଷୀୟ ବିଏଡ୍ ପାଠ୍ୟକ୍ରମ ପାଇଁ ଆସନ୍ତା ୩୧ ତାରିଖରେ ପ୍ରବେଶିକା ପରୀକ୍ଷା ଅନୁଷ୍ଠିତ ହେବ। ଏହି ପରୀକ୍ଷା ସକାଳ ୧୦ଟାରୁ ୧୨ଟା ପର୍ଯ୍ୟନ୍ତ ହେବ।

ସେହିପରି ଜୁନ୍ ୩ ତାରିଖରେ ଦୁଇଟି ପରୀକ୍ଷା ହେବ। ସକାଳ ୧୦ଟାରୁ ୧୨ଟା ପର୍ଯ୍ୟନ୍ତ ବିଏଚ୍ଏଡ୍ (ହିନ୍ଦୀ) ଏବଂ ଅପରାହ୍ଣ ୩ଟାରୁ ୫ଟା ପର୍ଯ୍ୟନ୍ତ ଏମ୍ଏଡ୍ ପାଠ୍ୟକ୍ରମ ପାଇଁ ପ୍ରବେଶିକା ପରୀକ୍ଷା ହେବ।

ଆସନ୍ତା ୨୭ ତାରିଖ ସକାଳ ୧୧ଟାରୁ ଏହି ସମସ୍ତ ପରୀକ୍ଷାର ପ୍ରବେଶ ପତ୍ର (ଆଡ୍ମିଟ୍ କାର୍ଡ) ଉପଲବ୍ଧ ହେବ। ଛାତ୍ରଛାତ୍ରୀମାନେ ଏସ୍ଏସ୍ବିର ୱେବ୍ସାଇଟକୁ ଯାଇ ନିଜର ପ୍ରବେଶପତ୍ର ଡାଉନଲୋଡ୍ କରିପାରିବେ।

ଜୁନ୍ ୪ ତାରିଖରେ ଏସ୍ଏସ୍ବି ୱେବ୍ସାଇଟରେ ପରୀକ୍ଷାର ପ୍ରୋଭିଜିନାଲ ‘ଆନ୍ସର କି’ ପ୍ରକାଶ ପାଇବ। ଯଦି ପରୀକ୍ଷାର୍ଥୀଙ୍କର ଏହି ଉତ୍ତର କୁଞ୍ଜିକୁ ନେଇ କୌଣସି ଆଶଙ୍କା ଥାଏ, ତେବେ ସେମାନେ ଜୁନ୍ ୫ରୁ ୭ ତାରିଖ ମଧ୍ୟରେ ଆବେଦନ କରିପାରିବେ।

ପ୍ରବେଶିକା ପରୀକ୍ଷାର ମାର୍କ ଆଧାରରେ ହିଁ ମେଧା ତାଲିକା ପ୍ରକାଶ ପାଇବ।

The post ବିଏଡ୍ ପାଠ୍ୟକ୍ରମ ପାଇଁ ୩୧ ତାରିଖରେ ପ୍ରବେଶିକା ପରୀକ୍ଷା appeared first on Sanket Tv.

ଆହତ ଯୁବକଙ୍କୁ ପ୍ରଥମେ ରେଳବାଇ ମେଡିକାଲ ଓ ପରେ କଟକ ସ୍ଥାନାନ୍ତର କରାଯାଇଛି। ତାଙ୍କର ଅବସ୍ଥା ଗୁରୁତର। ରାମେଶ୍ୱରଙ୍କ ସହ ସମେତ ୧୨ ଜଣ ସାଙ୍ଗ ହୋଇ ସକାଳ ୫ଟା ୨୦ରେ ପୁରୀ ସୁପରଫାସ୍ଟ ଏକ୍ସପ୍ରେସ୍ରେ ଆସି ମଞ୍ଚେଶ୍ୱର ରେଳ ଷ୍ଟେସନ୍ର ୪ ନମ୍ବର ପ୍ଲାଟଫର୍ମରେ ଓହ୍ଲାଇଥିଲେ। ପରେ ସେମାନେ ୩ ନମ୍ବର ପ୍ଲାଟଫର୍ମରେ ଠିଆ ହୋଇଥିବା ଏକ କୋଇଲା ବୋଝେଇ ଟ୍ରେନ୍ ଉପରେ ସେଲ୍ଫି ନେବା ପାଇଁ ଚଢ଼ିଯାଇଥିଲେ।

ଟ୍ରେନ୍ ଉପରେ ଥିବା ହାଇ ଭୋଲ୍ଟେଜ୍ ଇଲେକ୍ଟ୍ରିକ୍ ତାରରୁ କରେଣ୍ଟ ମାରିବାରୁ ସେ କୋଇଲା ଉପରେ ପଡ଼ିଗଲେ। ସେଠାରେ ଥିବା ତାଙ୍କ ସାଙ୍ଗମାନେ ଆମ୍ବୁଲାନ୍ସରେ ପ୍ରଥମେ ନିକଟସ୍ଥ ରେଳବାଇ ମେଡିକାଲ ଓ ପରେ କ୍ୟାପିଟାଲ ହସ୍ପିଟାଲ ନେଇଥିଲେ। ଅବସ୍ଥା ଗୁରୁତର ହେବାରୁ ରାମେଶ୍ୱରଙ୍କୁ ଏମ୍ସ (AIIMS) ଭୁବନେଶ୍ୱର ରେଫର୍ କରାଯାଇଛି।

The post ଟ୍ରେନ୍ ଉପରେ ସେଲ୍ଫି ନେବାକୁ ଯାଇ ଜଳିଗଲେ ଯୁବକ appeared first on Sanket Tv.

