ଓଡ଼ିଶାରେ କେହି ରହିବେନି ବାସହୀନ, ଖୁବଶୀଘ୍ର ସମସ୍ତଙ୍କୁ ମିଳିବ ପିଏମ ଆବାସ
ଭୁବନେଶ୍ୱର (ସଂକେତ ଟିଭି): ଓଡ଼ିଶାରେ କେହି ବାସହୀନ ରହିବେ ନାହିଁ। ଖୁବଶୀଘ୍ର ସମସ୍ତ ବାସହୀନଙ୍କୁ ପିଏମ ଆବାସ ମିଳିବ। ସମସ୍ତ ରାଜ୍ୟରୁ ରିପୋର୍ଟ ମଗାଯାଇଛି ଏବଂ ତାଲିକା ପ୍ରସ୍ତୁତ ହେଉଛି। ସମସ୍ତ ବାସହୀନଙ୍କୁ ଆବାସ ଦିଆଯିବ ବୋଲି ଶନିବାର କେନ୍ଦ୍ର ଗ୍ରାମୀଣ ବିକାଶ ରାଷ୍ଟ୍ର ମନ୍ତ୍ରୀ କମଲେଶ ପାସୱାନ କହିଛନ୍ତି।
ସେ କହିଛନ୍ତି ଯେ ଲାଲକିଲ୍ଲାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ କହିଛନ୍ତି ଯେ ଦେଶର କୌଣସି ବ୍ୟକ୍ତି ବିନା ଘର କିମ୍ବା ଶୌଚାଳୟରେ ରହିବେ ନାହିଁ। ଏହା ପରେ ଗ୍ରାମୀଣ ବିକାଶ ବିଭାଗ ସମଗ୍ର ଦେଶରେ ସର୍ଭେ କାମ ଆରମ୍ଭ କରିଛି। ଆମେ ଦେଶର ସମସ୍ତ ରାଜ୍ୟରୁ ରିପୋର୍ଟ ମାଗୁଛୁ। ଏକ ତାଲିକା ପ୍ରସ୍ତୁତ ହେଉଛି। ଯେଉଁ ଲୋକମାନଙ୍କର ଆବାସ ନାହିଁ, ଓଡ଼ିଶା, ଆନ୍ଧ୍ର ପ୍ରଦେଶ, ଉତ୍ତର ପ୍ରଦେଶ, ବିହାର, ପଞ୍ଜାବ ଭଳି ରାଜ୍ୟଗୁଡ଼ିକରେ ସର୍ଭେ ଆଧାରରେ ବାସହୀନଙ୍କୁ ପିଏମ ଆବାସ ଦିଆଯିବ। ଓଡ଼ିଶାରେ ମଧ୍ୟ ଖୁବଶୀଘ୍ର ସମସ୍ତ ବାସହୀନଙ୍କୁ ଆବାସ ଦିଆଯିବ।
ବିରୋଧୀ ଆବାସକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିବା ପ୍ରସଙ୍ଗରେ ମନ୍ତ୍ରୀ କହିଛନ୍ତି ଯେ ଆରୋପ ଲଗାଇବା ସହଜ। ଯେଉଁମାନେ ଆରୋପ ଲଗାଉଛନ୍ତି, ସେମାନେ କେତେ ବର୍ଷ ଓଡ଼ିଶାରେ ଶାସନ କରିଛନ୍ତି। ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଖୁବଶୀଘ୍ର ଆବାସ ଏବଂ ଗ୍ରାମୀଣ ସଡ଼କ କରାଯିବ ବୋଲି କେନ୍ଦ୍ର ମନ୍ତ୍ରୀ କହିଛନ୍ତି।