ସ୍ଥାନୀୟ ସମୟ ସନ୍ଧ୍ୟା ପ୍ରାୟ ୬ଟା ବେଳେ ହ୍ୱାଇଟ୍ ହାଉସ୍ ବାହାରେ ଥିବା ୧୭ତମ ଷ୍ଟ୍ରିଟ୍ ଏବଂ ପେନସିଲଭାନିଆ ଆଭେନ୍ୟୁ NW ନିକଟରେ ଏହି ଗୁଳିକାଣ୍ଡ ଘଟିଥିଲା। ଜଣେ ପୁରୁଷ ସନ୍ଦିଗ୍ଧ ସିକ୍ରେଟ୍ ସର୍ଭିସ୍ ର ପୋଷ୍ଟଗୁଡିକୁ ଲକ୍ଷ୍ୟ କରି ପ୍ରାୟ ୩ ରାଉଣ୍ଡ ଗୁଳି ଚଳାଇଥିଲା। କିନ୍ତୁ ସେ ବାହ୍ୟ ସୁରକ୍ଷା ପ୍ରାଚୀର ଭାଙ୍ଗିବାରେ ବିଫଳ ହୋଇଥିଲା। ସୁରକ୍ଷାକର୍ମୀମାନେ ତୁରନ୍ତ ପାଲଟା ଗୁଳି ଚଳାଇବାରୁ ଘଟଣାସ୍ଥଳରେ ହିଁ ବନ୍ଧୁକଧାରୀର ମୃତ୍ୟୁ ହୋଇଥିଲା।

ଏହି ଗୁଳି ବିନିମୟରେ ଜଣେ ସାଧାରଣ ନାଗରିକ ଆହତ ହୋଇଛନ୍ତି। କୌଣସି ସିକ୍ରେଟ୍ ସର୍ଭିସ୍ ଏଜେଣ୍ଟ ଆହତ ହୋଇନାହାନ୍ତି। ସୁରକ୍ଷା ଦୃଷ୍ଟିରୁ ହ୍ୱାଇଟ୍ ହାଉସକୁ କିଛି ସମୟ ପାଇଁ ଲକ୍ ଡାଉନ୍ କରାଯାଇଥିଲା, ଯାହା ପରବର୍ତ୍ତୀ ସମୟରେ ସ୍ଥିତି ନିୟନ୍ତ୍ରଣକୁ ଆସିବା ପରେ ହଟାଇ ଦିଆଯାଇଥିଲା।

ଆମେରିକା ସିକ୍ରେଟ୍ ସର୍ଭିସ୍ ର ପ୍ରବକ୍ତା ସ୍ପଷ୍ଟ କରିଛନ୍ତି ଯେ, “ଘଟଣା ସମୟରେ ରାଷ୍ଟ୍ରପତି ଟ୍ରମ୍ପ ହ୍ୱାଇଟ୍ ହାଉସ୍ ରେ ଥିଲେ ମଧ୍ୟ ତାଙ୍କ ଉପରେ ଏହାର କୌଣସି ପ୍ରଭାବ ପଡ଼ିନାହିଁ। ଘଟଣା ପରେ ମଧ୍ୟ ରାଷ୍ଟ୍ରପତି ତାଙ୍କର ନିର୍ଦ୍ଧାରିତ କାର୍ଯ୍ୟସୂଚୀ ଜାରି ରଖିଥିଲେ। ଏଜେଣ୍ଟ ଏବଂ ଅଧିକାରୀମାନେ ଏଭଳି ସ୍ଥିତିର ମୁକାବିଲା ପାଇଁ ସଦାସର୍ବଦା ପ୍ରସ୍ତୁତ ଥାଆନ୍ତି। ସେମାନଙ୍କର ତ୍ୱରିତ କାର୍ଯ୍ୟାନୁଷ୍ଠାନ ଯୋଗୁଁ କୌଣସି ବଡ଼ ଅଘଟଣ ଘଟିନାହିଁ ଏବଂ ରାଷ୍ଟ୍ରପତିଙ୍କ ସହ ସମ୍ପୂର୍ଣ୍ଣ ସୀମା ସୁରକ୍ଷିତ ରହିଛି।”

FBI ସମେତ ସମସ୍ତ ଆଇନ ଶୃଙ୍ଖଳା ରକ୍ଷାକାରୀ ସଂସ୍ଥା ବର୍ତ୍ତମାନ ଏହି ଘଟଣାର ତଦନ୍ତ କରୁଛନ୍ତି। ବନ୍ଧୁକଧାରୀର ପରିଚୟ ଏବଂ ଏହି ଆକ୍ରମଣ ପଛର ପ୍ରକୃତ ଉଦ୍ଦେଶ୍ୟ କ’ଣ ଥିଲା, ସରକାରୀ ଭାବେ କୌଣସି ସୂଚନା ପ୍ରକାଶ କରାଯାଇନାହିଁ। ଟ୍ରମ୍ପ ପ୍ରଶାସନ ପାଇଁ ଏହା ଏକ ବଡ଼ ସୁରକ୍ଷା ଆହ୍ୱାନ ଭାବେ ଦେଖାଦେଇଛି, କାରଣ ଗତ ଏପ୍ରିଲ ମାସରେ ‘ହ୍ୱାଇଟ୍ ହାଉସ୍ କରସପଣ୍ଡେଣ୍ଟସ୍ ଡିନର୍’ ସମୟରେ ମଧ୍ୟ ଗୁଳିକାଣ୍ଡର ଘଟଣା ସାମ୍ନାକୁ ଆସିଥିଲା।

The post ହ୍ୱାଇଟ୍ ହାଉସ୍ ନିକଟରେ ଗୁଳିକାଣ୍ଡ: ଜଣେ ସନ୍ଦିଗ୍ଧ ନିହତ appeared first on Sanket Tv.

ଡେମୋକ୍ରେଟିକ ରିପବ୍ଲିକ ଅଫ କଙ୍ଗୋ ଏବଂ ୟୁଗାଣ୍ଡାରେ ଇବୋଲା ମାମଲା ଦ୍ରୁତଗତିରେ ବ୍ୟାପୁଛି। ଏହାର ଗମ୍ଭୀରତାକୁ ଦୃଷ୍ଟିରେ ରଖି WHO ଅର୍ନ୍ତରାଷ୍ଟ୍ରୀୟ ସ୍ବାସ୍ଥ୍ୟ ନିୟମ ଅଧୀନରେ ଇବୋଲାକୁ ଗ୍ଲୋବାଲ ହେଲଥ ଏମରଜେନ୍ସୀ ଘୋଷଣା କରିଛି। ଏହାକୁ ନେଇ କେନ୍ଦ୍ରୀୟ ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଭାରତୀୟ ନାଗରିକଙ୍କ ପାଇଁ ଜରୁରୀ ଟ୍ରାଭେଲ ଆଡଭାଇଜରୀ ଜାରି କରିଛି। ଏହାସହିତ ଆଫ୍ରିକାର ସେଣ୍ଟର୍ସ ଫର ଡିଜିଜ କଣ୍ଡ୍ରୋଲ ଆଣ୍ଡ ପ୍ରିଭେନ୍ସନ (CDC) ମଧ୍ୟ ଇବୋଲା ପାଇଁ ଚେତାବନୀ ଜାରି କରିଛି।

ଆଫ୍ରିକାରେ ଇବୋଲାର ସଂକ୍ରମଣ ଦେଖି ଭାରତର ସ୍ବାସ୍ଥ୍ୟ ମନ୍ତ୍ରଣାଳୟ ଦେଶବାସୀଙ୍କୁ ସତର୍କ ରହିବାକୁ ପରାମର୍ଶ ଦେଇଛି। ସରକାର ଆଡଭାଇଜରୀ ଜାରି କରି ସମସ୍ତ ନାଗରିକଙ୍କୁ କଙ୍ଗୋ, ୟୁଗାଣ୍ଡା, ଦକ୍ଷିଣ ସୁଡାନ ଭଳି ଦେଶକୁ ଯାତ୍ରା କରିବାକୁ ମନା କରିଛନ୍ତି। ଯେପର୍ଯ୍ୟନ୍ତ ପରିସ୍ଥିତି ସାମାନ୍ୟ ନହୁଏ, ସେପର୍ଯ୍ୟନ୍ତ ଏହି ସବୁ ଦେଶକୁ ଯାତ୍ରା ନ କରିବାକୁ ସରକାରଙ୍କ ତରଫରୁ ବାରଣ କରାଯାଇଛି। ଯଦି କୌଣସି ବ୍ୟକ୍ତିଙ୍କର ଅତି ଜରୁରୀ କାର୍ଯ୍ୟ ଥାଏ, ତେବେ ସେ ସମସ୍ତ ଜରୁରୀ ସ୍ବାସ୍ଥ୍ୟ ଗାଇଡଲାଇନ୍ ନିଶ୍ଚିତ ଭାବେ ପାଳନ କରନ୍ତୁ।

The post ଇବୋଲା ଭାଇରସକୁ ଦେଖି ଭାରତ ସରକାରଙ୍କ ଆଲର୍ଟ ଜାରି appeared first on Sanket Tv.

କଂଗ୍ରେସ ଭବନରେ ଆୟୋଜିତ ସାମ୍ବାଦିକ ସମ୍ମିଳନୀରେ ପୂର୍ବତନ ମନ୍ତ୍ରୀ ପଞ୍ଚାନନ କାନୁନଗୋ କହିଛନ୍ତି ଯେ, ରାଜ୍ୟରେ ତାତି ବଢୁଥିବା ବେଳେ ବିଦ୍ୟୁତ କାଟ ସମସ୍ୟା ମଧ୍ୟ ବଢ଼ିଚାଲିଛି। ଦୁଃଖର କଥା, କମ୍ପାନୀ ବିଦ୍ୟୁତ ଚୋରି କରୁଥିବା ବେଳେ ସରକାର ନିରବଦ୍ରଷ୍ଟା ସାଜିଛନ୍ତି।

ମନ୍ତ୍ରୀ କହିଥିଲେ ଯେ, ବିଦ୍ୟୁତ କାଟ ହେଲେ ଦଣ୍ଡ ଦିଆଯିବ। ତେବେ କେତେ ଅଧିକାରୀଙ୍କ ଉପରେ ସରକାର କାର୍ଯ୍ୟାନୁଷ୍ଠାନ ନେଇଛନ୍ତି, ତାହାର ହିସାବ ଦିଅନ୍ତୁ। ପୂର୍ବ ମାସରେ ୨୪ ରୁ ୩୦ ଘଣ୍ଟା ବିଦ୍ୟୁତ କାଟ ହୋଇଥିଲା। ଚଳିତ ମାସରେ ୨୦ ଦିନ ଭିତରେ ୩୦ ଘଣ୍ଟାରୁ ଅଧିକ ଲାଇନ କଟା ହେଲାଣି।

ସେହିପରି ବିଦ୍ୟୁତ ସେଭିଂ କଥା କହୁଛନ୍ତି ସରକାର। ବିଦ୍ୟୁତ କାଟକୁ ସମର୍ଥନ କରୁଛନ୍ତି ରାଜ୍ୟ ସରକାର। ନିୟମ ଅନୁସାରେ ବିଦ୍ୟୁତ ଉପଭୋକ୍ତା ପ୍ରକୋଷ୍ଠ ନିର୍ମାଣ ହେବା କଥା, କିନ୍ତୁ ତାହା ହୋଇନାହିଁ। ବିଦ୍ୟୁତ ଶକ୍ତିର ଅଡିଟ୍ କରିବାକୁ ଆମେ ଦାବି କରୁଛି। କିନ୍ତୁ ସରକାର ଶୁଣୁନାହାନ୍ତି।

ତେଣୁ ଆମେ ଦାବି କରୁଛି ତୁରନ୍ତ ବିଦ୍ୟୁତ ଶକ୍ତିର ଅଡିଟ ହେଉ, ନଚେତ୍ ସାରା ରାଜ୍ୟରେ ଆଗାମୀ ଦିନରେ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି କଂଗ୍ରେସ।

The post ବିଦ୍ୟୁତ କାଟ ବନ୍ଦ ନହେଲେ ଆନ୍ଦୋଳନ କରିବ କଂଗ୍ରେସ appeared first on Sanket Tv.

ବିଭାଗ ପକ୍ଷରୁ ଜାରି ହୋଇଥିବା ବିଜ୍ଞପ୍ତି ଅନୁଯାୟୀ, ପ୍ରଥମ ପର୍ଯ୍ୟାୟ ନାମଲେଖା ପରେ ଦ୍ଵିତୀୟ ପର୍ଯ୍ୟାୟ ନାମଲେଖା ପାଇଁ ଜୁଲାଇ ୨୩ ତାରିଖରେ ମେଧା ତାଲିକା ପ୍ରକାଶ ପାଇବ । ଏଥିରେ ଚୟନ ହୋଇଥିବା ଛାତ୍ରଛାତ୍ରୀମାନେ ଜୁଲାଇ ୨୪ ତାରିଖରୁ ୨୮ ତାରିଖ ମଧ୍ୟରେ ନାମଲେଖାରେ ସାମିଲ ହେବେ । ଏହା ପରେ ଜୁଲାଇ ୩୦ ତାରିଖରେ ସ୍ପଟ୍ ନାମଲେଖା ପାଇଁ ଚଏସ୍ ଲକିଂ ସୁବିଧା ଉପଲବ୍ଧ ହେବ । ଅଗଷ୍ଟ ୨ ତାରିଖ ମଧ୍ୟରେ ସ୍ପଟ୍ ନାମଲେଖା ପାଇଁ ଛାତ୍ରଛାତ୍ରୀମାନେ ଚଏସ୍ ଲକିଂ କରିପାରିବେ ।

ସ୍ପଟ୍ ନାମଲେଖା ପାଇଁ ଅଗଷ୍ଟ ୬ ତାରିଖ ଅପରାହ୍ନ ୨ଟାରେ ମେଧା ତାଲିକା ପ୍ରକାଶ ସହ ଇଣ୍ଟିମେସନ୍‌ ଲେଟର ପ୍ରଦାନ କରାଯିବ । ଚୟନ ହୋଇଥିବା ଛାତ୍ର ଛାତ୍ରୀମାନେ ଅଗଷ୍ଟ ୭ ତାରିଖ ମଧ୍ୟାହ୍ନ ୧୨ଟାରୁ ୧୨ ତାରିଖ ରାତି ୯ଟା ମଧ୍ୟରେ କଲେଜରେ ରିପୋଟିଂ କରିବେ । ଜୁଲାଇ ୨୩ରୁ ପାଠପଢ଼ା ଆରମ୍ଭ ହେବ । ଏନେଇ ବିଭାଗ ପକ୍ଷରୁ ସୂଚନା ଦିଆଯାଇଛି ।

The post ଆସନ୍ତା ୨୬ ରୁ ଯୁକ୍ତ ଦୁଇ ଏକାଦଶ ଶ୍ରେଣୀ ନାମଲେଖା appeared first on Sanket Tv.

ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ବୋଧନ କରି କହିଛନ୍ତି, “ଆଜି ସାରା ଦେଶର ହଜାର ହଜାର ଯୁବକ ଯୁବତୀଙ୍କ ପାଇଁ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଦିନ । ଆଜି ୫୧,୦୦୦ ରୁ ଅଧିକ ଯୁବକ ଯୁବତୀ ସରକାରୀ ନିଯୁକ୍ତି ପତ୍ର ପାଇଛନ୍ତି ।” ଆଜି ନିଯୁକ୍ତି ପାଇଥିବା ସମସ୍ତ ଯୁବକ ଯୁବତୀ ଦେଶର ବିକାଶ ଯାତ୍ରାରେ ଏକ ମୁଖ୍ୟ ଭୂମିକା ନିର୍ବାହ କରିବେ ବୋଲି ପ୍ରଧାନମନ୍ତ୍ରୀ କହିଛନ୍ତି ।

ରେଳବାଇ, ବ୍ୟାଙ୍କ, ପ୍ରତିରକ୍ଷା, ସ୍ବାସ୍ଥ୍ୟ, ଶିକ୍ଷା ଓ ବିଭିନ୍ନ ସ୍ତରରେ ଯୁବପିଢି ନୂତନ ଦାୟିତ୍ବ ନିର୍ବାହ କରିବେ । “ଆଗାମୀ କିଛି ବର୍ଷରେ ଆମେ ଦେଶ ନିର୍ମାଣ କ୍ଷେତ୍ରରେ ଏକ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିବା । ଏହି ସଫଳତା ପାଇଁ ମୁଁ ଆପଣଙ୍କୁ ଓ ପରିବାର ବର୍ଗଙ୍କୁ ଶୁଭେଚ୍ଛା ଜଣାଉଛି,” ବୋଲି ପ୍ରଧାନମନ୍ତ୍ରୀ କହିଛନ୍ତି ।

ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, ବିକଶିତ ଭାରତ ଗଠନ ଦିଗରେ ଭାରତୀୟ ଯୁବପିଢି ଗତି ଯୋଗାଉଛନ୍ତି । ରୋଜଗାର ମେଳା ସରକାରଙ୍କ ‘ଯୁବଶକ୍ତି’କୁ ଏକତ୍ରିତ କରିବା ସହିତ ସଶକ୍ତ କରିବା ପାଇଁ ସରକାରଙ୍କ ପ୍ରୟାସକୁ ଦର୍ଶାଉଛି । ସାରା ବିଶ୍ବ ଭାରତୀୟ ଯୁବଶକ୍ତି ଓ ପ୍ରଯୁକ୍ତିବିଦ୍ୟା ଜ୍ଞାନ କୌଶଳକୁ ଦେଖୁଛି । ସମଗ୍ର ବିଶ୍ବ ଭାରତର ବିକାଶର ଅଂଶ ହେବାକୁ ଚାହୁଛି ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି ।

ଆଜି ଦେଶର ୪୭ଟି ସ୍ଥାନରେ ରୋଜଗାର ମେଳା ଅନୁଷ୍ଠିତ ହୋଇଯାଇଛି । ଯେଉଁଥିରେ ସାରା ଭାରତରୁ ଯୁବକ ଯୁବତୀଙ୍କୁ ନିଯୁକ୍ତ କରାଯାଇଛି । ସେମାନେ ବିଭିନ୍ନ ମନ୍ତ୍ରାଳୟ ଯଥା; ରେଳବାଇ, ଗୃହ ବ୍ୟାପାର, ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ, ଏବଂ ଆର୍ଥିକ ସେବା ଏବଂ ଉଚ୍ଚଶିକ୍ଷା ବିଭାଗ ଆଦିରେ ଯୋଗ ଦେବେ ।

The post ୫୧,୦୦୦ ଯୁବକଙ୍କୁ ନିଯୁକ୍ତି ପତ୍ର ବଣ୍ଟନ ବଣ୍ଟନ କଲେ ପ୍ରଧାନମନ୍ତ୍ରୀ ମୋଦି appeared first on Sanket Tv.

ରିପୋର୍ଟ ଅନୁଯାୟୀ, ପେଟ୍ରୋଲ ଲିଟର ପିଛା ୮୨ ରୁ ୯୬ ପଇସା ମହଙ୍ଗା ହୋଇଥିବାବେଳେ, ଡିଜେଲ ଦର ଲିଟର ପିଛା ୮୬ ରୁ ୯୪ ପଇସା ପର୍ଯ୍ୟନ୍ତ ବୃଦ୍ଧି ପାଇଛି। ବିଶ୍ୱ ବଜାରରେ ଦେଖାଦେଇଥିବା ଅସ୍ଥିରତା ହିଁ ଏହି ଦରବୃଦ୍ଧିର ମୁଖ୍ୟ କାରଣ ପାଲଟିଛି। ମୁଖ୍ୟତଃ ଇରାନ ସହ ଲାଗିରହିଥିବା ଯୁଦ୍ଧ ପରିସ୍ଥିତି ଏବଂ ଆମେରିକା-ଇସ୍ରାଏଲ ବିବାଦ ଯୋଗୁଁ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ମୂଲ୍ୟ ଉପରେ ବ୍ୟାପକ ପ୍ରଭାବ ପଡ଼ିଛି। ଏହାର ସିଧାସଳଖ ପ୍ରଭାବ ଏବେ ଭାରତର ସାଧାରଣ ନାଗରିକଙ୍କ ପକେଟ ଉପରେ ପଡ଼ୁଛି।

ପେଟ୍ରୋଲ ଏବଂ ଡିଜେଲ ପରେ ଏବେ ସିଏନଜି (CNG) ମଧ୍ୟ ମହଙ୍ଗା ହୋଇଛି। ସିଏନଜି କିଲୋ ପିଛା ଏକାଥରକେ ୨ ଟଙ୍କା ବଢ଼ିଯାଇଛି। ଏହି ତେଲ ସଂକଟ ଓ ଦରବୃଦ୍ଧି ଯୋଗୁଁ ଗ୍ରାହକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ପେଟ୍ରୋଲ ପମ୍ପଗୁଡ଼ିକରେ ଲୋକଙ୍କ ଲମ୍ବା ଧାଡ଼ି ଦେଖିବାକୁ ମିଳିଥିବା ବେଳେ ଏହି ମହଙ୍ଗା ମାଡ଼ ଯାନବାହାନ ଚାଳକ ଏବଂ ପରିବହନ ବ୍ୟବସ୍ଥାକୁ ବିଶେଷ ଭାବରେ ପ୍ରଭାବିତ କରିଛି।

ପୁଣି ବଢ଼ିଲା ପେଟ୍ରୋଲ ଏବଂ ଡିଜେଲ ମୂଲ୍ୟ। ଆଜିଠାରୁ (ଶନିବାର) ପ୍ରତି ଲିଟର ପେଟ୍ରୋଲ ପିଛା ୮୭ ପଇସା ଓ ଡିଜେଲ ଲିଟର ପିଛା ୯୧ ପଇସା ପର୍ଯ୍ୟନ୍ତ ବୃଦ୍ଧି ପାଇଛି। ଯାହା ୧୦ ଦିନ ମଧ୍ୟରେ ତୃତୀୟ ଥର ପାଇଁ ମୂଲ୍ୟ ବୃଦ୍ଧି ଘଟିଛି। ମେ’ ୧୫ ତାରିଖ ଠାରୁ ଏହା ତୃତୀୟ ଥର ପାଇଁ ବୃଦ୍ଧି ହୋଇଛି। ମେ’ ୧୫ ଲିଟର ପିଛା ମୂଲ୍ୟ ୩ ଟଙ୍କା ବୃଦ୍ଧି କରାଯାଇଥିଲା। ପରେ ମେ’ ୧୯ ତାରିଖରେ ୯୦ ପଇସା ବୃଦ୍ଧି କରାଯାଇଥିଲା। ମୋଟାମୋଟି ଭାବରେ, ଲିଟର ପିଛା ମୂଲ୍ୟ ପ୍ରାୟ ୫ ଟଙ୍କା ବୃଦ୍ଧି ପାଇଛି।

ଭୁବନେଶ୍ବରରେ ପେଟ୍ରୋଲ ଲିଟର ପିଛା ୧୦୬.୧୮ ଟଙ୍କା ହୋଇଥିବା ବେଳେ ଡିଜେଲ ଲିଟର ପିଛା ୯୭.୮୦ ଟଙ୍କା ହୋଇଛି। ଦିଲ୍ଲୀରେ ପେଟ୍ରୋଲ ମୂଲ୍ୟ ୮୭ ପଇସା ବୃଦ୍ଧି ପାଇ ପ୍ରତି ଲିଟର ୯୮.୬୪ ଟଙ୍କାରୁ ୯୯.୫୧ ଟଙ୍କା ହୋଇଛି। ଡିଜେଲ ମୂଲ୍ୟରେ ୯୧ ପଇସା ବୃଦ୍ଧି ପାଇଁ ପ୍ରତି ଲିଟର ୯୧.୫୮ ଟଙ୍କାରୁ ୯୨.୪୯ ଟଙ୍କା ହୋଇଛି। କୋଲକାତାରେ ପେଟ୍ରୋଲ ଦର ପ୍ରତି ଲିଟରରେ ୯୪ ପଇସା ବୃଦ୍ଧି ପାଇ ୧୧୦.୬୪ ଟଙ୍କାରେ ପହଞ୍ଚିଛି।

ମୁମ୍ବାଇରେ ପେଟ୍ରୋଲ ମୂଲ୍ୟ ବର୍ତ୍ତମାନ ପ୍ରତି ଲିଟରରେ ୯୦ ପଇସା ବୃଦ୍ଧି ପାଇ ୧୦୮.୪୯ ଟଙ୍କାରେ ପହଞ୍ଚିଛି। ଏହି ସମୟରେ, ଚେନ୍ନାଇରେ ୮୨ ପଇସା ବୃଦ୍ଧି ପାଇ ପେଟ୍ରୋଲ ମୂଲ୍ୟ ପ୍ରତି ଲିଟର ୧୦୫.୩୧ ଟଙ୍କା ହୋଇଛି।

ଚାରୋଟି ପ୍ରମୁଖ ସହରରେ ପେଟ୍ରୋଲର ସଦ୍ୟତମ ମୂଲ୍ୟ:

• ଦିଲ୍ଲୀ: ୯୯.୫୧ ଟଙ୍କା (+୦.୮୭)
• କୋଲକାତା: ୧୧୦.୬୪ ଟଙ୍କା (+୦.୯୪)
• ମୁମ୍ବାଇ: ୧୦୮.୪୯ ଟଙ୍କା (+୦.୯୦)
• ଚେନ୍ନାଇ: ୧୦୫.୩୧ ଟଙ୍କା (+୦.୮୨)

ଚାରୋଟି ପ୍ରମୁଖ ସହରରେ ଡିଜେଲର ସଦ୍ୟତମ ମୂଲ୍ୟ:

• ଦିଲ୍ଲୀ: ୯୨.୪୯ ଟଙ୍କା (+୦.୯୧)
• କୋଲକାତା: ୯୭.୦୨ ଟଙ୍କା (+୦.୯୫)
• ମୁମ୍ବାଇ: ୯୫.୦୨ ଟଙ୍କା (+୦.୯୪)
• ଚେନ୍ନାଇ: ୯୬.୯୮ ଟଙ୍କା (+୦.୮୭)

କାହିଁକି ଇନ୍ଧନ ମୂଲ୍ୟ ବୃଦ୍ଧି କରାଯାଇଛି?

ପଶ୍ଚିମ ଏସିଆରେ ସଂଘର୍ଷ ଆରମ୍ଭ ହେବା ପରେ ବିଶ୍ୱବ୍ୟାପୀ ଶକ୍ତି ମୂଲ୍ୟରେ ତୀବ୍ର ବୃଦ୍ଧି ଏହି ବୃଦ୍ଧିର ଏକ ପ୍ରମୁଖ କାରଣ। ଇରାନ ସହିତ ଆମେରିକା-ଇସ୍ରାଏଲ ବିବାଦ ଯୋଗୁଁ ହର୍ମୁଜ୍ ପ୍ରଣାଳୀର ପ୍ରାୟ ବନ୍ଦ ଏବଂ ଗୁରୁତର ବାଧାପ୍ରାପ୍ତ ହେବା ପରେ ବିଶ୍ୱ ସ୍ତରରେ ତୈଳ ମୂଲ୍ୟ ବ୍ୟାରେଲ ପ୍ରତି ୧୨୦ ଡଲାରରୁ ଅଧିକ ବୃଦ୍ଧି ପାଇଥିଲା।

The post ୪ ଦିନରେ ଦ୍ୱିତୀୟ ଥର ପାଇଁ ବଢ଼ିଲା ପେଟ୍ରୋଲ-ଡିଜେଲ ଦର appeared first on Sanket Tv.

ଇରାନ ସୋସିଆଲ ମିଡିଆ ପ୍ଲାଟଫର୍ମ X (ପୂର୍ବରୁ ଟ୍ୱିଟର) ମାଧ୍ୟମରେ ରୁବିଓଙ୍କୁ ଟାର୍ଗେଟ୍ କରି ଏକ କଟାକ୍ଷପୂର୍ଣ୍ଣ ‘ସଭ୍ୟତା’ (Sabhyata) ସମ୍ବନ୍ଧୀୟ ମନ୍ତବ୍ୟ ଦେଇଛି। ଆମେରିକାର ବୈଦେଶିକ ମନ୍ତ୍ରୀ ଭାବରେ ମାର୍କୋ ରୁବିଓ ଏହା ତାଙ୍କର ପ୍ରଥମ ଭାରତ ଗସ୍ତ। ଭାରତ ଏବଂ ଆମେରିକା ମଧ୍ୟରେ ଦ୍ୱିପାକ୍ଷିକ ସମ୍ପର୍କରେ ମନାନ୍ତର ଦେଖାଦେଇଥିଲା। ବର୍ତ୍ତମାନ ଉଭୟ ଦେଶ ଏହି ସମ୍ପର୍କକୁ ସୁଧାରିବା ପାଇଁ ପ୍ରୟାସ କରୁଛନ୍ତି। ଆଉ ଏଥପାଇଁ ରୁବିଓଙ୍କ ଦିଲ୍ଲୀ ଗସ୍ତ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି।

ମାର୍କୋ ରୁବିଓ ଭାରତରେ ପହଞ୍ଚିବା ପରେ X ରେ ଏକ ପୋଷ୍ଟ କରି ସୂଚନା ଦେଇଥିଲେ। ଏହି ପୋଷ୍ଟକୁ ନେଇ ମୁମ୍ବାଇସ୍ଥିତ ଇରାନର କନସୁଲେଟ୍ (Iran’s Mumbai Consulate) ହିନ୍ଦୀ ଭାଷାରେ ଏକ ବ୍ୟଙ୍ଗାତ୍ମକ ମନ୍ତବ୍ୟ ଲେଖିଛି। ‘ଥୋଡା ସିଖ୍ ଲୋ ୟାର୍… ‘ସଭ୍ୟତା କା କ୍ରାଶ୍ କୋର୍ସ’ ଫ୍ରି ମେଁ ମିଲ୍ ଜାଏଗା!’ (ଟିକେ ଶିଖିଯାଅ ଭାଇ… ‘ସଭ୍ୟତାର କ୍ରାଶ୍ କୋର୍ସ’ ମାଗଣାରେ ମିଳିଯିବ ! ) ‘ସଭ୍ୟତା’ ହେଉଛି ଏକ ସଂସ୍କୃତ ଶବ୍ଦ, ଯାହାର ଅର୍ଥ ସଂସ୍କୃତି, ଶିଷ୍ଟାଚାର ବା ଇଂରାଜୀରେ ସିଭିଲାଇଜେସନ୍ (Civilisation) ବୋଲି କୁହାଯାଏ। ଆମେରିକାର ବୈଦେଶିକ ମନ୍ତ୍ରୀଙ୍କୁ କଟାକ୍ଷ କରି ଇରାନ ହିନ୍ଦୀରେ କରିଥିବା ଟ୍ଵିଟ୍ ସମସ୍ତଙ୍କୁ ଚକିତ କରିଛି।

ଇରାନ ଦୂତାବାସର ଏହି ରହସ୍ୟଜନକ ଟିପ୍ପଣୀ ପଛର ପ୍ରକୃତ ଉଦ୍ଦେଶ୍ୟ ସ୍ପଷ୍ଟ ହୋଇନଥିଲେ ସୁଦ୍ଧା, ଏହାକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପୂର୍ବ ମନ୍ତବ୍ୟ ସହ ଯୋଡ଼ାଯାଉଛି। ଚଳିତ ବର୍ଷ ଏପ୍ରିଲରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ଚେତାବନୀ ଦେଇଥିଲେ। ଯଦି ଇରାନ ଶାନ୍ତି ଚୁକ୍ତିରେ ରାଜି ନହୁଏ ଏବଂ ‘ହର୍ମୁଜ ପ୍ରଣାଳୀ’ (Strait of Hormuz) ରୁ ଅବରୋଧ ନହଟାଏ, ତେବେ ଆଜି ରାତିରେ ଏକ ସମ୍ପୂର୍ଣ୍ଣ ସଭ୍ୟତା ଶେଷ ହୋଇଯିବ ବୋଲି ଟ୍ରମ୍ପ ଧମକ ଦେଇଥିଲେ।

ବିଶେଷଜ୍ଞଙ୍କ ମତରେ, ଟ୍ରମ୍ପଙ୍କ ସେହି ‘ସଭ୍ୟତା ଧ୍ୱଂସ’ କରିବା ମନ୍ତବ୍ୟର ଜବାବ ଦେବାକୁ ଯାଇ ଇରାନ ଭାରତର ସଂସ୍କୃତି ଓ ସଭ୍ୟତାକୁ ପ୍ରଶଂସା କରିବା ସହ ଆମେରିକାକୁ ସେଠାରୁ ଶିଷ୍ଟାଚାର ଶିଖିବାକୁ କହିଛି। ବର୍ତ୍ତମାନ ସମୟରେ ମାର୍କୋ ରୁବିଓଙ୍କ ଭାରତ ଗସ୍ତ ଉପରେ ସମଗ୍ର ବିଶ୍ୱର ନଜର ରହିଛି ଏବଂ ଏହି ଗସ୍ତରେ କେଉଁ ସବୁ ପ୍ରମୁଖ ଚୁକ୍ତି ସ୍ୱାକ୍ଷରିତ ହେବ, ତାକୁ ନେଇ ଚର୍ଚ୍ଚା ଲାଗି ରହିଛି।

The post ରୁବିଓଙ୍କୁ ଇରାନର କଟାକ୍ଷ: କହିଲା ‘ସଭ୍ୟତାର କ୍ରାଶ୍ କୋର୍ସ ଭାରତରେ ମାଗଣାରେ ମିଳିଯିବ’ appeared first on Sanket Tv.